Tratase dun espectáculo para público familiar e escolares de 6 a 12 anos que terá lugar o mércores 22, a partir das 18,30 horas. No Centro Cultural Municipal, con entrada libre e de balde ata completar aforo.
Esta sesión de Contacontos, patrocinada pola Deputación Provincial de Pontevedra, estará protagonizada por Xoán Curiel e Charo Pita. Baséase nun compendio de contos e cancións para render homenaxe a Antón Fraguas, escritor ó que se adicou este ano O Día das Letras Galegas.
O mércores 22 arranca a decisosexta edición do Festival de Cans. Aínda que a programación comeza dende primera hora da mañán, os actos máis sobranceiros terán lugar de tarde co “Día dos Veciños” que se desenrolará a partir das 21 horas no Torreiro.
Entre diferentes actos, destacamos a presentación do libro “A grande epopea do pianista de Cans”, obra de Xosé Antonio Perozo, cuia edición subvencionou o Concello de Porriño. Unha parte da edición repartiráse próximamente entre o alumnado dos centros de ensino secundario da cidade e tamén entre a veciñanza de Cans.
Previamente terá lugar a Homenaxe ó Can de Pedra e descuberta do traxe deste ano coa música das Pandereteiras de Cans e a colocación do Chimpín de Prata a Paz Acuña e Rafa Gónzalez.
Este ano haberá 15 curtametraxes a concurso na sección oficial e de xeito paralelo unha intensísima actividade de mesas redondas e coloquios. Entre eles, de xeito sobranceiro, co director Rodrigo Sorogoyen e os organizados pola Fundación AISGE. Entre os actores e actrices que pasarán pola parroquia porriñesa citar a Leonor Waitling, Isabel Blanco, Miguel de Lira, Mariana Carballal, Raquel Espada e Carlos Blanco que recibirá o Premio “Pedrigree” en recoñecemento a súa traxectoria.
Suliñar asimesmo as actuacións musicais entre as que destacan “Marlango” (venres 24 ás 20.30 h.) e o Gran Wyoming e o seu grupo “Los Insolventes” que tocarán no concerto de peche, na medianoite do sábado 25.
O Concello de Porriño mantén a súa achega de 20.000 euros ó Festival de Cans, renovada de xeito recente mediante convenio coa asociación cultural “Arela”, organizadora do evento. A aportación municipal que fora incrementada no 2018 polo goberno municipal que preside Eva García, supón reeditar a maior achega económica do Concello ó longo da historia do Festival de Cans.
O apoio do Concello non se reduce a esa subvención senón que ademáis é loxística xa que diversas concellerías cooperan para resolver cuestións de Seguridade, tráfico, Limpeza, Vías e Obras vencelladas ó desenrolo do festival.
O Servizo de Prevención de Drogodependencias do Concello de Porriño informa que ó longo deste ano ten levadas a cabo “numerosas iniciativas destinadas a previr o acceso ó mundo das drogas entre distintos sectores da poboación”, segundo o balanzo que fixo público a Concellería de Servizos Sociais.
As accións do SPD desenroláronse en Porriño e tamén en Salceda de Caselas, mediante unha actuación coordinada que contou con subvención da Xunta de Galicia. Despegáronse en diversos ámbitos. Un deles, prioritario, é o alumnado dos centros educativos dos dous concellos. En diferentes sesión traballáronse hábitos saudables e habilidades sociais durante a adolescencia, co alumnado de Ensino Secundario.
Outro eido do traballo do Servizo de Prevención de Drogodependencias foi o alumnado máis pequeno, en Educación Primaria, ó que se achegaron a través de “Cinensino”, unha serie de películas cuio visionado completouse con unidades didácticas.
Outras actividades preventivas desenroladas polo SPD foron andainas saudables en familia, Foro Teatro e clases de iniciación ó surf impartidas en colaboración coa Escola Prado na Praia de Patos en Nigrán.
Os concelleiros do goberno municipal, Lourdes Moure e Orlando Márquez asistiron esta tarde á presentación dos traballos audiovisuais do programa “Corto e Cambio” que se puideron ver en estrea no Centro Cultural Municipal. Estas 10 pezas audiovisuais elaboradas por alumnos porriñeses estarán en breve dispoñibles tamén na web municipal e nas redes sociais e forman parte do curso preventivo promovido pola OMIX do Concello de Porriño.
“Corto e Cambio” é un programa de prevención do consumo de tabaco, alcol e drogas entre adolescentes, no que participaron uns 120 mozos e mozas. Os participantes elaboraron eses audiovisuais para sensibilizar sobre esta problemática ao resto de compañeiros e a cidadanía en xeral.
As pezas audiovisuais, entre curtas de ficción, documentais e spots foron pensados, dirixidos, protagonizados e gravados por alumnos e alumnas dos IES Pino Manso e Ribeira do Louro en moitos casos cos seus propios teléfonos móbiles.
O programa “Corto e cambio” organizado pola Oficina Municipal de Información Xuvenil do Concello do Porriño pretende sensibilizar sobre as consecuencias físicas, psíquicas e sociais derivadas do consumo deste tipo de sustancias.Así durante varias semanas os alumnos/as participantes contaron co apoio dunha psicóloga para traballar os contidos mais teóricos e dun titulado en comunicación audiovisual para apoiar na parte técnica de todo o que rodea a elaboración das pezas audiovisuais.
Segundo informou Noelia de la Fuente, responsable da OMIX, “o traballo baseouse na utilización doutros recursos audiovisuais realizados por mozos e mozas de idades similares as súas, de xeito que lles fose máis doado empatizar e implicarse na elaboración de novas pezas audiovisuais que axudasen aos seus compañeiros/as a identificar os riscos físicos e psíquicos para a saúde derivados do consumo deste tipo de sustancias, a analizar a presión grupal como factor favorecedor do inicio no consumo, a desmontar tópicos e mitos existentes respecto ao consumo e adquirir coñecementos e pautas de actuación para a redución de riscos”.
A Subdelegación do Goberno ordenou que as Forzas de Seguridade dean protección policial a Eva García de la Torre, alcaldesa de O Porriño despois da morte por acoitelamento dun dos seus cans. Aconteceu o pasado domingo, mentres Eva García atopábase en actos de campaña electoral. O autor ou autores entraron na súa vivenda particular e mataron a coiteladas unha cadela. O feito tivo lugar horas despois de que a alcaldesa de Porriño tivera varias comparecencias en medios de comunicación nas que expresou o seu apoio e solidariedade ós xitanos zamoranos logo dos sucesos de Torneiros.
A alcaldesa de Porriño fixo hoxe unha declaración para os medios informativos na que sinalou que “se alguén pretende amedrentarme para non cumpra coas miñas obrigas e responsabilidades, equivocase. Non vou dar un paso atrás. Se hai un clan mafioso que pretenda facerme unha advertencia para que non chame ás cousas polo seu nome, trabúcanse. A miña obriga como alcaldesa de Porriño é defender a todos e cada un dos veciños con independencia da súa etnia, relixión, orixe e condición”. Eva García rematou a súa declaración instando á veciñanza de Porriño a “confiar na investigación policial que esclareza estes feitos e que estea tranquila porque vivimos nun pobo traballador, alegre e tranquilo”.
Esta tarde, a partir das 19 horas, comezará no Círculo Recreativo Cultural, o concerto Festival Letras Galegas da Escola Municipal de Música do Porriño. Entrada libre e de balde ata completar aforo. Promovido polo Concello de Porriño coa colaboración da Deputación Provincial.
“Corto e Cambio” é un programa de prevención do consumo de tabaco, alcol e drogas entre adolescentes, no que participaron uns 120 mozos e mozas promovido polo Concello de Porriño e organizado pola OMIX. Os mozos e mozas elaboraron distintas pezas audiovisuais para sensibilizar sobre esta problemática ao resto de compañeiros e a cidadanía en xeral.
En total presentaranse 10 pezas audiovisuais, entre curtas de ficción, documentais e spots pensados, dirixidos, protagonizados e gravados por alumnos e alumnas dos IES Pino Manso e Ribeira do Louro en moitos casos cos seus propios teléfonos móbiles.
Esta actividade forma parte do programa “Corto e cambio” organizado pola Oficina Municipal de Información Xuvenil do Concello do Porriño que ten solicitada unha subvención a Xunta de Galicia, e pretende sensibilizar sobre as consecuencias físicas, psíquicas e sociais derivadas do consumo deste tipo de sustancias.
Así durante varias semanas os alumnos/as participantes contaron co apoio dunha psicóloga para traballar os contidos mais teóricos e dun titulado en comunicación audiovisual para apoiar na parte técnica de todo o que rodea a elaboración das pezas audiovisuais.
Segundo informa Noelia de la Fuente, responsable da OMIX, “o traballo baseouse na utilización doutros recursos audiovisuais realizados por mozos e mozas de idades similares as súas, de xeito que lles fose máis doado empatizar e implicarse na elaboración de novas pezas audiovisuais que axudasen aos seus compañeiros/as a identificar os riscos físicos e psíquicos para a saúde derivados do consumo deste tipo de sustancias, a analizar a presión grupal como factor favorecedor do inicio no consumo, a desmontar tópicos e mitos existentes respecto ao consumo e adquirir coñecementos e pautas de actuación para a redución de riscos”.
O resultado destes traballos audiovisuais poderá verse en estrea este martes pola tarde ás 16:15 horas no Centro Cultural Municipal e estará dispoñible tamén na web municipal e nas redes sociais a partir desta data.
Porriño volve a reivindicarse como “a capital galega do pan” co gallo da IV Feira do Pan do Porriño que terá lugar os vindeiros días 1 e 2 de xuño. O certame presentouse hoxe no Concello coa presencia de Eva García, alcaldesa da cidade; Juana Pérez, presidenta da asociación empresarial “Acipor” e os representantes do sector panadeiro local, encabezados por José Manuel Fernández.
Segundo as explicacións de Juana Pérez haberá 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas aínda que o pregón inaugural será a mediodía a cargo de Carlos Alvarez. Ese mesmo día, a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor.
Habilitarase tanto o sábado como o domingo unha carpa na Feira para que o público que o desexe poida xantar alí.
De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.
O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.
José Manuel Fernández, no nome dos panadeiros locais destacou a importancia da Feira para eles e lembrou que “segue en tramitación e gardemos que non demore moito máis o rexistro da marca ‘Pan de Porriño’ que estamos a xestionar ante a Xunta de Galicia”, manifestou.
Rematou a presentación a alcaldesa Eva García que alabou a importancia deste certame para reivindicar “unha das nosas señas de identidade que ven dende o século XVII, razón pola que desde hai catro anos este goberno municipal que presido colabora en impulsar esta Feira do Pan como forma de rescatar esa marca”.
A Alcaldesa de Porriño, os concelleiros do goberno municipal e os voceiros dos grupos políticos da Corporación Local encabezaron a concentración de repudia polos sucesos de Torneiros e para mostrar o apoio de Concello de Porriño ás familias de xitanos zamoranos. Representantes das familias de xitanos zamoranos, entre eles, familiares directos dos feridos, tamén acudiron e participaron na concentración.
“Queremos mostrar o noso máis firme rexeitamento a calquera tipo de violencia, queremos subliñar que non se trata de liortas entre xitanos senón que foi un atentado contra a convivencia pacífica e que non se pode aceptar que se pretenda aplicar unha ‘lei’ non escrita, senón que estamos nun Estado de Dereito con leis iguais para todos”, dixo a alcaldesa.
Eva García cos voceiros dos grupos municipais ó seu carón, enagadiu que “os zamoranos son os nosos veciños, viven e traballan en paz coas súas familias en Porriño dende hai moitos anos, de tal xeito que non podemos permitir que algún queira alterar esa convivencia pacífica, concluíu.
A continuación gardouse un minuto de silencio en sinal de rexeitamento polos feitos acaecidos en Torneiros.
No nome das familias de xitanos zamoranos asentados en Porriño e tamén no nome do pai da rapaza que aínda permanece hospitalizada por ferida de bala, falou Luís León. Comezou dando as grazas á alcaldesa e os grupos municipais da Corporación pola súa solidariedade. Dixo que “no nome de Angel, o pai da nena ferida, quero trasladar que a rapaza atópase estable” e trasladou o agradecemento de “todas as familias de os zamoranos que levamos moitísimos anos vivindo e traballando en Porriño onde todo o mundo coñécenos e non somos ningún clan “, matizou o voceiro.
Tamén falou brevemente o pai do rapaz que tamén fora ferido de bala nun brazo e que xa se atopa no seu domicilio “convalecente con moito malestar e dor pero felizmente fora de perigo”, segundo manifestou.
Eva García, alcaldesa de O Porriño manifestou a súa ”máis enérxica repulsa polos graves sucesos ocurridos onte á noite en Torneiros” e abogou polo “rápido esclarecemento dos mesmos”.
A alcaldesa indicou que agarda que “a investigación policial acade canto antes a detención e posta a disposición xudicial do autor ou autores dos disparos contra as familias de xitanos zamoranos que asistían no Multicentro de Torneiros a unha pedida de mán”. Asimesmo a alcaldesa de Porriño fixo votos “pola recuperación das dúas personas feridas por disparos”
Por outra banda Eva García contactou hoxe cos voceiros dos restantes grupos municipais da corporación local de Porriño e consensuou con eles celebrar mañán luns, a mediodía, unha concentración de repulsa por estes feitos. Tera lugar na praza Arquitecto Antonio Palacios, diante do Concello e a alcaldesa invita a todos os vecinos de Porriño que o desexen a sumarse a esta mostra de repudia contra a violencia.