Sen categoría

O Porriño, 6 de outubro de 2026. O Concello do Porriño pon a disposición da veciñanza os medios para achegar as alegación á  alternativa elexida da nova liña eléctrica de alta tensión a 220 kV “Atios-Pazos de Borbén”, promovida por Red Eléctrica de España. Un trazado que discurre case na  súa totalidade por monte comunal e parcelas rústicas entre Cans e Santa María do Porriño, no entorno da Risca. 

Esta medida ten como obxectivo facilitar que os particulares e colectivos do municipio poidan formalizar o seu rexeitamento ao trazado aéreo proxectado. O modelo de alegacións está dispoñible en formato descargable aquí:

Para resolver calquera dúbida sobre a cumprimentación ou presentación do documento, o Concello organizará unha xuntanza informativa o vindeiro mércores 14 de outubro na Asociación de Veciños de Cans. Na xuntanza participarán técnicos municipais para prestar asesoramento directo á veciñanza. O prazo para a presentación de alegacións permanecerá aberto ata o 20 de outubro.

Este mércores presentouse no campo de fútbol Lourambal a nova Escola Celta Integra Zelnova de Aceesca, unha iniciativa orientada a promover a inclusión social, a saúde e a autonomía persoal das persoas con discapacidade intelectual a través do fútbol. O acto comezou cunha sesión de adestramento das persoas participantes, seguida da presentación institucional da nova escola.

Esta iniciativa xorde do acordo de colaboración entre a Fundación Celta e a Asociación Empresarial da Discapacidade IN-RED, entidade da que Aceesca forma parte. Ademais, o proxecto encádrase dentro da programación conmemorativa con motivo do 10º aniversario do programa Celta Integra.

Unha nova aposta polo fútbol inclusivo

A Escola Celta Integra Zelnova contará coa participación de 18 persoas de Aceesca, con idades comprendidas entre os 15 e os 53 anos. Ao longo do ciclo 2026-2027, as persoas participantes realizarán unha sesión de adestramento semanal no Campo Municipal do Lourambal, dirixida de forma integral polo equipo de técnicos deportivos da Fundación Celta de Vigo.

A experiencia supón tamén unha oportunidade para gozar do deporte e reforzar as relacións dentro do grupo. “Gústame moito, pásoo moi ben e axúdame a relacionarme cos meus compañeiros”, explica Laura Ferreira, participante da Escola Celta Integra Zelnova.

A iniciativa pretende xerar espazos de participación a través do deporte e contribuír a eliminar barreiras e transformar a percepción social da discapacidade, poñendo en valor as capacidades e o dereito de todas as persoas a participar activamente no seu contorno.

Presentación da nova escola no Porriño

Tralo adestramento tivo lugar o acto de presentación, que contou coas intervencións de representantes da Fundación Celta, IN-RED, Zelnova Zeltia e o Concello do Porriño.

Durante a súa intervención, o alcalde do Porriño, Alejandro Lorenzo, puxo en valor a chegada do proxecto ao municipio e a traxectoria de ACEESCA: “É un orgullo ver como un proxecto tan sólido como o do Celta Integra Zelnova crece aquí, a través dunha asociación como Aceesca, que leva máis de 40 anos demostrando que esa integración é posible”.

Este modelo de colaboración impulsado no marco da alianza con IN-RED esténdese tamén á comarca do Val Miñor coa posta en marcha dunha escola similar no Centro Juan María de Nigrán.

• O Alcalde, Alejandro Lorenzo, presenta alegacións formais contra o proxecto da liña a 220 kV ao seu paso polo municipio, que contempla case dous quilómetros aéreos mentres que en Mos e Vigo estará soterrada e anuncia que tamén se presentarán alegacións dende o Consorcio de Augas do Louro
• O goberno local alerta do impacto sobre o xa degradado acuífero Aluvial do Louro e sobre 17 captacións de auga potable, unha delas situada en plena zona de obras.

O Concello do Porriño amosou o seu rexeitamento frontal ao trazado aéreo da nova liña eléctrica de alta tensión a 220 kV “Atios-Pazos de Borbén”, promovida por Red Eléctrica de España  O alcalde, Alejandro Lorenzo, en representación da administración local, presentou un completo escrito de alegacións ante o Departamento Territorial de Pontevedra da Consellería de Economía e Industria no que solicita a paralización da autorización previa e esixe o soterramento integral do tramo de 1,89 quilómetros que discorre polo termo municipal.

Segundo recolle o documento municipal, a solución técnica actual resulta discriminatoria e incoherente xa que contempla que a totalidade da liña ao seu paso polo Porriño (entre os apoios T-50 Bis e T-7N) discorra por vía aérea afectando a parcelas de Santa María do Porriño e Cans, mentres que nos municipios veciños de Mos e Vigo o proxecto ten preto de 13 quilómetros de tramos soterrados.

Risco grave para a auga potable e o acuífero

O principal argumento técnico e ambiental esgrimido polo Concello fundamentase no impacto sobre os recursos hídricos da zona.  Así  o trazado aéreo proxectado afecta directamente a un total de 17 captacións de auga subterránea para abastecemento humano nun radio de 100 metros arredor das torres de alta tensión. O caso máis grave dáse na captación denominada Carreira 2, que se atopa fisicamente dentro da propia zona de ocupación temporal e de obras do vano entre os apoios T-50 Bis e T-1N.

Dende a Casa do Concello denúnciase que a promotora seleccionou a “Alternativa 1”, recoñecida no propio estudo como a peor opción en termos hidrolóxicos e de impacto en captacións, sen realizar unha análise hidroxeolóxica específica nin xustificar tecnicamente a ausencia de perigo para o abastecemento veciñais.

Por este mesmo motivo, Lorenzo, que é tamén Presidente do Consorcio de Augas do Louro, adiantou que dende esta entidad preesntaranse tamén alegacións.

Amparo legal na xurisprudencia europea

O escrito de alegacións fai valer a doutrina do Tribunal de Xustiza da Unión Europea (TJUE), que obriga ás administracións a denegar calquera autorizacion previa cando exista risco de deterioro ou se poña en perigo a recuperación dunha masa de auga xa degradada, aplicando estritamente o principio de precaución.

Així mesmo, a administración local lembra que a xurisprudencia do Tribunal Supremo e dos Tribunais Superiores de Xustiza avala a nulidade de procedementos ambientais cando se omite un estudo real e comparativo de alternativas viables como o soterramento, ou cando se pretende diferir a avaliación do impacto hídrico a fases posteriores á aprobación do proxecto.

Apoio  ás comunidades de montes e veciños

O rexedor porriñés quixo manifestar tamén o apoio institucional expreso do Concello ás reivindicacións e alegacións que poidan presentar pola súa conta os propietarios particulares e entidades colectivas afectadas, entre as que se atópanse a Comunidade de Montes de Cans-Porriño, os Montes Veciñais de Santa María-Porriño ou a  Comunidade de Augas de Cans.

“Este Concello ten constancia da inquietude manifestada polos propietarios particulares e polas entidades representativas de intereses colectivos antes citadas. Na medida en que, como se acredita ao longo do presente escrito, tal inquietude resulta plenamente xustificada en motivos técnicos e xurídicos de peso, este Concello manifesta o seu apoio institucional expreso ás reivindicacións que aqueles veñan a formular en relación con este proxecto, comprometéndose a manter, durante o tempo que reste do período de información pública, unha canle de comunicación e colaboración activa cos propietarios, veciños e entidades afectadas, co obxecto de contribuír, na medida das súas competencias, a que as alegacións que estes formulen resulten o máis completas e fundamentadas posible.

O Concello comprométese a manter unha canle de colaboración directa cos veciños e advirte de que se reserva o exercicio de cantas accións e recursos administrativos e xudiciais sexan precisos en defensa do territorio e da calidade de vida dos veciños do Porriño.