Patrimonio Municipal

O Porriño
Novas
Patrimonio Municipal

O Porriño celebra a tradicional “Festa dos Cachos” este domingo 10 de maio

O Porriño, 7 de maio de 2026. – A vila do Porriño prepárase para recibir unha das citas gastronómicas máis senlleiras do calendario primaveral: a Festa dos Cachos 2026, que é en realidad a festa do centolo que se comerá este domingo a un prezo de sete uros na tradicional “carpa dos cachos”. Organizada pola Asociación de Veciños de San Benito e San Sebastián, en colaboración co Concello do Porriño e a Deputación de Pontevedra, esta xornada promete converter a localidade no epicentro do sabor mariñeiro.

O evento terá lugar este domingo, 10 de maio, ofrecendo aos asistentes a oportunidade de degustar este prezado marisco (centola) en diferentes modalidades e prezos populares.

Programación e Degustación

A xornada estará dividida en dous espazos principais para garantir que ninguén quede sen a súa ración:

A partir das 12:00 h, na Carpa: Abrirá a “Carpa dos Cachos” con venda directa ao público. A oferta gastronómica completarase coa presenza dunha pulpeira e unha rosquilleira, todo isto amenizado por animación de rúa para crear un ambiente festivo e familiar. Haberá tamén empanada. O prezo da degustación dos cachos na carpa será de 7 €.

A partir das 13:00 h, nos Restaurantes: A festa trasládase tamén á hostalería local. Os establecementos participantes, “Pinzas” (Rúa Leandro Diz) e “O Xantar de Pepa” (Rúa Pío XII), ofrecerán o servizo de cachos cun prezo de 8 €.

Un impulso á cultura e á tradición local

A historia desta festa vén de lonxe, remóntase á resistencia porriñesa para evitar a entrada dos franceses na vila. Para conmemorar aquel momento histórico levantouse un cruceiro no Porriño e, ao redor del, foi crecendo un barrio que se converteu nun dos máis emblemáticos da vila.

Honrando ao Cristo dos Aflixidos comezou a celebración dunha festa en maio e aos elementos relixiosos fóronse sumando outras actividades de lecer, entre elas, a parte gastronómica coas centolas como protagonistas; un marisco que aquí chamamos “cachos” como se coñece desde entón ao barrio.

08/05/2026 in Cultura e festas, Parroquias, Patrimonio Municipal, Turismo

O Porriño rinde homenaxe a Antonio Palacios cun certame de talla en pedra

Escultura e pintura ao aire libre daranse a man en xuño para poñer en valor o patrimonio, a creatividade e o legado do arquitecto porriñés

O Porriño, 5 de maio de 2026. – O Porriño reforza a súa aposta pola cultura e a identidade local coa posta en marcha de dous eventos artísticos que converterán a vila nun referente creativo durante o mes de xuño de 2026. Trátase do I Certame de Talla en Pedra “Antonio Palacios escríbese en pedra” e da terceira edición do concurso de pintura rápida “Pintando a Palacios”, dúas iniciativas que renderán homenaxe ao legado do arquitecto Antonio Palacios.

O primeiro destes eventos, centrado na escultura, celebrarase os días 6 e 7 de xuño. Impulsado polo Concello en colaboración co IES Ribeira do Louro, o certame nace coa vontade de reivindicar a pedra como elemento esencial da identidade cultural e construtiva galega, así como de poñer en valor os oficios tradicionais vinculados á cantería.

Un total de 15 participantes, profesionais e afeccionados maiores de idade, serán seleccionados para crear ao vivo unha obra en pedra natural inspirada na vida e obra do recoñecido arquitecto porriñés. As pezas partirán dun bloque de granito en bruto facilitado pola organización e deberán ser transformadas ao longo de dúas xornadas intensivas.

Precisamente, este proceso converterase nun dos grandes atractivos do certame, xa que o público poderá asistir en directo a un espectáculo pouco habitual: a evolución dunha escultura desde un bloque de pedra espido ata unha obra artística rematada, observando cada fase do traballo dos canteiros e escultores.

O xurado valorará aspectos como a calidade técnica, a creatividade ou a adecuación á temática. O certame repartirá premios que ascenden ata os 1.500 euros para o primeiro clasificado, ademais doutras distincións e unha mención especial do público.

Paralelamente, o día 13 de xuño terá lugar o III Concurso de Pintura Rápida “Pintando a Palacios”, unha cita xa consolidada que converterá o casco urbano nun auténtico museo ao aire libre. Artistas de todas as idades poderán participar nunha xornada na que deberán captar a esencia arquitectónica e patrimonial da vila.

O certame de pintura contará con catro categorías —adultos, mocidade, alevín e infantil— e premios tanto económicos como en material artístico, co obxectivo de fomentar a creatividade desde idades temperás. Na categoría absoluta, os galardóns alcanzan tamén os 1.500 euros.

O alcalde, Alejandro Lorenzo, puxo en valor a relevancia destas iniciativas e a figura de Antonio Palacios, destacando que “é unha das grandes figuras que marcaron a identidade do noso concello e merece ser lembrado e recoñecido como corresponde”. Neste sentido, subliñou que “con estes dous certames imos renderlle homenaxe poñendo en valor dúas das súas grandes paixóns: a arquitectura ligada á pedra e a expresión artística, facendo que a súa pegada siga viva nas rúas do Porriño”. O facía nas instalacións de Godoy Maceira, xunto a Rubén, un dos alumnos do IES Ribeira do Louro que explicou “as marabillas que se poden facer coa pedra”.

Con estas propostas, o Concello reafirma o seu compromiso coa dinamización cultural, apostando pola arte como ferramenta para fortalecer a identidade local e impulsar o talento tanto emerxente como consolidado.

06/05/2026 in Cultura e festas, Patrimonio Municipal

I Certame Talla En Pedra: Antonio Palacios escríbese en pedra

O Concello do Porriño convoca o seu I Certame Talla en Pedra: ANTONIO PALACIOS ESCRÍBESE EN PEDRA en colaboración co IES Ribeira do Louro, a través do ciclo de grao medio de Pedra Natural, coa vontade de reivindicar a pedra como material esencial da nosa identidade construtiva e cultural, promover a creación artística en pedra natural, facer un recoñecemento aos oficios tradicionais e poñer en valor o legado arquitectónico, cultural e simbólico de Antonio Palacios, figura clave na identidade do Porriño, este certame terá lugar os días 6 e 7 de xuño de 2026 no Porriño.

Podes consultar as bases premendo na ligazón a continuación: BASES I CERTAME TALLA EN PEDRA

01/05/2026 in Cultura e festas, Patrimonio Municipal

O Concello do Porriño saca a licitación as obras de renovación dos tres parques infantís de Torneiros

O investimento ascende a 999,99 euros
As obras deberán estar rematadas, segundo o prego de condicións, antes do 30 de xuño

O Porriño, 30 de abril de 2026. O Concello do Porriño saca a licitación as obras dos novos parques infantís e equipamentos deportivos en Torneiros cun orzamento de 124.999,99 con IVA.

Estes traballos de mellora afectan e cambiarán a fisonomía das áreas de recreo das Fases I,II e III desta zona residencial.

Na Fase I, cun orzamento de 13.829,48 €, instalarase un novo balanceador de madeira laminada e aceiro, realizarase unha limpeza do multixogo xa existente e instalaranse novos asentos nos columpios (incluíndo un para bebés) ademais dun valado de madeira de 66 metros de lonxitude. Prepararase unha base de zahorra e céspede artificial en 175 m2, xunto coa restauración e renovación dos columpios e xogos infantís.

A zona de maior intervención, cun orzamento de 70.234,82 €, é a fase II que inclúe a creación dunha zona nova de xogo de 11×16,5 m con pavimento de céspede artificial, a instalación dun novo multixogo e unha mesa de xogos con bancos. Ademais, proxéctase un estanque ornamental accesible de 38 m2 con iluminación LED subacuática un banco corrido de granito do Porriño.

O granito do Porriño en bancadas e xardineiras complementa un novo espazo verde dando identidade e e harmonía cromática ao conxunto. Ademais en todo o contorno do parque renovarase a xardinería con especies arbustivas e tapizantes adaptadas ao clima atlántico, mediante unha composición de baixo mantemento formada por arbusto estrutural e especies tapizantes para xerar un espazo verde, confortable e harmonioso, integrado co entorno.

Na Fase III instalarase unha casiña infantil que de seguro fará as delicias da cativada.

O alcalde, Alejandro Lorenzo, destacou que esta actuación “non é só unha reforma estética, senón unha aposta decidida pola calidade de vida e a seguridade das familias de Torneiros”. O rexedor subliñou o valor de utilizar materiais da terra, como o granito Rosa Porriño, para embelecer os espazos públicos

As obras estarán rematadas antes do 30 de xuño, xa que están financiadas pola Unión Europea a través dos fondos NextGenerationEU, dentro do Plan Recuperación, Transformación e Resiliencia, e conta coa colaboración da Xunta de Galicia.

30/04/2026 in Benestar, Parques e xardíns, Parroquias, Patrimonio Municipal, Urbanismo, comercio e industria, Vías e obras

O Porriño da o pistoletazo de saída á humanización da rúa Antonio Palacios na procura dunha mobilidade máis sostible

O Porriño, sábado 11 de abril de 2026. O Concello do Porriño dá o pistoletazo de saída ás obras de humanización da rúa Antonio Palacios, entre o parque do Alcalde Ordóñez e practicamente o acceso a Cans, no límite coa antiga estrada de Ponteareas. Son 1.625 metros nos que se integrará un carril bici, entre outras actuacións. Isto supoñerá un cambio determinante da futura mobilidade do centro de Porriño, fomentando a mobilidade peonil e en bicicleta nunha contorna na cal concéntranse diferentes centros educativos e deportivos, favorecendo a seguridade viaria cunha mobilidade sostible , promovendo un uso do espazo que fomenta a interacción social e ou benestar dá veciñanza.

Tamén con esta finalizade, o alcalde do municipio, Alejandro Lorenzo, ven de anunciar a implantación dunha zona de carga de bicicletas eléctricas no aparcadoiro público de Avenida de Galicia, destinado a potenciar tamén este medio de transporte no municipio entre a cidadanía e as persoas que nos visitan. “Ámbolos proxectos son un paso decisiva cara a un futuro máis sostible, moderno e pensado para as persoas, avanzando xuntos cara a un concello máis limpo, máis conectado, pensando para ser mellor lugar para vivir”, asegura. De feito estanse a redactar os pregos, explica o rexedor, para o parking público “imos modificar os prezos, a reducilos e adaptalos ás necesidades que ten a nosa cidadanía, o noso comercio, a nosa hostelería, ademais de dotalo de outros servizos como esa zona específica para bicicletas eléctricas”.

Seguridade viaria e centros educativos

Sobre o proxecto da rúa Antonio Palacios, explica o rexedor que neste ámbito localízanse unha serie de centros educativos e equipamentos deportivos, tales ou IES Pino Manso, CEIP Xosé Fernández López, ou Colexio Irmáns Quiroga Rodríguez SL, ademais do Pavillón e a Piscina Municipais do Porriño, puntos de desprazamento orientados á poboación infantil e xuvenil do municipio. “Por iso este carril bici é o primeiro en proxectarse para mellorar a seguridade viaria nunha zona tan poboada de menores, pero a este seguirano outos tramos, “será un carril bici que una o centro coas parroquias, conectando vidas, espazos e oportunidades”.

E é que a obra, que conseguiu fondos REACPON da Deputación de Pontevedra, supón unha inversión de 1.066.887,26 millóns de euros para a mobilidade peonil e en bicicleta nunha contorna na cal concéntranse diferentes centros educativos e deportivos, favorecendo a seguridade viaria cunha mobilidade sostible. “Loitamos estes fondos, e agora é posible acometer este proxecto que propiciará un antes e un despois na mobilidade do municipio”, lembra o alcalde.

En materia de seguridade viaria, prevese tamén a construción dunha rotonda de acceso no Instituto de Educación Secundaria Pino Manso.

A actuación abarca un total de 1.600 metros de viais municipais cun ancho medio de 11,50 metros, polo que a superficie de actuación abarcará o 22.960 m². A partida para cofinanciar o proxecto aprobarase de xeito inmediato nun pleno municipal. Agárdase licitar nun prazo de dous meses. E nun futuro prevese que este carril prolongue o seu percorrido pola rúa Fernández Areal e Domingo Bueno.

Carril ciclista
O carril ciclista será do tipo que define a Xunta na instrución de sendas peonís-ciclistas e na Guía de Recomendacións para o deseño de infraestrutura ciclista do Ministerio de Transportes e Movilidad Sustentable.

A transformación dos usos busca provocar un notable aumento da mobilidade ciclista en desprazamentos cotiáns, a mellora da calidade do aire e o medio ambiente, os aspectos socioeconómicos ou a calidade de vida urbana, así como a accesibilidade universal e non discriminación. Incluíndo melloras respecto á conectividade coa estación ferroviaria de Porriño, os aparcamentos disuasorios e os mais importantes centros xeradores de mobilidade cotián.

Máis verde
A intervención contempla a reforma integral do viario, incluíndo un novo asfaltado e sinalización horizontal, a instalación de sinalización vertical, o soterramento da liña de iluminación, a colocación de puntos de luz e novas columnas led. Tamén, a reforma de sumidoiros e reposición da rede de abastecemento e a plantación de árbores para mellorar a contorna urbana.

13/04/2026 in Alcaldía, Benestar, Deportes, Infraestruturas, Patrimonio Municipal, Política Social, Sanidade, Urbanismo, comercio e industria, Vías e obras

III CONCURSO DE PINTURA RÁPIDA: PINTANDO A PALACIOS

O Concello do Porriño convoca o seu III Concurso de Pintura Rápida: Pintando a Palacios, que terá lugar o día 13 xuño de 2026 no Porriño.

As presentes bases rexerán a participación e concesión de premios para aquelas persoas que se presenten ao concurso Pintando a Palacios.

BASES:

1. PARTICIPANTES

As persoas interesadas poderán participar nas seguintes categorías:

Adultos/as: persoas nacidas en 2008 ou con
Mocidade: persoas nacidas entre os anos 2009 e
Alevín: persoas nacidas entre os anos 2013 e
Infantil: persoas nacidas entre os anos 2019 e

2. INSCRICIÓNS

As inscricións poderán presentarse de xeito presencial no rexistro xeral do Concello do Porriño (de luns a venres de 9h a 14h) ou de xeito telemático, a través da sede electrónica do Concello do Porriño mediante impreso normalizado que se poderá descargar da web ecultura.net ou solicitalo no Centro Cultural Municipal do Porriño.

Achegarase a seguinte documentación:

A solicitude de inscrición, que figura como ANEXO I para adulto/a ou ANEXO II menor de idade, debidamente cuberta e asinada.

O prazo de inscrición será dende o día seguinte á publicación das bases no taboleiro de anuncios municipal ata o luns 8 de xuño de 2026 ás 23:59h, ambos os dous incluídos.

3. CARACTERÍSTICAS

TEMA: O Porriño. Centro urbano

TÉCNICA: as persoas participantes poderán empregar a técnica que consideren (óleo acuarela, carbón, lapis etc.) e deberán achegar todo o material necesario para a realización do seu traballo.

TAMAÑO: máximo de 100×100 cm

OBRA: as obras realizaranse ao aire libre o mesmo día do concurso, unha vez seladas e ata as 17:30 h (as obras que sexan entregadas despois desa hora quedarán fóra do concurso).

Procederase ao selado dos soportes das obras de 9:30 h a 11:00 h no salón de plenos do Concello do Porriño, rúa Antonio Palacios nº1, 36400, e non se admitirá a participación daquelas persoas que ás 11:00 h non teñan o soporte selado.

As obras serán realizadas in situ, exclusivamente dentro do recinto da vila, e non se admitirá pintar mediante o emprego de fotografías, temas dixitais ou imaxinarios.

Todas as obras, xa sexan en papel, táboa ou lenzo, se presentarán sen asinar, e procederase á sinatura das obras premiadas tras a decisión do xurado.

As persoas participantes faranse responsables da recollida de calquera residuo que xeren durante o desenvolvemento do concurso.

4. XURADO

O xurado estará constituído por un comité de observación e valoración de premios, nomeado por resolución de Alcaldía, composto por unha serie de membros en número impar.

Este estará composto por distintas persoas vinculadas coas artes plásticas.

-Veredicto do xurado

O veredicto do xurado e a entrega de premios realizaranse o mesmo día do concurso, ás 19:00 h na praza Arquitecto Antonio Palacios.

Emitido o veredicto e realizada a entrega de premios, as obras poderán ser retiradas polos/as autores/as, salvo as premiadas na categoría adultos/as.

-Valoración do xurado

Na valoración do xurado teranse en conta os seguintes criterios:

Acabado e limpeza do traballo
Manexo da cor ou da técnica creativa
Creatividade e orixinalidade
Composición e mensaxe

5. PREMIOS

Os premios establecidos pola organización son os seguintes:

– PERSOAS ADULTAS:

1º PREMIO: 1.500,00 €

2º PREMIO: 1.000,00 €

3º PREMIO: 500,00 €

– MOCIDADE, ALEVÍN E INFANTIL:

Establécense 3 categorías de acordo coa idade, nas que haberá, para cada unha delas, 1º, 2º e 3º premio, baseados en diferentes lotes de material escolar:

1) Mocidade

Primeiro premio baseado nun lote de material escolar valorado en 75€
Segundo premio baseado nun lote de material escolar valorado en 60€
Terceiro premio baseado nun lote de material escolar valorado en 50€

2) Alevín

Primeiro premio baseado nun lote de material escolar valorado en 75€
Segundo premio baseado nun lote de material escolar valorado en 60€
Terceiro premio baseado nun lote de material escolar valorado en 50€

3) Infantil

Primeiro premio baseado nun lote de material escolar valorado en 75€
Segundo premio baseado nun lote de material escolar valorado en 60€
Terceiro premio baseado nun lote de material escolar valorado en 50€
- Os premios poderán ser declarados desertos se se considera que non alcanzan un nivel artístico mínimo.
- Todos os premios estarán suxeitos á normativa fiscal que proceda aplicar.
- Cada obra optará a un único
- Coa inscrición neste concurso, as persoas beneficiarias dalgún premio, autorizan ao Concello do Porriño a realizar as consultas necesarias nas bases de datos da Axencia Tributaria Estatal, da Seguridade Social e do ORAL, co fin de comprobar que se atopan ao corrente no cumprimento das obrigas tributarias e coa Seguridade Social.
- Ás persoas que resulten gañadoras na categoría de adultos/as seralles requirida a seguinte documentación:
  - Fotocopia do DNI ou
  - Certificado orixinal da conta
  - Certificado acreditativo de atoparse ao corrente no cumprimento das obrigas tributarias coa Axencia Tributaria de Galicia (ATRIGA)

6. OBRAS

As persoas participantes non poderán vender directamente a súa obra ao público durante a celebración do concurso.

Concello non se fará responsable da perda, roubo ou deterioro da obra.
As obras premiadas na categoría adultos/as pasarán a ser propiedade do Concello do Porriño.
O Concello reserva todos os dereitos de publicación e reprodución.
As persoas gañadoras do 1º premio non poderán volver participar nas dúas seguintes convocatorias.
A participación no concurso supón a total aceptación destas

7. PUBLICIDADE

As presentes bases serán publicadas no taboleiro de anuncios municipal, na web ecultura.net e nas redes sociais do Concello do Porriño.

08/04/2026 in Cultura e festas, Parroquias, Patrimonio Municipal

O Porriño licita a ampliación da sala de exposicións Antonio Palacios tras recibir importante material do arquitecto

A reforma deste espazo anexo ten como obxectivo ampliar e reforzar o discurso expositivo con espazo para obras de gran envergadura com o a maqueta de Palacios sobre a cidade de Vigo
A ampliación da sala permitirá dotar ao conxunto e máis versatilidade permitindo presentacións e conferencias ou eventos de divulgación e promoción do arquitecto porriñés
Alejandro Lorenzo: “É o espazo que Palacios se merece no Porriño”

O Porriño, 6 de abril de 2026. O Concello do Porriño vén de licitar as obras de ampliación da sala de exposicións Antonio Palacios. Cun orzamento de 90.000 euros e un prazo de execución de tres meses. As obras, que contan cunha subvención da Xunta de Galicia, teñen como obxectivo ampliar e reforzar o discurso expositivo da actual sala dedicada a Antonio Palacios, logo de que coa cesión de novas pezas, planos e proxectos do arquitecto, o arquivo permanente desta sala teña crecido nos últimos meses, “igual que ten crecido a sala, converténdose nun proxecto moito máis ambicioso e o espazo que Palacios se merece no Porriño”, explica o alcalde, Alejandro Lorenzo. Esta ampliación permite garantir tamén a continuidade conceptual, material e narrativa do conxunto.

Novas pezas

O novo espazo permitirá albergar pezas actualmente non expostas por limitacións de superficie, entre elas a gran maqueta de Palacios sobre a cidade de Vigo, unha obra de alto valor documental e simbólico que mostra a súa visión urbana e a súa capacidade para pensar a arquitectura a escala territorial. Xunto a ela, incorporarase unha serie de maquetas adicionais e novas libretas con debuxos orixinais de Palacios, ampliando o percorrido expositivo e ofrecendo unha mirada máis completa do seu proceso creativo.

Haberá ademáis reproduccións en pedra das obras máis senlleiras do arquitecto así como un símil dos seus cuadernos, eses nos que o arquitecto plasmaba os planos das súas obras pero tamén paisaxes e outros debuxos que son auténticas marabillas pictóricas.

Nas columnas da sala, ao longo do percorrido, ergueranse cortes de acabado de obra de diferentes construcción de Antonio Palacios, feitas en diferentes colores de pedra e converténdose nunha pegada máis do arquitecto no entorno. Son obras de gran tamaño que representan tamén a maxestuosidade das súas construccións.

A pedra sen dúbida será a gran protagonista deste novo espazo. Forma parte tamén das vitrinas que compoñen a mostra.

Maior versatilidade da sala

Máis alá do ámbito expositivo, a intervención ten un claro propósito funcional: dotar ao conxunto de maior versatilidade e proxección institucional. Así, o espazo ampliado concíbese como unha contorna dinámica e representativa, capaz de acoller actos institucionais vinculados á arquitectura, o urbanismo e o patrimonio; presentacións e conferencias de carácter profesional ou académico; encontros e colaboracións con entidades culturais, fundacións ou centros educativos, e eventos de divulgación e promoción da obra de Palacios e da arquitectura galega en xeral.

En conxunto, a reforma busca dar cabida a novas pezas, reforzar a proxección institucional do espazo e aumentar a súa flexibilidade de uso, consolidando a sala como un centro activo de difusión cultural e arquitectónica.

A conexión entre o local principal e o novo local, garantirá unha circulación continua e coherente, de modo que o visitante perciba o conxunto como unha exposición unitaria, ampliada e versátil.

Así, acondicionarase un lugar lúgubre para a súa adecuación como sala de exposicións anexa á existente dedicada a Antonio Palacios. O local configurarase como un espazo diáfano, cunha zona elevada onde se exporá a gran maqueta do Plan Palacios para Vigo, e unha zona de acceso que facilitará a conexión coa exposición principal. Executarase un percorrido accesible para garantir a entrada de persoas con mobilidade reducida, de acordo cos criterios da normativa actual de accesibilidade.

06/04/2026 in Cultura e festas, Patrimonio Municipal, Vías e obras

O Porriño convértese nun museo ao aire libre coa mostra “Rostros” de Afundación

O Concello do Porriño reforza a súa aposta pola cultura de proximidade transformando durante o mes de abril o Parque do Cristo nunha galería de arte urbana, coa colaboración con ABANCA e Afundación

O Porriño, 1 de abril de 2026. O Parque do Cristo transfórmase este mes de abril nunha galería de arte de excepción. A exposición “Rostros”, froito da colaboración estratéxica entre o Concello do Porriño, ABANCA e Afundación, achega á rúa unha selección imprescindible de obras que percorren a historia do retrato en Galicia. Desde o realismo de Sotomayor ata a modernidade de Maruja Mallo ou Laxeiro, a mostra convida á veciñanza a redescubrir os seus espazos habituais a través da mirada dos grandes mestres, convertendo un paseo cotián nunha experiencia cultural de primeiro nivel.

Esta mostra, ao abeiro do proxecto Corrente Cultural, nace para dar a coñecer a nosa arte desde o corazón das vilas, nas rúas. Unha selección de obras de diferentes autorías, atesouradas nas coleccións de arte de ABANCA e Afundación, adáptanse a formato fotográfico para exhibiren o mellor do xénero do retrato. “É un orgullo para O Porriño converterse no escenario desta ‘Corrente Cultural’. Queremos que a arte non estea pechada entre catro paredes, senón que forme parte viva do noso día a día. Traer os rostros de artistas como Seoane ou Lamazares ao Parque do Cristo é unha aposta decidida por democratizar a cultura e poñer o noso concello no mapa das grandes exposicións de Galicia” asegura o alcalde do Porriño que convida a todos os porriñeses e porriñesas a que “se deteñan, miren a estes ollos que nos falan desde o pasado e o presente, e desfruten deste privilexio no corazón da nosa vila.”

O acto de inauguración tivo lugar este mércores 1 de abril, na Praza do Cristo do Porriño e contou coa asistencia do alcalde do Concello do Porriño, Manuel Alejandro Lorenzo; a subdirectora da oficina de ABANCA no Porriño, María Cristina Rodríguez

Real; o xestor especialista da oficina de ABANCA no Porriño, Abel Gallego Rodríguez; e a coordinadora adxunta da Área de Cultura de Afundación e Responsable de Exposicións, Paloma Vela. Vera explicou que “estas imaxes abranguen 120 anos de arte, dende o romanticismo ao naturalismo, as vangardas… para que cada un descubra cal é a linguaxe que máis lle interesa”.

Artistas

O retrato na mostra

Considérase retrato a imaxe dunha persoa reproducida en pintura, escultura, debuxo ou fotografía, que describe a aparencia e o carácter do individuo representado. Ao longo da historia da arte, o retrato foi un dos xéneros de maior prestixio, cuxo interés radica en que non só se trata dunha representación do individuo, senón que tamén nos fala das diferentes épocas históricas, os seus códigos e os seus sinais de identidade. Hoxe en día, as imaxes de rostros enchen as nosas pantallas, dende as redes sociais ata as campañas publicitarias na Internet ou na televisión ou en medios escritos, e reflexan a nosa sociedade globalizada e conectada. Os selfies da era dixital democratizan a arte do autorretrato, xogando un importante papel na construción de identidades persoais e colectivas.

Esta mostra invita a explorar as diferentes e fascinantes interpretacións que as e os artistas fixeron (e fan) deste xénero, mergullarnos nas lembranzas das xentes que evocan, nas sensacións que transmiten, e nas novas fórmulas que foron introducindo desde finais do século XIX ata os nosos días, ao compás dos movementos artísticos que se van sucedendo.

01/04/2026 in Cultura e festas, Parroquias, Patrimonio Municipal, Turismo

O avance das obras do cine do Porriño permitirá que sexa unha realidade en maio

As obras, explica a arquitecta, avanzan a bo ritmo, e “a ﬁnais de abril estará rematado”
“O Porriño é o mellor lugar para vivir, diso estou convencido eu, e as persoas que siguen elixindo este lugar para vivir e empadroarse, por iso non queremos que teñan que sair de aquí nin se quera para ir ao cine”, asegura o alcalde..
O espazo ten capacidade para 170 persoas, con equipamento audiovisual en 4K e son envolvente pero ademais o proxecto levado a cabo permitirá que se converta nun espazo versatil e polivalente
Esta actuación conta cun orzamento que supera os 250.000 euros ao abeiro do Plan +Provincia

O Porriño, 31 de marzo de 2026. Despois de máis de tres décadas de espera, o cine volve ao Porriño. Cunhas obras que avanzan a bo ritmo, a arquitecta encargada do proxecto, Estefanía Grandal, asegura que “a finais de abril estará rematado”. De feito, na visita que o alcalde, Alejandro Lorenzo, realizou con medios de comunicación este martes asegurou que toda a sala está xa insonorizada, teito e paredes, e incluso se avanzou en algo que non estaba no proxecto pero que permitirá a versatilidade neste espacio: realizar un graderío para mellorar a visibilidade desde a parte posterior do cine, para que todo o mundo poida ver comodamente a pantalla pero que permitirá tamén que o cine sexa utilizado para outras actividades, como cursos, con butacas que tamén estarán adaptadas.

As obras, que comezaron en xaneiro, tiñan un prazo de execució de seis meses, pero non haberá que esgotar o prazo. Satisfeito, o alcalde puxo en valor o bo saber do equipo que está a levar a cabo estes traballos e agarda poder abrir este espazo tan pronto o concello o recepcione. “Cando estamos xa case chegando os 21.500 habitantes, que é case histórico, cando estamos crecendo como nunca, temos que por a disposición da cidadanía todos os servizos, porque O Porriño é o mellor lugar para vivir, diso estou convencido eu, e as persoas que siguen elixindo este lugar para vivir e empadroarse, por iso non queremos que teñan que sair de aquí nin se quera para ir ao cine”.

Un fito histórico: de 1916 ao século XXI

A relación do Porriño coa gran pantalla vén de lonxe; o municipio contou coas súas primeiras proxeccións de cine en 1916. Porén, tras o peche das salas na década dos 90, a veciñanza viuse obrigada a desprazarse a outras localidades para gozar das estreas. Este novo proxecto non só recupera unha tradición centenaria, senón que o fai con tecnoloxía de vangarda. “O Porriño é o mellor lugar para vivir, diso estou convencido eu, e as persoas que siguen elixindo este lugar para vivir e empadroarse, por iso non queremos que teñan que sair de aquí nin se quera para ir ao cine”.

O alcalde xa estuda de feito cales poden ser as primeira proxeccións. “Estarán as de hollywood – asegura-, estarán as estrellas, pero coa gran canteira que temos en Galicia, non poden faltar tampouco os títulos de aquí, O Corno, por exemplo, temos que poder ver no Porriño a Janeth Novás en pantalla grande”. Así, asegurou que quere poñer en valor a cultura de aquí onde hai canteira, e unha mostra é tamén o Festival de Cans.

Un proxecto de alta tecnoloxía

A reforma conta cun orzamento de 251.739,60 euros (financiado polo Plan +Provincia da Deputación de Pontevedra) e transformará por completo a planta baixa do Centro Cultural.

O proxecto inclúe a redistribución dos espazos, eliminando o escenario elevado e os camerinos traseiros; a mellora acústica e estética das paredes mediante trasdosado con illamento e acabado en madeira; a renovación das butacas para adaptar a sala a diferentes usos, desde proxeccións cinematográficas ata conferencias e charlas; e novas instalacións de iluminación e son, aproveitando a climatización existente.

Permitirá que a sala se converta nun espazo multifuncional, apto para proxeccións, conferencias e actividades culturais, dinamizando o centro cultural e o tecido económico e social do Porriño.

O equipamento audiovisual supuxo un investimento de preto de 100.000 euros subvencionado pola AGADIC da Xunta de Galicia. Esta nova sala disporá dun sistema de proxección en 4K Ultra Alta Definición, pantalla profesional de 5×3 metros con sistema de tiro directo, servidor con capacidade de 16TB e un avanzado sistema de son envolvente, que permitirá exhibir estreas de cine e ofrecer unha experiencia cinematográfica de primeiro nivel.

A duración estimada das obras é de seis meses,aínda que avanzan a bo ritmo, según explicou a dirección da obra durante a visita.

“Este pobo está cheo de vida e de cultura, e este espazo permitirá sobretodo a mocidade seguir encontrando os seus espazos” ”, conclúe Alejandro Lorenzo.

31/03/2026 in Cultura e festas, Patrimonio Municipal, Vías e obras

O Porriño convértese no epicentro do Trail Running co “Montes de Atios”: cume no Roupeiro e puntuable para a Superliga Galega

Unha proba que discurre por un espazo único, cheo de natureza, e que conta con tres modalidades: 21K, 12K e andaina

O Porriño, 28 de marzo de 2026 – O vindeiro 25 de abril, as montañas do Porriño vibrarán coa celebración do Trail Montes de Atios, unha cita que arranca este ano xa como puntuable para a Superliga Galega de Trail. Esta competición permitirá aos corredores sumar puntos clave para o ránking autonómico, consolidándose como unha das probas de referencia no calendario galego.

Esta carreira é unha iniciativa da Comisión de Festas da Guía de Atios, que nace cunha vocación de continuidade e respecto pola natureza. Segundo explican desde a organización, o evento ponse en marcha “coa intención de que perdure moito tempo para conservar o monte e a paisaxe, e co obxectivo de poñer en valor a nosa riqueza natural”. A proba non é só un reto deportivo, senón unha homenaxe ao patrimonio ambiental da parroquia.

Un percorrido épico: Entre muíños e campás

O percorrido, deseñado polo Club AC Castelos, é todo un reto para os corredores e corredoras, pero tamén para os amantes da paisaxe. A xornada arrancará desde o emblemático Torreiro da Guía, punto neurálxico do evento. Tras unha saída vibrante, os participantes dirixiranse cara ao campo de fútbol para iniciar o ascenso polos históricos Muíños de Atios, un tramo que combina natureza e patrimonio.

O desafío culminará no punto máis alto do Porriño: a cima do Roupeiro. Neste lugar estratéxico, onde se atopa a famosa formación rochosa en forma de seta, os corredores vivirán un dos momentos máis simbólicos da proba: tocar a campá situada sobre a rocha. Para inmortalizar este fito, a organización contará cun fotógrafo oficial que capturará o paso de cada atleta coas impresionantes vistas de todo o val do Porriño de fondo. “Chegar a esta campá será para os corredores tocar o ceo no Próximo Trail de Atios”, explica o alcalde, Alejandro Lorenzo, lembrando que normalmente está emprazada no roupeiro e dende alí “podemos ver ao fondo O Porriño dende un entorno privilegiado, porque somos un pobo de deporte e natureza”.

Dúas distancias para todos os niveis

Tras alcanzar o cumio, a proba divídese en dous percorridos deseñados para diferentes perfís de corredor:

Distancia Curta (Mini Trail12 km): Descende cara ao campo de fútbol do Roupeiro para regresar directamente ao ambiente festivo do Torreiro da Guía. Ten un desnivel positivo de
Distancia Longa (Trail – 21 km): Un trazado máis esixente que se desvía cara ao impoñente Castelo de Cans. Os corredores bordearán esta zona histórica antes de iniciar o descenso final cara á meta na Guía. Aquí está o reto, cun desniel de 1080m.
Andaina (12 km): Non todo vai ser correr. Neste caso con 500m desnivel positivo , un percorrido ideal para familias e para quen quere disfrutar coa paisaxe, que é única neste

Padriños de luxo e competición de elite

A presentación do evento contou coa presenza de dúas figuras referentes do trail running nacional e internacional: con Eloy Martínez Faro como padriño, destacado atleta que vén de triunfar en Francia ao gañar unha das probas do prestixioso Mont Blanc; e con María Martínez González, como madriña: campioa galega de Trail Running e campioa de España de Short Trail. María lidera actualmente o ránking galego na distancia Classic, posición que lle asegura a súa terceira convocatoria consecutiva coa Selección Galega.

Premios e Inscricións

A organización dispuxo trofeos para as diferentes categorías (Feminina e Masculina), recoñecendo o esforzo dos mellores tempos nesta dura xornada de montaña. As inscricións seguen abertas a través da plataforma oficial: https://magmasports.es/.