Urbanismo, comercio e industria

O Nadal está á volta da esquina e, con el, a oportunidade perfecta para apoiar o comercio local do Porriño. A campaña “O teu Nadal nos comercios do Porriño”, impulsada por CCA Morea en colaboración co Concello do Porriño e a Xunta de Galicia, arrinca o 5 de decembro e estenderase ata o 10 de xaneiro, ofrecendo aos consumidores un atractivo adicional para as súas compras do Nadal.

Cun total de 3.000 euros en premios, a iniciativa promete facer destas festas unha experiencia aínda máis especial. Repartiranse 50 cheques-regalo de 60 euros cada un, que poderán ser utilizados nos establecementos locais asociados a CCA Morea. A mecánica é sinxela: ao realizar unha compra en calquera dos comercios participantes, os clientes recibirán de forma gratuíta unha rifa. Só terán que completar os seus datos de contacto e asegurarse de que o boleto estea selado pola tenda.

Os sorteos levaranse a cabo o 20 de decembro e o 15 de xaneiro. As bases da promoción están dispoñibles en todos os establecementos participantes.

Juana Pérez, presidenta de CCA Morea Acipor, destacou a importancia desta campaña: “Queremos que a xente se sinta motivada a comprar nos nosos comercios. Non só levarán a casa produtos únicos e de calidade, senón que tamén terán a oportunidade de gañar premios. É unha forma de agradecer aos nosos clientes o apoio que sempre nos brindan”.

Pola súa banda, o alcalde do Porriño, Alejandro Lorenzo, animou a todo o mundo a unirse a esta iniciativa: “É fundamental apoiar aos nosos comerciantes locais, especialmente nestas datas tan significativas. Cada compra que facemos en Porriño non só beneficia aos nosos negocios, senón que tamén fortalece o tecido social e comercial do noso pobo. En definitiva, benefícianos a todos”.

Esta fin de semana, a cidade de Sevilla converteuse no epicentro da barbaría profesional coa celebración dos prestixiosos Premios SOYBARBUDO, un dos certames máis esperados e recoñecidos neste ámbito. Nesta edición, a barbaría porriñesa BlackBird Barber Concept destacou con forza e fíxose con tres estrelas no circuíto SOYBARBUDO, un recoñecemento que, no mundo da barbaría, equivale ás famosas estrelas Michelin na gastronomía. Este galardón tan exclusivo outórgase tras unha rigorosa auditoría de calidade que inclúe un cliente infiltrado, garantindo que só os mellores leven esta honra.

Tres estrelas para BlackBird Barber Concept

O éxito de BlackBird Barber Concept é un reflexo do esforzo e a aposta pola excelencnia do seu equipo, que logrou consolidar un nome no panorama da barbaría nacional. A concesión de tres estrelas é o resultado de anos de traballo, innovación e unha paixón por ofrecer o mellor servizo aos seus clientes, algo que foi recoñecido polos expertos do certame. O recoñecemento tamén foi unha homenaxe á creatividade e a capacidade dos seus profesionais para adaptarse ás novas tendencias do sector. A barbaría porriñesa sabe combinar á perfección o clásico e o moderno, creando un ambiente único que atrae tanto aos máis novos como aos que buscan un toque máis tradicional no seu corte.

Igor Drodzov: O talento que sorprendeu na Barber League

Pero os logros de BlackBird Barber Concept non terminaron aí. Nun certame cunha gran competencia, Igor Drodzov, un dos máis destacados da barbaría porriñesa, alzouse co premio ao Mellor Traballo Realizado na final da primeira edición da Barber League, a liga profesional de barbeiros que reuniu aos mellores profesionais de todo o país.

Para Igor, isto foi un reto e aínda que recoñeceu estar algo nervioso ao principio, pronto se deu conta de que o seu traballo estaba á altura dos grandes. A medida que avanzaba nas semifinais, a súa confianza crecía, e, ao coñecer o seu pase á final, soubo que o seu esforzo estaba a dar froitos. Con todo, a sorpresa chegou cando lle anunciaron que fora o gañador e pasaba á final. A pesar da súa incredulidade, Igor conquistou aos xuíces coa súa perfecta combinación de técnica e estilo, demostrando por que BlackBird Barber Concept logrou posicionarse entre as mellores barbarías do país.

O Parque Alcalde Ordoñez, coñecido comunmente como o Canónico, cobrará nova vida. O Concello do Porriño proxectou a transformación deste espazo nun referente urbano verde, máis seguro e accesible.

Desde a súa inauguración no ano 1991, o parque experimentou un deterioro progresivo debido en gran parte ao seu deseño pechado. Pola súa ubicación, actúa case como unha barreira física que separa o centro da vila co barrio da Malladoura e xera un entorno inseguro, con baixa visibilidade e áreas de difícil acceso. Por iso, o Concello do Porriño proxectou a súa mellora, recuperando o parque para a veciñanza e convertíndoo nun pulmón verde que impulse a dinamización da zona.

Con este proxecto de mellora búscase mellorar a accesibilidade e seguridade do parque, o que se conseguirá a través dun deseño urbano e paisaxístico que elimina as barreiras arquitectónicas actuais. Entre os principais obxectivos, atópase a apertura do espazo, con maior visibilidade desde o exterior e sen ángulos mortos, para que tanto os transeúntes como os usuarios poidan gozar dun entorno relaxante e seguro.

A vexetación xogará un papel clave no deseño do novo parque, incrementando a masa verde e proporcionando sombra natural, o que favorecerá a sustentabilidade. Ademais,k incluiranse diversos elementos de auga, como fontes e pequenos estanques, que contruibuirán ao benestar dos usuarios. Instalaranse chorros de auga na zona arbolada nos que poderán xogar os nenos e nenas.

O novo deseño incorporará mobiliario urbano moderno, como mesas, tumbonas e sillas, que se distribuirán nas zonas sombreadas preto dos elementos de auga, brindando áreas de descanso cómodas e atractivas. Tamén se incorporarán gradas de pedra, que formarán pequenos anfiteatros multiusos.

Non só se mellorará o interior do parque, senón que tamén contempla a mellora da conectividade coas rúas adxacentes, como Tarela e Navuxil.

Desde o 1 ata o 21 de outubro o CCA Morea, en colaboración co Concello do Porriño, convida á veciñanza a participar da campaña “É tempo de Outono”. Esta é unha marabillosa oportunidade para apoiar aos nosos comerciantes e, ao mesmo tempo, levar moitos agasallos.

Por cada compra que se realice nos establecementos asociados a Acipor, recibirase un rasca que podería conter un fabuloso premio. Hai 5 tarxetas de agasallo Morea de 20 euros, 420 paraugas e 305 tote bags esperando a ser descubertos.

Os rascas premiados poderán trocarse ata o 23 de outubro nas tendas Lola, Serianper, Zafiro, Charol Shoes, Lencería Tere, Mapa Porriño, Rocío Lemos Peluquería e Conxelados Frandi, só presentando o rasca e unha copia do ticket da túa compra.

Esta campaña non só é unha forma divertida de incentivar as compras, senón que tamén resalta a importancia de contar cun tecido comercial activo e dinámico. “Apostar polo comercio local é fundamental para manter viva a vida social e económica do pobo. Cada compra conta e cada comerciante merece o noso apoio”, afirmou o alcalde, Alejandro Lorenzo, “Así que, saiamos a ver todo o que poden ofrecernos e a comprar! Xuntos, fagamos do Porriño un lugar aínda máis cheo de vida.”