Novas

O Porriño agarda milleiros de persoas esta fin de semana na III Feira do Pan

A alcaldesa do Porriño, Eva García de la Torre, Santos Héctor Díaz, deputado responsable de Promoción Turística da Deputación de Pontevedra, Marcelino Coto, concelleiro de Comercio, Juana Pérez, presidenta da Asociación de Comerciantes e Industriais do Porriño (ACIPOR), o presidente da Asociación de Panadeiros  e a cociñeira Marta Rodal, pregoeira desta edición, resentaron este luns,  a III Feira do Pan do Porriño que este 2018 celébrase os días 1 e 2 de xuño, venres e sábado, na Praza de San Benito.

Marcelino Coto salientou que este 2018 a feira volve ao lugar no que empezara, logo de que a Praza do Cristo se quedara ‘estreita’ para acoller aos postos e, sobor de todo, aos visitantes que se achegan a miles ata o Porriño.

O programa desta edición abrague unha importante variedade de propostas, entre elas maridaxes, ‘show cooking’, convinación do pan con produtos da zona, obradoiros para nenas e nenos, música e, coma novidade, o 1º Certame ‘ Empanadas no Ring’, un concurso pensado para para coñecer cal é a mellor empanada das parroquias da vila- Atios, Budiño, Cans, Chenlo, Mosende, Pontellas, Porriño ou Torneiros-.

Os interesados e interesadas en participar neste concurso aínda poden inscribirse, de balde, ata o vindeiro mércores 30 de maio, mandando un correo ao enederezo electrónico  comunicacion@acipor.es. O mesmo debe conter o nome de 5 integrantes do equipo que se presenta e o teléfono do ‘capitán ou capitana’ do mesmo, para poder comunicarse coa organización.

O programa da Feira empezará o venres, día 1, ás 7 da tarde, coa apertura da mesma e a degustación, gratuita, de 200 racións de pan, xamón e cerveza artesán.

O sábado, día 2, os 15 postos da Feira,  formados por 8 panaderías- Argibay, Amaquía, O Forno de Mosende, Chinchina, Panadería Torneiros, Los Milagros, Erundina e O Progreso- e 7 de diferentes produtos, coma marmeladas, cervexas, embutidos, viño, licores, mesmo o famoso Requeixo de As Neves, abrirán ás 10 da mañá.

Ás 10 e media será  o momento da ‘Animación na rúa’, coa actuación da Charanga OT. A mesma dará paso, ao mediodía, ao pregón, que este ano será a cargo da cociñeira porriñesa Marta Rodal, que compaxina o seu posto de directora da Escola de Cociña ‘O Xogo da Ola’, co traballo no Restaurante Jorge Lorenzo. No mesmo tmén intervirán o concelleiro de Comercio, Marceino Coto, e a alcaldesa, Eva García de la Torre.

Ás 12:30 horas empezará o show cooking  ‘Maridaxes do Pan do Porriño con produtos artesáns’, a cargo das alumnas e alumnos da Escola EFA A Cancela.

Xa pola tarde, ás 5, empezará a xornada do ‘Mini Pan’ co obradoiro infantil no que as cativas e cativos aprenderán a facer pan; ás 7 da tarde coñeceranse as gañadoras e gañadores do Certame ‘Empanadas no Ring’ e ás 9 da noite será a clausura da edición da Feira do Pan deste ano.

Durante a presentación, Marcelino Coto lembrou que a achega económica do Concello á Feira do Pan e a meirande da adicada ás festas gastronómicas, e adiantou que o proceso para obter a Certificación de Calidade do Pan do Porriño está xa “na súa“fase final”.

Santos Héctor Díaz subliñou que o pando Porriño “ten unha historia que supera os 400 anos, escrita polas panaderías e panadeiros que fixeron do voso pan un dos sinais de identidade desta vila, da nosa provincia e patrimonio de todos nós”.

Pola súa banda, Marta Rodal, pregoeira deste ano, reivindicou a excelencia do Pan do Porriño e asegurou que “debería de estar coma nos restaurantes con estrelas Michelín” e amosou a súa satisfación porque esta edición se celebre en San Benito, “onde pasei a miña nenez”.

Rematou a presentación a alcaldesa, quen sinalou que “os porriñeses sempre temos sido coñecidos e distinguidos polo noso pan” e invitou a todo o mundo a achegarse ao Porriño para gozar da súa excelente calidade á que acompañarán os produtos cos que se ‘maridar’.

28/05/2018 in Alcaldía, Cultura e festas, Urbanismo, comercio e industria

A alcaldesa e o xerente de FaiBus, dacordo en estender as liás aos polígonos indistriais, mellorar enlaces coas parroquias, incrementar as frecuencias e aumentar número de vehículos adaptados

Estender as liñas de bus ata os polígonos industriais do Porriño, estudar a posibilidade de crear ‘circuítos circulares’ que comuniquen os diferentes concellos da zona sur entre sí, “tal e coma debería terse feito no Plan de Transporte Metropolitano da Xunta”,  reforzar as comunicacións e frecuencias coas parroquias, comezando por Torneiros, e aumentar o número de vehículos que conten con ramplas e plataformas adiadas para persoas con diversidade funcional.

Estes foron os temas tratados este luns entre a alcaldesa, Eva García de la Torre, e José Manuel Álvarez, director de FaiBus-concesionaria de transporte entre Vigo e O Porriño-, que mantiveron unha “longa xuntanza” na Alcaldía na que constataron, sinala García de la Torre, as “carencias” do servizo na actualidade.

Entre elas, a alcaldesa sinalou a falla de frecuencias coas parroquias da vila, lembrou a supresión do último bus que saía de Vigo ás 10 e media da noite, “e que daba servizo a veciñas e veciños do Porriño que traballan en Citroën” e a carencia dun enlace co Campus Universitario.

Ás mesmas súmase o feito de que “non hai unha so aliña que chegue ata os polígonos industriais, que teñen unha ‘poboación flotante de 35.000 persoas que veñen cada día aos mesmos e que carecen totalmente dunha opción de transporte público”, que se adapte ás súas necesidades e aos horarios de entrada e saída das empresas.

Así mesmo, García de la Torre subliñou a necesidade de aumentar o número de buses que dispoñan de ramplas para persoas con diversidade funcional xa que “na actualidade son 3 de 90”- os 3 de 29 de FaiBus, porque o resto dos autocares das compañías que pasan polo Porriño cara a Vigo non dispoñen de plataformas para cadeiras de rodas-, un problema a que hai que engadir o feito de que algunha destas ramplas non están homologadas, “un requisito que non esixiu a Xunta cando adxudicara o servizo”.

A alcaldesa constatou que o Plan de Transporte da Xunta “non é operativo, deixa a veciñas e veciños das parroquias do Porriño sen servizo e  é máis caro, posto que o billete segue a custar o mesmo,  ofrecendo menos frecuencias , enriba, aumentando a cantidade que aporta o Concello a dito plan”.

28/05/2018 in Alcaldía

Aberto o prazo para inscribirse na ‘2ª Andaina dos Sentidos’ que impulsan os Concellos do Porriño e Salceda de Caselas e que conta coa subvención da Xunta

A concelleira de Comercio, Formación e Emprego de Salceda de Caselas, Loli Castiñeira, e a responsable da área de Benestar , Emprego e Igualdade do Porriño, Soledad Girón, presentaron este luns a ‘II Andaina dos Sentidos’, que será o vindeiro domingo, día 10 de xuño.

Esta iniciativa, que forma parte do ‘Proxecto de Prevención de Drogodependencias 2018-2019’, que conta coa subvención da Xunta de Galicia, arrincou con programas coma ‘Cinensino’, nos centros educativos, abrangue diversos programas que levaranse adiante ao longo deste e do vindeiro curso, con iniciativas coma programas de prevención para autoescolas, formación de mediadores ou programas para centros escolares de Primaria e Secundaria, entre outros.

As familias de Salceda de Caselas e do Porriño que queiran participar nesta andaina que descorrerá polo medio da natureza, poden inscribirse chamando ao teléfono  679151574. Dende os dous concellos lembran que o número de prazas é limitado.

28/05/2018 in Alcaldía, Benestar, Igualdade

‘Matria’,grande gañadora do 15º @festivaldecans

‘Matria’ foi a grande gañadora da 15ª edición do Festival de Cans, que entregou este sábado, día 26 de maio os seus premio. A curtametraxe de Álvaro Gago fíxose con catro premios: Mellor curta de ficción, Premio do Público, Premio AISGE á mellor interpretación feminina para Francisca Iglesias e o Premio do Xurado dos veciños.

A curtametraxe relata un día na vida de Ramona, unha muller que se refuxia na relación coa súa filla e a súa neta ante o seu duro traballo nunha conserveira e lastrada pola falta de comunicación co seu marido. Álvaro Gago repite así éxito en Cans, onde gañou o premio ao mellor curto por ‘Curricán’, en 2015.

Entre o resto do palmarés destaca o nivel da sección de Animación, onde dúas das películas levaron premios nas categorías xerais: o premio AGAG a mellor guión (Luís Usón por ‘Afterwork’) e o da mellor banda sonora orixinal (Raúl Costafreda por ‘Sexa’). En todo caso, foi ‘O reloxo’, de Borja Santomé, a que se alzou co premio a Mellor curtametraxe animada.

Europa’, de Hugo Amoedo, abriu o palmarés de ‘FuraCans’, a nova categoría competitiva do Festival para filmes de non ficción, recoñecido por “a súa urxencia de contar, pola necesidade de filmar, pola súa liberdade narrativa e polo seu grao de reflexión formal sobre a linguaxe cinematográfica”.    Completan o palmarés as ‘Also Sisters’ (Premio CREA á mellor realización); Eloi Sánchez Palau (Premio á mellor interpretación masculina por ‘Despois da bandeira’) e dúas mencións especiais dos xurados, para ‘A cat in the window’, de Félix Brixel (en ficción) e ‘A muller invisible’, de Noemi Chantada.

27/05/2018 in Alcaldía, Cultura e festas

@depo_es organiza este luns, día 28 de maio, no Porriño, ‘Maior seguridade’, dirixida a persoas usuarias de Teleasistencia Domiciliaria

A Deputación de Pontevedra organiza para este luns, ás 11 e media da mañá, no salón de actos do Centro Cultural do Porriño a segunda das actividades socioculturais previstas para este ano e dirixidas ás persoas usuarias do servizo de Teleasistencia Domiciliaria.

Nesta ocasión, a Deputación preparou unha charla informativa titulada “Maior Seguridade” dirixida a  máis de 40 persoas dos concellos de Mos, O Porriño, Salceda de Caselas, Salvaterra de Miño, Tomiño e Tui.

“Maior Seguridade” será impartida por persoal especializado da Garda Civil que explicará ás persoas asistentes cuestións relacionadas coa prevención de actos de delincuencia enfocados á terceira idade, proporcionando técnicas tanto para detectalos como para reaccionar fronte a eles dentro e fóra do domicilio.

Na actualidade, o servizo de Teleasistencia Domiciliaria da Deputación de Pontevedra atende a un total de 523 persoas de 45 concellos da provincia. Esta iniciativa permite a persoas de avanzada idade ou con algún tipo de diversidade funcional manter a súa independencia e continuar vivindo no seu domicilio con tranquilidade e seguridade, coa consecuente mellora na súa calidade de vida.

Ao longo do 2017 atendéronse un total de 4.735 alarmas (cun tempo medio de atención de 10,6 segundos e de resolución de incidencias de 1 minuto e 28 segundos) desde os terminais. Por número de chamadas destacan as persoas usuarias dos concellos de Tomiño, con 358; O Porriño, con 327; Mos, con 299; O Grove, con 258 e Sanxenxo, con 232 chamadas.

27/05/2018 in Alcaldía, Benestar

@festivaldecons chega este sábado ao seu ‘día grande’ con 16 horas de actividades e programación

O Festival de Cans chega este sábado ao seu ‘día grande’ cun programa de 16 horas seguidas que arrancaron ás 10 da mañá co ‘CanSonoro’, o roteiro musical con Xurxo Souto que saíu da  Rotonda do Can.

Á mesma hora, empezou o primeiro pase matinal da Sección Oficial de Ficción e Animación; ás 10 e media será o momento e ‘Contra o lume’, coa proxección de pezas audiovisuais arredor do problema dos incendios, no Jalpón de Alicia; ás 11 ‘MiniCans’, coa Proxección de curtametraxes da iniciativa Participa Méliès, no Baixo de Carlos

Ao mediodía será o ‘Coloquio na Leira’ co director Fernando Trueba, no  Espazo Mahou da Leira de Alicia; a 1 da tarde hi dúas actividades: ‘MiniCans’, cunha retrospectiva de videoclips de Magín Blanco, no Baixo de Carlos, e Pasarrúas, coa  Banda de Música de Rubiós, con saída da Rotonda do Can.

A 1 e cuarto, Trueba destapa a súa estrela no Torreiro de Cans e 15 minutos máis tarde será a hora do segundo pase matinal da Sección Oficial de Ficción e Animación; de novo, ‘MiniCans’, co concerto de Magín Blanco, no Parque do Río e a Sesión vermú, coa Banda de Música de Rubiós, no Torreiro de Cans.

Ás 3 e media: Pasarrúas coa Charanga Nova Jomada, desfile de chimpíns, pola parroquia; ás 4 da tarde: ‘Dálle caña!’, un encontro de curtametraxistas das seccións de ficción e animación, no Espazo Mahou da Leira de Alicia e estrea de ‘Sevilla y Gomorra’. Co director Ángel Filgueira, no Cuberto de Mucha do Peso; a esa mesma hora, ‘MiniCans’: A caixiña de mistos. Inicio de proxeccións periódicas de curtametraxes, no Parque do río; Obradoiro de curtametraxes con Mr. Misto, tamén no Parque do Río e, ás 4 e media, Concerto: Mounqup, no Cans Voulevar.

Á mesma hora: Primeiro pase de tarde da Sección Oficial de Ficción e Animación, en varios espazos; ás 4 e media, de novo ‘MiniCans’: Espectáculo O cinematomago, co Mago Paco, no  Cuberto de Pato.

Ás 5 da tarde, ‘Coloquio na Leira’, con Gracia Querejeta, no Espazo Mahou da Leira de Alicia; primeiro pase de FuraCans: Sección Oficial de Non ficción, na Casa de Mari; Therefilme, con Paulo Nimoy, dentro de ‘Minicans’, no Cuberto de Antonio.

Ás 6 da tarde, Audiovisual e música: avance do documental Kevin vs. Ray + concerto de Kevin Weatherill. Coa presenza dos directores Eduardo Herrero e Manuel Lemos e o produtor Enrique Otero, no Cuberto e Invernadoiro de Mucha do Peso; 6 e media: concerto de Pardo, no Cans Voulevar; ‘Dálle caña!’ Encontro de curtametraxistas das seccións FuraCans e ExtraCans, no Espazo Mahou da Leira de Alicia.

Ás 7 da tarde, ‘MiniCans’: Contacontos ilustrado Unha vida de cine, con Polo Correo do Vento no Cuberto de Pato; 7 e cuarto: colocación da estrela de Gracia Querejeta, no Torreiro de Cans e ás 7 e media, concerto de Familia Caamagno, tamén no Torreiro de Cans.

Ás 8 da tarde, de novo ‘Minicans’, coa proxección das pezas realizadas no obradoiro de curtametraxes de Mr. Misto, no Parque do Río; ás 8 e media: ‘ExtraCans’: proxección de curtas internacionais con vínculos profesionais a Galicia. Coa presenza das e os cineastas , no Jalpón de Alicia; segundo pase de FuraCans: Sección Oficial de Non ficción, na Casa de Mari; Audiovisual e música: retrospectiva Rubén Domínguez: Unha década de creación (2008-2018) + Concerto de Pantis, no invernadoiro e Cuberto de Mucha do Peso; ‘MiniCans’: Proxección de curtas producidas por Chelo Loureiro, coa súa presenza, no Cuberto de Antonio e ás 9 menos cuarto: eegundo pase de tarde da Sección Oficial de Ficción e Animación.

Ás 10 da noite, no Cans Voulevar: concertó de Tanxugueiras; Sesión Discochimpín, con  Edu Romero DJ, no Espazo Mahou da Leira de Alicia; ás 11 da noite, entrega de premios | Torreiro de Cans.

Ás 12 e media da noite, concertó de Burning, no Torreiro de Cans e, ás 2 da mañá, no mesmo lugar: Sesión Discochimpín co DJ Rafa Morcego.

26/05/2018 in Alcaldía, Cultura e festas

@festivaldecans entrega os seus premios e recibe a Fernando Trueba e Gracia Querejeta

Un ano máis, o Festival de Cans chega á súa fin e faino por todo o alto, coa entrega dos premios desta 15ª edición pero tamén co audiovisual, a música e os encontros máis interesantes. Ás 11 da noite desvelarase no Torreiro cales son as obras que acadan un lugar no palmarés de entre as diferentes seccións que o público terá oportunidade de ver nos baixos e jalpóns ao longo do día: Ficción, Animación e Non ficción (FuraCans).

Ademais do filme gañador en cada unha destas categorías, premiaranse as mellores interpretacións masculina e feminina, a mellor realización, o mellor guion, a mellor banda sonora, o premio do público e o premio do xurado dos veciños. Estes galardóns uniranse ao que coñecimos onte: “Omertá”, de Gero Costas para BALA, foi a peza premiada polo xurado de videoclips.

Premio do xurado de videoclips: “Omertá”, de Gero Costas para BALA

Ao remate da gala os míticos rockeiros madrileños Burning serán os encargados de poñer o broche de ouro ao Festival co seu repertorio cheo de clásicos, pechando un día que ten tamén como momentos moi esperados os Coloquios na Leira con Fernando Trueba (ás 12h00) e Gracia Querejeta (ás 17h00). Por primeiro ano esta sección está presente en Cans por partida dobre, dando ao público a oportunidade de escoitar as experiencias e opinións destas dúas grandes figuras do cine español. Ambos cineastas colocarán tamén a súa estrela no Torreiro ao remate dos seus coloquios.

25/05/2018 in Alcaldía, Cultura e festas

O Goberno local leva a cabo traballos de desborde, roza e aviado de camiños, pistas e beiravías para previr os incendios e que o ano pasado fixeron que O Porriño fose un dos concellos menos afectados polo lume

A Concellería de Limpeza, que dirixe Orlando Márquez, iniciou a principios de mes o desborde dos camiños, corte de maleza, retirada de silvas, saneamento de pontes e sendas, corte de herbas, roza, poda e o aviado de pistas e beiravías.

Os traballos seguirán de xeito “ininterrompido” ata finais de setembro – principios de outubro e abranguerán todas as parroquias, tal e coma se fixo xa os anos pasados.

Márquez subliña que dende hai tres semanas estes traballos están a realizarse en Atios, Mosende e Cans e nos vindeiros días seguirán por Torneiros, Chenlo, Budiño, Pontellas e Porriño.

Na actualidade son catro as brigadas as que están realizando esta labor que, “en canto complete todas as parroquias volverá a comezar”, salienta o concelleiro, de xeito que “actuaremos durante os meses nos que hai máis risco de incendios”.

A alcaldesa do Porriño, Eva García de la Torre, lembra que o ano pasado a actuación de prevención, “rozando e desbordando, facendo un traballo constante durante meses de coidado dos camiños, quitando a maleza e mantendo limpas as pistas e beiravías, tivo coma resultado que os danos dos lumes no Porriño fosen moitísimo menores que noutros concellos”.

24/05/2018 in Alcaldía, Limpeza, Parques e xardíns

Suspendida a VI edición do ‘Triatlón Concello do Porriño” por mor da explosión en Tui

O Goberno local do Porriño, dacordo cos organizadores da VI edición do ‘Triatlón Concello do Porriño”, logo da explosión ocorrida no barrio de Paramos, en Tui, veñen de decidir a suspensión da proba que ía disputarse o vindeiro sábado día 26 de maio. Hai que lembrar que parte do percorrido do triatlón  estaba previsto que transcorrise polo concello de Tui.

O Goberno local do Porriño e a organización da proba, estudan posibles datas para a súa celebración.

24/05/2018 in Alcaldía, Deportes

A concelleira de Educación acompaña a alumnas e alumnos de varios centros do Porriño ás primeiras actividades do @festivaldecans

Este mércores, a concelleira de Educación, Lourdes Moure, participou xunto con alumnas e alumnos de ACEESCA, o C.P.R. Santo Tomás e do IES Ribeira do Louro, en dúas actividades que están a desenrolarse dentro do XV Festival de Cans: ‘Cans do Futuro’ e os ‘Roteiros Cinéfilo-Literarios’, con Carlos Meixide.

No primeiro deles as rapazas e rapaces asistiron, da man de Keka Losada, presidenta da Asociación Arela, organizadora do festival, a varias proxeccións no ‘Baixo de Bugarín’. Os estudantes tiveron a oportunidade de ver, es estrea, de parte do ‘making of’ da pasada edición de Cans, a de 2017, ademais de unha das curtas e coñecer, de primeira man, todo o que hai ao redor da montaxe e posta en marcha do festival e das persoas que o fan posible, empezando polas propias veciñas e veciños da parroquia de Cans, pasando polos integrantes da organización, os técnicos, actores, directores, realizadores ou invitados.

Doutra banda, os participantes no Roteiro, estiveron nos lugares mais salientables e coñecidos do festival, empezando polo ‘Torreiro de Cans’ onde están as estrelas dos realizadores e actores que pasaron polo certame- dende a primeira, a do lucense Luís Tosar, ata as deste 2018, que serán as do director, gañador dun Oscar,  Fernando Trueba, e da directora Gracia Querejeta-, o Parque do Río ou os baixos de Carlos, Moncho ou Bugarín, a Leira de Alicia-onde se fan os coloquios cos invitados- o Cuberto de Mucha do Peso ou o Jalpón de Alicia, ademais de facer un repaso dos quince anos de historia do Festival polo que cada ano pasan milleiros de persoas.

23/05/2018 in Alcaldía, Cultura e festas, Educación e tecnoloxía