Novas

Entrega da segunda edición do Premio Roberto Vidal Bolaño

O Concello de Porriño lembra que este sábado 29 terá lugar a entrega do II Premio “Roberto Vidal Bolaño” para textos teatrais inéditos, escritos en galego, dotado cun premio económico de 2.000 €.

O premio corresponderá a Ana Abad de Larriva pola obra “A sombra das árbores”, segundo o fallo do xurado, coñecido hai días, ó que se dará lectura durante a ceremonia. Comezará ás 19 horas no Instituto de Ensino Secundario Ribeira do Louro coas intervencións do escritor Francisco Castro, director xeral de Editorial Galaxia; Delio García Represas, profesor do IES Ribeira do Louro, e Lourdes Moure, concelleira de Educación.

O Concello sumouse a partir deste ano á organización do certame que convocaron o IES Ribeira do Louro e a Editorial Galaxia. Precisamente a editorial asinará coa gañadora do premio o correspondente contrato para a edición da obra galardoada.

28/06/2019 in Alcaldía, Cultura e festas, Educación e tecnoloxía

O subcampión galego de Kick Boxing adestrará ás mulleres que participan no curso de defensa persoal feminina

Juan Rivera, subcampeón de Galicia en Kick Boxing modalidade K1, participará o sábado na instrucción ás mulleres que están a participar no curso permanente de defensa persoal feminina que patrocina o Concello do Porriño. Juan Rivera é de Mos e leva unha carreira deportiva exitosa que en breve propiciará o seu salto ó profesionalismo como dice o seu entrenador, Juan Alonso que tamén é outro dos monitores do curso de defensa persoal feminina.

Lembremos que o Concello do Porriño tomou a decisión de proseguir coas clases de defensa persoal feminina despois do éxito acadado polo curso que se realizou no pasado mes de maio. A partir de agora con carácter permanente. Deste xeito O Porriño é o primeiro concello de Galicia en ter ese curso de forma continuada, segundo a decisión que tomaron a alcaldesa Eva García e maila concelleira de Seguridade, Lourdes Moure baseándose na grande acollida e repercusión que tivo entre as mulleres do Porriño e bisbarra.
De feito foron as propias alumnas as que instaron a manter de xeito permanente este tipo de formación para garantir a súa seguridade e saber como respostar diante de calquera agresión. Das 137 mulleres que participaron no primeiro curso xa hai 68 que participan nesta acción formativa continua.
O curso comezou o pasado sábado 15 de xuño no Pavillón Municipal de Deportes, na pista 2. A formación realizase en dous sábados ó mes. A vindeira clase será o sábado 29 de xuño en horario de 10:00 a 12:00 horas. Non compre anotarse para asistir. Abonda con acudir con roupa deportiva no lugar e hora. A Policía Local de O Porriño seguirá a colaborar na organización e instrucción das mulleres participantes.

28/06/2019 in Alcaldía, Deportes, Igualdade, Servizos sociais

O presidente da Federación Galega de Baloncesto visitou á Alcaldesa co gallo do campus do “PBB”

Paco Martín Micó, presidente da Federación Galega de Baloncesto pasou hoxe pola Alcaldía a saudar a Eva García e reiterar a colaboración dese estamento con Porriño. O presidente atopábase na cidade co gallo do Campus do “Porriño Baloncesto Base”. Ó encontro sumaronse David Alonso, concelleiro de Deportes e Julio Bernárdez, xefe do Servizo. Pasaron revista ás liñas actuais de colaboración e ás que nun futuro poderían manterse entre Federación Galega de Baloncesto e Concello do Porriño.

No que atinxe ó Campus do “PBB” no que participan 236 nenos e nenas de idades comprendidas entre 5 e 17 anos, vén celebrandose durante esta semana no Polideportivo Municipal e concluirá mañá sábado. Pasaron nestes días, entre outros, Martín Iglesias ex-xogador do Porriño Baloncesto Base que actualmente milita no Barcelona. A participación deste e outros xogadores de nivel foi unha das novidades do mesmo xeito que Lucas Vaquero que asumiu a dirección do Campus, avalada pola súa experiencia como xogador e entrenador da Liga EBA en Porriño.

O Campus do Porriño Baloncesto Base concluirá o sábado a mediodía e á clausura asistirán Eva García, alcaldesa de O Porriño e David Alonso, concelleiro de Deportes.

28/06/2019 in Alcaldía, Deportes

A Conselleira de Infraestructuras xa tén a carta da Alcaldesa do Porriño coas reivindicacións dos vecinños de A Vaquería

A Alcaldesa do Porriño cumpriu co seu compromiso cos veciños de A Vaquería e xa remititu unha carta coas reivindicacións á titular da Consellería de Infraestructuras e Mobilidade da Xunta de Galicia. Na misiva que a conselleira Ethel Vázquez xa tén no seu poder, Eva García escribe “solicitoche do xeito máis atento nos informes sobre os avances no proxecto de asfaltado da estrada programado para o mes de setembro”.
E a continuación engade a carta da alcaldesa á conselleira: “a comunidade de montes da dez días para a resposta (…) polo que en caso contrario, espero que entendas que a miña obriga é estar da man dos vecinos para que teñan liñas descontinuas, isletas, pasos de peóns…”

A Alcaldesa advirte que “os vecinos ameazan con mobilizacións nas portas da Consellería e o meu compromiso é con eles”. Lembremos que Eva García comprometeuse cos veciños de A Vaquería a trasladar ós demáis grupos municipais que apoien ás movilizacións dos veciños que “se levarían ata Santiago de Compostela”.
Actualmente os veciños deste barrio da parroquia de Budiño están a cortar diariamente o tráfico, nun carril da estrada, dúas veces ó día.

28/06/2019 in Alcaldía, Tráfico, Vías e obras

Unha comitiva municipal agradece ó Comandante Naval de Tui a colaboración no pasado Triatlón Concello do Porriño e visita ás obras de arranxo da pista deportiva do CEIP de Atios

Unha comitiva municipal encabezada pola alcaldesa Eva García realizou unha visita á Comandancia Naval de Tui para agradecer ó seu máximo responsable, o capitán de corbeta Ignacio Tobarra, a colaboración inestimable da Armada no pasado Triatlón Concello do Porriño.

A proba disputada o pasado 8 de xuño con 205 participantes desenrolouse sen incidencias. A parte sempre máis perigosa é o tramo inicial de natación, cun percorrido de 750 metros no río Miño, debido ás correntes fluviais. Foi impecable grazas á inestimable colaboración do persoal da Comandancia que ademáis cedeu a súa darsena para realizar a primeira transición cando o participantes collen a súas bicicletas para facer o segundo tramo da proba.

O capitán de corbeta Ignacio Tobarra informou á alcaldesa e resto da comitiva municipal do Porriño que en breve será destinado a Madrid e que polo tanto haberá relevo no mando da Comandancia de Tui.

De retorno a Porriño a comitiva municipal detivose no CEIP de Atios para comprobar o resultado das obras de arranxo da pista deportiva cuberta nas que se investiron 19.390 euros durante o pasado mandato 2015/2019 polo goberno de Eva García. Ainda resta por rematar a construcción dos baños que se acometerá en breve. Asimesmo comprobaron o resultado doutras actuacións no exterior do centro docente realizadas en colaboración coa ANPA.

27/06/2019 in Alcaldía, Deportes

Alcaldesa e voceiros municipais acordan celebrar un pleno e as correspondentes comisións municipais con periodicidade mensual e potenciar a Xunta de Portavoces con reunións bimestrais

A Alcaldesa e os voceiros dos grupos municipais da nova corporación local do Porriño acordaron celebrar un pleno mensual que terá lugar o último mercores de mes. Se será de mañá ou de tarde queda a expensas de votarse polos grupos. PSOE, EU Son e UDDL queren que sexa matinal; o BNG prefire de tarde e no caso do PP tén que falarse entre os seus concelleiros segundo manifestou o voceiro deste grupo.
Outro dos acordos sobranceiros da reunión mantida pola alcaldesa e os voceiros dos grupos municipais foi revitalizar as reunións da xunta de portavoces que se fixan cunha periodicidade bimestral para fixar criterios ante os temas de maior trascendencia para a cidade que requiran tamén do máximo consenso posible.
No que atinxe ás comisións municipais estarán formadas por 9 concelleiros co seguinte reparto: 4 do PP; 2 do PSOE, 1 BNG, 1 EU Son e 1 UDDL. As comisións reuniránse alomenos unha vez por mes e unha semana antes do pleno da Corporación.
O primeiro pleno da nova Corporación que terá que celebrarse en breve, na semana do 8 ó 12 de xullo, determinará a organización e reparto de áreas do novo goberno municipal cuia negociación está a piques de rematar.

27/06/2019 in Alcaldía

236 nen@s participan no XXI Campus do club “Porriño Baloncesto Base”

236 NENOS E NENAS PARTICIPAN NA XXI EDICIÓN DO CAMPUS DO CLUB “PORRIÑO BALONCESTO BASE”

Este mediodía a alcaldesa Eva García visitou á hora do xantar ós rapaces que participan esta semana no campus do club “Porriño Baloncesto Base” que se desenrola coa colaboración fundamental do Concello. Cunha participación final de 236 inscritos, con rapaces de idades comprendidas entre 5 e 17 anos, celebrase ata o sábado 29 de xuño no Polideportivo Municipal.

A alcaldesa e maila concelleira Lourdes Moure departiron cos rapaces e cos monitores interesando polas actividades que están a desenrolarse.  

Pola tarde foi o concelleiro David Alonso o que acudiu para seguir o desenrolo do campus e comprobar a demostración de Martín Iglesias, ex xogador do Porriño Baloncesto Base que actualmente milita no Barcelona.

A participación deste e outros xogadores de nivel é unha das novidades que o club anunciou con respecto ás edicións anteriores, entre as que destaca tamén que a dirección do campus corre a cargo de Lucas Vaquero avalado pola súa experiencia como xogador e entrenador de Liga EBA en Porriño.

26/06/2019 in Alcaldía, Deportes

O Concello do Porriño declara o seú apoio á candidatura da Xunta de Galicia para o “Programa LIFE” que aportaría fondos da UE para o plan de descontaminación do lindano

O Concello do Porriño, a través dunha carta que a alcaldesa Eva García ven de remitir á Dirección Xeral de Calidade Ambiental, declara o seu apoio á candidatura da Xunta de Galicia para acceder ós fondos do “Programa LIFE” da Uión Europea que aportaría fondos para afrontar o desexado plan de descontaminación do lindano no noso municipio.
Nunha comunicación previa, Maria Cruz Ferreira, Directora Xeral de Calidade Ambiental informou ó Concello que unha das medidas propostas pola Xunta na súa candidatura ó Programa LIFE é “obter fondos para a posta en marcha dun proxecto para abordar a situación da contaminación por residuos de lindano presente no seu concello”, indicaba a carta da responsable autonómica á alcaldesa porriñesa.
Na mesma misiva, a Alcaldía traslada á Xunta de Galicia “o compromiso do Concello do Porriño para contribuir cos medios necesarios no desenrolo das accións” que pasaría desde facilitar o acceso a traballos en terrenos públicos ata tramitación de permisos, tratamento de terrenos contaminados ou programas de educación e capacitación ós vecinos do Porriño sobre os riscos asociados cos residuos do lindano.

Precisamente nesta semana a alcaldesa e varios concelleiros do futuro goberno municipal mailo inspector xefe da Policía Local acudiron a Torneiros, a petición de veciños, a comprobar a existencia de posibles novos brotes de lindano procedentes ou vencellados a rede de saneamento. Despois da visita descartase inicialmente a aparición de novos verquidos.

26/06/2019 in Alcaldía, Limpeza, Vías e obras

As brigadas municipais están a traballar nos desbroces e limpeza nas parroquias

As brigadas municipais están a traballar nestes días nas labouras de desbroce e limpeza, baixo a dirección do novo concelleiro Sergio Casal. Os traballos fixeronse en Chenlo, Mosende Atios e tamén en parques públicos de Porriño.
As tarefas desenrolanse en colaboración coas comunidades de montes para dar cumprimento á normativa da Consellería de Medio Rural da Xunta de Galicia sobre franxas de seguridade pola prevención de lumes forestais.

25/06/2019 in Alcaldía, Limpeza, Parques e xardíns, Vías e obras

A alcaldesa do Porriño reclama por carta á Xunta de Galicia as melloras prometidas na travesía de A Vaquería e garante o pleno respaldo do Concello ás reivindicacións veciñais

Eva García de la Torre, alcaldesa do Porriño reclamará por carta á Xunta de Galicia o proxecto de reforma da estrada PO-510 que comprometera a Consellería de Infraestructuras cos veciños de A Vaquería para resolver o problema de inseguridade vial que denuncian. Se non hai resposta en dez días, a Alcaldesa trasladará ós demáis grupos municipais da Corporación que apoien ás movilizacións dos veciños de A Vaquería que “se levarían ata Santiago de Compostela, ás portas mesmas da Consellería co noiso apoio e presenza”, declarou Eva García.
A rexedora municipal trasladou a unha comisión veciñal de A Vaquería “o pleno respaldo da Alcaldía ás súas reivindicacións”. Asimesmo Eva García comprometeuse a mandar “de inmediato” unha carta a Ethel Vázquez, Conselleira de Infraestrcuturas para lembrarlle que durante a pasada campaña electoral o PP prometera realizar e entregar ós vecinos, nun prazo de 15 días, un proxecto de mellora da de seguridade vial na travesía da estrada autonómica PO-510 “do que non hai noticia”. Na súa misiva, a alcaldesa requiere á conselleira unha respota no prazo de dez días.
Os veciños deste barrio da parroquia de Budiño reclaman pasos de peóns, semáforos e isletas. Como as súas peticións no foron atendidas ainda pola Xunta, están a cortar diariamente o tráfico, nun carril da estrada, dúas veces ó día.

25/06/2019 in Alcaldía, Tráfico, Vías e obras