O Porriño agarda milleiros de persoas esta fin de semana na III Feira do Pan

A alcaldesa do Porriño, Eva García de la Torre, Santos Héctor Díaz, deputado responsable de Promoción Turística da Deputación de Pontevedra, Marcelino Coto, concelleiro de Comercio, Juana Pérez, presidenta da Asociación de Comerciantes e Industriais do Porriño (ACIPOR), o presidente da Asociación de Panadeiros  e a cociñeira Marta Rodal, pregoeira desta edición, resentaron este luns,  a III Feira do Pan do Porriño que este 2018 celébrase os días 1 e 2 de xuño, venres e sábado, na Praza de San Benito.

Marcelino Coto salientou que este 2018 a feira volve ao lugar no que empezara, logo de que a Praza do Cristo se quedara ‘estreita’ para acoller aos postos e, sobor de todo, aos visitantes que se achegan a miles ata o Porriño.

O programa desta edición abrague unha importante variedade de propostas, entre elas maridaxes, ‘show cooking’, convinación do pan con produtos da zona, obradoiros para nenas e nenos, música e, coma novidade, o 1º Certame ‘ Empanadas no Ring’, un concurso pensado para para coñecer cal é a mellor empanada das parroquias da vila- Atios, Budiño, Cans, Chenlo, Mosende, Pontellas, Porriño ou Torneiros-.

Os interesados e interesadas en participar neste concurso aínda poden inscribirse, de balde, ata o vindeiro mércores 30 de maio, mandando un correo ao enederezo electrónico  comunicacion@acipor.es. O mesmo debe conter o nome de 5 integrantes do equipo que se presenta e o teléfono do ‘capitán ou capitana’ do mesmo, para poder comunicarse coa organización.

O programa da Feira empezará o venres, día 1, ás 7 da tarde, coa apertura da mesma e a degustación, gratuita, de 200 racións de pan, xamón e cerveza artesán.

O sábado, día 2, os 15 postos da Feira,  formados por 8 panaderías- Argibay, Amaquía, O Forno de Mosende, Chinchina, Panadería Torneiros, Los Milagros, Erundina e O Progreso- e 7 de diferentes produtos, coma marmeladas, cervexas, embutidos, viño, licores, mesmo o famoso Requeixo de As Neves, abrirán ás 10 da mañá.

Ás 10 e media será  o momento da ‘Animación na rúa’, coa actuación da Charanga OT. A mesma dará paso, ao mediodía, ao pregón, que este ano será a cargo da cociñeira porriñesa Marta Rodal, que compaxina o seu posto de directora da Escola de Cociña ‘O Xogo da Ola’, co traballo no Restaurante Jorge Lorenzo. No mesmo tmén intervirán o concelleiro de Comercio, Marceino Coto, e a alcaldesa, Eva García de la Torre.

Ás 12:30 horas empezará o show cooking  ‘Maridaxes do Pan do Porriño con produtos artesáns’, a cargo das alumnas e alumnos da Escola EFA A Cancela.

Xa pola tarde, ás 5, empezará a xornada do ‘Mini Pan’ co obradoiro infantil no que as cativas e cativos aprenderán a facer pan; ás 7 da tarde coñeceranse as gañadoras e gañadores do Certame ‘Empanadas no Ring’ e ás 9 da noite será a clausura da edición da Feira do Pan deste ano.

Durante a presentación, Marcelino Coto lembrou que a achega económica do Concello á Feira do Pan e a meirande da adicada ás festas gastronómicas, e adiantou que o proceso para obter a Certificación de Calidade do Pan do Porriño está xa “na súa“fase final”.

Santos Héctor Díaz subliñou que o pando Porriño “ten unha historia que supera os 400 anos, escrita polas panaderías e panadeiros que fixeron do voso pan un dos sinais de identidade desta vila, da nosa provincia e patrimonio de todos nós”.

Pola súa banda, Marta Rodal, pregoeira deste ano, reivindicou a excelencia do Pan do Porriño e asegurou que “debería de estar coma nos restaurantes con estrelas Michelín” e amosou a súa satisfación porque esta edición se celebre en San Benito, “onde pasei a miña nenez”.

Rematou a presentación a alcaldesa, quen sinalou que “os porriñeses sempre temos sido coñecidos e distinguidos polo noso pan” e invitou a todo o mundo a achegarse ao Porriño para gozar da súa excelente calidade á que acompañarán os produtos cos que se ‘maridar’.

Todo listo para a III Feira do Pan do Porriño

Todo está xa preparado para a que será a III Feira do Pan do Porriño que este 2018 celébrase os días 1 e 2 de xuño, venres e sábado, na Praza de San Benito e que, como todos os anos conta co patrocino do Concello do Porriño, por medio da Concellería de Comercio que dirixe Marcelino Coto.

O programa desta edición abrague unha importante variedade de propostas, entre elas maridaxes, show cooking, convinación do pan con produtos da zona, obradoiros para nenas e nenos, música e, coma novidade, o 1º Certame ‘ Empanadas no Ring’, un concurso pensado para para coñecer cal é a mellor empanada das parroquias da vila- Atios, Budiño, Cans, Chenlo, Mosende, Pontellas, Porriño ou Torneiros-.

Os interesados e interesadas en participar neste concurso poden inscribirse, de balde, ata o vindeiro mércores 30 de maio, mandando un correo ao enederezo electrónico  comunicacion@acipor.es. O mesmo debe conter o nome de 5 integrantes do equipo que se presenta e o teléfono do ‘capitán ou capitana’ do mesmo, para poder comunicarse coa organización.

Programa

O programa da Feira empezará o venres, día 1, ás 7 da tarde, coa apertura da mesma e a degustación, gratuita, de 200 racións de pan, xamón e cerveza artesán.

O sábado, día 2, os 15 postos da Feira,  formados por 8 panaderías- Argibay, Amaquía, O Forno de Mosende, Chinchina, Panadería Torneiros, Los Milagros, Erundina e O Progreso- e 7 de diferentes produtos, coma marmeladas, cervexas, embutidos, viño, licores, mesmo o famoso Requeixo de As Neves, abrirán ás 10 da mañá.

Ás 10 e media será  o momento da ‘Animación na rúa’, coa actuación da Charanga OT. A mesma dará paso, ao mediodía, ao pregón, que este ano será a cargo da cociñeira porriñesa Marta Rodal, que compaxina o seu posto de directora da Escola de Cociña ‘O Xogo da Ola’, co traballo no Restaurante Jorge Lorenzo. No mesmo tmén intervirán o concelleiro de Comercio, Marceino Coto, e a alcaldesa, Eva García de la Torre.

Ás 12:30 horas empezará o show cooking  ‘Maridaxes do Pan do Porriño con produtos artesáns’, a cargo das alumnas e alumnos da Escola EFA A Cancela.

Xa pola tarde, ás 5, empezará a xornada do ‘Mini Pan’ co obradoiro infantil no que as cativas e cativos aprenderán a facer pan; ás 7 da tarde coñeceranse as gañadoras e gañadores do Certame ‘Empanadas no Ring’ e ás 9 da noite será a clausura da edición da Feira do Pan deste ano.

O Porriño celebra este domingo, día 13 de maio, a tradicional ‘Festa dos Cachos’

O Porriño celebra este domingo, día 13 de maio, a tradicional ‘Festa dos Cachos’ na que se agarda que centos de persoas dean conta de centos de pratos deste crustáceo, “digno de reis”, como sinalou a alcaldesa, Eva García de la Torre, durante a presentación.

Marcelino Coto, concelleiro de Comercio, acompañado por José Manuel Fortes, presidente da Asociación de Hostaleiros do Porriño, co-organizadora da festa, e Sindo Lago, vicepresidente da Asociación de Veciños de San Benito e San Sebastián, impulsora desta festa, lembrou que foi esta asociación veciñal a que recuperou hai tres anos esta celebración, que data de 1810, e que se celebra “no lugar mesmo na que a sitúa a tradición: no Cristo dos Cachos, un lugar emblemático do Porriño”.

O concelleiro sinalou que as pasadas edicións foron un “éxito” e que agardaba que neste 2018 seguise na mesma liña. Para facelo posible, engadiu, conta coa colaboración “total” do Concello que este ano, ademais da animación na rúa, coa actuación de charangas, tamén farase cargo da colocación dunha carpa de 150 metros cadrados, do sistema de son e do corte do tráfico, por medio da Policía Local. Ademais, haberá inchábeis, de balde, para que as cativos e cativas “poidan divertirse, tamén”.

O programa deste ano empezará ao mediodía coa ‘sesión vermú’ e a apertura da carpa para dar paso, dende a 1 da tarde ao servizo nos restaurantes participantes nesta edición: Val da Louriña, Maracaibo, Cólleo con Pinzas, O Carreteiro, La de Chato, Adega de Montero e Restaurante Manolo e O Xantar da Pepa.

José Manuel Fortes indicou que os prezos serán de 6€, para as persoas que acudan a degustar os cachos á carpa, e de 7€ para quen o fagan nos restaurantes participantes. O presidente dos hostaleiros subliñou que este ano a previsión é que a cantidade de persoas que se acheguen ao Porriño sexa maior que en 2017, ao cal contribuirá a previsión do tempo, xa que agárdanse ceos despexados, sol e boas temperaturas para o domingo.

A choiva non deu tregua e non haberá ‘Merca na rúa’ esta fin de semana

A XVIII edición de Merca na Rúa vén de quedar suspendida. A Concellería de Comercio, dirixida por Marcelino Coto, e a dirección da Asociación de Comerciantes e Industriais do Porriño (ACIPOR), presidida por Juana Pérez, agardaron ata o último minuto para ver se as previsións do tempo melloraban…pero non foi así: esta fin de semana choverá con intensidade o que fará imposible a celebración desta feira do stock na que estaba confirmada a asistencia de 21 comerciantes.

 

Este sábado, día 7, e o domingo, 8, celébrase no Porriño ‘Merca na rúa’…se o tempo o permite

Esta fin de semana celebrase, por fin e se o tempo o permite, a XVIII edición de Merca na Rúa. A Concellería de Comercio, dirixida por Marcelino Coto, e a dirección da Asociación de Comerciantes e Industriais do Porriño (ACIPOR), presidida por Juana Pérez, decidiron suspender a cita prevista, en principio, para os días 10 e 11 de marzo, logo da cadea de borrascas que vén de pasar sobre Galicia.

21 postos estarán abertos ao público na rúa peonil do Porriño, de 10 da mañá a 9 e media da da noite, ininterrompidamente, o sábado, día 7, e de 11 da mañá a 8 e media da tarde, o domingo, 8, ofrecendo distintos artigos con descontos de ata un 60 e 70%.

Como en edicións anteriores, o Concello asume os custes de alumeado, limpeza, os inchábeis para os cativos e a vixianza de seguridade dos postos, para que os expositores non teñan que recoller e desmontar os mesmos pola noite, unha labor de garda na que desempeñará un papel esencial a Policía Local.

A 30ª Feira Apícola das Rías Baixas fai do Porriño a capital galega do mel

O Porriño é dende este venres a capital galega do mel, coa celebración da 30ª Feira de Apicultura das Rías Baixas, que este sábado viviu o seu día grande coa inauguración oficial da mesma, no Centro Cultural Municipal.

A apertura estivo presidida pola alcaldesa,Eva García de la Torre, o deputado provincial Carlos López Font, o concelleiro de Medio Ambiente, Marcelino Coto, e representantes da  Agrupación Apícola de Galicia e a Agrupación de Apicultores de Pontevedra.

A feira, que abrangue xornadas técnicas e un mercado no que pode mercarse  mel, material de apicultura e produtos artesáns, iniciara este venres con actividades nas que participaron alumnas e alumnos do CEIP de Atios, ademais de talleres sobre trampas para vespas velutinas e elaboración de xabrón con mel.

Dende as 10 da mañá deste sábado, arrancaron as xornadas técnicas nas que se debaten temas coma os métodos de recolección –a cargo do doutor  Félix Adanero-; control da mortalidade e produción intensiva –por David Sousa Alonso, técnico apícola en Eco Abeja S.L.-boas prácticas na alimentación apícola –con Fina Gonell Galindo de  Pajuelo Consultores Apícolas S.L.-ou un taller de nutrición e alimentación das abellas.

O Goberno local contribuirá á conservación e estudo do “excepcional” achádego dunha fortificación romana de 1.200 anos de antigüidade no Faro de Budiño

Os romanos levantaron unha fortaleza defensiva de varias hectáreas no Faro de Budiño un lugar no que, ademais, había un asentamento romano construído, posiblemente, hai uns 1.200 anos.

Estas son algunhas das conclusións ás que apuntan os estudos dos arqueólogos Francisco Alonso, Oria Ferreiro, Mario Fernández-que está a facer a súa tese doutoral- José Carlos Sánchez e Tania Rial, pertencentes á Universidade de Santiago de Compostela (USC), e que durante o seu traballo sacaron a luz restos dunha edificación e restos de tellas, cerámica e vidro que, segundo indicaron, poderían ser da época ‘tardo-antiga’, á que os científicos refírense coma ‘séculos escuros’, un dato que podería ser confirmado cando un laboratorio estadounidense remate as probas do ‘Carbono 14’.

O concelleiro de Medio Ambiente, Marcelino Coto, xunto co presidente da Comunidade de Montes de Budiño, José Luis Martínez, visitou os restos e mantivo unha xuntanza co equipo de arqueólogos coa finalidade de “decidir cales serán as medidas que imos tomar dende o Goberno  local para preservar e facilitar o estudo deste importante achádego que é patrimonio de todos os porriñeses”.

A intención de Marcelino Coto é que o Concello, xunto coa Deputación de Pontevedra, impulse e facilite a continuidade do traballo, que se leve adiante un “proxecto de conservación e recuperación neste lugar” e que o mesmo sexa visitado polos porriñeses con especialistas que expliquen a súa importancia e a súa historia.

O concelleiro salientou o feito de que coma indicaron os arqueólogos, ata hoxe non se fixera unha escavación así nun xacemiento semellante en toda Galicia, e que se tratase dunha ‘acrópole’ que formaba parte dunha construción composta por tres ‘coutos’, con tres liñas de murallas, que puideron ocupar, en conxunto, unhas 11 hectáreas, facendo do Faro de Budiño, coma salientou Mario Fernández, “unha grande fortaleza” en altura.

A alcaldesa e o concelleiro de Industria transmiten aos membros da directiva da Comunidade de Montes de Atios que o Concello recorrerá a sentenza que declara comunais os terreos ocupados polas canteiras

O Concello recorrerá a sentenza do Xulgado de Primeira Instancia e Instrución número 3 do Porriño que declara comunais os terreos de monte en Atios ocupados polas canteiras e outras explotacións industriais.

Así transmitíronllo este mércores a alcaldesa, Eva García de la Torre, e o concelleiro de Urbanismo, Industria, Comercio e Medio Ambiente, Marcelino Coto, aos membros da xunta directiva da Comunidade de Montes de Atios, cos que mantiveron unha xuntanza no Concello.

García de la Torre subliñou nesta reunión que a súa obriga “legal” é a de “defender o patrimonio común de todas as porriñesas e porriñeses e é innegábel que o impacto económico das canteira nótase en todo O Porriño, en Chenlo, Cans, Mosende, Pontellas, Budiño, Torneiros, por suposto en Atios e no casco urbán da vila, e o meu compromiso e o do Goberno local  é o de salvagardar ese patrimonio”.

A este argumento a alcaldesa sumou un máis, o de “garantir a seguridade xurídica” considerando que noutro caso, o da Comunidade de Montes de Budiño, cos mesmos argumentos legais, as resolución xudiciais déronlle a razón ao Concello e, neste caso, “con todo o meu fondo respecto a esta sentenza, non hai un razoamento distinto que xustifique que o Concello actúe doutro xeito”.

Na mesma liña, García de la Torre engadiu que “non estou disposta, asemade, a tomar iniciativa algunha en contra dos informes dos técnicos e dos servizos xurídicos municipais: cometería prevaricación e non vou a incumprir as leis”.

Eva García de la Torre subliñou, por último, que neste caso “quen o seu dereito defende a ninguén ofende” e “non pode considerarse que tomando esta decisión o Concello agreda a ninguén…o recurso non vai contra ninguén”, e como outra proba delo o Goberno local  dará orde de que as rendas que percibe o Concello polo uso dos devanditos terreos sexan consignadas xudicialmente para non incorrer en costas e intereses mentres non haxa una resolución xudicial definitiva.

Finalmente, ‘Merca na rúa’ celebrarase o sábado 7 e domingo 8 de abril

A Concellería de Comercio, dirixida por Marcelino Coto, e a dirección da Asociación de Comerciantes e Industriais do Porriño (ACIPOR), presidida por Juana Pérez, veñen de anunciar que a XVIII edición de ‘Merca na rúa’, finalmente, se celebrará o sábado 7 e domingo 8 de abril.

Nun primeiro momento estaba previsto que esta feira de oportunidades fose os días 10 e 11 deste mes de marzo, pero a chegada da borrasca ‘Félix’ fixo que se aprazase, en principio, para o día 17 e, agora que se tomase a decisión de que o máis acaído era que se celebrase a principio de abril.

21 postos estarán abertos ao público na rúa peonil do Porriño, de 10 da mañá a 9 e media da  da noite, ininterrompidamente, o sábado, día 7, e de 11 da mañá a 8 e media da tarde, o domingo, 8, ofrecendo distintos artigos con descontos de ata un 60 e 70%.

Como en edicións anteriores, o Concello asume os custes de alumeado, limpeza, os inchábeis para os cativos e a vixianza de seguridade dos postos, para que os expositores non teñan que recoller e desmontar os mesmos pola noite, unha labor de garda na que desempeñará un papel esencial a Policía Local.

‘Merca na rúa’ queda aprazada ata o sábado día 17 a causa das malas previsións meteorolóxicas

A Concellería de Comercio, dirixida por Marcelino Coto, e a dirección da Asociación de Comerciantes e Industriais do Porriño (ACIPOR), presidida por Juana Pérez, veñen de acordar a suspensión da XVIII edición de ‘Merca na rúa’, que tiña prevista a súa celebración o vindeiro sábado e domingo, días 10 e 11 de marzo.

A decisión, indica Marcelino Coto, está motivada polas previsións meteorolóxicas que prevén un temporal de choiva e vento para os vindeiros días e que impedirían que ‘Merca na rúa’ puidese desenrolarse.

A intención , sinala o concelleiro, é trasladar a celebración desta feira de oportunidades ao vindeiro día 17, sábado, “sempre que as condicións climatolóxicas o permitan”.