Urbanismo, comercio e industria arquivos - Páxina 22 de 31

O vindeiro pleno municipal abordará o pago de 2,7 millóns de euros en facturas e a nova comisión de deslinde con Mos

Vinte asuntos conforman a orde do día do vindeiro pleno ordinario da Corporación Local de O Porriño que se celebrará o mércores 30 de novembro, a partires das 18 horas. Entre os asuntos que se levan a pleno municipal figura o pago de facturas a proveedores e por servizos por un importe global de preto de 2.700.000 euros.
Por outra banda o pleno deberá elixir os representantes do Concello de O Porriño na nova comisión especial de deslinde co Concello de Mos. O PP non contestou ó requerimento de Secretaria nin realizou proposta alguna de xeito que os representantes de O Porriño serán Eva García (PSOE), Pedro Ocampo (EU Son), Pedro Pereira (BNG) e Manuel Carrera (UDDL), que deberán ser ratificados polo pleno corporativo.

Asuntos económicos
O pago de débeda será asunto sobranceiro. A tal fin propónse a aprobación definitiva de dous créditos extraordinarios para aboar 1.738.000 euros de facturas da conta 413 e para pagar 473.000 euros para facturas que xa contan con sentencias xudiciais favorables.
Ademáis propónse para aprobación inicial, un crédito extraordinario por importe de 468.000 euros para satisfacer a débeda con “Eulen” pola prestación de servizos na piscina municipal.
Asimesmo levanse a pleno a ratificación definitiva da Relación de Postos de Traballo (RPT) do Concello do Porriño que xa fora aprobada inicialmente en maio polo pleno municipal. E tamén vai a ratificación da partida orzamentaria para os salarios dos membros do goberno municipal (modificación da base 27 dos orzamentos do Concello). Precisamente nesta sesión tomará posesión do seu escano, a nova concelleira do BNG, Cami Moreira.

Adxudicacións e mocións
Tamén se leva a aprobación os costes do servizo de recollida de lixo así como do Punto Limpo do Concello do Porriño. Tamén a ratificación da adxudicación do servizo de limpeza viaria á firma “Ascan”. E asimismo vai a adxudicación do servizo de axuda no fogar (SAF).
Finalmente van cinco mocións. Entre elas o grupo EU Son pide unha revisión da operación de renting de renovación do parque móbil municipal. E o PP pide un incremento de partidas orzamentarias para clubs deportivos.

Adxuntamos a orde do día con todos os asuntos

28/10/2019 in Alcaldía, Deportes, Limpeza, Servizos sociais, Urbanismo, comercio e industria, Vías e obras

“Amazon” informa ó Concello que o xoves 17 estrea a central loxística no Porriño

A multinacional “Amazon” comunicou hoxe ó Concello que mañá xoves 17 de outubro vai abrir a súa central loxística en O Porriño. O novo centro de almacenaxe e reparto en Prado-Budiño, dispón da licencia de primeira ocupación que hoxe vén de firmar a Alcaldesa, Eva García.

Como a meirande parte da paquetería chega en transporte nocturno, a maior actividade na nova central loxística será no turno de noite, segundo informaron desde a multinacional ó Concello.

“Amazon” mercou este verán a antiga nave de “Arcelor” para establecer ese novo centro operativo no polígono industrial de Prado-Budiño. Desde agosto reformou a nave preexistente de 1927 metros cadrados construídos dentro dunha superficie total de 4.661 metros cadrados que ten o solar.

Namentres realizou as obras e a través da axencia “Manpower”, realizou a selección de persoal entre centos de curriculums que se presentaron para traballar nesta central loxística.

16/10/2019 in Alcaldía, Emprego e formación, Urbanismo, comercio e industria

Entrega de novos vehículos do parque móbil municipal a diferentes servizos do Concello

Este mediodía realizouse o acto formal de entrega dos novos vehículos do parque móbil municipal ós diferentes servizos do Concello, dentro da operación de renovación que acometeu o goberno local.
No acto, ó que asistiron a concelleira de Seguridade e Fazenda, Lourdes Moure e o concelleiro de Medio Ambiente, Sergio Casal, entregaronse nove vehículos para os servizos de Vías e Obras, Parques e Xardíns, Deportes, Servizos Sociais e Urbanismo.

Entregaronse nove furgonetas “Peugeot” modelo “Rifter”, rotuladas e co escudo do Concello do Porriño.
Ainda restan por recibirse e entregar tres furgons máis grandes, marca “Renault” que serán adxudicadas ós servizos de Vías e Obras e Parques e Xardíns.
Con anterioridade entregaronse os catro vehículos para desplazamentos do goberno municipal (3 “Seat” modelo “Ateca” e un “Mini”) e outros vehículos “Peugeot 308” para diferentes departamentos do Concello ata totalizar os 25 que forman parte desta operación de renovación do parque móvil municipal mediante “renting” por 4 anos.
Segundo informouse hai días, o Concello do Porriño licitou a renovación total do parque móbil do Concello para garantir a seguridade dos vehículos e dos traballadores municipais empregando criterios de eficiencia enerxética e aforro do gasto público.
Deste xeito determinouse un prego de condicións para renovar o parque móbil con 25 vehículos mediante concurso público que se iniciou con data 26 de marzo deste ano e rematou en setembro.
Na licitación estableceronse cinco lotes. Presentaronse un total de seis empresas, ningunha delas de Porriño. Eran da provincia de Pontevedra, doutras provincias galegas e tamén había firmas doutras comunidades autónomas.
Catro lotes foron gañados por “GrupiVazgle”, de Lugo e o restante pola firma “Rodosa”, de Vigo.
O parque móbil do Concello tiña unha media de 15 anos, pero hai vehículos que superan as dúas décadas de antigüidade. Especialmente o que atinxe os vehículos adscritos ó departamento de Vías e Obras que “teñen unha idade media de 25 anos cun evidente mal estado e obsolescencia”, segundo un dos informes técnicos recabados polo goberno municipal.
A meirande parte dos vehículos antigos serán subastados e os que non saian por ese procedemento, serán achatarrados.

08/10/2019 in Alcaldía, Limpeza, Parques e xardíns, Servizos sociais, Tráfico, Urbanismo, comercio e industria, Vías e obras

Exitosa primeira edición da “Porriño Fashion Night”

O Concello do Porriño, a través da Concellería de Comercio, colaborou na primeira Pasarela de Moda “Porriño Fashion Night” celebrada o pasado sábado pola noite con notable presenza de público na praza Arquitecto Antonio Palacios.

“Estamos moi ledos de apoiar este tipo de iniciativas que serven para dinamizar e poñer en valor o comercio de proximidade do Porriño”, manifestou Sergio Casal, concelleiro responsable de Comercio.
Unha duzia de establecementos comerciais participaron neste evento que organizou a firma “M&H Fashion Shows and Models” en colaboración coa Escola de Modelos “Proxecto Ego”.

Os modelos desfilaron por unha pasarela de 30 metros de lonxitude con coleccións de outono-inverno; moda nupcial; primeiras comunións e arras.

07/10/2019 in Alcaldía, Urbanismo, comercio e industria

“Amazon” rematou a selección de persoal e agarda abrir a central loxística en outubro

Hoxe xoves 26 os 40 aspirantes elixidos para traballar na central loxística de “Amazon” que abrirá en Porriño, viaxaron a Barcelona para iniciar a súa formación. A axencia “Manpower” realizou a selección de persoal entre centenares de peticionarios. A plantilla ampliaráse en datas de maior demanda como “Black Friday”, campaña de Nadal e rebaixas de inverno.

Namentres “Amazon” acelera os preparativos para a apertura da súa central loxística que se producirá en outubro. “Se todo va bien en torno o 7 de outubro” manifestou David Alonso, concelleiro de Emprego.

“Amazon” que dispon de licenza de obra dende o 1 de agosto, realiza a reforma da antiga nave de “Arcelor” que mercou para establecer a central loxística no polígono industrial de Prado-Budiño. Estáse a reformar unha nave preexistente de 1927 metros cadrados construídos dentro dunha superficie total de 4.661 metros cadrados que ten o solar.

26/09/2019 in Alcaldía, Emprego e formación, Urbanismo, comercio e industria

A concelleira de Educación asistiu ó acto central do Día Europeo dos Minerais

Lourdes Moure, concelleira de Educación representou ó Concello no acto central do Día Europeo dos Minerais que se celebrou en Porriño, na canteira da firma “Blockdegal”.

Un grupo de estudiantes do IES Ribeira do Louro participou nunha visita guíada pola canteira que é unha das máis grandes adicadas a extracción de granito “Rosa Porriño”e que se manten en funcionamento.

O acto foi organizado polo Centro Tecnolóxico do Granito para afondar no coñecemento da actividade mineira, especialmente, a través da mocedade porriñesa.

A concelleira dirixiu unhas palabras ós mozos e mozas que participaron na visita ás instalacións para que tomarán conciencia “da importancia que tivo e ten para O Porriño o sector da pedra e derivados que poden supoñer para algúns de vos unha futura saida profesional”, indicoulles Loures Moure.

24/09/2019 in Educación e tecnoloxía, Urbanismo, comercio e industria

A Alcaldesa do Porriño reuniráse coa directora xeral de Planificación do ADIF para dar forma ó convenio que posibilite a supresión do paso a nivel

María Luisa Domínguez Gónzalez, directora xeral de Planificación e Proxectos do ADIF vén de confirmar que recibirá o vindeiro xoves 19 de setembro, ás 11 da mañán, á alcaldesa Eva García. A reunión en Madrid, froito das persistentes xestións do Concello de Porriño ante o Ministerio de Fomento, será para dar forma ó futuro convenio que posibilite executar o soterramento da vía férrea e eliminar o actual paso a nivel.
O Goberno Municipal de Porriño entende que ese futuro convenio debería ser participado polas catro administracións públicas (Estado, Xunta de Galicia, Deputación Provincial e o propio Concello) para asumir de xeito conxunto a financiación da obra.

Tratase de dar continuidade ás xestions realizadas hai un ano pola alcaldesa coa presidenta do ADIF, Isabel Pardo de Vera que citou a Eva García en Madrid. Naquela reunión, de data 31 de agosto de 2018, a presidenta do ADIF comprometeuse a retomar a proposta unánime dos grupos municipais e dos colectivos sociais e económicos de Porriño para suprimir o paso a nivel como evidenciouse na histórica manifestación do 1 de xuño dese ano.

O paso a nivel existe en Porriño dende 1948. A súa supresión é unha demanda histórica que se reforzou a partires do accidente de hai tres anos cando o Tren Celta descarrilou por exceso de velocidade o que provocou catro mortos e perto de medio centenar de feridos.

09/09/2019 in Alcaldía, Urbanismo, comercio e industria, Vías e obras

“AMAZON” ANUNCIA Ó CONCELLO QUE INICIA A SELECCIÓN DE PERSOAL PARA A INMINENTE APERTURA DO CENTRO LOXISTICO DE PORRIÑO

A Alcaldesa Eva García e o concelleiro de Emprego, David Alonso mantiveron hoxe unha reunión de traballo con Eva Pérez, representante de “Amazon Logistics” e representantes de “Manpower”, firma que se encargará da selección de persoal que se iniciará en breve con motivo da inminente apertura do centro loxístico da multinacional en Porriño.

A previsión é que “Amazon” arrancará con 40 empregados na central loxística pero esa plantilla incrementaráse nas datas punta como “Black Friday”, campaña de Nadal e rebaixas de inverno.

“Explicaronnos como van facer a selección de persoal que de inmediato publicitarán a través dos medios indicando un enlace onde os interesados e interesadas deberán dirixirse para remitir o seu curriculum. Aseguraronnos que será un proceso moi transparente baseado na valoración das capacidades e méritos de cada aspirante”, indicou Eva García.

O Concello de Porriño prestará as instalacións de “Porremprego” no Multiusos de Torneiros para a realización das entrevistas de traballo ós aspirantes cando “Manpower” arranque o proceso de selección.

“Coido que isto vai ser o principio dunha colaboración moi exitosa entre ‘Amazon’ e Porriño de tal xeito que un proxecto ainda máis grande do que vai comenzar sería factible e con moita xente de Porriño e alrededores cualificada e con ganas de traballar”, indicou a alcaldesa.

Na reunión trataronse tamén aspectos referidos a marcha das obras de reforma das instalacións que “Amazon” mercou e reformou. Tratase da antiga nave da firma “Arcelor” no polígono industrial de Prado-Budiño. Estáse a reformar unha nave preexistente de 1927 metros cadrados construídos dentro dunha superficie total de 4.661 metros cadrados que ten o solar.

A previsión é que “Amazon” poida abrir esta nova central loxística para o noroeste a finais de setembro ou principios de outubro.

05/09/2019 in Alcaldía, Emprego e formación, Urbanismo, comercio e industria

O GOBERNO MUNICIPAL CO APOIO DA MAIORÍA SALVAGARDA OS PAGOS ÁS EMPRESAS E PROVEEDORES DE PORRIÑO

O Goberno Municipal de Porriño co apoio da maioría da corporación “garante o pagamento ós empresarios e proveedores de Porriño fronte á política de atrancos do PP que ainda non asumiu que non gobernará este concello neste mandato”, manifestou Eva García, alcaldesa da vila.

De xeito que a maioría da Corporación coa suma de votos de concelleiros do PSOE, EU Son, BNG e grupo mixto (Manuel Carrera) derrotou as propostas do Partido Popular durante a sesión celebrada este mediodía.

O PP pretendía con este pleno extraordinario convocado pola súa iniciativa, frear os pagos a proveedores e empresas oponiéndose ás mdoficacións de crédito prantexadas. Asimesmo o PP demandaba” unha revisión de oficio de toda a facturación dos exercicios 2016, 2017 e 2018 para depurar as irregularidades que se tiveran cometido”, segundo expusou o voceiro Alejandro Lorenzo.

“Iso suporía atrancar o funcionamento do Concello de Porriño durante anos e terminar pagando con xuros o que se debe” respostou Lourdes Moure, concelleira de Fazenda que lembrou o voceiro da oposición “cando vostede estivo no goberno municipal con Nelson Santos aprobaron pagos de facturas por 18 millóns de euros mediante modificións de créditos e recoñecementos extraxudiciais e ninguén falaba de revisións”, sinalou a voceira socialista.
“Unha revisión xeral de oficio da facturación pendente sería unha temeridade” segundo Manuel Carrera mentres que Pedro Pereira e Pedro Ocampo tamén coincidiron en manifestar durante o pleno o seu rexeitamento a unha revisión de oficio “que sería unha temeridade” apostillou o voceiro do BNG. Pola súa banda Ocampo fixo a observación de que na conta 413 “sí se revisarán algunhas das facturas segundo acordamos na comisión informativa”, extremo co que estiveron dacordo BNG e PSOE.
Os concelleiros do PP presentaron votos particulares contra as modificacións de crédito propostas polo goberno municipal. Os votos particulares foron derrotados e as propostas do goberno municipal sairon con 9 votos a favor (PSOE, EU Son, BNG e Carrera) e 8 abstencións (PP).
Unha desas modificacións de crédito, polo tanto aprobada hoxe, por importe de 473.000 euros é para pagar facturas con recoñecemento extraxudicial a dez empresas por servizos e obras. A aprobación da operación garante o pagamento en breve.
A outra modificación é por importe de 1.700.000 euros. O acordo adoptado hoxe pola maioría da Corporación determina a xeneración do crédito para o pagamento a 238 proveedores e empresarios do Concello de Porriño. Agás aquelas facturas que deban ser revisadas segundo acordaron en comisión PSOE, EU Son e BNG. Para as restantes ainda restará a súa ratiticación no seguinte pleno que será o ordinario de setembro.

Outro punto da sesión era a ratificación do contrato coa empresa “Ascan” para a limpeza viaria conforme decidiu hai meses a mesa de contratación. O PP pretendía derogar esa adxudicación alegando supostas deficiencias na prestación e tamén prantexou un voto particular que foi derrotado pola maioría da corporación. Sergio Casal, concelleiro de Medio Ambiente do goberno municipal defendeu a adxudicación que” foi decidida nunha mesa de contratación con catro técnicos sen intervención de políticos”.
A adxudicación a “Ascan” foi ratificada con 7 votos a favor (PSOE, EU Son e Carrera) e 10 abstencións (PP e BNG).

Por último, nesta sesión plenaria quedaron finalmente aprobadas as retribucións da alcaldesa e concelleiros que forman o goberno municipal en réxime de adicación exclusiva, asunto que quedou pendente no pleno municipal do pasado 12 de xullo.

04/09/2019 in Alcaldía, Limpeza, Parques e xardíns, Servizos sociais, Urbanismo, comercio e industria, Vías e obras

Presentada a XXI edición de “MERCA NA RÚA, FEIRA DE OPORTUNIDADES” que se celebrará os vindeiros días 7 e 8 de setembro

Vintecinco establecementos de Porriño e concellos limítrofes participarán na XXI edición de “Merca na Rúa, Feira de Oportunidades” que vai ter lugar o vindeiro fin de semana na zona peonil da vila.
Haberá 28 stands (algunhas das firmas doblan) que ofrecerán “descontos de ata o 80% xa que a intención é liquidar os restos da tempada”, explicou Noelia Conde, xerente de ACIPOR e impulsora de “Morea, Centro Comercial Aberto do Porriño”.
A iniciativa do tecido comercial da vila foi louvada tanto por Sergio Casal, concelleiro de Comercio como por David Alonso, edil de Emprego que comentou un dato moi significativo. “Actualmente en Porriño hai 1.200 autónomos dos que o 60% adicanse ó sector servizos de xeito que eventos como este axudan a dinamizar e son moi de agradacer”, sinalou David Alonso.
Pola súa banda Sergio Casal expresou a “enhoraboa do Concello ós organizadores e reiterar a nosa vontade de manter a colaboración para a continuidade destas feiras”, manifestou o edil de Comercio.
Pola súa parte Noelia Conde agradeceu ó Concello e os devanditos concelleiros “pola súa colaboración inestimable no só para a ocupación dos espazos públicos senón tamén pola axuda económica e loxística”.