Urbanismo, comercio e industria

A sede de “Turismo Rías Baixas” en Pontevedra acollerá a presentación a nivel provincial da IV Feira do Pan do Porriño

Deputación de Pontevedra, a través do organismo “Turismo Rías Baixas” acollerá mañan mércores 29, unha nova presentación da IV Feira do Pan do Porriño que terá lugar os vindeiros días 1 e 2 de xuño. Trátase dunha acción informativa de ámbito provincial que complementará a presentación previa que se fixo no Concello de Porriño o pasado 20 de maio. A esta comparecencia en Pontevedra asistirán Eva García, alcaldesa de Porriño, Santos Héctor, deputado provincial delegado de Turismo e representantes da patronal local ACIPOR e do sector de panaderías de Porriño.


Lembremos que na IV Feira do Pan que apoia o Concello haberá 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas, na praza de San Benito, aínda que o pregón inaugural será a mediodía a cargo de Carlos Alvarez. Ese mesmo día, a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor.
Habilitarase tanto o sábado como o domingo unha carpa na Feira para que o público que o desexe poida xantar alí.
De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.
O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.
Con este certame Porriño volve a reivindicarse como “a capital galega do pan” mentres agarda pola certificación de orixe que “aínda segue en tramitación e agardemos que non demore moito máis o rexistro da marca ‘Pan de Porriño’ que estamos a xestionar ante a Xunta de Galicia”, segundo manifestou José Manuel Fernández, no nome dos panadeiros locais.

28/05/2019 in Alcaldía, Cultura e festas, Turismo, Urbanismo, comercio e industria

Concello de Porriño encargou á empresa “Rentokil” a loita biolóxica para contrarrestar a presenza masiva de pombas

O Concello de Porriño, ante a petición xeralizada de taxistas, locais de hostalería e moitas comunidades de veciños de edificios do centro urbán, vén de contratar á empresa “Rentokil” para controlar a poboación de pombas mediante métodos de loita biolóxica. A empresa que ten sede no polígono porriñés da Granxa, está a expensas da autorización da Consellería de Medio Ambiente da Xunta de Galicia para iniciar as labouras de trampeo que deberán alongarse durante un ano, a través de accións mensuais.

Polas estimacións dos técnicos de “Rentokil”, uns 300 exemplares compoñen a poboación de pombas que actualmente hai no centro urbán da cidade, segundo a explicación que representantes da firma deron ós concelleiros do goberno municipal, Lourdes Moure e Orlando Marquez.

A colocación de xaulas para a captura destes animais realizaráse no edificio de “Instalauto”, o carón da Praza da Central; e tamén no edificio do Concello, en praza Arquitecto Antonio Palacios. En ambos os dous comprobouse que as pombas colocan os seus niños e polo tanto se concentran en eles a meirande parte destas aves.

23/05/2019 in Limpeza, Urbanismo, comercio e industria

Porriño volve a reivindicarse como capital galega do pan

Porriño volve a reivindicarse como “a capital galega do pan” co gallo da IV Feira do Pan do Porriño que terá lugar os vindeiros días 1 e 2 de xuño. O certame presentouse hoxe no Concello coa presencia de Eva García, alcaldesa da cidade; Juana Pérez, presidenta da asociación empresarial “Acipor” e os representantes do sector panadeiro local, encabezados por José Manuel Fernández.


Segundo as explicacións de Juana Pérez haberá 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas aínda que o pregón inaugural será a mediodía a cargo de Carlos Alvarez. Ese mesmo día, a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor.
Habilitarase tanto o sábado como o domingo unha carpa na Feira para que o público que o desexe poida xantar alí.
De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.


O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.
José Manuel Fernández, no nome dos panadeiros locais destacou a importancia da Feira para eles e lembrou que “segue en tramitación e gardemos que non demore moito máis o rexistro da marca ‘Pan de Porriño’ que estamos a xestionar ante a Xunta de Galicia”, manifestou.
Rematou a presentación a alcaldesa Eva García que alabou a importancia deste certame para reivindicar “unha das nosas señas de identidade que ven dende o século XVII, razón pola que desde hai catro anos este goberno municipal que presido colabora en impulsar esta Feira do Pan como forma de rescatar esa marca”.

20/05/2019 in Alcaldía, Cultura e festas, Urbanismo, comercio e industria

Concello e “Maier Ferroplast” firmaron un convenio para máis incorporacións laborais no ámbito do programa “Porriño Accede”

Dende o pasado xaneiro, ó longo dos cinco meses transcurridos, o programa  “Porriño Accede” que se desenrola por terceiro ano consecutivo, fomentou a incorporación ó mercado de traballo en empresas da cidade e da bisbarra. Segundo o balanzo feito pola Concellería de Emprego,  65 foron as persoas seleccionadas para recibir formación das cales 26 firmaron xa un contrato de traballo no que leva de ano e outras 19 realizan prácticas durante o mes de maio con expectativas de inserción, en distintas empresas do Porriño.

Para a a formación desas persoas, realizáronse dúas edicións de produción industrial e manexo de carretilla elevadora, prevención de riscos laborais no sector da automoción, soldadura MIG MAG, Lean Manufacturing, Ponte-grúa e Inxección de Plásticos.

Fixeronse 12 convenios de colaboración asinados entre o tecido empresarial e o Concello de Porriño que permitiron a un total de 42 aspirantes formarse nas empresas para acceder a unha oportunidade de traballo. Nese contexto a empresa Maier Ferroplast Sociedad Cooperativa Galega asinou un acordo de colaboración co Concello do Porriño na procura de formar 7 persoas en situación de desemprego cara a súa posible incorporación na compañía, segundo establece o convenio que suscribiron a alcaldesa Eva García mailo director da pranta, José Antonio Lima. Despois da firma, realizouse unha visita ás instalación da factoría que tén da orde de 250 operario, cunha facturación de 337 millóns de euros. Adícase á fabricación de pezas plásticas para o automóvil tendo por principal cliente a PSA-Citröen e outros fabricantes asentados en España

19/05/2019 in Alcaldía, Emprego e formación, Urbanismo, comercio e industria

O GOBERNO MUNICIPAL ACADA QUE O PLENO APROBE A RELACIÓN DE POSTOS DE TRABALLO DO CONCELLO DE PORRIÑO

Por primeira vez na historia do Concello de Porriño, haberá un organigrama e relación de postos de traballo do persoal que traballa na administración municipal. A proposta da “RPT” levouse hoxe ó pleno da corporación e aprobouse por maioría 11 votos a favor (PSOE e PP) e catro abstencións de UDDL, BNG, EU-Son e a concelleira non adscrita, Sabela Landín. Nesta sesión plenaria non acudiron dous representantes, un de UDDL e outro do PP.
A aprobación da Relación de Postos de Traballo “trátase dun fito para este Concello e de un gran avance para os dereitos dos traballadores municipais”, manifestou Lourdes Moure, concelleira de Fazenda e Persoal que defendeu a proposta durante o debate plenario. Argumentou que “despois de meses de negociacións cos sindicatos que representan á plantilla municipal, acadamos un acordo que reflicte a necesidade que tiñamos”.
Lembrou que o catálogo de postos de traballo e organigrama municipal negociouse polo goberno municipal coa xunta de persoal e que os delegados de UXT, CCOO, CIG e CSIF aprobaron por unanimidade a proposta que se levou ó pleno que “entre outras cousas garantirá a equiparación salarial dos funcionarios deste concello cos de outros limítrofes” dixo Moure.
A “RPT” establece que a plantilla do Concello sexa de 105 traballadores máis 20 postos que serían de nova creación. Determina o organigrama administrativo e establece doce departamentos. A súa entrada en vigor será a partir do 1 de xaneiro de 2020.

O acordo de aprobación foi recibido con aplausos por unha nutrida representación de funcionarios municipais que acudiron ó pleno

O pleno extraordinario tiña outros tres puntos máis na orde do día que tamén foron aprobados.
Polo tanto acordouse a aprobación inicial da desafectación da Escola Unitaria de Torneiros, producto das negociacións coa Comunidade de Montes, baseadas nunha sentenza firme.
Tamén lévouse ó pleno a aprobación provisoria da modificación do PXOM para facilitar a ampliación das instalacións da empresa bio-farmacéutica “Lonza” en Torneiros, asunto que vén tramitándose dende 2016. O goberno municipal confire a este acordo un valor especial xa que facilitará a ampliación da producción e polo tanto un incremento das contratacións dunha empresa que actualmente da emprego a 350 persoas. Nesa mesma liña os voceiros de PP, Carlos Martínez e UDDL, Marcelino Coto argumentaron o apoio dos seus grupos á modificación do PXOM proposta. Abstiveronse por diferentes razons, BNG, EU-son e a concelleira non adscrita.


E finalmente aprobouse por unanimidade un novo cadro de condicións técnicas para as contratacións do Servizo de Axuda no Fogar facendo constar os voceiros dos grupos o bo traballo feito pola concelleira de Servizos Sociais, Soledad Girón.

06/05/2019 in Alcaldía, Emprego e formación, Servizos sociais, Urbanismo, comercio e industria

Porriño será a capital do ciclismo pontevedrés durante as vindeiras semanas coas probas “Xarotos” e “Challenge Rías Baixas” que reunirán perto dun milleiro de participantes

A cidade de Porriño converteráse na capital do ciclismo pontevedrés durante as vindeiras semanas ó reunir a perto dun milleiro de participantes nas probas que organiza o club ciclista “Master da Louriña”. Unha de elas, a “Xarotos Gran Fondo” co patrocinio do Concello de Porriño e Deputación Provincial, definese como “proba ciclodeportiva” que se disputará o domingo 12 de maio.
Para a “Xarotos” agardánse más de 500 ciclistas, segundo estimación dos organizadores. Na categoría absoluta disputaráse sobre unha lonxitude de 130 kilómetros dos que 83 serán cronometrados. Tamén haberá outras duas probas complementarias de medio fondo e mini fondo sobre distancias de de 95 km e 71km, respectivamente. A saida será dende a praza do Concello de Porriño. O percorrido de cada unha das tres modalidades será neutralizado os primeiros 19km de cada opción e os últimos 28 km serán sen cronometraxe.
O outro evento organizado por “Master da Louriña” é a “Challenge Rias Baixas” que cumprirá a súa terceira edición. Tratase dunha proba para categorías xuvenil e “master” homologada pola Federación Galega, conta cos patrocinios dos Concellos de Porriño, Mos e Ponteareas e terá lugar o fin de semana do 22 e 23 de xuño.
“Ambas competicions movilizarán en total un milleiro de ciclistas de Galicia, Asturias, Castela e Norte de Portugal que converterán Porriño no epicentro destes eventos que dende a Federación Galega de Ciclismo valoramos moitísimo e agradecemos a colaboración dos concellos pola súia sensibilidade para con noso deporte”, sinalou Juan Carlos Múñiz, presidente federativo.
A alcaldesa Eva García manifestou a súa satisfacción “polo movemento económico, a dinamización social e o ambiente que suporán estas probas para a hostelería e comercio de Porriño” que ademáis “volve a reinvidicase como O Concello do Deporte”.


Na presentación das probas tamén estiveron presentes a concelleira de Turismo de Mos e o concelleiro de Deportes de Ponteareas e o ciclista profesional Gustavo Rodríguez, excorredor do equipo galego “Xacobeo” e hoxe en día adicado ó triatlón. Está piques de participar o vindeiro sábado no Mundial de Triatlón de Longa Distancia que se celebrará en Pontevedra.
A organización das probas decidiu render unha homenaxe a Gustavo quen recibiu de mans do presidente do club “Master da Louriña”, Juan José Alvarez Cerdeira, un maillot especial e anunciou que será o anfitrión e referente destes eventos.

30/04/2019 in Alcaldía, Deportes, Turismo, Urbanismo, comercio e industria

Inminente estrea do “Porriño Street Food”

“O Porriño Street Food” trae á nosa cidade un festival que concentrará nun mesmoespazo unha seleccionada oferta gastronómica, música en directo e un mercado con expositores de Porriño e bisbarra. Deste xeito Porriño incorporase a unha tendencia cada vez máis extendida que demanda estas novas fórmulas que reúnen comercio non convencional, ocio e gastronomía en espazos abertos. “Ademáis a capacidade de convocatoria deste tipo de eventos e a boa previsión meteorolóxica para o vindeiro fin de semana fan prever unha altísima presenza de público da área metropolitana e polo tanto un importante retorno económico para Porriño”, valorou a alcaldesa Eva García que presidiu a conferencia de prensa.

“O Porriño Street Food” desenrolaráse na praza Arquitecto Antonio Palacios a partir das 21 horas da noite do vindeiro venres 3 de maio. Seis camions con cociñas sobre rodasou “food trucks” segundo a denonimación inglesa, instalaránse na praza. Os participantes serán os pontevedreses “Mean Dogs e “Crepes & Roll”; “Faiscas”,“Matafame” e “Gale-Truck” (todos eles de Ourense) e “Rock & Dog” (de León). A organización, a cargo da OMIX de Porriño e a empresa de eventos “Galicia Street Food” instalarán carpas, mesas e cadeiras para o público asistente.Os “food trucks” “ofrecerán propostas gastronómicas suculentas e orixinais que comprenderán hamburguesas premium, bocadillos gourmet, tapas originales, cocinavegana, crepes e gofres artesás e cervexas de autor”, dixo Crisóbal Cudeiro, responsable da empresa organizadora. Segundo dixo “ a elección de Porriño para este evento queserá a primeira vez que se celebre, responde ás características de esta cidade e á excelente colaboración por parte do Concello, declarou Cudeiro.A oferta gastronómica manteráse ata o domingo 5 do “Porriño Street Food” e estará complementada por un mercado con 10 comerciantes da cidade e por actuacionsmusicais diarias que contribuirán á animación.

29/04/2019 in Alcaldía, Benestar, Cultura e festas, Turismo, Urbanismo, comercio e industria

A ALCALDESA DE PORRIÑO NEGA A SUPOSTA DESATENCION QUE DENUNCIAN AFECTADOS POLAS CANTEIRAS DE ATIOS E LEMBRA A MEDIACION EFECTUADA ENTRE AS PARTES

O Concello de Porriño ten intermediado entre os afectados das canteiras de Atios e a firma Pocasa mediante sendas reunions que recentemente mantivo a alcaldesa Eva García con ambalasdúas partes na casa cosnsitorial. De tal xeito que a alcaldesa nega “a suposta desatención que denuncian os veciños de Atios” que os afectados alegan coma un dos motivos para próximas movilizacions.
Eva García de la Torre lembrou que “na reunión habida hai uns días facilitei ós representantes dos afectados toda a información sobre os expedentes que obran neste Concello e recomendeilles que puxeran o asunto da reclamación da débeda de “Pocasa” en mans dun bufete e que o Concello de Porriño axudaríalles a sufrar eses gastos xurídicos”. “E paralelamente esta Alcaldía instou noutra reunión a “Pocasa” a que pague a débeda que tén cos afectados de Atios conforme a pericial que se fixo na etapa do anterior alcalde Nelson Santos”, engadiu Eva García.
Co respecto ó proxecto de restauración da canteira Vilafría, a alcaldesa sinalou que “O Concello de Porriño atópase ante un procedemento regrado que conta cos informes favorables técnicos, entre eles sinaladamente da Xunta de Galicia, e polo tanto esta administración municipal non pode prohibir esas obras”.
Por último, en relación ás protestas e movilizacions que anuncia a Asociación de Afectados, a alcaldesa limitouse a sinalar que “no eido do máximo respeto ó dereito de manifestación de cada quen, faríalle ver ós veciños que o Concello non é o responsable e que por tanto estarían a petar na porta errada”.

17/04/2019 in Alcaldía, Urbanismo, comercio e industria, Vías e obras

Asociación de Empresarios do Polígono da Granxa e o Concello de Porriño solicitan unha reunión á Zona Franca para tratar o proxecto da Cidade do Transporte

A Alcaldesa de Porriño, Eva García solicitará a David Regades, delegado da Zona Franca unha reunión para abordar o proxecto de “Cidade do Transporte” que o Consorcio decidiu instalar no noso termo municipal. A petición desa entrevista é un dos temas tratados hoxe pola alcaldesa con Indalecio Cuevas, presidente da directiva da asociación empresarial Entidade Urbanística de Conservación Polígono de A Granxa.

Concello e representación patronal agardan coñecer as últimas novas sobre o estudo de alternativas de localización da Cidade do Transporte que precisaría ó redor de 100.000 metros cadrados e proximidade ás principais vías de comunicación que conectan Porriño con Vigo para poder aparcar de 200 a 500 camions diarios. A instalación que estaría vixíada contaría ademáis con habitacions, vestiarios, restaurante, suministro de combustible e taller de reparacions.

O dirixente empresarial e maila alcaldesa repasaron no encontro celebrado na casa consistorial porriñesa outras demandas pendentes coma a implantación de transporte público para atender ós milleiros de personas que traballan nos polígonos industriais de Porriño ou a necesidade de dotar a ese espazo dunha gardería infantil.

No que atinxe ó transporte, Eva García sinalou que o Concello “respalda dende hai tempo esa demanda dos empresarios radicados nos polígonos”. Estimase que diariamente unha poboación flotante de 35.000 persoas acuden a traballar ós polígonos de O Porriño e carecen dunha opción de transporte público en autobús, segundo trasladaron tanto Indalecio Cuevas coma Eva García. Con respecto a petición dunha gardería infantil, a alcaldesa lembrou que o Concello xa cedeu unha parcela á entidade empresarial. Non obstante Concello e empresarios van estudar outras posibilidades para poder acometerla e dar servizo ás familias de traballadores dos polígonos porriñeses.

04/04/2019 in Alcaldía, Emprego e formación, Servizos sociais, Urbanismo, comercio e industria, Vías e obras

A alcaldesa de Porriño insta por carta á conselleira de Medio Ambiente da Xunta de Galicia a crear unha mesa de traballo para retomar o plan de descontaminación do lindano

Eva García de la Torre enviou unha carta dirixida a Angeles Vázquez Mejuto, conselleira de Medio Ambiente, Territorio e Vivenda solicitandolle crear unha comisión técnica entre Concello de Porriño e Xunta de Galicia para retomar o plan de descontaminación do lindano. A carta tivo data de entrada na Consellería o pasado 28 de marzo e ainda non houbo resposta.
A alcaldesa expón na súa misiva as recentes novas sobre novos achados que presuntamente corresponderían a lindano na zona de Torneiros e lembralle á conselleira que “trátase dunha actuación que ven demandando o Concello de Porriño dende que en 2017 apareceron verquidos de lindano nas obras de saneamento que realizabamos na citada parroquia”. Finalmente Eva García engade na súa carta á conselleira que “entendemos dende o Concello de Porriño que nos corresponde a ambalas dúas administracions actuar en consecuencia de xeito coordinado”.

01/04/2019 in Alcaldía, Benestar, Urbanismo, comercio e industria, Vías e obras