As obras de reforma e mellora da “Galiña Azul” de Torneiros realizaronse en quince días costeadas polo Concello

As obras de reforma de espazos e mellora da gardería de Torneiros, vencellada a rede “Galiña Azul” da Xunta de Galicia, están prácticamente rematadas como hoxe comprobou unha comitiva municipal encabezada pola alcaldesa, Eva García e a concelleira de Educación, Lourdes Moure.
En presenza das responsables e persoal da gardería así como de algunas nais que estaban a colaborar en tarefas de limpeza, a comitiva municipal comprobou o resultado das obras. Na zona dos nenos de 0 e 1 anos e de 1 e 2 habilitaronse novos espazos de baños, lavabos e cambiadores así como novo mobiliario. Asimesmo se habilitou outra nova dependencia, unha “aula de soño” e se renovaron instalación eléctricas e de fontanería.

Restan remates entre eles a cubrición dos dous areneros do xardin exterior onde xogan os nenos que se fará entre hoxe e mañá.
Por outra banda tamén pintaronse aulas e espazos común e se instalaron detectores de fume e outras medidas de seguridade recomendadas polo Consorcio Galego de Servizos de Igualdade e Benestar. Esta administración, dependente da Xunta de Galicia otorgou luz verde ó proxecto o pasado 14 de agosto razón pola que as obras empezaron o festivo 15 e os traballos tiveron que realizarse en dúas semanas.
O Concello de Porriño enviará a persoal para que faga a limpeza xeral das instalacións a fin que se poida abrir a Galina Azul de Torneiros para o vindeiro xoves día 5.
O custe final das obras é de 48.054 € que son aboados polo Concello de Porriño con cargo á partida de cofinanciación coa Xunta de Galicia.

O LUNS 2, CONVOCADA COMISIÓN MUNICIPAL PARA INFORMAR OS ASUNTOS DO PLENO DO VINDEIRO MÉRCORES

Este mediodía firmouse a convocatoria para celebrar o vindeiro luns 2 Comisión Municipal de Economía, Fazenda e Persoal para informar os asuntos que van ó pleno que celebrará a corporación local o vindeiro mércores 4. 
A Comisión celebraráse ás 19 horas e deberá informar dos 4 asuntos que van ó pleno extraordinario que instara o Partido Popular. 
Son os seguintes: 
1)Determinación e retribucións dos membros do goberno municipal en rexime de adicación exclusiva ou parcial.
2)Expediente 2870/2019. Modificación de drédito extraordinario 3/2019
3)Moción do grupo EU Son que prantexa cambio de dirección da rúa Salgueira
E 4)Moción do grupo municipal do PP relativa á adhesión ó Pacto para o Cambio Climático. 
Lembramos que cada Comisión Informativa está formada por 9 concelleiros: 4 do PP; 2 do PSOE; BNG, 1; EU Son, 1 e Grupo Mixto, 1.

O vindeiro luns 2, estrea das novas máquinas no ximnasio do Polideportivo Municipal

O concelleiro, David Alonso e Julio Bernárdez, xefe do Servizo de Deportes comprobaron esta mañán as oito novas máquinas instaladas no ximnasio do Pavillón Municipal de Porriño. A estrea realizaráse o vindeiro luns 2 de setembro. 
O Concello de Porriño ven de investir 18.000 € na adquisición destas máquinas e diverso material deportivo para os usuarios destas instalacións.
O concelleiro de Deportes indicou que as catro máquinas que se retiran serán cedidas a diversos clubs da vila.

Por outra banda durante a visita ás instalacións, o concelleiro comprobou as melloras que se están a implementar na piscina municipal cun investimento de 30.000 euros. A maiores o concelleiro agarda iniciar de inmediato as obras de impermeabilización nos voladizos da entrada á piscina que están valorados en 40.000 €.

Asimismo a partires do luns o concelleiro agarda que se poidan acometer as tarefas pendentes de lixado, pulido e barnizado que mediante tres quendas de traballo rematarían en dúas semanas. Durante eses quince días acometeriase primeiramente a pista 2 e logo a pista 1, axustando as labouras cos calendarios dos equipos de balonmán e baloncesto. O investimento para estas obras será de 48.000 €.

Programación cultural agosto 2019: HOXE, NOITE DE BOLEROS

Este venres 30, rematará a programación cultural de agosto de 2019 do Concello de Porriño cunha noite de música latinoamericana.
A partires das 22 horas, no escenario habilitado na praza do Concello, actuará o conxunto “SonBoleros” .
É un cuarteto formado por contrabaixo, voz, piano e percusión que renden homenaxe ás mellores cancións da música latina.
No seu repertorio incluen boleros, tangos e sones.
Os catro músicos que compoñen o cuarteto son: Tony Gónzalez (percusión), Pachi Cruz (contrabaixo): Ely Morales (voz) e Cristian Leggiero (piano e dirección).

Programación cultural de agosto: representación de “A illa sen tesouro”

No ámbito da programación cultural do Concello do Porriño para o mes de agosto, este xoves 29 haberá un espectáculo de animación infantil. 
Ás 19 horas, no esceario habilitado na praza Arquitecto Antonio Palacios representaráse a obra “A illa sen tesouro”.
A posta en escea correrá a cargo da compañía Teatro Ghazafelhos.

A illa sen tesouro” é unha proposta de teatro de rúa apoiada nunha escenografía dinámica que se transforma nun mesón, nun barco, unha cova e nunha empalizada. Os tres actores e a actriz reinterpretarán os distintos momentos, coa participación do público.

Teatro Ghazafelhos é unha compañía nacida en Narón no ano 2006 especializada en teatro de actor e clown. Trátase dunha das compañías galegas de referencia para público familiar. Ghazafelhos compóñena Montse Piñón, Pepablo Patinho e Jorge Casas.

CONCLUÍDAS AS OBRAS DE VALADO E SINALIZACIÓN DAS CANTEIRAS PARA BLOQUEAR O ACCESO DE BAÑISTAS E CURÍOSOS

A mellora do valado e peche perimetral e a ampliación da sinalización de perigo xa remataron conforme o acordo acadado polo Concello de Porriño e titulares das explotacións de Atios para bloquear o acceso de bañistas e curiosos ás canteiras.


Como pode comprobarse nas imaxes que adxuntamos, tamén adiantouse o portalón de acceso á zona.
Todas estas medidas foron acordadas o pasado 27 de xullo durante a reunión presidida pola alcaldesa Eva García á que asistiron representantes das firmas concesionarias en representación de “Pocasa” (“Porriñesa de Canteiras”) e do empresario Manuel Carrera Lorenzo, titular da canteira “Arcace nº 21” que era a canteira onde acudían máis bañistas e curiosos.

Todo este paquete de medidas “son para protexer a seguridade de todos” segundo valorou a alcaldesa que engadiu que “acceder ás canteiras e bañarse nelas supón un acto de manifesta irresponsabilidade que pon en perigo a integridade física de quen o fai e dos que lles acompañan”, rematou Eva García.

O Conselleiro de Sanidade atende a queixa de Porriño e cita á alcaldesa para falar do Centro de Saúde.

Jesús Vázquez Almuiña, conselleiro de Sanidade atende a queixa recente formulada polo Concello de Porriño por unha descortesía institucional cos representantes dos veciños. En consecuencia o gabinete do Conselleiro comunicou hoxe ó Concello de Porriño que cita á alcaldesa Eva García de la Torre o vindeiro martes 3 de setembro ás 11 horas, para que acuda a Santiago a firmar, de novo, o convenio de cesión da parcela para ampliar o Centro de Saúde.

O antedito convenio fora firmado hai case unha década polo anterior alcalde Nelson Santos. E logo foi ratificado pola actual alcaldesa e remitido a Santiago durante o pasado mandato.

O Concello de Porriño manifestou a pasada semana a súa queixa por non ter recibida información alguna do Conselleiro de Sanidade Jesús Vázquez Almuiña nin do seu staff sobre a licitación anuncíada da redacción do proxecto anunciada hai uns días polo Sergas a través dunha nota de prensa. Ó respecto a alcaldesa declarou que “tratase dun novo xesto censurable por parte de esa Consellería” e reclamou que o señor Vázquez Almuiña puxerase en contacto con esta alcaldesa “para explicarnos ós pormenores da licitación, do proxecto e dos prazos”, extremo que finalmente vai atender o Conselleiro de Sanidade.

Desconvocase o pleno ordinario que ía celebrar a corporación local de Porriño esta tarde

A Alcaldía de Porriño ordenou a desconvocatoria do pleno da Corporación Local que ía celebrarse ás 18 horas. Tratabase dunha sesión ordinaria cuia orde do día era básicamente a mesma do pleno que ía celebrarse o pasado 30 de xullo e que tamén houbo que desconvocar.

A razón da desconvocatoria de hoxe é que rachou o acordo que tiñan acadado a alcaldesa Eva García e o voceiro do PP, Alejandro Lorenzo. Segundo ese acordo do que informábamos hai uns días, Lorenzo retiraría a petición doutro pleno extraordinario coa mesma orde do día do ordinario de mañá.

O Goberno Municipal critica que o PP “retorza a interpretación da Lei de Bases de Réxime Local nunha xogarreta que busca o bloqueo institucional e económico do Concello de Porriño”.
O PP prantexou un pleno extra cos mesmos asuntos que ían debatirse esta tarde. “Pero o que pretende realmente o PP é bloquear a gobernanza do Concello retardando, entre outras cousas, o pago a proveedores e a aprobación das dedicacións e reparto de competencias para que remate de formarse o goberno municipal de coalición”, valorou a alcaldesa Eva García.

En consecuencia, a sesión extra solicitada polo PP xa está convocada para o mércores 4 de setembro, ás 12 horas. O Goberno Municipal “non vai consentir máis retrasos nos pagos a proveedores de xeito que xa anunciamos que no vindeiro pleno a maioría da Corporación vai frear as obstruccións do PP e imos a aprobar as modificacións de créditos que posibilitarán o pago de perto de 3 millóns de euros a unha chea de proveedores”, rematou a alcaldesa Eva García.

A maioría da Corporación derrota ó PP no pleno extraordinario pedido pola oposición, a causa dos defectos de forma

A maioría da Corporación Local do Porriño derrotou ó PP no pleno extraordinario pedido pola oposición votando en contra da urxencia de cada un dos tres asuntos que figuraba na orde do día. Como ningún deses tres asuntos pasaron previamente polas comisións municipais informativas, o propio pleno tiña que votar un por un a urxencia ou non do seu debate e aprobación. A votación de cada asunto rexistrou un empate a 8. Por unha banda votaron PSOE (4), BNG (2), EU Son (1) e Manuel Carrera (faltaba Pedro Ocampo) e pola outra os 8 votos do Partido Popular. En caso de empate decide o voto de calidade da alcaldía que nos tres casos determinou a non urxencia.
Toda esta situación orixinouse no primeiro minuto dun pleno que apenas durou un cuarto de hora. Foi o voceiro do BNG, Pedro Pereira quen prantexou como cuestión previa que os tres asuntos da orde do día non se tiveran informado previamente en comisións municipais e que polo tanto cumpría votar un por un se procedía a urxencia ou non. Pereira sinalou que esta situación “foi producto dunha inacción do PP que unha vez que insta e acada a convocatoria dun pleno extraordinario tiña que preocuparse de que se celebrasen as comisións informativas”.
O secretario municipal (que foi quen convocou o pleno pola ausencia da alcaldesa) sinalou que o pleno tiña que celebrarse pero que tamén procedía votar previamente a urxencia ou non dos asuntos.
Como fora desestimada a urxencia dos tres asuntos, a alcaldesa deu o pleno por rematado sen máis asuntos na orde do día e levantou a sesión.
Alejandro Lorenzo, voceiro municipal do PP anunciou que volverá a reiterar a convocatoria e que se reserva o dereito de emprender acción xudiciais.
Pola súa banda Eva García, alcaldesa de Porriño manifestou que o acontecido deriva de que “tanto o secretario municipal que foi quen convocou o pleno por ausencia desta alcaldesa, nin o PP que foi quen instou a celebración da sesión, tiñan que estar ó tanto de que as comisións informativas non se celebraron”.