Alcaldía arquivos - Páxina 95 de 177

Estrea da reforma da pista 2 do Polideportivo Municipal con victoria do PBB

O equipo do Porriño Baloncesto Base acadou unha meritoria victoria contra o Bulevar Ávila, por un claro 73/61 a favor do equipo local. Foi o arranque da tempada para os porriñeses que comezan a súa nova andaina na Liga EBA. E co alciente da estrea do novo aspecto da pista 2 do Polideportivo Municipal despois das obras de reforma realizadas.

Realizaronse tarefas de arranxo, lixado, pulido e barnizado da pista. E por último pintouse coa nova iconografia do Concello do Porriño en cor vermello e branco como se pode apreciar nas imaxes.

07/10/2019 in Alcaldía, Deportes

A alcaldesa e a concelleira de Seguridade acudirán á primeira quenda do curso “Conduce con xeito”

Eva García de la Torre, alcaldesa do Porriño, e Lourdes Moure, concelleira de Seguridade asistirán maña sábado á primeira quenda de veciñas e veciños do concello que recibirán un curso de conducción segura, de xeito gratuito, e impartido por pilotos de rallys. Alcaldesa e concelleira entregarán diplomas acreditativos ós participantes cando rematen as clases prácticas, ó redor das 13 horas.

Cada sábado un grupo paritario de homes e mulleres, composto por 30 persoas máximo, recibirán clases teóricas no Multiusos de Torneiros e logo prácticas nun circuito habilitado no PPI-6 do Polígono Industrial de A Granxa. En cada quenda seleccionanse por idades. Nesta primera de mañá, acudirán persoas de 18 a 40 anos. Na seguinte, prevista para o 19 de outubro, serán persoas maiores de 40 anos.

Catro pilotos de rallys galegos, entre eles Ivan Ares e José Pintor campións de España no 2017, son os encargados de impartir a parte práctica a cada participante a bordo dun vehículo cedido á Policía Local do Porriño, encargada de organizar a o curso “Conduce con xeito”.

04/10/2019 in Alcaldía, Tráfico

O Concello garante a recollida do lixo a pesares dos problemas de indisponibilidade da planta de “Sogama”

O Concello do Porriño garante que manterá con normalidade a recollida do lixo no termo municipal, a través da empresa concesionaria “Ascan” como ven de facer ó longo desta semana, a pesares dos problemas de indisponibilidade que afectan á planta de transferencia de “Sogama” ubicada no Polígono Industrial de A Granxa.

Eses problemas proceden “da circulación ferroviaria co transporte dos residuos urbanos” e da parada técnica da planta de tratamento de “SOGAMA” por traballos de mantemento que se realizan dende o pasado sábado, segundo a versión que a “Sociedade Galega do Medio Ambiente” trasladou este mediodía ó Concello do Porriño.

A petición de Sergio Casal, concelleiro de Medio Ambiente e Limpeza, “SOGAMA” comunicou por e-mail unha explicación sobre esta circunstancia.

A comunicación de “SOGAMA” sinala unha serie de problemas xurdidos: unha avería eléctrica no Complexo de Cerceda ocurrida o 2 de outubro e dúas incidencias na operativa de transporte e acarreo dos contenedores ás plantas empacadoras de Vigo, Porriño e O Rosal que aconteceron o 3 de outubro.

A explicación de SOGAMA ó Concello do Porriño conclue “en resumo: houbo situacións excepcionais nun prazo de tempo moi breve que non permitiron movilizar servicios adicionais (…) provocando unha merma total da disponibilidade das plantas anteditas”

Non obstante a comunicación indica que “SOGAMA así como as adxudicatarias da xestión das plantas de transferencia e do servizo de transporte, estamos a poñer todos os recursos dispoñibles para solucionar esta situación e devolver a normalidade ás plantas (entre elas a de Porriño) esperando que ó longo do día de hoxe se realice o baleirado total dos camions e mañá sábado se restaure o normal funcionamento”.

04/10/2019 in Alcaldía, Limpeza

O sábado comeza “Conduce con xeito”, o primeiro curso gratuito de conducción segura para veciños e veciñas do Porriño

Catro pilotos de rally, entre eles Ivan Ares e José Pintor, campións de España en 2017, impartirán as súas ensinanzas este vindeiro sábado día 5 ós veciños e veciñas de Porriño que participan no curso gratuito de conducción segura. O curso “Conduce con xeito” é organizado polo Concello, a través da Concellería de Seguridade, e se financia cos cartos recaudados coas multas de tráfico.

Nesta primeira quenda serán 30 persoas (15 homes e 15 mulleres) de idades comprendidas entre 18 e 40 anos, todas elas empadroadas no Porriño dende hai seis meses alomenos, os que reciban as clases teóricas e prácticas. Entre as 9 da mañán e as 13,30 horas. A parte teórica impartiráse no Multiusos de Torneiros e a práctica en vehículo nun circuito habilitado no PPI-6 do Polígono Industrial de A Granxa.

Os devanditos Ivan Ares e José Pintor partiticparán como monitores xunto ós pilotos locais David Gónzalez, de Porriño e o mosense Miguel Rodríguez. Ademaís acolaborarán varios axentes da Policía Local do Porriño que coordina a intendencia e loxística deste curso.
Ó longo dos meses de outubro, novembro e decembro, sempre en sábados, continuará o curso “Conduce con xeito”. En cada quenda haberá 30 personas. Na prevista para o 19 de outubro, será un grupo de maiores de 40 anos, tamén paritario.

03/10/2019 in Alcaldía, Tráfico

80 composteiros para vivendas unifamiliares serán distribuídos polo Concello en colaboración co “Plan Revitaliza”

Oitenta composteiros individuais para vivendas unifamiliares serán repartidos próximamente a través do Concello do Porriño para extender a compostaxe nesta vila. Esta mañán persoal do “Plan Revitaliza” da Deputación Provincial fixo unha acción informativa e de recollida de solicitudes de composteiros, a través dun stand que montou na praza Arquitecto Antonio Palacios en colaboración co Concello. Sergio Casal, concelleiro de Medio Ambiente compartiu cos mestres composteiros as explicacións ós interesados en coñecer as vantaxes da compostaxe.

O compost converte os restos de comida e vexetais en fertilizante natural. Para compostar é preciso mesturar o lixo orgánico con restos leñosos e secos de podas, serraduras, follas… A transformación pódese realizar en calquera casa ou zona comunitaria mediante un composteiro, sen ningún tipo de mecanismo nin gasto de mantemento. Non esixe máis que o desexo de facelo e, en tempo, uns dez minutos á semana. O lixo diario que se xera nos fogares contén un 53 % de materia orgánica que pode ser reciclada e retornada á terra en forma de humus para plantas e cultivos. De cada 100 quilos de lixo orgánico obtéñense entre 10 e 15 quilos de compost.

Por outra banda, o Concello do Porriño “tamén se acolle a compostaxe coa biotrituración dos restos das campañas de limpeza forestal e desbroce que se están a realizar”, manifestou o concelleiro de Medio Ambiente, Sergio Casal . A biotrituración realizouse en Cataboi en colaboración co Plan Revitaliza como se aprecia nas imaxes adxuntas,

01/10/2019 in Alcaldía, Parques e xardíns

O concelleiro David Alonso valora como “moi satisfactorio” o resultado das Festas do Cristo 2019

David Alonso, concelleiro do goberno municipal que asumiu a organización das Festas do Cristo 2019, realizou hoxe unha avaliación dos festexos que calificou como “moi satisfactorios”. Dende o Concello do Porriño “valoramos que a xente quedou encantada coas actuacións elixidas e coas novidades que incorporamos na programación como a Banda no Bus que levou a animación de xeirto itinerante ós barrios e parroquias do concello que o valoraron moi ben”, suliñou David Alonso.

O edil indicou que os concertos dos grupos ‘Banda Crebinsky’,‘Dakidarría’ e ‘Efecto Pasillo’ na rúa Domingo Bueno, reuniron a milleiros de persoas e “cumpriron coas expectativas que tiñamos”. David Alonso destacou que “os sectores de hostalaría, comercio, hoteis e servizos indicaronnos que notaron unha suba de afluencia e tiveron unha boa facturación con estas festas, incluso a pesares dalgúns días de choiva”.

“Coido que marcaramos unha nova liña de actuación da que estamos moi orgullosos coma por exemplo coa instauración dos premios ‘Cabezudos e Honra’ que estreamos con Doña Pucha, Cuquín e Teté Delgado, coa organización do primeiro Rally Mix e coa consolidación de eventos como a ‘Nocturna’ con máis de 300 ciclistas participantes ou o ‘Dirk Track’ que reuniu moita xente no Velódromo Municipal”, engadiu o concelleiro.

David Alonso agradeceu “a resposta positiva que recibimos de moita xente que manifestou o seu acordó coa política de contratación de artistas, contido do programa e control do gasto que non se disparou xa que dispuxemos dun arzamento de 160.000 euros, menos do investido en 2018”, rematou o seu balanzo o concelleiro.

01/10/2019 in Alcaldía, Cultura e festas, Deportes

Programa “Tecendo Lazos”: Comeza prazo de inscrición para curso de manualidades de moldeado e pintado de obxectos

O Concello do Porriño informa que a partir do 1 de outubro abrese o prazo de inscrición para o curso de manualidades de moldeado e pintado de obxectos que se vai a realizar no Centro Cívico durante os meses de novembro e decembro.

Nesta mesma páxina web teñen a súa disposición e poden descargarse os formularios para a inscrición nesta actividade.

Esta actividade realizase ó abeiro do programa “Tecendo lazos” que financia a Deputación Provincial de Pontevedra.

30/09/2019 in Alcaldía, Educación e tecnoloxía, Servizos sociais

Biblioteca Municipal do Porriño oferta actividades formativas baixo o lema “Traballando na aprendizaxe permanente”

A Biblioteca do Porriño informa da apertura do plazo de inscricións para as actividades formativas do último trimestre do ano que denomina “Traballando na aprendizaxe permanente”. Trátase de accións non académicas que teñen como obxectivo o desenvolvemento do cidadán no plano laboral, social e persoal para afrontar as necesidades dun presente sempre cambiante.

“Curso básico para aprender a falar en público“

Nese marco organiza un “Curso básico para aprender a falar en público“, que se celebrará durante o mes de outubro, os venres de 17:30 a 20:00 horas na Biblioteca. Esta actividade está dirixida a todas as persoas que desexen mellorar a súa capacidade comunicativa ante grupos, ou para quen necesite expoñer traballos finais de carreira, ante xuntas directivas, etc.

A actividade formativa, será impartida por Llerena Perozo Porteiro, especialista en teoría e práctica da comunicación, desenvolverase durante os venres do mes de outubro (4, 11, 18 e 25). Trátase dun curso para un grupo reducido dun máximo de 18 persoas. É necesario inscrición previa (de forma presencial na biblioteca, ou a través do teléfono 986337624) e a condición de socio/a da rede de bibliotecas de Galicia. Como sempre, terán preferencia as persoas empadroadas no Porriño.

“Grupos de conversación de inglés”

Os grupos de conversación en inglés son unha actividade que pretende o perfeccionamento do inglés a nivel oral, a través dun grupo de conversa guiado e reducido. Non son clases de idioma, senón un espazo no que mellorar os coñecementos e perder o medo a falar, nun ambiente distendido. Os participantes conversan entre eles, coa guía e asesoramento dunha titora que os corrixe e guía ao longo dunha hora. A titora será María Platas Alonso, docente de lingua inglesa.

Haberá dous niveis de aprendizaxe: un grupo de nivel básico e outro grupo de nivel medio. As sesións celébranse na biblioteca todos os martes do 5 de febreiro ao 28 de maio, e do 1 de outubro ao 26 de novembro. O horario: entre as 18:00 e 19:05 horas para o nivel básico, e entre as 19:05 e 20:05 para o nivel medio. No caso de existir prazas dispoñibles, unha mesma persoa pode inscribirse nos dous niveis, e, xa que logo, asistir aos dous niveis seguidos dende as 18:00 ata as 20:05.

30/09/2019 in Alcaldía, Cultura e festas, Educación e tecnoloxía

XXVI FESTA DOS CALLOS: VENDIDAS 22.000 RACIÓNS

O vindeiro xoves día 3 de outubro, Concello do Porriño, a asociación de comerciantes ACIPOR e a asociación de hostaleiros AHOSPOR farán balanzo da XXVI edición da Festa dos Callos que se celebrou onte.
Os datos provisionais “son moi satisfactorios ainda que a choiva, sobre todo na tarde, restou algo de participación, a pesares de que Porriño estaba de bote en bote” valorou Sergio Casal, concelleiro de Comercio.

José Manuel Fernández, presidente de AHOSPOR cifrou en 22.000 o número de racións de acllos vendidas polos 37 establecementos que este ano participaron na Festa dos Callos. “Non chegamos ás 25,000 que agardábamos por culpa do tempo”, indicou.

Non obstante o vindeiro xoves “realizaremos un balanzo máis polo miudo” manifestou Noelia Conde, xerente de ACIPOR aproveitando a reunión que xa ten convocada.
Ese día, ás 18 horas,o concelleiro de Comercio e os dirixentes de ACIPOR a AHOSPOR reuniránse no salón de sesións do Concello para iniciar os preparativos da vindeira edición do “Pinchorriño”.

30/09/2019 in Alcaldía, Cultura e festas

Concello do Porriño renova o parque móbil municipal para mellorar a seguridade dos traballadores e garantir a eficiencia enerxética

O Goberno Municipal do Porriño licitou a renovación total do parque móbil do Concello mediante o sistema de “renting” para garantir a seguridade dos vehículos e dos traballadores municipais empregando criterios de eficiencia enerxética e aforro do gasto público. A operación rematou esta semana coa firma dos contratos cunha vixencia de 4 anos.
O parque móbil do Concello ten unha media de 15 anos, pero hai vehículos que superan as dúas décadas de antigüidade. Especialmente o que atinxe os vehículos adscritos ó departamento de Vías e Obras que “teñen unha idade media de 25 anos cun evidente mal estado e obsolescencia”, segundo un dos informes técnicos recabados polo goberno municipal.

A necesidade de renovar o parque móbil era tal que o comité de seguridade e saude do persoal do Concello tiña denunciado que se atopan “nun estado de uso lamentable cun mantemento inexistente, con filtracións de gases e auga no interior dos habitáculos e cunha quilometraxe que nalgúns casos supera o medio millón de quilómetros” segundo denunciou a representación laboral nun comunicado que se adxunta.

Precisamente o goberno municipal cando prantexou a renovación do parque móbil do Concello consultou con todos os xefes de departamentos para consensuar as necesidades de servizo e canto persoal ía utilizar os vehículos.

Deste xeito determinouse un prego de condicións para renovar o parque móbil con 25 vehículos mediante concurso público que se iniciou con data 26 de marzo deste ano.
Na licitación estableceronse cinco lotes. Presentaronse un total de seis empresas, ningunha delas de Porriño. Eran da provincia de Pontevedra, doutras provincias galegas e tamén había firmas doutras comunidades autónomas.
Catro lotes foron gañados por “GrupiVazgle”, de Lugo e o restante pola firma “Rodosa”, de Vigo. A firma lucense é proveedora de vehículos en “renting” para concellos gobernados polo PP en Galicia e Asturias como O Vicedo e Arteixo ou cidades como Oviedo ou concellos gobernados polo PSOE como Lourenzá ou Xixón, ademáis de proveer a outras administracións públicas en Andalucía e Cataluña.
Conforme faculta a vixente Lei 9/2017 de Contratos do Sector Público as empresas participantes podían realizar melloras. A razón social “GrupiVazgle” ofreceu melloras de calidade nos vehículos, de maior gama, mellor motorización, con quilómetros ilimitados, incluindo seguros, reparacións e vehículo de sustitución e cumprindo coa normativa “Euro 6” de eficiencia enerxética. Todos eses aspectos baremados decantaron no seu favor a decisión da mesa de contratación.