Alcaldía arquivos - Páxina 93 de 177

Convocadas tres comisións informativas para preparar o vindeiro pleno municipal

Eva García, alcaldesa de O Porriño convocou para este xoves 24, de tarde, tres comisións municipais que deberán informar diversos asuntos para o vindeiro pleno da Corporación Local.

A primeira comisión será a de Economía, Facenda e Persoal (19 horas) que leva asuntos financieros de gran trascendencia pois trátase de desatascar o pago de facturas e servizos por un importe global de preto de 2.700.000 euros.

A tal fin propónse a aprobación definitiva de dous créditos extraordinarios para aboar 1.738.000 euros de facturas da conta 413 e para pagar 473.000 euros para facturas que xa contan con sentencias xudiciais favorables.

Ademáis propónse para aprobación inicial, un crédito extraordinario por importe de 468.000 euros para satisfacer a débeda con “Eulen” pola prestación de servizos na piscina municipal.

Asimesmo levanse a esta comisión a ratificación definitiva da Relación de Postos de Traballo (RPT) do Concello do Porriño que fora aprobada en maio polo pleno municipal. E tamén vai a esta comisión a ratificación da partida orzamentaria para os salarios dos membros do goberno municipal (modificación da base 27 dos orzamentos municipais prorrogados).

Por último o grupo EU Son traslada a esta comisión informativa dúas mocións, unha delas relativa a operación de renting de renovación do parque móbil municipal cuia revisión prantexa.

Comisións de Limpeza e Servizos Sociais

A seguinte Comisión Municipal convocada para mañá xoves (19,30 horas) é a de Limpeza, Parques e Xardíns que informará sobre a aprobación dos costes do servizo de recollida de lixo así como do Punto Limpo do Concello do Porriño. Tamén vai nesta comisión a ratificación da adxudicación do servizo de limpeza viaria á firma “Ascan”.

Finalmente haberá unha terceira comisión municipal, de Servizos Sociais e Igualdade (20 horas) que tan só leva na orde do día a adxudicación do servizo de axuda no fogar (SAF).

23/10/2019 in Alcaldía, Benestar, Limpeza, Parques e xardíns

O Concello estuda colaborar co CD Pontellas para a viaxe do plantel a Tolosa para a eliminatoria da Copa do Rei

Marta Costas, presidenta del CD Pontellas mantivo hoxe na Alcaldía unha reunión con Eva García e co concelleiro de Deportes, David Alonso. A directiva solicitou axuda económica e loxística do Concello para afrontar a histórica participación do CD Pontellas na Copa do Rei. O equipo local deberá xogar unha eliminatoria a partido único o vindeiro 13 de novembro contra o Tolosa.
A alcaldesa e o concelleiro de Deportes comprometeronse coa presidenta do CD Pontellas a que o Concello estudará a viabilidade de sufragar co cargo ó erario municipal, a viaxe e aloxamento do plantel en terras vascas.
Lembremos que no caso de superar esta previa, o CD Pontellas xogaría na seguinte ronda da Copa do Rei contra un equipo de Primeira División que tería que vir a Porriño. O teórico rival non sería ningún dos catro que están a xogar a Champions League (Real Madrid, Barcelona, Atlético de Madrid ou Valencia).

23/10/2019 in Alcaldía, Deportes

O Concello agarda que a Xunta concrete dotación orzamentaria para a execución da variante da PO-510 que semella “boa e ilusionante”, segundo a alcaldesa

A Alcaldesa valorou como “boa e ilusionante” a alternativa que a Xunta de Galicia está a prantexar para resolver o problema de tráfico e seguridade vial no barrio de A Vaquería en Budiño. Eva García reuniuse hoxe cunha representación veciñal para comentar a proposta de variante da estrada PO-510 que a Xunta trasladou onte a veciñanza. Segundo esa proposta a Xunta pretende resolver o problema mediante un vial que conecte a PO-10 coa Autovía A-55 sobrevoando o polígono industrial de A Granxa.
Unha solución de semellante natureza que carece de momento de dotación económica nos Orzamentos Xerais de Galicia para 2020 requerirá establecer acordos co Ministerio de Fomento para realizar a pretendida conexión e cos empresarios do Polígono de A Granxa para resolver os accesos a fábricas e empresas afectadas.
A alcaldesa informou ós veciños que agarda manter en breve unha reunión con Francisco Menéndez, director xeral da Axencia Galega de Infraestructuras que foi o interlocutor da Xunta de Galicia coa veciñanza de A Vaquería. “De feito esta alcaldesa tomará a iniciativa a pedirei a reunión canto antes pois co proxecto de Orzamentos de Galicia 2020 xa en trámite parlamentario non haui tempo que perder”, dixou Eva García.
Por outro lado a rexidora indicou que dará traslado deste asunto ó grupo parlamentario do PSdG-PSOE na cámara autonómica para que faga unha enmenda os Orzamentos da Xunta para 2020 que contemple unha partida para facer o proxecto de execución ou ben os preliminares necesarios”, engadiu a alcaldesa.

22/10/2019 in Alcaldía, Tráfico, Vías e obras

Cartel do XIV Pinchorriño

Finalmente serán 36 os establecementos que participarán no vindeiro mes de novembro na 14ª edición do “Pinchorriño” cuio cartel difundiu a asociación patronal “ACIPOR” que organiza este evento coa colaboración do Concello do Porriño.

O “Pinchoporiño” está prantexado para promoción da hostalaría local, contribuir a desestacionalización do turismo e que siga a ser un reclamo para visitantes do resto da área metropolitana.

Como é habitual a oferta de tapas será os venres e sábados de novembro, entre as sete da tarde e as once da noite, cun prezo mínimo de consumición de 1,50 euros.

Os clientes que participen recibirán unha papeleta. Por cada catro consumicións selladas nos establecementos participantes poderán concurrir nun sorteo que este ano repartirá catro cheques compra no comercio local por importe de 100 euros cada un, e ademáis, como novidade, unha cesta de productos que regala “El Ultramarino” valorada en 150 euros.

21/10/2019 in Alcaldía, Cultura e festas, Turismo

A alcaldesa Eva García denuncia que “por quinto ano consecutivo” a Xunta “castiga a Porriño con cero euros de inversións”

A alcaldesa, Eva García de la Torre denunciou hoxe que “por quinto ano consecutivo castigase a Porriño con cero euros de inversións nos Orzamentos Xerais de Galicia”. Segundo o proxecto presentado pola Xunta ante o Parlamento, non aparece ninguna partida orzamentaria destinada a Porriño para 2020.

Eva García lembrou que “temos demandas históricas como novas garderías, a ampliación do Centro de Saúde ou a inversión para a descontaminación por lindano que son prioritarias e ás que non se dan resposta nun pobo en crecemento constante con máis de 20.000 habitantes”, engadiu.

“Quero mostrar o meu máis absoluto rexeitamento a estas contas que ignoran a Porriño”. A alcaldesa emplazou a Alejandro Lorenzo, candidato do PP nos últimos comicios locais e actual xefe da oposición “que dixou que se rompería a cara polos intereses de Porriño e que agora tería que estar pedindolle contas ó seu presidente provincial, Rueda como ó titular da Xunta, Feijóo de por que non se fan as inversións necesarias para Porriño”.

21/10/2019 in Alcaldía

Este sábado, segunda quenda do curso de conducción segura, patrocinado polo Concello

Catro pilotos de rally, entre eles Ivan Ares e José Pintor, campeóns de España en 2017, impartirán de novo as súas ensinanzas na segunda quenda do curso “Conduce con xeito” que se reanuda mañá sábado 19.
Neste intre son veciñas e veciños de Porriño de máis de 40 anos que participan no curso gratuito de conducción segura, organizado polo Concello, a través da Concellería de Seguridade, e que se financia cos cartos recaudados coas multas de tráfico.
O curso impartese entre as 9 da mañán e as 13,30 horas. A parte teórica, no Multiusos de Torneiros e a práctica en vehículo nun circuito habilitado no PPI-6 do Polígono Industrial de A Granxa.

18/10/2019 in Alcaldía, Tráfico

O Concello prepara a venta dos vehículos retirados do parque móbil municipal

O Concello do Porriño está a elaborar o expediente para vender os 26 vehículos que formaban parte do parque móbil municipal, cunha antigüidade media de 20 anos que veñen de ser retirados.

Serán vendidos un por un, cun prezo mínimo de partida. As ofertas deberán facerse en sobre pechado no prazo que se determine. Os sobres coas plicas serán abertos e coñecidos nun acto público no salón de plenos do Concello na data que se determine.

A través de esta páxina web do Concello se dará coñecemento do estado, características e prezo mínimo de cada un dos vehículos para que os interesados dispoñan de información.

Os vehículos retirados atopanse nun recinto municipal onde poderán ser vistos polos interesados nas datas que se estipulen no prego que está a prepararse.

Entre os vehículos retirados que serán vendidos figuran un “Volvo 580” comprado polo Concello do Porriño e matriculado en 2002 (con José Manuel Barros de alcalde), así como diversas furgonetas C-15, Citroen Berlingo, Peugeot Partner con 23, 25 e 27 anos de uso ata vehículos da Policía Local como un “Land Rover Freelander”, un “Nissan Almera” ou un “Peugeot 607” de 2.900 centímetros cúbicos, matrículado hai 17 anos que xa estaban fora de uso.

Os vellos vehículos foron retirados o pasado 8 de outubro, data na que se entregaron os 25 novos que se incorporan mediante “renting”.

Segundo informouse hai días, o Concello do Porriño licitou a renovación total do parque móbil do Concello para garantir a seguridade dos vehículos e dos traballadores municipais empregando criterios de eficiencia enerxética e aforro do gasto público.
Deste xeito determinouse un prego de condicións para renovar mediante concurso público que se iniciou con data 26 de marzo deste ano e rematou en setembro.
Na licitación estableceronse cinco lotes. Presentaronse un total de seis empresas, ningunha delas de Porriño. Eran da provincia de Pontevedra, doutras provincias galegas e tamén había firmas doutras comunidades autónomas.
Catro lotes foron gañados por “GrupiVazgle”, de Lugo e o restante pola firma “Rodosa”, de Vigo.

18/10/2019 in Alcaldía, Tráfico, Vías e obras

C.D. Pontellas xogará por primeira vez unha eliminatoria da Copa do Rei o vindeiro 13 de novembro

Na sede da RFEF celebrouse onte o sorteo dunha ronda previa da Copa do Rei na que por primeira vez entran equipos de Rexional Preferente que se proclamaron campeons dos seus respectivos grupos e acadaron o seu ascenso automático a Terceira División.
Deste xeito o CD Pontellas entrou no bombo e quedou emparellado contra o Tolosa.
A eliminatoria é a partido único e se celebrará o 13 de novembro. O sorteo estableceu que o encontro sexa en terras vascas. O concelleiro de Deportes, David Alonso anunciou que viaxará ata Tolosa para acompañar e apoiar o representante porriñés.
Se o CD Pontellas superase esta previa, tocaríalle xogar na seguinte ronda cun primeira. Están exentos os catro grandes que compiten Champions League (R.Madrid, Barça, Atlético de Madrid y Valencia).
O sono do equipo porriñés sería que no vindeiro sorteo fose emparellado cun primeira de tirón como Sevilla, Atletic de Bilbao ou mesmo o Celta, por exemplo.

18/10/2019 in Alcaldía, Deportes

Acordo entre o Concello e Club de Atletismo para celebrar la 14ª edición da “Porriño 10K” en marzo de 2020

David Alonso, concelleiro de Deportes anunciou hoxe o acordo co Club Atletismo Porriño para celebrar a vindeira edición da “Porriño 10K” que terá lugar o domingo 15 de marzo de 2020. O acordo acadouse nunha reunión que mantiveron o concelleiro e directivos do Club de Atletismo Porriño que zanxouse co apretón de mans que reflexa a imaxe que adxuntamos.
O Concello colaborará co club organizador e aportará unha achega económica de 15.000 euros para a celebración desta proba xa clásica no calendario do atletismo galego que no vindeiro ano cumplirá su edición número 14.
A “Porriño 10K” desarrollase nun circuito urbano de dez quilómetros de lonxitude en diferentes categorías e modalidades que na última edición contou con preto de 1.400 participantes. Na proba senior o ganador foi o atleta ourensán Alejandro Fernández.

17/10/2019 in Alcaldía, Deportes

“Amazon” informa ó Concello que o xoves 17 estrea a central loxística no Porriño

A multinacional “Amazon” comunicou hoxe ó Concello que mañá xoves 17 de outubro vai abrir a súa central loxística en O Porriño. O novo centro de almacenaxe e reparto en Prado-Budiño, dispón da licencia de primeira ocupación que hoxe vén de firmar a Alcaldesa, Eva García.

Como a meirande parte da paquetería chega en transporte nocturno, a maior actividade na nova central loxística será no turno de noite, segundo informaron desde a multinacional ó Concello.

“Amazon” mercou este verán a antiga nave de “Arcelor” para establecer ese novo centro operativo no polígono industrial de Prado-Budiño. Desde agosto reformou a nave preexistente de 1927 metros cadrados construídos dentro dunha superficie total de 4.661 metros cadrados que ten o solar.

Namentres realizou as obras e a través da axencia “Manpower”, realizou a selección de persoal entre centos de curriculums que se presentaron para traballar nesta central loxística.