Alcaldía

Este xoves comeza o ciclo “Bibliosaúde” que de novo amosa a sobranceira labor da Biblioteca Municipal no eido da divulgación

Este xoves día 23 arrincará na Biblioteca Municipal unha novidosa proposta de conferencias, un ciclo divulgativo chamado “Bibliosaúde”.
Na primeira quenda tratase o tema do desenvolvemento visual, incidindo de xeito especial nos nenos e nenas tendo en conta que 1 de cada 4 rapaces non é diagnosticado ou é mal diagnosticado e no mundo hai 217 millóns de persoas con problemas visuais.

Lucila Tó García-Miranda será a encargada de impartir esta primeira conferencia. É unha óptica-optometrista especializada en terapia visual baixo unha filosofía do comportamento, con máis de 25 anos de experiencia e que dirixe o seu propio centro en Andorra.

Esta nova proposta da Biblioteca Municipal está na liña do desenvolvemento de programas formativos polos que ten destacado nos últimos anos de xeito sobranceiro.
Para 2020 elixiuse o ámbito da saúde en resposta ó Obxectivo nº 3 da Axenda 2030 para o Desenvolvemento Sostible, auspicíada pola ONU, que propón aos centros bibliotecarios apoiar o acceso público a información sobre saúde e benestar.

22/01/2020 in Alcaldía, Cultura e festas, Educación e tecnoloxía

Reunión dos grupos municipais preparatoria da vindeira Comisión de Deslinde con Mos

Hoxe mércores, está convocada reunión dos representantes dos grupos municipais do Concello de O Porriño na Comisión Especial de Deslinde con Mos, a partires das 18,30 horas.

Trátase dunha reunión unha reunión preparatoria para unificar criterios e fixar unha posición común fronte a vindeira Comisión Especial de Deslinde que vai celebrarse o xoves 6 de febreiro, ás 16,30 horas xa que a anterior foi suspendida polo temporal. A nova convocatoria realizase no mesmo punto de encontro, no Cristo de Belén, para que os representantes municipais e veciñais de Porriño e Mos percorran a zona de litixio.

Cada Concello achega representantes dos grupos municipais de cada corporación; o secretario municipal e ademais veciños da zona en litixio.
No que atinxe a Porriño foron nomeados para integrar a Comisión a alcaldesa Eva García, o tenente de alcalde Pedro Pereira (BNG) e os voceiros do PP, Alejandro Lorenzo; Pedro Ocampo (EU Son) e Manuel Carrera (UDDL).

Na historia das relacións entre Mos e Porriño hai un antecedente recente de acordo entre ambos concellos acontecido en 2016. Entón a comisión coas respectivas alcaldesas ó fronte -como reflicte a imaxe de arquivo- acadaron o acordo de establecer o marco de deslinde entre ambas vilas no centro da rotonda do Cristo de Belén

22/01/2020 in Alcaldía

EU Son e BNG proporán ó pleno que o Concello de O Porriño apoie a manifestación en defensa da sanidade pública

Entre as comisións informativas municipais que se van celebrar este mércores para preparar o vindeiro pleno, engadiuse a convocatoria da Comisión de Asuntos Sociais na que os grupos municipais de EU Son e BNG presentan sendas mocións en defensa da sanidade pública.
Ambas formacións políticas levarán ó pleno a proposta de que o Concello de O Porriño apoie a manifestación en defensa da sanidade pública que terá lugar o 9 de febrero.

Lembramos que ademáis está convocada a Comisión Municipal de Cultura que inclue a renovación por catro anos do convenio coa Sociedade de Xestión do Xacobeo para a xestión do Albergue de Peregrinos pois o anterior databa de 2008. Na mesma trataráse a moción que presenta o PP para amplar os horarios de funcionamento da Biblioteca Municipal, e outra moción de EU Son para a regulación do uso da pirotecnia no concello.

No que atinxe ás restantes Comisións Municipais, cancelouse a de Contas por innecesaria xa que a desestimación de alegacións á Conta Xeral de 2019 realizarase directamente polo pleno da Corporacion.

Haberá Comisión de Urbanismo que tratará diversos asuntos propostos para o pleno polo concelleiro de Infraestructuras Pedro Pereira. Entre eles figura a cesión dunha parcela no Polígono das Gándaras á asociación “Aceesca” para a construcción do centro de formación dual. O terreo está a continuación do Parque de Bombeiros.

Por último, está convocada a partir das 18 horas, Comisión Municipal de Economía que tomará coñecemento do recurso de “Urbaser” contra a adxudicación do contrato de limpeza viaria e do fallo do Tribunal de Contratos Públicos de Galicia. A mesa de contratación reunida a pasada semana decidiu excluir á firma “Ascan” e trasladar ó pleno da Corporación Local que resolva a readxudicación do contrato de limpeza ciaria en favor da segunda empresa mellor puntuada que foi “Urbaser”. O asunto xa foi tratado previamente na xunta de voceiros municipais celebrada o pasado xoves 16.
Nesta comisión tamén se debatirá unha moción de “EU Son” para establecer unha regulación dos contratos menores.

21/01/2020 in Alcaldía, Benestar, Cultura e festas, Educación e tecnoloxía, Limpeza, Urbanismo, comercio e industria

A alcaldesa e o concelleiro de Turismo acuden a “Fitur” a apoiar a oferta do Xeodestino “Ría de Vigo e Baixo Miño” que O Porriño participa

A Alcaldesa, Eva García de la Torre e o concelleiro de Turismo, David Alonso viaxan este mércores a Madrid para asistir á presentación en FITUR do Xeodestino “Ría de Vigo e Baixo Miño” do que O Porriño forma parte xunto con trece concellos máis.
Eva García e David Alonso tamén participarán como invitados o xoves a mediodía na presentación que a Deputación de Pontevedra realizará da súa campaña institucional de fomento de turismo para 2020 que este ano titulase “Sigue o teu instinto”.

No que atinxe ó novo Xeodestino “Ría de Vigo e Baixo Miño”, Alcaldesa e concelleiro apoiarán a estrea deste nova oferta que participa O Porriño cos concellos de A Guarda, Baiona, Fornelos de Montes, Gondomar, Mos, Nigrán, O Rosal, Oia, Pazos de Borbén, Redondela, Soutomaior, Tomiño e Tui. Está previsto que tamén asistan os alcaldes e alcaldesas destes concellos para arroupar a presentación do primeiro producto turístico do Xeodestino na Feria Internacional de Turismo. A presentación terá lugar ás 18 horas.

Ría de Vigo e Baixo Miño é un xeodestino de referencia tanto no eido patrimonial, con 64 Bens de Interese Cultural, como no natural, contando cun dos seis Parques Naturais da comunidade galega, situándose no ámbito de influencia do Parque Nacional das Illas Atlánticas e con outros 11 espazos naturais baixo diferentes figuras de protección. Todo isto sen esquecer as súas 10 festas declaradas de interese turístico. Unha ampla variedade de recursos que conviven no territorio que ocupa o xeodestino que facilitan a articulación de futuros produtos turísticos.

Trátase dunha área xeográfica estratéxica con varios aeroportos situados a poucos quilómetros e cun marcado carácter transfronteirizo que facilita a captación de turistas internacionais. No ano 2018 contabilizaronse 500.000 pernoctas o que sitúa este Xeodestino Ría de Vigo e Baixo Miño como o segundo de Galicia en volume de demanda hoteleira, soamente por detrás da Ría de Arousa.

A pesar das diferentes realidades municipais que se viven nos 14 concellos do xeodestino, coa definición e posta en marcha do plan estratéxico búscase abrir as portas a unha xestión turística unificada, optimizando recursos estruturados e organizados, poñendo en marcha medidas que faciliten a creación e comercialización de produtos turísticos.

21/01/2020 in Alcaldía, Cultura e festas, Turismo

A Alcaldesa insta ós Conselleiros de Sanidade e Medio Ambiente a que nomeen os seus representantes para a Comisión Especial do Lindano

A través de sendas cartas enviadas hoxe, a Alcaldesa do Porriño insta ós titulares das Consellerías de Sanidade e de Medio Ambiente da Xunta de Galicia a que nomeen e comuniquen os seus representantes na Comisión Especial para a Descontaminación de Lindano no Concello do Porriño.

A creación de esta Comisión Especial, previamente consensuada pola alcaldesa e os voceiros dos grupos municipais, acordouse formalmente en pleno pola Corporación Local. A estructura da Comisión Especial que se determinou incluía ás duas Consellerías citadas entendendo que a sua participación é indispensable pola natureza do asunto.

Por esta razón hoxe Eva García de la Torre dirixiu sendas misivas a Angeles Vázquez, titular de Medio Ambiente, e a Jesús Vázquez Almuiña, titular de Sanidade, lembrandolles a ambos a invitación a participar e que nomeen ás persoas que consideren para a devandita Comisión Especial.

Lembramos que segundo o acordo plenario, ademais forman parte da Comisión Especial, a alcaldesa e un representante por cada grupo municipal da Corporación, así como: un vogal pola Plataforma de Afectados do Lindano, un reprresentante por cada unha das tres principais centrais sindicais (UXT, CCOO e CIG), e finalmente un representante das tres asociacións veciñais de Torneiros (Relva, Alba e San Salvador)

14/01/2020 in Alcaldía

O Concello do Porriño abre un novo prazo para a presentación de solicitudes para composteiros individuais

Sergio Casal, concelleiro de Medio Ambiente e Limpeza comunicou que xa está aberto un novo prazo de presentación de solicitudes para aqueles veciños interesados en recibir un composteiro individual para vivendas unifamiliares.

As solicitudes se rechean e entregan no Rexistro Xeral do Concello. Hai que hacer constar un enderezo de correo electrónico e un teléfono de contacto. Son precisos para que o Concello poida contactar con estes veciños e vecinas para convocarlles no Multiusos de Torneiros á reunión onde se distribuirán os composteiros. Nesa reunión, como acontecera o pasado 21 de novembro, mestres composteiros do Plan Revitaliza explicarán como se realiza a montaxe dos composteiros que entregan embalados e como deben realizar a compostaxe dos residuos orgánicos.

A idea do Concelleiro de Medio Ambiente é que durante o mes de fevreiro teña lugar a convocatoria aos solicitantes e que se faga o seguinte reparto de composteiros.

 

13/01/2020 in Alcaldía, Limpeza

Once penados con condeas non privativas de libertade cumpriron 500 xornadas de traballos sociais no Concello do Porriño

Once penados con condeas que non implicaban cárcere cumpriron máis de 500 xornadas de traballo pola comunidade en diversas tarefas en servizos municipais do Porriño durante o segundo semestre do ano 2019.
O Concello de O Porriño colabora co Centro de Inserción Social “Carmen Avendaño” de Vigo en facilitar o cumprimento desas condeas mediante traballo en beneficio á comunidade (coñecido polas siglas TBC) a persoas penadas por delitos leves con condeas non privativas de libertade.

Desde xuño ata decembro de 2019, oito homes e tres mulleres realizaron esas cincocentas xornadas de traballo social en quendas de oito horas nas brigadas de limpeza, parques e xardíns do Concello. A meirande parte desas xornadas de traballo realizanse en días laboráis agás en catro casos que resolveron o tempo de condea traballando en fines de semana, segundo explicou Sergio Casal, concelleiro de Medio Ambiente.

Neste ano 2020 que vén de comezar, xa hai dous penados que iniciaron o cumprimento das súas condeas de traballo social (un, hoxe e outro o pasado día 4) e un terceiro empezará o vindeiro luns 13.

O Código Penal contempla os traballos en beneficio da comunidade (TBC) para aquelas persoas condeadas a menos de dous anos de cárcere e que non teñan antecedentes penais. A meirande parte deste tipo de penados procede de condeas por delitos de tráfico e contra a seguridade vial (por exceso de velocidade ou sobrepsar os límites de alcoholemias).

09/01/2020 in Alcaldía, Limpeza, Parques e xardíns, Servizos sociais

As clases de Defensa Persoal Feminina reanudanse este sábado

A Concellería de Seguridade anuncia que este vindeiro sábado día 11 de xaneiro reanudaránse as clases de Defensa Persoal Feminina que patrocina o Concello de O Porriño e organizanse a través da Policía Local.  

Tratase dunha formación completamente gratuita que anteriormente desarrollábase no Pavillón Municipal pero que agora cas tempadas deportivas en marcha, pasase ó Ximnasio “Jovhen Sport”.

As clases serán de 10 a 12 do mediodía e impartense por monitores de defensa persoal. Non é necesario apuntarse con antelación basta con chegar antes do inicio.

Estas clases de defensa persoal feminina de xeito continuado son unha iniciativa pioneira do Concello do Porriño. Comezaron en maio do 2019 complementadas con formación xurídica sobre lexítima defensa que recibirán 147 mulleres de Porriño e concellos aledaños.

A Concellería de Seguridade, que dirixe Lourdes Moure estima que “máis de 200 mulleres recibiron xa formación para a súa defensa persoal”.  A concelleira lembrou que despois da boa acollida e repercusión que tivo aquel primeiro curso de maio, “o Concello decidiu continuar con esta formación baseandose na respota obtida mediante unha enquisa de carácter anónimo entre as participantes para coñecer o seu nivel de satisfacción que valorou nun báremo de 1 a 10, cunha nota media de 9,20”. “Ese grado de satisfacción foi o que motivou á alcaldesa Eva García que se comprometeu a manter restes cursos con carácter gratuito que seguimos desarrollándose dous sábados ó mes agás no parón de Nadal”, explicou a concelleira Moure Varela.

 

08/01/2020 in Alcaldía, Igualdade, Seguridade

Cabalgata de Reis do Porriño: enlaces para seguir a retransmisión por “streaming”

Facilitamos os enlaces polos que poderá seguirse a retransmisión por “streaming” (a través da Internet) da Cabalgata de Reis.
Poderá seguirse, ben a través dunha canle de “Youtube” ou ben a través da web do departamento de Cultura do Concello.

Son os seguintes “links”

“EN DIRECTO” Cabalgata Real das Súas Maxestades os Reis Magos de Oriente
https://youtu.be/TPJms6QDGU0

ou ben 

Cabalgata: http://ecultura.net/cabalgata-real-das-suas-maxestades-os-reis-magos-de-oriente/

04/01/2020 in Alcaldía, Cultura e festas

A alcaldesa pondera o acordo político acadado para desbloquear a xestión financieira do Concello como o maior logro deste primeiro semestre do mandato

O goberno municipal de O Porriño que preside Eva García de la Torre acadou desbloquear a xestión financiera do Concello e pagar proveedores entre os que hai numerosas pymes e autónomos que tiñan facturas pendentes así como a diversas empresas e suministros que tiñan sentenzas xudiciais. Realizaronse pagos por un importe de 3 millóns de euros, aboados no mes de decembro.

“Un bloqueo que non viña dado por unha insolvencia económica ou falta de líquidez do Concello senón que era consecuencia dunha obstrucción política a cargo do Partido Popular” segundo explicou Eva García.
A alcaldesa ponderou que ese desbloqueo “foi posible grazas o acordo entre as mesmas forzas políticas que apoiaron a miña investidura (PSOE, BNG, EU Son e Manuel Carrera) que fomos quen de derrotar ó PP que incluso pretendía colapsar o Concello cunha revisión xeral de oficio de toda a facturación que se ten amosada completamente innecesaria” dixou Eva García.

Eva García agradeceu “de xeito moi especial” o esforzo e compromiso dos funcionarios municipais que traballaron de xeito denodado neste último treito do ano, incluso o 31 de decembro para pagar o máximo de facturas que tiñan crédito e polo tanto podían aboarse”.

ONCE PLENOS E PRINCIPAIS XESTIÓNS
Durante este primeiro semestre do mandato, a corporación porriñesa celebrou 11 plenos dos que “tres foron extraordinarios requeridos polo PP e o resto, a iniciativa deste goberno municipal o que desminte calquera pretendida inacción do Concello”, engadiu a rexidora.

Entre os logros deste goberno municipal no primeiro semestre do mandato “é precisamente a aprobación definitiva da RPT (Relación de Postos de Traballo) do Concello que vai supoñer unha mellora da organización da plantilla e unha notable dignificación das condicións salariais dos traballadores deste concello”, indicou Eva García.

Ademaís durante estes seis meses, o goberno municipal porriñés prolongou as xestións co ADIF para a supresión do paso a nivel ferroviario, proxecto en licitación en decembro; intensificou coa Xunta de Galicia as xestións para a ampliación do Centro de Saúde e para a reforma da travesía de A Vaquería, proxectos que agora dependen da administración autonómica para a súa execución; e coa Zona Franca acadou acordos para retomar a construcción dunha gardería no polígono da Granxa e agarda o avance e execución do proxecto da Cidade do Transporte.
Asimesmo o goberno municipal, a través das xestións da Concellería de Infraestructuras acadou un principio de acordo con ACEESCA para a cesión dun solar municipal onde construir o centro de formación dual, que en breve se plasmará.

Entre outras realizacións deste primeiro intre do mandato, a Concellería de Seguridade destacou a dotación de desfibriladores e demáis equipos “DESA” nos vehículos da Policía Local; a realización do curso de conducción segura que recibiron 200 porriñeses e porriñesas e os cursos de primeiros auxilios impartidos nas asociación de veciños do concello. Asimesmo resolveuse o problema de seguridade nas canteiras fora de producción que acadou o seu punto álxido en verán.

Por último nestes primeiros seis meses constituironse co consenso de toda a corporación as Comisións para a Descontaminación por Lindano e para o Deslinde con Mos que deberán dar os seus primeros pasos no 2020.

03/01/2020 in Alcaldía