A carpa da explanada Roxy e a praza do Concello acollerán esta noite a Festa Pre Fin de Ano, unha tradición prorriñesa que cumpre una década.
A previsión meteorolóxica é dunha noite de ceos rasos, fría pero sen choiva o que garante a asistencia de moitísimo público.
O Grupo América e o espectáculo Drag Queen Christian encargaránse da animación desde as 22,30 horas.
A medianoite, na praza do Concello soarán as doce badaladas que despedirán simbólicamente o 2019. Haberá reparto de uvas entre os presentes.
Despois a festa e a música continuarán na carpa Roxy.
A Concellería de Deportes do Concello do Porriño informa que sí haberá servizo de duchas gratuito para todos aqueles partciipantes na San Silvestre que queiran aseaarse despois da carreira.
Habilitanse as duchas do Pavillón 1 do Polideportivo Municipal, a partires de que remate a proba e a entrega de premios prevista ó redor das 20,30/20,45 horas.
Esta tarde terá lugar a I San Silvestre Solidaria Concello do Porriño que vai contar con máis de mil participantes ainda que serán da orde de 700 os que disporán de dorsal despois de inscribirse no prazo establecido.
A recollida de dorsais continuou esta mañán no Pavillón ata as 15 horas.
E pola tarde, a entrega de dorsais continuará na carpa da explanada Roxy ata as 19,30 horas.
Cando se recolle o dorsal, todos os participantes deben entregar 1 kilo de alimentos non perecedoiros que se destinará ó “SOS Porriño”, o Banco de Alimentos Municipal. Por iso a proba chamase “San Silvestre Solidaria Concello do Porriño”.
Todos os inscritos deberán estar dez minutos antes do inicio da proba (prevista para as 20 horas) e colocarse na zona de saída, na praza Arquitecto Antonio Palacios.
A proba está prantexada como unha carreira popular, nun circuito urbano, moi asequible que se pode cubrir correndo, andando, como se queira.
Vinte porriñeses e porriñesas tomarán parte mañán sábado 28 na derradeira quenda do curso “Conduce con xeito” promovido pola Concellería de Seguridade e organizado pola Policía Local para adestrar ós participantes en técnicas de conducción segura en situacións de risco.
As clases teóricas serán no Multiusos de Torneiros e as prácticas, nun circuito pechado habilitado no Polígono Industrial de A Granxa. Impartiránse en horario matinal entre as 9 horas e as 13,30 horas.
Nesta última quenda participará como monitor José Pintor, campeón de España de Rallys en 2017, como copiloto de Ivan Ares que tamén ten participado en datas anteriores deste curso.
O curso “Conduce con xeito” celebrouse desde outubro e contou coa participación de 200 veciños e veciñas do concello.
O derradeiro pleno municipal da corporación local de O Porriño en 2019 aprobou por unanimidade boa parte dos asuntos que configuraron a orde do día. Entre eles, o máis sobranceiro foi a adxudicación definitiva á empresa “Sociser Galicia” do Servizo de Axuda no Fogar (SAF). Tratase dun contrato por dous anos -prorrogable- que conta un orzamento de 1,9 millons de euros, segundo explicou o concelleiro de Servizos Sociais, David Alonso.
Na sesión, de caracter ordinario, tamén aprobaronse por unanimidade varias altas no inventario municipal de camiños en Budiño ou en Pontellas así como a prórroga de concesión de supermercado na Praza de Abastos que ven ocupandose desde 2011.
Tamén aprobaronse por maioría, agás as abstencións dos 2 concelleiros de EU Son, para arrendamento de parcelas municipais para explotacións mineiras en Atios así como nos montes Carrascal, Laxedo, Cerola e Faro, entre outros.
No debate destes asuntos, o voceiro de EU Son cuestionou ó goberno municipal sobre o estado de cobro dos canons por parte das empresas mineiras. Pedro Pereira, concelleiro de Urbanismo respostou que en breve o Concello artellará procedementos xurídicos para a reclamación de débedas ós adxudicatarios que non estean ó día nos seus pagos.
A unanimidade rachouse en algúns outros asuntos como a moción presentada por EU Son para demandar da corporación municipal un acordo en contra do proxecto de universidade privada que promove ABanca. A moción foi derrotada polos 8 votos en contra do PP e 5 abstencións (PSOE e Manuel Carrera).
A Concellería de Cultura anunciou que este ano haberá aforo limitado para presenciar o Concurso de Rondallas no Pavillón 1 do Polideportivo Municipal Exactamente haberá 1.668 localidades dispoñibles para o público en xeral que se ocuparán por estricto orde de chegada desde a apertura de portas no recinto, a partires das 17 horas. O Concello contratou unha empresa de seguridade privada que se encargará do control de acceso ó Polideportivo.
Ademáis habilitaráse unha pantalla xigante no Pavillón 2 onde estarán os componentes das sete rondallas participantes a fin de aliviar o aforo no Pavillón 1.
E para que o evento poida ser seguido por moita máis xente, realizaráse este ano retransmisión por “streaming” da que facilitaremos máis información en breve.
No que atinxe ó concurso, haberá sete agrupacións participantes que actuarán na orde seguinte:
Rondalla do Centro Cultural de Torroso
Rondalla Círculo Santa Eulalia de Mos
Rondalla Mosteiro de Tui
Rondalla do CSCR de Beade
Rondalla Helios de Bembrive
Rondalla da Asociación Recreativa Santa Eulalia de Atios
Rondalla da Asociación Cultural Musical de Pontellas
A Concellería de Festexos organiza esta edición que terá lugar o día 1 de xaneiro de 2020, a partir das 18 horas con carácter competitivo.
Os premios do concurso serán 1.500 euros, para a primeira rondalla clasificada; 1.000 euros, para a segunda e 500 euros, para a terceira. Ademáis a rondalla gañadora terá que actuar un día a convir por ambas partes durante as festas de Nadal nas rúas do Porriño.
Entre as bases establecese que as agrupacións participantes realizarán, previo ó inicio do concurso e na mesma orde de actuación, un pasarrúas de trinta minutos polas seguintes rúas da vila: Praza do Arquitecto Antonio Palacios, Rúa Antonio Palacios, Rúa Doantes de Sangue, manténdose neste último lugar á espera da entrada ó concurso. No caso de suspensión dos pasarrúas por choiva, concentraranse na mesma orde e horario no Pavillón Municipal de Deportes.
A Federación Galega de Ciclismo confirmou que haberá 400 participantes nas diferentes probas e categorías do Cameponato de Galicia de Ciclocross que terá lugar o vindeiro domingo 29 no Porriño.
Habilitaráse un circuito de dos quilómetros e medio no Velódromo Municipal do Porriño e na súa contorna. O club local Agrupación Deportiva Avanza é o responsable da organización co apoio do Concello do Porriño que é tamén o patrocinador principal.
Dende as 9:30 horas comenzarán as competicións. Como aperitivo ao Campeonato de Galicia, haberá o III Trofeo Ciclocross Avanza, unha carreira de promoción, reservada para as nenas e nenos que aínda non alcanzaron a idade mínima para competir. A partires das 10 horas comezará a batalla polas medallas coa primeira quenda de saídas na que se porán en marcha os máster-50 e 60, os máster-30 e as mulleres máster.
A xornada continuará ás 11 cos títulos máster-40, a categoría máis numerosa. Unha hora máis tarde comparecerán en escena as rapazas e rapaces cadetes e unha vez que rematen arrancarán os elites e sub-23, os juniors, as elites e sub-23 e as juniors.
A Federación Galega apuntou que categoría elite e sub-23 masculina, o defensor da coroa Saúl López (Maceda) terá como principais ameazas ao ciclista profesional de estrada Daniel López Parada (Burgos BH), actual líder da Copa Galicia, e a un trío de corredores porriñeses, especialmente motivados ao competir na casa: Jacobo Ucha (Marcisport), Luis Fernández Oliveira (Avanza) e Jorge Punzón (Cosmos).
En canto á proba elite e sub-23 feminina, as principais favoritas á vitoria absoluta son a local María Jesús Barros (Spol) e Carla Fernández (Río Miera).
Do mesmo xeito que no resto de eventos do calendario autonómico, no Campionato de Galicia tamén se repartirán puntos para o ránking da Real Federación Española de Ciclismo (RFEC)
Esta última proba oficial do 2019 será un ensaio xeral de cara á cita que se celebrará o 11 e o 12 de xaneiro na Illa das Esculturas. A Selección que a Federación Galega de Ciclismo presentará en Pontevedra acabará de definirse co que resulte do Campeonato Galego.
A primeira edición da “San Silvestre Concello do Porriño” terá finalmente máis de 700 participantes con dorsal por que a previsión é que haberá xente que se anime e participe sen dorsal. Cumpre lembrar que só estarán cubertos polo seguro de responsabilidade civil e accidentes aqueles participantes que teñan dorsal asignado.
A partires de mañá venres 27, comezará a entrega de dorsais que se poderán recoller no Pavillón Municipal de Deportes entre as 10 h. e as 15 horas.
O mesmo día da proba, o luns 30 de decembro, os inscritos poderán recoller os seus dorsais no Pavillon Municipal ( entre as 8 h. e as 15 h.) e pola tarde, no Concello do Porriño (entre as 17 e as 19,30 h.)
Todos os inscritos deberán estar dez minutos antes do inicio da proba (prevista para as 20 horas) e colocarse na zona de saída, na rúa praza Arquitecto Antonio Palacios.
Todos os participantes deberán traer 1 kilo de alimentos non perecedoiros que se destinará ó “SOS Porriño”, o Banco de Alimentos Municipal. Por iso a proba chamase “San Silvestre Solidaria Concello do Porriño”.
A proba está prantexada como unha carreira popular, nun circuito urbano, moi asequible que se pode cubrir correndo, andando, como se queira.
O remate haberá dous stands de bebidas patrocinados por “Mahou” e tamén chocolate para que os participantes repoñan forzas.
“Queremos que os porriñeses e porriñesas e os veciños dos concellos próximos veñan a queimar calorías e os excesos do Nadal ó longo dun circuito plano, de só 3 quilómetros de lonxitude e cunha finalidade solidaria” manifestou David Alonso, concelleiro de Deportes que tamén está inscrito e participará na San Silvestre.
O Concello do Porriño anuncia diversos eventos da programación de Nadal que terán lugar a partires do venres 27 e durante a fin de semana.
Ademáis do Mercado de Nadal que finalmente vaise celebrar sábado e domingo na rúa peonil -do que xa informamos noutra nova nesta mesma páxina web-, haberá oito actividades máis, segundo confirma a Concellería de Festexos.
O venres 27 teremos o Concerto das Maimiñas e as Panxoliñas e Noemí Fernández. “Maimiñas” é o dúo formado polas profesoras de música: Lucía Lago, “Mai”, e Irene Álvarez Lago, “Miña” que visitan O Porriño para convidar a nenos e maiores a gozar dunha tarde navideña de música, baile e alegría. A partires das 18 horas no escenario instalado na praza do Concello. E a continuación delas, actuará a cantante porriñesa Noemí Fernández. Ven de quedar subcampeona na final do “Tour Music Fest”, certame europeo de novos valores musicais celebrado este mesmo mes en Roma.
O sábado 28 haberá obradoiros infantís. Na praza do Arquitecto Palacios en quendas de mañan (11 h a 14h) e de tarde (de 17 a 20 h). Tamén o sábado teremos o desfile da Rondalla Círculo Santa Eulalia de Mos, a partires das 19 h, por diversas rúas da vila. E finalmente o sábado haberá o “Festival de Dj’s” previsto na carpa do Roxy, desde as 23 horas.
O domingo 29 haberá outros dous obradoiros infantís en quendas de mañán (de 11 a 14 h.) e de tarde (de 17 h. a 20 h.).
Asimesmo o domingo 29 teremos a visita do Apalpador, patrocinada pola Deputación, que estará cos nenos e as nenas do Porriño a partires das 19 horas, percorrendo diversas rúas da vila.
Despois de dous aprazamentos causados polas borrascas destas últimas semanas, a Concellería de Festexos informa que haberá Mercado de Nadal que terá lugar o vindeiros días sábado 28 e domingo 29.
Celebraráse na rúa peonil en horario de 11 horas a 20 horas, para os dous días.
Mercado de Nadal é unha iniciatica da AAVV de San Benito e San Sebastián que conta co apoio do Concello do Porriño que inclue esta actividade na programación de Nadal.
Deputación de Pontevedra, a Asociación de Loita contra o Cancro, “Ekohuerta”, a protectora de animais do Porriño “Lena” e a Asociación “Baas Galgo” colaboran con esta iniciativa solidaria e sostible
