Publicamos a continuación as bases que determina o Concello do Porriño para a instalación de postos de venda, casetas, atracción e espectáculos para as Festas de San Benito 2019 que se celebrarán os vindeiros días 10, 11 e 12 xullo.
Publicamos a continuación as bases que determina o Concello do Porriño para a instalación de postos de venda, casetas, atracción e espectáculos para as Festas de San Benito 2019 que se celebrarán os vindeiros días 10, 11 e 12 xullo.
Eva García de la Torre foi investida hoxe como alcaldesa do Porriño con maioría absoluta. Recibiu 9 votos (4 do PSOE, 2 do BNG, 2 de EU Son Porriño e 1 da UDDL) fronte ós 8 votos que acadou Manuel Alejandro Rodríguez, candidato do PP e que corresponderon ós concelleiros dese partido.
Eva García recibiu o bastón de mando da mesa de idade que presidiu a sesión constitutiva asesorados polo secretario municipal que proclamou o resultado da votación realizada en furna.
Nas súas primeras declaracións ó termo da sesión a alcaldesa reelecta para un novo mandato ata 2023 manifestou sentirse “feliz e cargada de responsabilidade porque Porriño é un concello que tén un enorme potencial e a carga de traballo é moi grande para acadar que Porriño sexa canto pode ser durante estes vindeiros catro anos”.
Con respecto ó inminente futuro a partir do luns 17, a alcaldesa reelixida sinalou que “imos seguir negociando para un goberno de coalición. Estamos avanzada nas conversas co BNG e agardo que academos un acordo”. “Agardo que teñamos por diante catro fructíferos, cheos de proxectos e obxetivos que cumprir para os veciños do Porriño”, fianlizou Eva García.
Eva García de la Torre vén de anunciar este mediodía un acordo cos concelleiros do BNG e de EU Son para súa investidura como alcaldesa de O Porriño que tamén apoiará Manuel Carrera, concelleiro electo por UDDL. Deste xeito a actual alcaldesa será reelecta con maioría absoluta cos votos do PSOE (4), BNG (2), EU Son Porriño (2) e UDDL (1) que sumarían 9 fronte ós 8 do PP.
O acordo para a investidura de Eva García negociouse nas dúas últimas semanas e ainda hoxe continuarán os contactos para concluir os flecos.
Por outra banda a alcaldesa tamén informou que despois da sesión constitutiva da nova corporación municipal que terá lugar mañá, “continuarán as reunións para a formación dun goberno de progreso que en principio será co BNG”, declarou Eva García.
A sesión constitutiva da nova corporación comezará ás 12 horas. O concelleiro de maior idade e o máis novo formarán a mesa de idade que xunto co secretario municipal presidirá a sesión. Despois da toma de posesión dos 17 concelleiros e concelleiras mediante xuramento ou promesa da Constitución, procederase a votación para elección da alcaldesa que unha vez investida pronunciará un breve discurso e pechará a sesión.
O Concello do Porriño tomou a decisión de proseguir co curso de defensa persoal feminina que se realizou no pasado mes de maio e que pase a ser de carácter permanente. Deste xeito O Porriño será o primeiro concello de Galicia en ter ese curso de forma continuada, segundo a decisión que tomaron a alcaldesa Eva García e maila concelleira de Seguridade, Lourdes Moure baseándose na grande acollida e repercusión que tivo entre as mulleres do Porriño e bisbarra.
De feito foron as propias alumnas as que instaron a manter de xeito permanente este tipo de formación para garantir a súa seguridade e saber como respostar diante de calquera agresión. Das 137 mulleres que participaron no primeiro curso xa hai 68 que confirmaron a súa asistencia a estas novas xornadas formativas.
O curso comezará este sábado día 15 de xuño en horario de 10:00 a 12:00 horas, no Pavillón Municipal de Deportes, na pista 2. A formación realizaráse en dous sábados ó mes. A vindeira clase será o 29 de xuño. Non compre anotarse para asistir. Abonda con acudir con roupa deportiva no lugar e hora. A Policía Local de O Porriño seguirá a colaborar.
Despois da celebración do primeiro curso, fíxose por encargo da Concellería de Seguridade unha enquisa de carácter anónimo entre as participantes para coñecer o seu nivel de satisfacción. Mediante un baremo de 1 a 10, puntuaron diferentes factores do curso (organización, horarios, metodoloxía empregada, opinión global del curso) resultando unha media de 9,20, que indica un nivel de satisfacción moi alto.
O sábado 15 de xuño, ás doce do mediodía, terá lugar a sesión constitutiva da nova corporación municipal do Porriño electa nos comicios do pasado 26 de maio.
A sesión iniciaráse coa constitución da mesa de idade que formarán o concelleiro de maior idade e a concelleira máis xove que actuarán asesorados polo secretario do Concello. A continuación toman posesión os dezasete membros da nova corporación mediante a fórmula de xuramento ou promesa á Constitución, segundo elixan. E finalmente se procederá á votación para elexir alcalde ou alcaldesa que tomará posesión ante a Corporación.
A corporación municipal do Porriño do mandato 2015/2019 celebrou hoxe unha sesión plenaria extraordinaria previa a súa disolución. O pleno tivo como único asunto da orde do día, a aprobación de actas pendentes de anteriores sesións. Asistiron 14 dos 17 corporativos.
Tratábase das actas dos 1/19, 2/19, 3/19 e 4/19 correspondentes ás sesións plenarias de 4 de marzo, 1 de abril, 29 de abril e 6 de maio. Todas estas actas aprobarónse por unanimidade.
O grupo municipal do PP alegou que faltaría unha acta máis correspondente a outro pleno, de maio de 2018, no que se aprobou o orzamento municipal. O secretario do Concello explicou que esa acta non estaba aprobada por unha enmenda que o propio PP presentou. Segunda as explicacións do secretario municipal, no seguinte pleno o grupo do PP votou en contra da súa propia enmenda e da aprobación da acta.
A corporación municipal do Porriño celebrará este mércores, ás 14 horas, un pleno extraordinario. Tratase dunha sesión obrigatoria para a aprobación das actas pendientes de sesións anteriores, como suliña a orde día da sesión que adxuntamos.
A sesión tamén servirá para a despedida dalguns dos actuais concelleiros e concelleiras en funcións que non repetirán na vindeira corporación que saiu das furnas do pasado 26M e que se constituirá o sábado 15.
Zona Franca sacou a concurso o estudo de implantación da futura Cidade do Transporte que o presidente deste organismo público, David Regades xa anunciara que desexa implantar no Porriño. De feito o estudo de arquitectura que gañe o concurso, ademáis de se embolsar 300.000 euros, terá o encargo de redactar o proxecto sectorial e de urbanización, segundo as bases da convocatoria publicada o pasado 4 de xuño e que rematará o 8 de xullo.
A Cidade do Transporte deberá acoller un gran parking para camións, hotel, restaurante, gasoliñeira, taller mecánico e de reparacións. O propósito é desaloxar de Vigo o aparcamento indiscriminado de camións e trailers ofrecendo ós camioneiros unha alternativa cómoda e próxima ás principais vías de comunicación. Precisamente a elección de Porriño facilitará as conexións coa autovías A-52 e A-55 así como coa Autoestrada do Atlántico AP-9.
A delegación que representou a Porriño no I Encontro de Participación Infantil e de Adolescencia de Galicia celebrado este pasado fin de semana en Castrelo do Miño tivo unha actuación sobranceira. Os catro alumnos Carla, laura, Anxo e Pablo que acudiron en representación dos nenos e nenas de Porriño tiveron protagonismo nos debates das ponencias sobre Educación, Cambio Climático, Pobreza, Protección e Participación.
A delegación estivo formada por dous alumnos do CEIP Cruz Budiño e outros dous do CEIP Antonio Palacios, acompañados dun monitor e pola responsable da OMIX de Porriño, Noelia de la Fuente.
En total acudiron a Castrelo do Miño 50 nenos e nenas de toda Galicia. Á sesión de clausura acudiron a Directora Xeral de Familia de la Xunta e a Presidenta de UNICEF Galicia.
Porriño, nomeada por UNICEF dende 2018, “Cidade Amiga da Infancia”, ten por ilo a obriga de celebrar anualmente o pleno municipal infantil – como fixo o pasado 10 de maio- para dar voz á infancia e que as súas opinións sexan tidas en conta na toma de decisións polo Concello.
Finalmente foron 205 os participantes na sexta edición do Tríatlon Concello do Porriño que se disputou con boas condicións meteorolóxicas, a pesares de que a choiva fixo acto de presenza un par de veces, tanto na saída en Tui como despois en Porriño. Pero de xeito pasaxeiro.
A organización brillou pola súa eficiencia que foi louvada polos participantes. As Policías Locais de Tui e máis de Porriño así como a Garda Civil de Tráfico, o persoal da Comandacia Fluvial de Tui e máis de douscentos voluntarios encargaronse de manter a orde e seguridade tanto dos participantes como do público.
No aspecto deportivo, brillante triunfo de Diego Paz, triatleta de Ponteareas, orixinario da parroquia de Cristiñade e pertenecente ó club “Arcade Consultores Inforhouse”. Chegou en cabeza xunto con Brais Canosa á transición da rúa Domingo Bueno, ó remate do tramo de bici, e marcou as diferenzas no treito final de carreira a pé. O seu tempo final foi de 59′ 59″.
Na categoría feminina igualmente dominou sen discusión Cristina Torres, do club “Tríatlon Mar de Vigo”. Cruzou a liña de meta cun tempo de 1 hora, 14′ 28″. Ainda que na foto aparece outro, hai que restalle cinco minutos que foi a diferenza entre a saída do homes e das mulleres en Tui.
Eva García de la Torre, alcaldesa de O Porriño e Enrique Hernández, en representación da Federación Galega de Tríatlon entregaron os galardóns ós gañadores nas diferentes categorías que referimos a continuación.
CLASIFICACIONES VI TRIATLON CONCELLO DE PORRIÑO
Masculina
1 Diego Paz,
2 Brais Canosa
3 Marcos Vila
Femenina
1 Cristina Torres
2 Patricia Alvarez
3 Sandra Sobreira
Cadete femenino
1 Antia Pazos
Cadete Masculino
1 Javier Fernández
Junior masculino
1 Yago Carballo
Veteranos femenina
1 Patricia Alvarez
Veteranos masculino
1 Agustin Ríos
Primera triatleta local
Rocio Blanco
Primer triatleta local
Diego Pereiro