A OMIX do Concello do Porriño , en colaboración coa asociación Vella Escola presenta na plataforma youtube.com a gravación do documental do proxecto QUEROeco (Cultura Urbana co Medio Ambiente). O traballo elaborouse con imaxes do proceso de realización do mural, a súa preparación, entrevista ao artista e aos promotores do proxecto así como aos veciños e participantes.
Para a realización do mural colectivo participativo “Senda do Louro”, empregaronse pinturas antipolución. Foi dirixido polo muralista galego Doc Toy e gravado e editado por Lucas Terceiro.
Dito proxecto realizouse no mes de febreiro enmarcado dentro do programa de actividades do Plan de Infancia e Adolescencia do Porriño. Participaron ó redor de 80 alumnos dos centros de educación secundaria da cidade.
Para a realización da actividade no Porriño, utilizouse como mural un lateral do Pavillón do CEIP Fernández López e alrededores.
A OMIX informa tamén da creación dun portal web ao que pódese acceder escaneando un código QR que se pintou sobre o mural.
A exposición “Ilustrando” que se exhibe na praza Arquitecto Antonio Palacios dende onte á tarde, recolle unha selección de viñetas publicadas en “Faro de Vigo” por dous dos mellores humoristas gráficos de Galicia: Luis Davila e Gogue.
Trece cubos con paneis de vinilo reúnen unha ampla mostra de estes dous mestres que “nos axudan cada mañana a dixerir coas súas viñetas en “Faro de Vigo”, a crua realidade”.
“Coa súa particular visión en clave de humor, a través de personaxes totalmente recoñecibles para os lectores como “Dora a desbrozadora”, de Davila o “Floreano” de Gogue que encarnan a retranca galega en estado puro”, manifestou a alcaldesa de Porriño durante a inauguración formal celebrada este mediodía.
Trátase dunha mostra itinerante que chega a Porriño dende Vilagarcía e que previamente tamén estivo en Vigo e máis en Pontevedra e despois seguirá o seu percorrido por outras vilas da provincia co apoio da Deputación”, manifestou a deputada Digna Rivas en representación do organismo provincial que colabora co xornal “Faro de Vigo” nesta iniciativa.
Ademáis da alcaldesa de Porriño e da deputada provincial asistiron ó acto de inauguración da mostra, Lourdes Moure, concelleira de Educación de Porriño; Pedro Dias, xerente de “Faro de Vigo”, Luis Gónzalez Míguez, director comercial do rotativo e Gabino Porto, delegado do xornal na bisbarra, así como representantes de Banco Sabadell e Coren, firmas que tamén copatrocinan.
As estimacións da organización apuntan que a sexta edición do Triatlón Concello de Porriño que se celebrará o vindeiro 8 de xuño, superará os 200 participantes, á vista de do ritmo de inscripcións feitas. O prazo rematará a medianoite do martes 4 de xuño.
Na presentación da proba que se realizou o pasado venres, Gonzalo Triunfo, presidente da Federación Galega de Triatlón ponderou que “esta é unha das probas populares considerada entre as mellores de Galicia”. Segundo sinalou o presidente de Fegatri o Triatlón Concello de Porriño “tén unha sona especial polas súas características técnicas e deportivas” dado que inclue as transicións de Tui, no río Miño, onde a Comandancia de Mariña; na rúa Domingo Bueno en Porriño para deixar as bicis e pasar a carreira a pé polo casco vello ata a praza do Concello onde estará a liña de meta.
O tramo de natación de 750 metros, desenrolase no Miño; o
tramo de bici é de 20 kilómetros entre Tui e Porriño e despois o tramo de
carreira tén 5 kms de lonxitude.
Na presentación do VI Triatlón Concello de Porriño actuou de
madriña a ciclista porriñesa Ana María Gónzalez Cuña, actual subcampeona de
España e de Galicia de BTT Master 40. Fora invitada polo Concello “coa
intención de render, na súa persoa, unha homenaxe a todas as mulleres
deportistas; pola mesma razón, este ano, a iconografía do Triatlón baseáse na
cor morada” segundo explicou Eva García, alcaldesa de O Porriño.
Lembrar que se trata da sexta
edición porque en 2018 a organización decidiu suspender pola coincidencia en
datas co loito oficial decretado en Tui polas mortes causadas pola explosión de
material pirotécnico en Paramos
Trece cubos recollerán unha amplia mostra de dous mestres do humor gráfico de Galicia, Luis Dávila e Gogue que os porriñeses teremos a oportunidades de ver e disfrutar a partir de mañá martes 4 de xuño.
A exposición organizada polo rotativo “Faro de Vigo” co patrocinio do Concello de Porriño, recolle unha selección das mellores viñetas publicadas por ambos humoristas gráficos nas páxinas do xornal decano.
Trátase dunha mostra itinerante que checa a Porriño dende Vilagarcía e que previamente tamén estivo en Vigo e máis en Pontevedra.
A montaxe estaba a realizarse este serán na praza Arquitecto Antonio Palacios. Mañá a mediodía terá lugar a inauguración oficial que presidirá Eva Garcia, alcaldesa de Porriño. En representación do xornal asistirán Pedro Días, xerente de “Faro de Vigo”; Luis Gónzalez Míguez, director comercial e Gabino Porto, delegado de “Faro” na bisbarra. Tamén acudirá en representación da Deputación Provincial, Santos Héctor, deputado delegado de Turismo.
A exposición «Unha mirada de antano: Fotografías de Ruth Matilda Anderson en Galicia» que se exhibe no Centro Cultural Municipal extendese un día máis xa que inicialmente estaba previsto que pechase na data de hoxe, 2 de xuño, segundo informa o persoal do Centro.
Entre as fotografías seleccionadas para exhibirse en Porriño ocupan un lugar sobranceiro catro imaxes que Anderson tomou na nosa vila e unha delas serviu para o cartel anunciador. Está alcumada como “Método para
carrexar un cesto entre Mondariz e Porriño”. Foi sacada por Ruth Matilda o 12 de septembro de 1924 e empregouse como imaxe do programa de man da exposición.
Esta mostra de fotografías exhíbese en Porriño grazas ó convenio de colaboración que subscribiron “ABanca”, “AFundación” e o Concello de Porriño”, dende o pasado 9 de maio. Daquela, na cerimonia de inauguración, presidida por Eva García, manifestara que “como muller e como alcaldesa síntome moi orgullosa de que a nosa cidade acolla esta mostra de fotografía baseada na obra dunha muller pioneira do seu tempo” e valorou que “a calidade do traballo vai máis aló das imaxes; reflexou como ningún antes unha Galicia rural e costeira en tempos de depresión, retraso e pobreza”.
A exposición, de entrada libre e gratuíta pódese visitar neste derradeiro día en Porriño ata as 20.30 horas.
Eva García confirmou ós organizadores da IV Feira do Pan do Porriño que mañan sábado asistirá á lectura do pregón inaugural do certame na praza de San Benito, a partir das 12 horas. A Alcaldesa xa participou esta mesma semana na presentación provincial do evento que tivo lugar na sé de “Turismo Rías Baixas”, en Pontevedra, co amparo da Deputación Provincial.
No día de hoxe rematará a montaxe dos 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas aínda que o pregón inaugural será a mediodía a cargo de Carlos Alvarez.
Durante o sábado a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor. Habilitarase tanto o sábado como o domingo unha carpa na Feira para que o público que o desexe poida xantar alí.
De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.
Informes da Policía Local de Porriño confirman que onte á noite rexistrouse unha avaría nas barreiras do paso a nivel no centro da cidade que durou aproximadamente 90 minutos. Durante ese tempo mantívose a circulación de trens, pero cunha evidente reducción da velocidade de paso, a consecuencia de que o xestor ferroviario ADIF fora alertado da incidencia.Os atestados sinalan que a Policía Local de Poio recibiu varias chamadas que alertaban de que as barreiras do paso a nivel non baixaban. Unha patrulla policial acudiu ó lugar (ás 22,45 horas) e verificou a incidencia, avisando de inmediato a ADIF. Mentres a patrulla permaneceu no lugar, comprobaron que dous convois ferroviarios pasaron a menos velocidade da habitual como precaución ante o fallo das barreiras.Ás 0.15 ADIF notificou á Policía Local de Porriño que solucionara a avería das barreiras. Ante esta nova circunstancia, o goberno municipal de Porriño reitera que no intre que estea constituída a nova corporación local, retomaranse as xestións cara ás administracións públicas competentes para suprimir este paso a nivel conforme a reivindicación unánime de toda a sociedade porriñesa que a alcaldesa, Eva García trasladou á presidenta de ADIF, Isabel Pardo de Vera na última reunión celebrada.
O sábado 1 de xuño celebrase a quinta edición do Festival Porriño sobre Rodas que organiza o “Clube Patin Porriño”. As actividades desenrolanse dende as 10 da mañán ata as 14 horas e polo serán dende as 17 horas ata as 20 horas, no Pavillón Municipal de Deportes, na pista 1. Por este motivo, a Policía Local cortará e restrinxirá o tráfico na rúa Doantes de Sangue, no treito entre a pista 1 e o colexio, a partir das 9 horas e ata as 21 horas. Voluntarios de Protección Civil realizarán a a vixiancia correspondente.
As estimacións da organización apuntan que a sexta edición do Triatlón Concello de Porriño que se celebrará o vindeiro 8 de xuño, superará os 200 participantes, á vista de que hoxe en día hai máis de 150 inscripcións feitas. A inscripción estará aberta ata o 4 de xuño, é dicir, ata catro días antes da proba. Lembrar que se trata da sexta edición porque en 2018 non chegou a celebrarse ó decretarse a suspensión da mesma ó coincidir coa explosión de material pirotécnico en Paramos (Tui).
Este mediodía realizouse a presentación que estivo presidida
pola alcaldesa Eva García, en representación do Concello de Porriño. Acudiu no
nome do Concello de Tui, polo que transcurre unha parte da proba, Eduardo
Freiría, concelleiro de Deportes. Tamén asistiron Gonzalo Triunfo, presidente
da Federación Galega de Triatlón e Ignacio Tobarra, Comandante de Mariña de Tui,
así como mandos da Garda Civil de Tráfico e da Policía Local de Porriño que
colaboran tamén na seguridade dos participantes e público.
A alcaldesa de Porriño deu as grazas á organización, de xeito
moi especial ós voluntarios dos colexios de educación especial Aceesca e As
Esclavas e “particulamente ós participantes, polo voso esforzo e sacrificio e
pola ambición de mellorar que ó fin e ó cabo, o que se aprende de facer deporte”,
manifestou.
Pola súa banda o presidente da Federación Galega de Triatlón
ponderou que “esta é unha das probas populares considerada entre as mellores, o
que supón unn mérito da organización”, sinalou Gonzalo Triunfo.
O Triatlón Concello de Porriño tén una sona especial en
Galicia polas súas características técnicas e deportivas dado que inclue varias
as transicións de Tui, no río Miño, onde a Comandancia de Mariña; na rúa
Domingo Bueno en Porriño para deixar a bicis e finalmente na praza do Concello
onde tamén rematará a carreira a pé.
O tramo de natación de 750 metros, desenrolase no Miño; o
tramo de bici é de 20 kilómetros e rematará na avenida Domingo Bueno e despois
o tramo de carreira a pé discurrirá polo centro histórico de Porriño ó longo de 5 kms con meta na praza Arquitecto
Antonio Palacios.
Nesta presentación do VI Triatlón Concello de Porriño actuou
de madriña a ciclista local Ana María Gónzalez Cuña, actual subcampeona galega
de BTT Master 40. Fora invitada polo Concello coa intención de render, na súa
persoa, unha homenaxe a todas as mulleres deportistas. Pola mesma razón, este
ano, a iconografía do Triatlón baseáse na cor morada.
Ana María Gónzalez está nun punto álxido da súa tempada, a piques de competir, de novo, polo título autonómico no Campeonato Galego de BTT Master 40 que se celebrará o vindeiro domingo 2 de xuño en Lalín. Ó mesmo tempo está competindo no circuito de 5 probas da “Taça de Portugal”, onde gañou a celebrada en Estremoz e quedou segunda nas outras dúas. Ana María compite enrolada no equipo madrileño “Mito-X Sauce-Berria” e vén de ser galardoada pola Federación Galega de Ciclismo polo recente subcampeonato de España feminino en BTT XCM Master 40. Ana María animou “a todos e todas cantos o desexen a inscribirse e participar, hai que perderlle o medo e disfrutar dunha proba e das paisaxes polas que transcurre o percorrido”, dixo.
O venres 31, ás 19,30 horas, no Centro Cultural Municipal, dous especialistas en comunicación invitados polo Concello de Porriño ofrecerán unha charla titulada “A importancia da empatía e boa comunicación”. . Soledad Girón, concelleira de Servizos Sociais ponderou “a enorme valía dos dous poñentes” que protagonizarán esa charla “por tratarse de profesionais con ampla experiencia”. Tratase de Belén Varela, licenciada en dereito, experta en organización e persoas, impulsora do “Movemento FET (Felicidade no Traballo); e Javier Cebreiros Fernández, doctor en comunicación, socio de “Hub Vigo”, colaborador en diversos medios de comunicación e autor do libro “Olvida tu lenguaje corporal”. “Encargaranse de facilitar as ferramentas necesarias para a xestión de emocións, para o desenvolvemento de habilidades sociais e mellora do proceso de comunicación”, segundo explicou a concelleira. Esta charla é aberta ó público.
