Vías e obras

Rematadas as obras de reposición do falso teito no CEIP Fernández López

Lourdes Moure, concelleira de Educación e Fazenda visitou e comprobou o resultado das obras de reposición do falso teito nas aulas de Infantil e arranxo dos baños no CEIP Fernández López que acometera o Concello de Porriño. A execución desta obra era unha demanda da comunidade educativa de este colexio que non fora atendida pola Consellería de Educación da Xunta de Galicia.
“Despois de terse reiterado a petición sen acadar resposta afirmativa da administración autonómica, finalmente o Concello de Porriño decidiu asumir a súa execución con cargo ó orzamento do plan de obras que están a realizarse ata o final do presente mandato”, sinalou Lourdes Moure.
De feito a ANPA A Oliveira dese centro de ensino agradeceu no seu Facebook a colaboración prestada polo Concello de Porriño.

09/04/2019 in Alcaldía, Educación e tecnoloxía, Vías e obras

Asociación de Empresarios do Polígono da Granxa e o Concello de Porriño solicitan unha reunión á Zona Franca para tratar o proxecto da Cidade do Transporte

A Alcaldesa de Porriño, Eva García solicitará a David Regades, delegado da Zona Franca unha reunión para abordar o proxecto de “Cidade do Transporte” que o Consorcio decidiu instalar no noso termo municipal. A petición desa entrevista é un dos temas tratados hoxe pola alcaldesa con Indalecio Cuevas, presidente da directiva da asociación empresarial Entidade Urbanística de Conservación Polígono de A Granxa.

Concello e representación patronal agardan coñecer as últimas novas sobre o estudo de alternativas de localización da Cidade do Transporte que precisaría ó redor de 100.000 metros cadrados e proximidade ás principais vías de comunicación que conectan Porriño con Vigo para poder aparcar de 200 a 500 camions diarios. A instalación que estaría vixíada contaría ademáis con habitacions, vestiarios, restaurante, suministro de combustible e taller de reparacions.

O dirixente empresarial e maila alcaldesa repasaron no encontro celebrado na casa consistorial porriñesa outras demandas pendentes coma a implantación de transporte público para atender ós milleiros de personas que traballan nos polígonos industriais de Porriño ou a necesidade de dotar a ese espazo dunha gardería infantil.

No que atinxe ó transporte, Eva García sinalou que o Concello “respalda dende hai tempo esa demanda dos empresarios radicados nos polígonos”. Estimase que diariamente unha poboación flotante de 35.000 persoas acuden a traballar ós polígonos de O Porriño e carecen dunha opción de transporte público en autobús, segundo trasladaron tanto Indalecio Cuevas coma Eva García. Con respecto a petición dunha gardería infantil, a alcaldesa lembrou que o Concello xa cedeu unha parcela á entidade empresarial. Non obstante Concello e empresarios van estudar outras posibilidades para poder acometerla e dar servizo ás familias de traballadores dos polígonos porriñeses.

04/04/2019 in Alcaldía, Emprego e formación, Servizos sociais, Urbanismo, comercio e industria, Vías e obras

A alcaldesa de Porriño insta por carta á conselleira de Medio Ambiente da Xunta de Galicia a crear unha mesa de traballo para retomar o plan de descontaminación do lindano

Eva García de la Torre enviou unha carta dirixida a Angeles Vázquez Mejuto, conselleira de Medio Ambiente, Territorio e Vivenda solicitandolle crear unha comisión técnica entre Concello de Porriño e Xunta de Galicia para retomar o plan de descontaminación do lindano. A carta tivo data de entrada na Consellería o pasado 28 de marzo e ainda non houbo resposta.
A alcaldesa expón na súa misiva as recentes novas sobre novos achados que presuntamente corresponderían a lindano na zona de Torneiros e lembralle á conselleira que “trátase dunha actuación que ven demandando o Concello de Porriño dende que en 2017 apareceron verquidos de lindano nas obras de saneamento que realizabamos na citada parroquia”. Finalmente Eva García engade na súa carta á conselleira que “entendemos dende o Concello de Porriño que nos corresponde a ambalas dúas administracions actuar en consecuencia de xeito coordinado”.

01/04/2019 in Alcaldía, Benestar, Urbanismo, comercio e industria, Vías e obras

O Concello acometerá medio cento de obras de saneamento, asfaltado, equipamentos escolares e deportivos por un millón de euros no que resta de mandato

O goberno municipal de Porriño ven de establecer unha folla de ruta en materia de obras que se acometerán ó longo das vindeiras semanas para melloras de saneamento, asfaltado asi como equipamentos escolares e deportivos que importarán 1 millón de euros e beneficiarán principalmente a todalas parroquias do concello.

A maior cuantía de ese orzamento procede dos 715.000 € que Deputación Provincial otorgaba dentro do “Plan Concellos” cuia asignación revisouse. “No lugar de investir esa dotación en dous megaproyectos,  preferimos acometer perto de 50 actuacions en unha diversidade de actuacions que mellorarán a moitísimos veciños que agardan por conectar as suas vivendas á rede de saneamento, polo arranxo de camiños, pola mellora de colexios como en Atios ou pola ampliación do Pabellón Municipal, por exemplo”, sinalou Eva García, alcaldesa de Porriño. A primeira autoridade municipal mantivo a principios de semana unha reunión en Deputación na que se acordou o reenfoque do destino desa partida orzamentaria.

De xeito que tras unha reunión do equipo de goberno cos técnicos municipais acordouse destinar 370.000 euros a 10 obras de saneamento que permitirán que 150 vivendas en diferentes parroquias se enganchen á rede. Asimesmo se consignan 100.000 euros para asfaltados e repavimentados nas sete parroquias e 166.000 euros en obras varias.

Tamén 60.000 euros para melloras en centros de ensino  “coma o CEIP “Fernández López” a fin de retirar o falso teito e o arranxo dos baños que non fixera a Consellería de Educación a pesar de terse reiterado a correspondente petición ou para acometer as obras nos vestiarios do CEIP de Atios, compromiso non ejecutado polo anterior responsable político desa materia”, declarou Lourdes Moure, concelleira de Fazenda e Educación. Por último tamén se investirán 260.000 euros en actuacions deportivas entre as que destaca a reparación de gradas e ampliación do aforo do Pavillón Municipal con 300 prazas mais para chegar a meter 2.000 espectadores.

26/03/2019 in Alcaldía, Benestar, Deportes, Educación e tecnoloxía, Tráfico, Vías e obras

O CONSORCIO DO LOURO CELEBROU O DIA MUNDIAL DA AUGA CON ACCIONS DE CONCIENCIACION CARA Á POBOACION

A edición e distribución dun manual de bos usos titulado “No Consorcio do Louro amamos a auga” e a convocatoria da IV edición do Concurso de Debuxo entre escolares dos catro concellos consorciados, constituen as dúas accions divulgativas que hoxe se presentaron na súa sede en Guillarei. Eva García, alcaldesa de Porriño e presidenta do Consorcio de Augas do Louro participou xunto cos alcaldes de Salceda, Marcos Besada e Tui, Carlos Vázquez Padín, na presentación desas accions de concienciación á poboación coas que “queremos achegar unha mensaxe sobre a importancia de coidar un recurso que non é ilimitado”.
A distribución do manual, do que se editaron 6.000 exemplares, fixose en colaboración co comercio local dos catro concellos. Ainda completarase coa entrega tamén ós escolares dos centros docentes de Porriño, Mos, Salceda e Tui.


“Resulta imprescindible que a veciñanza coñeza que o cambio climático limita un recurso que pensábamos que era inesgotable e que non é de balde” engadiu a alcaldesa de Porriño. Eva García salientou “o enorme traballo que se fai nesta Estación Depuradora do Louro non só para o tratamento das augas residuais senon tamén na investigación I+D+I en productos de valor engadido que aquí realizan”.
Marcos Besada, alcalde de Salceda suliñou “o excelente manual editado para esta ocasión” do mesmo xeito que Carlos Vázquez Padín, alcalde de Tui dixo que “resulta moi positivo que se transmitan dun xeito moi didáctico modos de aforro”.
Finalmente Llerena Perozo, autora do manual que tamén estivo na presentación,
ponderou que “terán que ser os nenos e nenas os que actúen como prescriptores nos seus respectivos fogares ante os seus pais e avós”.
Por outra banda anunciouse a inminente apertura do prazo, no mes de abril, para a elaboración e presentación de debuxos para o IV Concurso convocado polo Consorcio de Augas do Louro entre os escolares de 3º e 4º de Primaria dos colexios dos catro concellos consorcíados. Este ano pretendese que os debuxos teñan como tema principal o ciclo urbano da auga e os traballos poderán presentarse ata o 31 de maio. Os premios entregaranse o 5 de xuño, Día Mundial do Medio Ambiente.

22/03/2019 in Alcaldía, Educación e tecnoloxía, Parques e xardíns, Vías e obras

22 de marzo: Día Mundial da Auga

O venres 22 de marzo celébrase o Día Mundial da Auga. Con este motivo, o Consorcio de Augas do Louro que actualmente preside Eva García, alcaldesa de Porriño, vai celebrar en Guillarei unha serie de actos vencellados coa data. Trátase de accions de divulgación e concienciación cidadá acerca da importancia e valor da auga.

Unha das accions vai dirixidas ós máis cativos. Consiste na cuarta edición do Concurso de Debuxos, baixo o lema “Investigadores da auga”. Outra das accions do Consorcio baseáse na presentación do libro “No Consorcio do Louro amamos a auga” do que se editaron 6.000 exemplares que van ser repartidos entre a veciñanza dos concellos de Porriño, Tui, Salceda e Mos. Trátase dun manual de bos usos da auga cuia distribución realizase en colaboración co comercio local dos catro concellos.

O manual inclue numerosos consellos para habituarnos na nosa vida cotiá a valorar un recurso tan imprescindible coma limitado.

21/03/2019 in Alcaldía, Benestar, Urbanismo, comercio e industria, Vías e obras

O Concello ofrece plena colaboración ó Consello de Contas

A conselleira María Begoña Villaverde e dous auditores do Consello de Contas confirmaron hoxe á alcaldesa Eva García que a supervisión a realizar por ese organismo refírese, exclusivamente, ó recoñecemento extrajudicial de crédito aprobado en 2017. Aquela operación por importe de dous millons setecentos mil euros, sirviu para abonar facturas atrasadas que o actual goberno municipal de Porriño que preside Eva García heredou do mandato anterior do PP entre 2011 e 2015.
A rexidora porriñesa manifestou ós representantes do Consello de Contas en presenza da interventora municipal, “a plena colaboración do Concello co organismo supervisor entregando toda a documentación pertinente” ó longo dunha reunión que Eva García calificou como “moi cordial”.
A alcaldesa Eva García volveu a expresar que agarda que “do mesmo xeito que acontecera no seu día con outra inspección anterior, efectúada polo Tribunal de Contas de Galicia, producto dunha denuncia do PP por este mismo asunto e que se pechou exonerando ó actual goberno municipal de calquera responsabilidade, aconteza o mesmo agora tamén”.

14/03/2019 in Alcaldía, Urbanismo, comercio e industria, Vías e obras

A Concellería de Vías e Obras remata os traballos no barrio da Igrexa, en Pontellas, cunha nova estrada máis ancha e segura e a extensión da rede municipal de saneamento ás vivendas da zona

A Concellería de Vías e Obras vén de concluír os traballos de mellora  no barrio da Igrexa, na parroquia de Pontellas que, como sinala Manuel Carrera, abrangueron o pavimentado e sinalización no lugar no que se transformara un camiño nunha nova estrada “moito máis e ancha, segura e transitable por vehículos e peóns”, e a extensión da rede municipal de saneamento ás vivendas da zona.

O tenente de alcalde salienta que esta é “unha das as obras máis importantes executadas neste mandato na parroquia de Pontellas” dado que supón unha notable mellora tanto dos accesos coma da comunicación dentro do barrio da Igrexa , así mesmo, “seguir cumprindo o noso compromiso de levar o abastecemento e saneamento a todos os lugares do Porriño”, un obxectivo no que neste mandato avanzouse máis que en ningún outro.

Os traballos, rematados nun mes e que contaron cun orzamento de 47.633,71€ de fondos propios do Concello, consistiron no pavimentado de preto de 3.000 metros cadrados, cun firme e 5 centímetros de grosor, a ampliación de la rede de saneamento incorporando unha nova tubaxe de 315 milímetros de diámetro, a sinalización de toda a vía e a incorporación dunha varanda de 30 metros na zona.

25/10/2018 in Alcaldía, Vías e obras

O Concello anchea, ata os 10 metros, a estrada que da entrada al CEIP de Atios, en Catro Camiños, un dos lugares máis transitados da parroquia

A parte do vial do lugar de Catrocamiños que da entrada ao CEIP Plurilingüe de Atios, terá a partir da semana que vén un ancho de 10 metros, “o establecido pola lei”, logo do remate dos traballos que están a realizarse neste lugar.

Os mesmos, sinala o tenente de alcalde, Manuel Carrera, foron posibles logo da cesión desinteresada dos veciños de parte dos seus terreos que, logo da retirada de muros, permitiron, “o ancheado e pavimentado desta estrada, unha das máis transitadas da parroquia”.

Carrera indica que esta obra,que contou cun orzamento superior aos 10.000€ procedentes de fondos municipais, realizouse con persoal contratado con cargo á axuda da Deputación de Pontevedra, e traballadores do Concello e forma parte do Plan de Mellora de Viais, Camiños e Estradas Municipais posto en marcha polo actual Goberno local.

12/10/2018 in Alcaldía, Vías e obras

En funcionamento a nova rotonda de A Costeira e a ordenación da zona entre Cerquido e Budiño, que ten un elevado índice de accidentes de tráfico

A alcaldesa, Eva Garcia de la Torre, xunto con Uxío Benítez, deputado provincial de Mobilidade da Deputación de Pontevedra, e o concelleiro de Vías e Obras, Manuel Carrera, supervisou hoxe as obras realizadas polo organismo provincial para reordenar o tráfico e mellorar a seguranza viaria na estrada provincial EP-2405 entre Cerquido e Budiño, no lugar de A Costeira.

García de la Torre  salientou que a obra supón “unha mellora ostensible” na ordenación da zona e asegurou que “coa construción da rotonda evítase a altísima sinistralidade que había tal e como estaba configurado o espazo. Agora os viandantes e as persoas usuarias adaptáronse perfectamente á existencia da glorieta, o que dá idea da necesidade que había de facela”.

Para o responsable das infraestruturas provinciais a nova glorieta ven a redistribuír a circulación e calmar a velocidade nunha intersección que ata o de agora era moi perigosa e fora escenario de diversos accidentes.

Benitez subliñou que a actuación en A Costeira incluíuse dentro do Plan de Interseccións  da Estratexia de Mobilidade 3.0 da Deputación, que ten como un dos seus obxectivos prioritarios eliminar a violencia viaria e os puntos negros de toda a rede de estradas provincial.

Os traballos de mellora consistiron principalmente na ampliación do radio de curvatura da estrada principal, preto da conexión da EP-2405 da Deputación co parque empresarial das Gándaras, á altura do Centro Tecnolóxico do Automóbil de Galicia.

Doutra banda, urbanizouse a zona con beirarrúas para prestar continuidade ao tránsito peonil, habilitáronse pasos de peóns e baixouse a velocidade máxima de 50 a 30 quilómetros hora. Tamén se solucionaron as drenaxes mediante a remodelación de beiravías e sumidoiros e instaláronse oito luminarias tipo led sobre columnas de nove metros, catro na propia glorieta e outras catro nas inmediacións da intersección.

O orzamento global ascendía inicialmente a 220.336,36€, sendo 21.534€ destinados a expropiacións e o resto á execución da obra. Finalmente a licitación pechouse por un prezo de 132.719,68.

09/10/2018 in Alcaldía, Tráfico, Vías e obras