Manuel Carrera e o conselleiro Francisco Conde tratan a posta en marcha de “importantes proxectos enerxéticos” para O Porriño

O concelleiro de Vías e Obras, Manuel Carrera, mantivo este mércores unha xuntanza en Santiago co conselleiro de Economía, Emprego e Industria, Francisco Conde, para tratar distintos temas de interese para O Porriño.

Manuel Carrera informou ao conselleiro da presentación da solicitude de subvención para o un proxecto Rede de Calor ’District Heating’, coa finalidade de instalar na contorna do Pavillón Municipal unha pequena ‘estación de biomasa’ que subministraría, mediante  enerxía limpa, calefacción e auga quente ao mesmo pavillón e á piscina municipal, a o Centro de Saúde, os Xulgados, a sede da Tesourería da Seguridade Social, á Gardería A Galiña Azul, e aos edificios da zona, que teñan caldeiras de gasóleo ou gas, e que se acollesen a este proxecto, proporcionando o calor e a auga quente por medio de ‘tubaxes preilladas’, “que irían soterradas ata cada un dos devanditos inmobles”.

O orzamento total deste programa, que xa se está a aplicar en noutros dous concellos de Galicia, entre eles o de Silleda, achegaríase a 1 millón de euros, do cal a Xunta de Galicia achegaría o 80%, un total de 800.000€, e o Concello do Porriño os outros 200.000, cantidade que, como subliña o concelleiro de Vías e Obras, “recuperaríase en moi pouco tempo co aforro no subministro de enerxía, co cal, finalmente, sería a custo cero para os veciños”.

Carrera e Conde tamén repasaron todas as solicitudes de liñas de subvencións presentadas polo Goberno municipal que teñen un “obxectivo moi ambicioso” na mellora do alumeado  en todo o polígono de As Gándaras, no PPI-6 e PPI-7,con luces LED, “coa conseguinte redución nas emisións de CO2 e o aforro”.

Esta iniciativa suporía duplicar o aforro conquerido en 2016 e este 2017, uns 150.000€ e, nos vindeiros exercicios,  chegar a unha rebaixa na factura do alumeado municipal duns 600.000€ anuais, reducindo, ao mesmo tempo, a emisión de máis de 4.000 toneladas de CO2 á atmosfera.

Segundo sinalou Manuel Carrera, “o conselleiro amosou a súa satisfacción polo traballo que está a desenvolver o Concello do Porriño na mellora do Medio Ambiente”, como xa manifestara o pasados mes de abril cando estivo na vila para ver as caldeiras de biomasa instaladas no  Polideportivo Municipal e na piscina, e animou a seguir nesta liña de aposta pola sostenibilidade enerxética.

Por último, Conde comprometeuse a facer unha nova visita á vila, neste caso para manter unha xuntanza co Goberno Municipal sobre a problemática da des-localización de industrias, sobre todo de cara a Portugal, achegarse aos polígonos industriais, coñecer as súas necesidades polo miúdo, e amosar o seu compromiso coa industria porriñesa, unha das máis importantes de Galicia.

Representantes de Burdeos, visitan unha canteira e o @festivaldecans

Marie-France Regis, alcaldesa de Mouillac e vicepresidenta da Communauté de Communes du Fronsadais; Joël Caurraze, presidente do Comité de Hermanamiento Europeo deste organismo; Caroline Lescoul, tenente de alcalde do Concello de Galgón e responsábel de Asuntos Sociais, e Edwige Obledillo,profesor del Instituto Profesional de Blaye, representantes concellos de Burdeos de visita oficial a O Porriño, visitaron este xoves o Festival de Cans e unha das canteiras do Concello.

Estes representantes desta comunidade de Burdeos, que integra a 18 concellos franceses cos que o Goberno local ven de establecer unha relación de cooperación en diferentes eidos, estarán no Porriño do mércores, día 21, ao domingo, día 28.

Nestos días, ademáis de manter varias xuntanzas de traballo co tenente de alcalde e concelleiro de Vías e Obras, Manuel Carrera, de Limpeza e Seguridade, Orlando Mázquez, de Educación Lourdes Moure, e de Benestar, Soledad Girón, visitarán a Estación Depuradora de Augas Residuais (EDAR) de Guillarei, dependente do Consorcio de Augas do Louro, presidido pola alcaldesa, Eva García de la Torre; terán a oportunidade de coñecer unha as Adegas La Val; asistirán a diferentes actos do Festival de Cans, este mesmo xoves viaxaron nun dos chimpins, asistirán á proxección dunha das curtas e, ademáis, gozarán da gastronomía da zona.

Remate da colocación dunha marquesina no Cerquido.

A Concellería de Vías e Obras ven de rematar a colocación da marquesiña na parada de autobús de O Cerquido, preto da conexión coa A-55, que era, como subliña o concelleiro Manuel Carrera, unha vella demanda dos veciños da parroquia de Budiño.

A mesma, coma moitos dos traballos que está a levar a diante a concellería de Vías e Obras, está rematada en ‘rosa Porriño’ e incorpora un banco de pedra.

Esta mellora é outra máis das actuacións que está a levar adiante a Concellería de Vías e Obras nos últimos meses e que abranguen, entre outras iniciativas, o remate da mellora das rúas Buenos Aires e Progreso; a nova beirarrúa de preto de 2 quilómetros entre as parroquias de Atios e Pontellas; o adecentamento da Praza de Abastos ou as distintas conexións á rede de saneamento de vivendas de todas as parroquias, traballos que seguen adiante en diferentes puntos do Porriño

A Concellería de Vías e Obras segue adiante cos traballos de mellora da rede de saneamento.

A Concellería de Vías e Obras segue adiante cos traballos de mellora da rede de saneamento, agora en Abelenda, na parroquia de Pontellas dando servizo a ooutras 9 vivendas máis

A Concellería de Vías e Obras, que dirixe Manuel Carrera, ven de iniciar os traballos para a mellora do saneamento no lugar de Abelenda, na parroquia de Pontellas, traballos que durarán ata os primeiros días do mes que ven.

Os mesmos consisten na substitución de parte da rede que chega a esta parte da parroquia e que, cando estean rematados, permitirán dar servizo a nove vivendas e a o bar da Comisión de Festas de San Pelayo.

Manuel Carrera subliña que esta é unha obra demandada polos veciños e que se enmarca dentro de todas as que está a impulsando a Concellería de Vías e Obras, “en todas as parroquias, ven sexa con fondos do propio Concello, como neste caso, ven optando a subvencións ou asinando acordos de colaboración con outras entidades, organismos e administracións, o que permite que as mesmas non teñan custo algún para as veciñas e veciños do Porriño”.

Entrega de diplomas dos obradoiros de formación en albanelería e limpeza de montes

20 persoas con especial dificultade para atopar emprego rematan dous obradoiross de formación en albanelería e limpeza de montes, impulsados polo Concello do Porriño e a Xunta

A alcaldesa do Porriño presidiu este luns a entrega de diplomas aos 20 participantes en sendos obradoiros impulsados polo Concello e pola Concellería de Industria, Economía e Emprego que tiñan coma principal obxectivo a formación dos participantes en albanelería e limpeza de montes.

Coma lembrou Eva García de la Torre, os obradoiros tiveron unha duración de 6 meses e no ánimo da Concellería de Emprego, que dirixe Soledad Girón, e no da Consellería de Industria, Economía e Emprego estaba “aumentar ao máximo as posibilidades de entrada ou regreso ao mundo laboral dos participantes nos mesmos”.

No mesmo acto, no que estiveron presentes o xefe territorial da Consellería de Economía Emprego e Industria, e Yolanda Lesmes, secretaria territorial da mesma consellería, este última subliñou a importancia da cooperación entre administracións, neste caso o Concello do Porriño e o Goberno de Galicia, “de cara a axudar a persoas con especial dificultade para reintegrarse ou acceder ao mundo laboral”.

Lesmes adiantou que a Xunta xa convocou a realización de novos obradoiros de emprego que “terán unha duración total de 9 meses, 3 máis que na actualidade” coa finalidade de mellorar a formación e, ao tempo, as probabilidades de que os seus participantes atopen traballo.

Neste caso concreto, os participantes no obradoiro levaron a cabo a reforma da Escola Unitaria de Covelo, en Atios, que estaba nun avanzado estado de abandono, realizando obras de recuperación e acantoamento da mesma, retirando os elementos que non foi posible recuperar e reformando o inmoble para conquerir o seu aproveitamento para uso e gozo dos veciños da parroquia.

Os traballos que quedan pendentes serán rematados pola Concellería de Vías e Obras e a intención es que os mesmos estean a cargo dos integrantes dun novo obradoiro, que abranguería, neste caso, formación tamén en xardinería, para o establecemento dunha zona de lecer ao aire libre e mesmo un parque biosaudábel.

Polo que se refire ás e os participantes no obradoiro forestal, realizaron unha importantísima labor de mellora da contorna das Gándaras de Budiño, un dos enclaves máis visitados do Porriño.

Adxudicadas as obras para a execución dunha senda peonil

Adxudicadas as obras para a execución dunha senda peonil na estrada PO-331, ppolos concellos do Porriño e Mos

A Consellería de Infraestruturas e Vivenda vén de adxudicar o contrato para a execución dunha senda peonil e ciclista ao longo da estrada PO-331, no lugar de Atín, concretamente entre os puntos quilométricos 1+890 e 2+810, a o seu paso polos Concellos de Mos e O Porriño.

Esta actuación, cun prazo de execución de seis meses,supón un investimento de máis de 378.000€, co cofinanciamento de Fondos FEDER 14/20. O itinerario está enmarcado no Plan de Sendas na comarca de Vigo, que ten un oramento de 3,9 millóns de euros para a execución de 9 proxectos que contemplan 11 treitos identificados como prioritarios.

A senda na estrada PO-311 dará continuidade ao itinerario peonil existente no núcleo do Porriño ata o paso superior existente sobre a AP-9 nas proximidades de Atín.

A actuación iníciase na marxe esquerda da estrada, na que se construirá unha senda da 933 metros de lonxitude, desde as proximidades do Colexio Santo Tomás no que finalizan as actuais beirarrúas, ata a ponte sobre a AP-9, pasando pola intersección existente coa estrada a Pereiras – Tameiga.

Pola marxe dereita da estrada, a obra terá unha lonxitude de 200 metros e comezará na intersección coa estrada municipal Pereiras- Tameiga, dado que ata este punto xa existe beirarrúa. A senda nesta marxe desviarase da estrada nos últimos 80 metros ata o acceso ao centro escolar de Atín. Neste último tramo terá un ancho de 3 metros.

Coa execución desta senda existirá un itinerario peonil continuo polas dúas marxes da vía que comunicará os dous centros de ensinanza co Porriño.

Remata a mellora das rúas Buenos Aires e Progreso

Remata a mellora das rúas Buenos Aires e Progreso, segundo o proxecto presentado á Xunta de Galicia pola Concellería de Vías e Obras

A Axencia Galega de Infraestruturas (AXI), dependente do Goberno de Galicia, ven de rematar as obras de mellora das rúas Buenos Aires e Progreso, segundo o deseño presentado pola Concellería de Vías e Obras do Concello do Porriño, que dirixe Manuel Carrera.

Os traballos realizados nestas rúas abranguen o cambio das redes de abastecemento de auga potable que, segundo indica Carrera “estaban en moi mal estado”. Ademais, engade, colocáronse tres novos pasos de cebra elevados, “que aumentan a seguridade dos centos de condutores e peóns que utiliza as dúas vías a diario”. Ás melloras tamén hai que sumar un ‘cruce’ de saneamento na estrada a Gondomar, o asfaltado e o pintado do firme.

A titularidade das dúas rúas, coma lembra o tenente de alcalde, xa foi pedida á Xunta polo Concello do Porriño cun proxecto que contempla, cunha partida orzamentaria de 1,5 millóns, o aumento do ancho das beirarrúas nos dous sentidos de circulación, a reforma integral e substitución da rede de saneamento, a colocación de sinalización e un novo alumeado, dado que “estamos a falar de rúas que soportan cada día unha cantidade de tráfico moi elevada”.

Rreformas do inmoble do Centro Cultura A Forna

A alcaldesa estudará cómo iniciar as reformas do inmoble do Centro Cultura A Forna, de Budiño, a humanización do seu exterior e a posibilidade de que teña unha conexión a Internet “rápida e segura”

A alcaldesa mantivo unha xuntanza cos integrantes da nova xunta directiva do Centro Cultural A Forna, de Budiño, para coñecer, polo miúdo, os problemas que afrontan os novos representantes da mesma.

Eva García de la Torre sinalou que estudará o xeito de que o Concello contribúa a sufragar as reformas que precisa o inmoble no que está o Centro Cultural, de modo que as mesmas se poidan acometer en varias treitos.

Asimesmo, indicou que os orzamentos municipais recollen unha partida para que a Concellería de Vías e Obras, dirixida polo tenente de alcalde, Manuel Carrera, poida iniciar os traballos de mellora e urbanización do exterior do Centro, no que se organiza a Festa de San Blas, e que como indicaron os novos directivos precisa xa que se fagan traballos de recuperación e adecentamento.

García de la Torre informou, ademais, dos contactos que mantén con Telefónica para que os centros culturais e asociacións veciñais, dispoñan de wi-fi gratis que “permita unha conexión a Internet rápida e segura” como “medio imprescindible de dinamización social e cultural e un servizo ás veciñas e veciños, en xeral, e aos máis novos, en particular”.

Do mesmo xeito, a alcaldesa amosou a súa intención de artellar un medio que permita que o material informático que xa non se empregue no Concello se ceda ás asociacións do Porriño, “por suposto, garantindo o seu bo funcionamento”, para aproveitar o mesmo e, ao tempo, evitar gastos a estas entidades.

Corte de auga aos polígonos industriais do Porriño

O Consorcio de Augas do Louro corta o subministro de auga aos polígonos industriais do Porriño, este domingo, día 5 de febreiro, entre as 8 da mañá e as 5 da tarde

Dende as 8 da mañá deste domingo, 5 de febreiro, por mor dunha aviría, é necesario cortar o subministro de para poder acometer a súa reparación. A mesma está na tubaxe de máis de medio metro de diámetro que leva auga dende a Estación de Tratamento de Auga Potable (ETAP) de Os Valos, ata o depósito de A Risca- non na que abastece á poboación- o que fai necesario cortar a auga de entrada ao depósito.

Coma medida preventiva, so se deterá o abastecemento aos polígonos industriais durante a execución dos traballos de reparación coa finalidade de contar cunha marxe de tempo dabondo para que a auga almacenada no depósito garanta o abastecemento aos veciños de O Porriño.

Por todo elo, o servizo ás casas non se verá afectado. Dacordo co previsto, o depósito volverá a funcionar normalmente ás 5 da tarde deste mesmo domingo.

Reparada a fuga detectada na Rede Xeral de Abastecemento de Auga do Porriño

A pasada madrugada, do martes ao mércores, operarios do Consorcio de Augas do Louro, procederon á reparación dunha fuga na rede xeral de abastecemento do núcleo urbano de O Porriño, á altura do calexón do tanatorio.

Os traballos, que se fixeron pola noite-entre as 23:30 e as 02:30 horas- para reducir ao máximo as molestias aos veciños, consistiron na substitución dun ‘manguito’ de unión entre dos treitos de tubaxe, de 315 milímetros de diámetro, que estaba a causar unha perda de auga. Ao mesmo tempo, colouse un pequeno ‘carrete’ de tubaxe para corrixir o ángulo da curva da mesma e facilitar a reparación.

Durante a operación foi preciso cortar o subministro de auga na Avenida de Galicia, Avenida de Bos Aires, rúa Progreso, Ramiranes, Manuel Rodríguez, Ramón González e Antonio Palacios.