Vías e obras arquivos - Páxina 14 de 23

O Porriño en fase 2: medidas de control no acceso ao Concello e reincorporación do persoal nos departamentos municipais

Dende hoxe luns 25, coa entrada de Galicia na fase 2 do plan de desescalada, o Concello do Porriño comeza unha progresiva normalización da súa actividade e servizos.

Unha das novidades é un pórtico de control de temperatura e medidas de hixiene para as persoas que accedan ao interior do edificio consistorial. Un conserxe encargase de controlar o acceso que debe ser perante cita previa.

Dende hoxe restablecese a atención persoal en cada un dos departamentos e negociados sempre con cita previa e cando non sexa posible resolver por teléfono ou vía telemática.

Para solicitar atención personalizada perante cita previa, compre que se teñan en conta os seguintes teléfonos:

-para Servizos Sociais, pedir cita no número 986 334621

-para a Unidade de Atención a Drogo dependentes (UAD), no 986 330861

-para a Policía Local, no 620 40 40 40

-para todos o demais servizos, a través de centraliña no número 986 33 5000

Hoxe reincorporouse a meirande parte da plantilla. Están exceptuados o persoal pertencente aos colectivos considerados vulnerables e aqueles outros, suxeitos a a algún dos supostos de conciliación.

25/05/2020 in Alcaldía, Benestar, Cultura e festas, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Turismo, Urbanismo, comercio e industria, Vías e obras

Acordo entre goberno municipal e sindicatos para a reincorporación por departamentos dos funcionarios e persoal do Concello

Goberno municipal e os representantes sindicais da plantilla de traballadores do Concello do Porriño subscribiron hoxe un acordo para a progresiva reincorporación de funcionarios e demais persoal a partir do vindeiro luns 25 de maio. A negociación rematou hoxe coa firmado do acordo que subscribiu Lourdes Moure, concelleira de Persoal, no nome do goberno municipal, e os delegados da xunta de persoal do Concello.

O documento establece o proceso de reincorporación por etapas que xa está a realizarse dende esta semana e que a partires do vindeiro luns 25 suporá a reincorporación da meirande parte da plantilla. Estarán exceptuados o persoal pertencente aos colectivos vulnerables e aqueles suxeitos a a algún dos supostos de conciliación.

Tamén a partires do vindeiro día 25, restablecerase a atención persoal en cada un dos departamentos e negociados sempre con cita previa e cando non sexa posible resolver por teléfono ou vía telemática.

Para solicitar atención personalizada perante cita previa, compre que se teñan en conta os seguintes teléfonos:
-para Servizos Sociais, pedir cita no número 986 334621
-para a Unidade de Atención a Drogo dependentes (UAD), no 986 330861
-para a Policía Local, no 620 40 40 40
-para todos o demais servizos, a través de centraliña no número 986 33 5000

O acordo firmado hoxe tamén determina que a unidade de Persoal do Concello facilitará aos traballadores o material de protección (máscaras, luvas e mamparas) que sexan necesarios e que ademais a disposición de mesas e cadeiras de traballo estarán redistribuídas para gardar a distancia de seguridade (2 metros) entre cada posto de traballo.
A tal fin, o Concello aplica as recomendacións da auditoría realizada pola firma “Cualtys” que supervisa o cumprimento das medidas de seguridade e hixiene no traballo.

19/05/2020 in Alcaldía, Benestar, Deportes, Limpeza, Servizos sociais, Urbanismo, comercio e industria, Vías e obras

O Consorcio de Augas do Louro repara o afundimento na Ponte Romana

O Consorcio de Augas do Louro, que preside a alcaldesa do Porriño, acomete a reparación da Ponte Romana. O Consorcio ten adxudicado á empresa Galaicontrol SL os traballos de redacción do proxecto de reparación do afundimento dun treito do Colector Interceptor Xeral de Tui e na estrada de acceso á depuradora de Guillarei, situados no entorno da Ponte Romana.

Durante estes días a empresa ven realizando diversos traballos de campo e tomando mostras mediante sondaxes así como realizando ensaios de penetración no terreo para calcular a capacidade resistente do mesmo.

A partir desta semana, realizarase un “by-pass” do treito de colector afundido para inspeccionar o seu interior mediante unha cámara de vídeo, co obxecto de completar a información necesaria para elaborar un estudo de alternativas de reconstrución.

A alternativa escollida deberá ser consensuada previamente coa Confederación Hidrográfica do Miño-Sil, propietaria das instalacións.

18/05/2020 in Alcaldía, Vías e obras

O Concello coas bandeiras a media asta polo loito oficial en memoria das vítimas do “Covid-19”

Na seguinte galería de hoxe pódese ver o edificio consistorial coas bandeiras a media asta polo loito oficial decretado en Galicia pola Xunta en memoria das vítimas do “Covid-19”.
Tamén aprécianse diversas imaxes urbanas entre as que destacan alguns establecementos comerciais abertos e outros que aínda permanecen pechados agardando polas seguintes fases da desescalada.

07/05/2020 in Alcaldía, Urbanismo, comercio e industria, Vías e obras

Acordo unánime para desafectar as antigas casas dos mestres de Torneiros para a súa conversión en vivendas sociais

O Concello do Porriño aprobará, co acordo unánime de todos os grupos políticos da Corporación, a desafección das antigas casas dos mestres de Torneiros para a súa conversión en vivendas sociais.
A proposta realizada no nome do goberno municipal bipartito polo concelleiro de Infraestructuras e Patrimonio, Pedro Pereira será levada a pleno para a súa ratificación. Ainda que xa recibiu o respaldo dos restantes grupos políticos na reunión que celebrou onte a xunta de voceiros municipais. A alcaldesa Eva García engadiu que o proxecto de conversión en vivendas sociais podese acoller a unha liña de subvencións do 90% que establece o propio Instituto Galego da Vivenda e Solo.

Á Xunta de Voceiros Municipais, presidida por Eva García, asistiron ademáis do citado Pedro Pereira, Lourdes Moure (PSOE), Abel Estévez (PP), Pedro Ocampo (EU Son) e Manuel Carrera (UDDL).

Entre outros acordos decidiuse que o pleno deste mes de febreiro sexa o xoves 27, ás 18 horas, para evitar a coincidencia co Mércores de Cinza e co Enterro da Sardiña.
Tamén tratouse da proposta do Rueiro Municipal para denominación de rúas e prazas que ainda está en fase de consultas que continuarán en marzo. Acordouse pechar os preparativos da Comisión Especial do Lindano que se vai constituir formalmente o vindeiro mércores 19, a as 19 horas.

Ademais o concelleiro de Infraestructuras, Pedro Pereira debatiu cos voceiros dos grupos a posibilidade de establecer unha posición común do Concello no asunto existente en Budiño entre cinco entidades deportivas, culturais e veciñais e a Comunidade de Montes. De momento non é posible por diferencias de criterios que se volverán a tratar nunha reunión específica que terá lugar o vindeiro xoves 20.
Pretendese intermediar para acadar unha solución a tres bandas que garanta o mantemento dos usos de instalacións cuia titularidade pasou a mans da Comunidade de Montes, por sentenza do Xurado de Montes.

14/02/2020 in Alcaldía, Servizos sociais, Urbanismo, comercio e industria, Vías e obras

Xunta de Goberno Local acordou adxudicar a “Covsa” as obras de humanización en rúa Doantes

A Xunta de Goberno Local acordou hoxe aprobar a adxudicación definitiva á empresa constructora “COVSA” para que execute a mellora de seguridade viaria na rúa Doantes, cun orzamento de perto de 500.000 euros. Nesa partida incluense ampliación de beirarruas, a realización dunha rotonda, o cambio da parada dos buses escolares e outras actuacións complementarias de humanización. A adxudicataria dispon ata xuño para realizar ditas obras.

Na mesma reunión do gabinete municipal coaligado PSOE-BNG presidida por Eva García de la Torre coa participación dos concelleiros Pedro Pereira, Lourdes Moure, Sergio Casal y Cami Moreira (David Alonso tivo que ausentarse) aprobaronse sendos expendentes para licitacións. Son para contratar o servizo de limpeza dos centros educativos do concello e por outra banda para contratar o servizo de telefonía fixa e móbil así como de internet para o Consistorio.

Por outra banda, a Xunta de Goberno Local aprobou remitir á Deputación o Plan de Mobilidade. Asimesmo acordouse enviar á institución provincial, para a súa inclusión no Plan Concellos, media duzia de pavimentacións de camiños municipais en Torneiros, Cavadas-Atios, Covelo-Atios, Centeans-Pontellas e A Vaquería-Budiño, así como as obras de humanización da rúa Aloques.

03/02/2020 in Alcaldía, Educación e tecnoloxía, Limpeza, Tráfico, Urbanismo, comercio e industria, Vías e obras

Diversas actuacións en Atios da Concellería de Vías e Obras para melloras de saneamento e viais

O Concello do Porriño ven de acometer diversas melloras na parroquia de Atios en viais e saneamento que se executan con medios propios e baixo a dirección da concelleira de Vías e Obras, Lourdes Moure.

Actualmente segue a realizarse a ampliación da rede de saneamento no lugar de Covelo para dar servizo a dez vivendas. Os seus propietarios deberán darse de alta ante o Consorcio de Augas do Louro para realizar a conseguinte acometida. As obras avanzan a bó ritmo, a cargo da empresa “Naturgalia”. Mantense as restriccions de tráfico na zona.

Tamén realizaronse traballos de bacheo e asfaltado en outros puntos da parroquia que a concelleira revisou en compañía do enxeñeiro municipal e o encargado de obras.
En Insuas arranxouse un tramo da estrada que estaba en moi mal estado.

Na subida á Guía, a concelleira comprobou a marcha dos traballos de ampliación da estrada e de canalización de augas pluviais que se realiza coa colaboración dun veciño que cedeu parte do terreno.

Finalmente tamén Lourdes Moure entrevistouse co veciño, Eduardo Romero que instou a intervención do Concello para conectar varias vivendas da Pontenova ó abastecemento de auga potable. As casas, a escasos metros da avenida Domingo Bueno, quedaran sen agua hai uns meses porque secaran os pozos dos que se abastecían e carecían de conexión coa rede xeral.

29/01/2020 in Vías e obras

San Blas celebrarase na Forna cos baños do Casa Cultural conectados á rede de saneamento

As Festas de San Blas, no Torreiro da Forna, en Budiño que empezan este venres 31, celebraranse por primeira vez cos baños da Casa Cultural conectados á rede de saneamento.

A Concellería de Vías e Obras executou esta obra cuio resultado comprobou sobre o terreno a concelleira responsable, Lourdes Moure en compañía do enxeñeiro municipal e o encargado de Obras do Concello.
Eliminaronse tres fosas sépticas e conectouse a tubaxe coa rede de saneamento eliminando un foco de suciedade e malos olores.

A prevision é que milleiros de persoas acudan durante os catro días de celebracións no Torreiro onde montase unha carpa de grandes dimensions, con solo de madeira e canon de calor para que sexa máis acolledor

O Concello de O Porriño colabora coa comisión veciñal organizadora.

Por outra banda, na subida á Forna, a concelleira de Vías e Obras comprobou o resultado doutra actuación do seu departamento que consistira no aslfaltado dun tramo da estrada que fora solicitado polos veciños.

29/01/2020 in Vías e obras

A Concelleira de Vías e Obras convoca a todas as AAVV do concello para recibir todas as peticións para bacheo, asfaltado e saneamento

A Concellería de Vías e Obras remite a partir desta semana unha convocatoria a todas as asociacións de veciños de todas as parroquias do concello para celebrar o vindeiro xoves 16, ás 20 horas, unha reunión no salón de plenos do Concello. A temática a abordar será que cada unha das AAVV manifesten as súas necesidades en materia de: bacheo, asfaltado e saneamento.

Na convocatoria ás asociacións de veciños que se cursará por correo electrónico, Lourdes Moure, concelleira de Vías e Obras indica que “Ademáis dos puntos citados, quedamos abertos a calquera outra necesidade que poidades prantexar, para porlle solución o antes posible, abrindo unha canle de comunicación que espero se manteña no futuro”.

Na reunión convocada para o xoves 16, ademáis da Conncelleira de Vías e Obras, estarán presentes Pedro Pereira, Concelleiro de Infraestructuras; Rafa Alonso, enxeñeiro municipal e Miguel Feijóo, encargado municipal de Obras.

Lourdes Moure explicou que esta reunión con todas as asociacións de veciños do concello “era un compromiso que tiñamos adquirido coas parroquias para celebrar a primeros deste ano e que nos servirá para priorizar as actuacións que palien as múltiples deficiencias que arrastra O Porriño, algunhas desde a época de Barros”.

07/01/2020 in Vías e obras

A corporación aprobou por unanimidade a adxudicación do SAF á empresa “Sociser”

O derradeiro pleno municipal da corporación local de O Porriño en 2019 aprobou por unanimidade boa parte dos asuntos que configuraron a orde do día. Entre eles, o máis sobranceiro foi a adxudicación definitiva á empresa “Sociser Galicia” do Servizo de Axuda no Fogar (SAF). Tratase dun contrato por dous anos -prorrogable- que conta un orzamento de 1,9 millons de euros, segundo explicou o concelleiro de Servizos Sociais, David Alonso.

Na sesión, de caracter ordinario, tamén aprobaronse por unanimidade varias altas no inventario municipal de camiños en Budiño ou en Pontellas así como a prórroga de concesión de supermercado na Praza de Abastos que ven ocupandose desde 2011.

Tamén aprobaronse por maioría, agás as abstencións dos 2 concelleiros de EU Son, para arrendamento de parcelas municipais para explotacións mineiras en Atios así como nos montes Carrascal, Laxedo, Cerola e Faro, entre outros.

No debate destes asuntos, o voceiro de EU Son cuestionou ó goberno municipal sobre o estado de cobro dos canons por parte das empresas mineiras. Pedro Pereira, concelleiro de Urbanismo respostou que en breve o Concello artellará procedementos xurídicos para a reclamación de débedas ós adxudicatarios que non estean ó día nos seus pagos.

A unanimidade rachouse en algúns outros asuntos como a moción presentada por EU Son para demandar da corporación municipal un acordo en contra do proxecto de universidade privada que promove ABanca. A moción foi derrotada polos 8 votos en contra do PP e 5 abstencións (PSOE e Manuel Carrera).