Urbanismo, comercio e industria

O Consello de Contas vai realizar unha auditoria polo recoñecemento extraxudicial de crédito aprobado en 2017 por un importe total de dous millons setecentos mil euros en facturas atrasadas que o actual goberno de Porriño que preside Eva García tivo que afrontar como consecuencia da débeda heredada do mandato anterior do PP entre os anos 2011 e 2015.

María Begoña Villaverde, conselleira do citado organismo supervisor e dous auditores do mesmo serán recibidos o xoves pola alcaldesa e maila interventora do Concello que entregarán ós auditores todala documentación e expedientes referidos a esas facturas que estaban sen pagar e tiveron que derivarse a recoñecemento extrajudicial.

A alcaldesa Eva García agarda que “do mesmo xeito que acontecera no seu día con outra inspección anterior, efectúada polo Tribunal de Contas de Galicia, producto dunha denuncia do PP por este mismo asunto e que se pechou exonerando ó actual goberno municipal de calquera responsabilidade, aconteza o mesmo agora tamén”.

“Entendo que o PP que no seu día chegou a denunciar que pagáramos as facturas que o seu goberno deixou, terá que dar conta de por qué o fixo, forzando en definitiva ó actual goberno que presido a ter que aprobar ese recoñecemento extrajudicial aproveitando que un concelleiro popular que é avogado e levaba unha reclamación dun cliente tivo que absterse o que facilitou que nos aprobásemos a operación co voto de calidade desta alcaldesa”, engadiu Eva García. A alcaldesa considera que esta situación ven devenida pola negativa sistemática do PP a elaborar orzamentos municipais e prorrogar sistemáticamente os existentes “unha práctica que foi unha responsabilidade compartida polo anterior alcalde Nelson Santos e polo concelleiro Alejandro Rodriguez, actual presidente local e candidato do PP á alcaldía”.

As prazas e rúas do centro urban de Porriño están a vivir cun bó ambiente de público e ventas, unha nova edición de “Merca na rúa”. Este mediodía un tempo solleiro aliouse para un mellor arranque desta XX edición da Feira de Oportunidades que organiza “Acipor” coa colaboración do Concello.
O evento continuará ata o domingo 10, en horario de 11 h a 20 h.

Este fin de semana, en Porriño, celebrase a XX edición da feira de oportunidades “Merca na rúa” que se desensrola na zona peonil do centro urban da vila. O evento ten lugar hoxe sábado e mailo domingo en horario ininterrumpido.  O sabado desde as 10 h. ata as 21 h. O domingo, desde as 11 h. ata o peche previsto ás 20 h.
A iniciativa corresponde á Asociación de Comerciantes e Industriais de Porriño (ACIPOR) en colaboración co Concello e tén como obxetivo rematar os stocks para liquidar a campaña de inverno. Ofrecense descontos de ata o 70% en productos nos 30 stands que participan.

A alcaldesa do Porriño, Eva García de la Torre, e o concelleiro de Industria, Marcelino Coto, mantiveron unha xuntanza con representantes do Foro de Empresarios de Galicia coa finalidade de tratar a necesidade do aproveitamento de chan industrial nos polígonos do Porriño.

García de la Torre salientou que O Porriño conta con 1 millón e medio de metros cadrados de chan industrial dispoñíbeis e subliñou a “necesidade urxente e perentoria” de que se atope xa o xeito de axilizar os trámites burocráticos que teñen que cumprir as empresas para poder radicarse na vila.

A xuízo da rexedora, a proliferación de organismos dependentes da Xunta de Galicia e os prazos, cumplimentacions, requisitos e moitas veces formalidades case interminábeis de  ‘papeleo’, fan que haxa compañías que opten por Portugal onde a tramitación de permisos é “moitísimo máis áxil”.

A alcaldesa, que está a manter contactos con diferentes entidades e asociacións privadas e organismos públicos para reactivar a chegada de novas empresas á vila, coincidiu cos empresarios en que hai unha “importantísima demanda de chan industrial” municipal no Porriño e que é “xa inaprazábel” poñelo canto antes a dispor das compañías que o están a solicitar.

Neste eido, Concello e empresarios traballarán xuntos nunha estratexia na para afrontar, ademais das dificultades que representa o poder dispor de chan, o facer que O Porriño, “seguramente a primeira zona industrializada de Galicia”,conte con comunicacións e servizos máis acaídos e demandados polas empresas e deste xeito poder contrarrestar o feito de que a presencia de empresas galegas nos parques industriais do norte de Portugal chegue ata o 50 por cento de ocupación das mesmas.

O concelleiro de Comercio, Marcelino Coto, xunto coa xerente da Asociación de Comerciantes e Industriais do Porriño (ACIPOR), Noelia Conde, e membros da directiva da asociación presentaron  a 19ª edición de ‘Merca na rúa’, que se celebrará no centro do Porriño a vindeira fin de semana: sábado 8 e domingo 9 de setembro.

Marcelino Coto gabou a excelente saúde que ten esta feira de oportunidades e amosouse encantado de que estea tan preto de chegar ás vinte edicións. O concelleiro asegurou que a fin de semana o tempo acompañará ao evento e non terá que suspenderse coma, por mor da borrasca ‘Félix’ tivo que facerse coa anterior cita, “as previsións apuntan a que o sábado e domingo teremos bo tempo e invito a todas as veciñas e veciños do Porriño e dos concellos do redor que se acheguen ata aquí e, ademais de dar un paseo aproveiten as oportunidades que estarán á venda”.

Coto lembrou que o Concello , en edicións anteriores, o Concello asume os custes de alumeado, limpeza, os inchábeis para os cativos e a vixianza de seguridade dos postos, para que os expositores non teñan que recoller e desmontar os mesmos pola noite, unha labor de garda na que desempeñará un papel esencial a Policía Local.

Noelia Conde, pola súa banda, sinalou que as persoas que se acheguen a ‘Merca na rúa’ terán ofertas de óptica, complementos, zapataría, zapataría de cativos, deportes, mesmo lencería, en 20 postos e con rebaixas de entre o 50 e o 70 por cento.

A xerente de Asociación de Comerciantes salientou que a feira, que ocupará, como xa era tradicional, a rúa peonil do centro do Porriño, estará aberta o sábado de 10 da mañá a 9 e media da noite e o domingo de 11 da mañá a 8 e media da tarde, os dous días de xeito ininterrompido.