Educación e tecnoloxía

O Goberno Municipal insta á Xunta para que asuma arranxos bo CEIP Antonio Palacios e na Galiza Azul de Torneiros

O Goberno Municipal do Porriño instou á Xunta de Galicia a resolver as deficiencias que apareceron nos centros educativos de Torneiros, tanto na Escola Infantil Galiña Azul como no CEIP Antonio Palacios. A través de dúas cartas o Concello porriñés reclama a sendas instancias da administración autonómica que poña os medios necesarios para arranxar os problemas detectados.

No caso da gardería, o pavimento do comedor que é de tarima flotante está levantado, desgastado e constitue un risco para os nenos e nenas como expón un informe do arquitecto municipal acompañado con fotografías. O informe ilustra a misiva dirixida pola alcaldesa Eva García ao presidente do Consorcio Galego de Servizos de Igualdade e Benestar, Perfecto Rodríguez na que lle insta para que ese departamento asuma o seu arranxo.

No caso do CEIP Antonio Palacios, é a concelleira de Educación Lourdes Moure a que prantexa por carta ó xefe territorial de Educación, Julio César Pérez Ares a necesidade de acometer as obras necesarias de arranxo do patio de xogos do centro que está moi deteriorado. A carta adxunta outro informe do arquitecto municipal, José Luis Basanta que propón a renovación total do pavimento do patio do colexio, cunha superficie aproximada de 625 metros cadrados, instalando outro máis axeitado para soportar as inclemencias meteorolóxicas.

23/12/2019 in Alcaldía, Benestar, Educación e tecnoloxía

Entrega de diplomas do curso “Tecendo lazos”

Cami Moreira, Concelleira de Igualdade, en representación do goberno municipal do Porriño, e Raquel Giráldez, deputada provincial de Emprego, en representación da Deputación de Pontevedra, presidiron esta tarde a entrega de diplomas do programa “Tecendo lazos”. En concreto do curso de “Manualidades de Moldeado e Pintado con obxetos reciclados” realizado no Centro Cívico do Porriño.

Neste obradoiro realizaronse actividades de expresión plástica e traballos manuais a través da reciclaxe e da reutilización de materiais, co que se promoveu o respecto polo ambiente e o desenvolvemento da creatividade e da imaxinación,

Tratouse dun obradoiro interxeneracional no que participaron persoas de entre 6 e 80 anos. Algunhas das mesmas familias e de diversas xeracións (netas e netos, avoas e avós, fillas e fillos, nais e pais etc.) .

20/12/2019 in Alcaldía, Benestar, Cultura e festas, Educación e tecnoloxía, Emprego e formación

O martes comeza a traballar o grupo de voluntari@s para seleccionar e embalar os alimentos recollidos no #GivingTuesday

Mañá martes comezarán a traballar os voluntari@s inscritos para seleccionar e embalar os alimentos non perecedoiros recollidos durante a campaña #GivingTuesday (Martes para Dar), na que o Concello do Porriño implicouse conforme o acordo que acadou o pleno infantil celebrado o pasado 15 de novembro.

Segundo informa Noelia de la Fuente, responsable da Oficina Municipal da Xuventude (OMIX) “contamos xa cun importante número de persoas voluntarias inscritas para o programa municipal de voluntariado que promove a Concellería que dirixe Lourdes Moure”.

A primeira tarefa dos voluntarios será a clasificación e distribución da gran cantidade de alimentos recollidos tanto polos nenos e nenas dos centros escolares do concello como a través da colaboración cidadá.
Este traballo realizarase en colaboración co banco de alimentos de SOS Porriño, e todo o material recollido será distribuído posteriormente entre as familias con menos recursos da localidade.

Noelia de la Fuente engadiu que “se algunha persoa está interesada ainda en sumarse a este programa municipal de voluntariado poderá informarse e inscribirse na OMIX do Concello, situada no edificio do Centro Cultural Municipal.

16/12/2019 in Alcaldía, Educación e tecnoloxía, Servizos sociais

Francisco Jiménez, voceiro do Consello de Participación Infantil de O Porriño falou ante a Conselleira de Política Social da Xunta de Galicia

Francisco Jiménez Gabarres foi o encargado de falar hoxe como voceiro do Consello de Participación Infantil de O Porriño durante as III Xornadas Formativas das Cidades Amigas da Infancia en Galicia que se celebra en Boqueixon.
Francisco, máis coñecido como Curro, é alumno do CPI da Ribeira e falou esta mañá sobre a pobreza.

No encontro coa conselleira de Política Social,Fabiola García, o voceiro da infancia porriñesa manifestoulle “non nos gustan os titulares que din que 1 de cada 4 nenos e nenas están en risco de pobreza na nosa comunidade. Seguiremos pedindo melloras nas políticas para que todos o nen@s poidan ver cumpridos o seus dereitos”, dixou o rapaz.

Despois a delegación de nen@s de Porriño, que acudiu acompañda por Noelia de la Fuente, responsable da OMIX do Concello, participou nun coloquio sobre “Experiencias en participación nos concellos galegos” xunto cos representantes de outras cidades declaradas “Amigas da Infancia”. que pechará as Xornadas.

11/12/2019 in Educación e tecnoloxía

Porriño participa nas III Xornadas Formativas das Cidades Amigas da Infancia de Galicia

Alumn@s de centros escolares de O Porriño participarán mañán mércores en Boqueixón, nas III Xornadas Formativas das Cidades Amigas da Infancia en Galicia.
A comitiva de nen@s de O Porriño acudirá acompañados de Noelia de la Fuente, responsable da OMIX do Concello.

A sesión será inaugurada por Fabiola García, Conselleira de Política Social; Alfonso Villares. Vicepresidente primeiro da FEGAMP e alcalde do Concello de Cervo, e Myriam Garabito, Presidenta de UNICEF Comité Galicia.

A representación da infancia porriñesa intervirá, primeiramente, nun encontro coa Conselleira entre as 10 e as 11 horas, para expoñer as súas propostas para loitar contra a pobreza.
Despois a delegación de nen@s de Porriño intervirá nun coloquio sobre “Experiencias en participación nos concellos galegos” xunto cos representantes de outras cidades declaradas “Amigas da Infancia”. que pechará as Xornadas.

10/12/2019 in Alcaldía, Educación e tecnoloxía, Servizos sociais

Exitazo na recollida de alimentos que continuará ata o mércores 11

As imaxes que acompañan esta nova dan boa fe do exitazo que está a ter a recollida de alimentos que se realiza con motivo do #GivingTuesday e que continuará ata o vindeiro mércores día 11.


Segundo informa Noelia de la Fuente, responsable da OMIX do Concello de O Porriño tivo que se trasladar cara o Multiusos de Torneiros todos os alimentos que se recolleron ata de agora. A campaña nos colexios e institutos de Porriño foi impresionante, dando cumprimento ó acordo que acadara o último pleno infantil celenbrado pola mocedade porriñesa.
Tanto a responsable da OMIX como Lourdes Moure, concelleira de Educación volven a facer público un chamamento para que todos aqueles porriñeses e porriñesas que o desexen se anoten como voluntarios. Hai ainda por diante unha importante tarefa de clasificar e embalar todos estes productos para despois realizar a achega ás familias de Porriño máis necesitadas.

Aquelas persoas interesadas en formar parte do equipo de voluntariado poderán informarse e/ou inscribirse no Centro Cultural Municipal, ata o día 11 de decembro.

Ó mesmo tempo a Concellería de Educación e a OMIX, tomando como punto de partida esta experiencia do #GivingTuesday, anuncian a futura posta en marcha dun programa municipal de voluntariado.

07/12/2019 in Alcaldía, Educación e tecnoloxía, Servizos sociais

O Concello do Porriño require voluntari@s para a clasificación dos alimentos que se están a recoller no #GivingTuesday

O Concello de O Porriño, a través da OMIX fai un chamamento para que todos aqueles porriñeses interesados en botar unha mán participen como voluntarios para a clasificación e reparto dos alimentos recollidos no #GivingTuesday

Logo do éxito da iniciativa “Alimentos par todos/as” proposta polos nenos, nenas e adolescentes do consello municipal de infancia levada a cabo entre o martes día 3 e onte 5 de decembro, a Concellería de Educación e a OMIX do Concello, abren un prazo para que aquelas persoas que o desexen poidan colaborar como voluntarias.

Dende o Concello queremos aproveitar a celebración do Día do Voluntariado para agradecer a colaboración e solidariedade dos veciños e veciñas do Porriño.

As tarefas concretas a desenvolver por parte das persoas voluntarias nesta ocasión serán a selección e a embalaxe dos alimentos recollidos na iniciativa #GivingTuesday tanto nos centros escolares coma nos locais municipais, para ser distribuídos entres as familias con menos recursos do concello.

Aquelas persoas interesadas en formar parte do equipo de voluntariado poderán informarse e/ou inscribirse no Centro Cultural Municipal, ata o día 11 de decembro.

Ó mesmo tempo a Concellería de Educación e a OMIX, tomando como punto de partida esta experiencia do #GivingTuesday, anuncian a futura posta en marcha dun programa municipal de voluntariado.

06/12/2019 in Alcaldía, Benestar, Educación e tecnoloxía, Igualdade, Servizos sociais

Os cursos de primeiros auxilios chegan tamén ás asociacións de veciños

O local da Asociacion de Veciños de Atios foi a primeira quenda dos cursos de primeiros auxílios de nível básico que tamén impartense polas parroquias do Concello. Trátase dunha iniciativa que promove a Concellería de Seguridade e Educación que dirixe Lourdes Moure.

Persoal do 061 co apoio de axentes da Polícia Local dan formación teórica e práctica para saber reaccionar ante un atragantamento, unha hemorraxia, queimaduras ou unha parada cardiorespiratoria. A aprendizaxe inclue tamén a manobras de RCP (reanimación cardio pulmonar).

Estes cursos formativos extederánse tamén ás outras Asociacións de Veciños do municipio que xa o solicitaran. Neste intre son Cans, Pontellas, A Forna-Budiño e San Benito-San Sebastián. Impartiránse en horario de tarde e nas respectivas sedes destas AAVV.

06/12/2019 in Alcaldía, Educación e tecnoloxía

A concelleira Lourdes Moure visitou o curso de primeiros auxilios para estudantes do IES Ribeira do Louro

Lourdes Moure, concelleira de Educacion e Seguridade explicou ós alumnos e alumnas do IES “Ribeira do Louro” que o seu departamento “daría por ben empregado o tempo e o esforzo que estamos a poner na realización destes cursos de primeiros auxilios co que foses quén de salvar unha vida nunha situación de emerxencia”.

A responsable das concellerías que promoven este programa formativo acudiu hoxe a comprobar o desarrollo das clases no salón de actos do centro.

Centenar e medio de alumnos deste Instituto de Ensino Secundario concluiron hoxe este cursiño de primeiros auxilios nivel básico que recibiron desde onte. O persoal do 061 co apoio de axentes da Policía Local dan formación teórica e práctica para saber reaccionar ante un atragantamento, unha hemorraxia, queimaduras ou unha parada cardiorespiratoria. A aprendizaxe inclue tamén a manobras de RCP (reanimación cardio pulmonar).

Todos o asistentes a este curso reciben como regalo un “ambu” portátil con el formato dun chaveiro co escudo do Concello de O Porriño. O “ambu” é un dispositivo manual para proporcionar ventilación ante una parada cardiorespiratoria.

Estes cursos formativos extederánse tamén ás Asociacións de Veciños do municipio que xa o solicitaran. Neste intre son Cans, Atios, Pontellas, A Forna-Budiño e San Benito-San Sebastián. Impartiránse en horario de tarde e nas respectivas sedes destas AAVV. De feito comezou esta tarde en Atios.

04/12/2019 in Educación e tecnoloxía, Seguridade