Benestar

Tecendo Lazos: O Noso Son: bailes e cancións de Agora e de Sempre.Canta-Avoas

Desde á Concellería de Mocidade (OMIX) do Concello do Porriño en colaboración coa Deputación Provincial de Pontevedra, levaremos a cabo este venres, día 3 de novembro de 2017, no edificio Socio-comunitario, o programa ‘Tecendo Lazos’.

A través dun obradoiro interxeracional, contribuiremos á difusión da tradición oral e musical galega e se tratará de poñer en contacto as distintas xeracións para favorecer as relacións individuais, familiares, comunitarias e sociais entre das persoas participantes.

As familias participantes compartiran os bailes e as cancións típicas da súa zona traéndoas así á actualidade, para promover o intercambio das diferentes versións de cancións populares -música e letra- que coñece cada familia.

Terá unha duración de 16 horas das cales 14 horas serían un módulo especifico e ás 2 restantes outro transversal: A historia do meu concello.

Data inicio: 3/11/17
Data finalización: 29/11/17
Días de impartición: 3,8,10,15,17,22,24 e 29 de novembro
Horario: mércores e venres de 19:00-21:00

01/11/2017 in Alcaldía, Benestar, Cultura e festas

Actividades do Punto SmartPeme do Porriño para o mes de novembro

O Punto SmartPeme do Porriño organiza este mes de novembro distintas  sesións de capacitación tecnolóxica, gratuitas, que terán lugar na súa sede no Multicentro do Concello do Porriño  en Torneiros.

O martes 7 de novembro ás 19:00: Facebook Ads; o xoves 9, á mesma hora: Fotografía e vídeo de espazos interiores; o mércores, día 15, tamén ás 7 da tarde:  Google Analytics: Iniciación á analítica web; o mércores 22, ás 17:30: Aprende a xestionar o teu negocio con follas de cálculo- obradoiro impartirase nas instalacións de AEMOS- e o martes 28 de novembro de 2017 ás 19:00 h: Guía de boas prácticas para redes sociais

Para asistir ós eventos é necesario reservar praza  empregando un dos seguintes canles: chamar ao teléfono 886 20 20 20; remitir un correo ao enderezo electrónico oporrino.smartpeme@depo.es ou ben entrar na web www.smartpeme.depo.es.

30/10/2017 in Alcaldía, Benestar, Cultura e festas, Educación e tecnoloxía, Emprego e formación, Igualdade

O Concello e os veciños do Porriño renden homenaxe aos 32 voluntarios de Protección Civil e Policía Local pos súa “excepcional entrega” durante os lumes do pasado día 15

A alcaldesa do Porriño, Eva García de la Torre xunto coa concelleira de Seguirdade, Lourdes Moure, a de Igualdade e Benestar, Soledad Girón, e o concelleiro de Limpeza, Orlando Mázquez, rendeu homenaxe, “no nome da Corporación e de todas veciñas e veciños”, aos 23 voluntarios de Protección Civil e 9 axentes da Policía Local do Porriño-co seu xefe, Daniel Rodríguez, a fronte- pola súa “excepcional actuación” durante a vaga de incendios dos pasado días 14 e 15 deste mes.

García de la Torre subliñou a “entrega, máis aló do seu deber” de cada un dos voluntarios e voluntarias de Protección Civil e integrantes da Policía Local que acudiron eses días a axudar e auxiliar a veciños de Gondomar, Salceda, Nigrán, Vigo e, por suposto O Porriño, que estaban nunha situación moi comprometida por mor das chamas.

13 dos integrantes dos dous corpos correron perigo físico, mesmo dous deles foron trasladados ao hospital-un axente da Policía Local por queimaduras e un voluntario de Protección Civil por  inhalación de fume– cando socorrían a varias persoas en lugares tan castigados polo lume coma Chandebrito-en Nigrán- ou Fragoselo- en Vigo-.

Todos eles acudiron ás chamadas de apoio do alcalde de Gondomar, Francisco Ferreira, para que que se achegasen a Vincios, onde finalmente salvaron varias casas do lume; outra chamada de auxilio da Policía Nacional, para que se unisen ás dotacións que actuaban en Chandebrito e Porto do Molle, en Nigrán; a Fragoselo, en Vigo, lugar no que había varias dotacións do Corpo Nacional de Policía e veciños cercados polas lapas, ademais de á parroquia de Chenlo, no límete entre O Porriño e Gondomar, e a zona de Mosteiro, en Budiño.

Eva García de la Torre fixo entrega aos 32 voluntarios e axentes dun galano como mostra do recoñecemento do Concello e comprometeuse a destinar unha partida orzamentaria para dotar a Protección Civil, “aínda que sexa competencia da Xunta de Galicia”, do material axeitado para a realización do seu labor que, subliñou “facedes de xeito totalmente altruísta”.

A alcaldesa agradeceu tamén o traballo de prevención, coa realización de rozado en incontábeis lugares do territorio municipal, acometido pola Concellería de Limpeza que, indicou, “fixo posible que no Porriño os danos causados polo lume fosen moito menores”.

Neste senso, o concelleiro Orlando Márquez reiterou que o Concello multará aos propietarios de montes e de fincas que non manteñan rozadas e limpas a súas propiedades, sancións que, advertiu, superan os 1.000€ e que, insistiu, son necesarias posto que o non retirar a maleza, tendo en conta as altas temperaturas e a falla de choiva, fai que aumenten os perigos en caso de incendio e pon en risco ao resto dos veciños.

29/10/2017 in Alcaldía, Benestar, Educación e tecnoloxía, Emprego e formación, Igualdade, Limpeza, Parques e xardíns, Tráfico

Simulacro de incendio no IES Ribeira do Louro, dirixido polo xefe da Policía Local e no que interviron membros de Protección Civil do Porriño

Alumnos e profesores do IES Ribeira do Louro participaron nun simulacro, non comunicado, de incendio dirixido polo xefe da Policía Local, Daniel González,no que interviron membros de Protección Civil do Porriño.

O mesmo , como sinalou a concelleira de Educación, Lourdes Moure, tiña coma finalidade avaliar a capacidade de reacción ante un lume e “tomar nota do cumprimento das normas básicas de seguridade que deben de seguirse no caso dun sinistro semellante”.

Utilizando un xerador de fume, o xefe da Policía Local e os membros de Protección Civil comprobaron se soou a alarma de incendios,se o centro estaba desaloxado en 4 minutos, se as alumnas e alumnos saíron ordenadamente e en ringleiras, se o fixeron co material escolar na man, se empregaron os ascensores, se foi preciso, e se fixo así, axudar a algún alumno que o precisase, se alumnos e profesores, no caso de detectar fume saíron agochados, se algún profesor vixiou que non quedasen persoas en cada planta-incluindo os baños-, se a directora levaba unha prenda  que a identificase ou se houbo unha comprobación, no punto final de encontro, de que non faltase ningunha alumna ou alumnos.

Estas son as directrices que hai que cumprir no caso de que houbese lume no centro, sinalou o xefe da Policía Local, quen salientou a importancia de coñecer e seguir as mesmas xa que, no caso de que houbese lapas, poden salvar moitas vidas.

Daniel González deu prioridade ao feito de saír axiña, pero con orde, do edificio, deixar sempre atrás as mochilas e o material escolar, axudar a quen estea en dificultades ou non poida chegar so ao exterior, comprobar que non queda ninguén nas aulas e nos baños, e seguir en todo momento as indicacións dos membros dos servizos de Emerxencia.

Este mesmo exercicio farase en cada un dos centros de ensino do Porriño, e membros da propia Policía Local e de resto dos corpos de Emerxencia impartirán formación ás rapazas e rapaces para que teñan claro cómo teñen que comportarse ante un incendio.

26/10/2017 in Alcaldía, Benestar, Educación e tecnoloxía

Concello e Sogacsa asinan un convenio que permitirá formar a 15 porriñesas e porriñeses que están sen traballo dándolles unha posibilidade sólida de atopar un emprego

A alcaldesa Eva García de la Torre, e o presidente de Sogacsa, César Fernández Álvarez, asinaron este venres un convenio que permitirá que 15 persoas do Porriño que están en  situación de desemprego, participen nun programa formativo, que combina instrución teórica e prácticas non laboráis, que terán coma finalidade a posibilidade de que os mesmos poidan entrar a traballar na propia empresa.

Sogacsa, concesionario oficial Linde para Galicia, radicada no Polígono de As Gándaras, líder no sector de carretillas elevadoras e maquinaria de manutención, atópase en fase de expansión o que fixo que o seu plantel pasase de 83 traballadores en 2016 a 102 na actualidade.

Coma sinalou o seu director, Sogacsa  ten un grande interese nesta colaboración co Concello do Porriño dado que “esta formación, que abrangue practicas  na empresa, é a ferramenta máis axeitada para conquerir os mellores especialistas” e conquerir que a aprendizaxe se axuste ás necesidades da compañía.

Pola súa banda, a alcaldesa subliñou que a iniciativa, impulsada dende o Goberno local, de chegar a acordos coas empresas radicadas nos polígonos da vila por medio do programa ‘Porriño Accede’, permitiu que no último ano “ducias de veciñas e veciños volvesen ao mercado laboral ou empezasen a traballar”.

García de la Torre sinalou que o Concello asume o custo da formación de veciñas e veciños que están sen emprego, “preparación que se imparte por parte das empresas que precisan traballadores e que forman a estas persoas cos coñecementos precisos para poder acceder a un posto na propia empresa”.

Esta iniciativa, xunto cos ‘Plans de Emprego’, que foron posibles logo da sinatura dun acordo coa Deputación de Pontevedra, e do investimento de fondos municipais, de máis de 600.000€ no que vai deste ano, así como o feito de chegar a entendementos con outras Administracións, coma a Xunta de Galicia, o cal facilitou a obtención de axudas e subvencións, que serviron para incrementar as probabilidades de empregabilidade de moitas persoas, conseguiron que no Porriño descendese o paro un 5,4% en so un ano.

“Cando este Goberno empezou a súa xestión, había 2.139 veciñas e veciños estaban na procura dun posto de traballo, o 24% dos que formaban a nosa poboación activa, a finais de setembro ese número reduciuse en preto de 500 persoas, deixando a taxa de paro no 18,6% e liderando a creación de emprego en toda a Área Metropolitana de Vigo”, salienta a alcaldesa.

“O Goberno local do Porriño ten coma primeira prioridade a creación de postos de traballo”, reitera Eva García de la Torre, que lembra, de novo, que este obxectivo pasa “sen dúbida, como estamos a ver, pola formación que aumenta as posibilidades de atopar un emprego das porriñesas e porriñeses que están no paro”.

20/10/2017 in Alcaldía, Benestar, Emprego e formación

Unha unidade da Axencia de Doazon de Sangue estará no Porriño o venres 27 e sábado 28 de outubro

A nova Axencia Galega de Sangue, Órganos e Tecidos (ADOS), que integra o traballo do Centro de Transfusión de Galicia, subministra compoñentes sanguíneos a todos os hospitais de Galicia.

Cada día, as doazóns de sangue recollidas nos locais de doazón e nas 10 unidades móbiles que percorren os concellos galegos envíanse ás dependencias de ADOS para o seu procesamento, análise e conservación. Establécese con cada hospital unhas reservas de seguridade de cada grupo sanguíneo e, diariamente, envíanse os compoñentes sanguíneos que precisan para a súa actividade asistencial programada e facer fronte ás urxencias.

Unha destas unidades móbiles desprazarase ata O Porriño e estará diante da Cafetería ‘Scala’, na rúa Domingo Bueno, o vindeiro venres, día 27 de outubro, de 10:00 a 14:30 horas e de 16:00 ás 21:00 horas e o sábado, día 28, de 10:00 a 15:00 horas.

19/10/2017 in Alcaldía, Benestar, Igualdade

A alcaldesa e o concelleiro de Industria reafirman a traballadores e directivos de Maderas Iglesias a disposición do Concello do Porriño a mediar no conflito

Os traballadores de Maderas Iglesias, reunidos en asemblea,amosáronse a prol de que o Concello do Porriño sexa un dos mediadores no conflito que o persoal mantén coa dirección da empresa.

Este mércores a alcaldesa, Eva García de la Torre, xunto con concelleiro de Industria, Marcelino Coto, e o tenente de alcalde e o concelleiro de Emprego de Mos, mantiveron xuntanzas cos traballadores e con representantes da empresa de cara a facer posible un entendemento entre as dúas partes.

Eva García de la Torre sinalou que constatouse que a empresa xa pagara a meirande parte do adebedado ás traballadoras e traballadores, aos que aínda queda por cobrar unha cantidade, e sinalou que agora o eido no que hai máis desacordo é o desenrolo do Expediente de Regulamento de Emprego (ERE) temporal que afecta a boa parte das empregadas e empregados.

Neste punto, os traballadores sinalaron que a aplicación do mesmo non está a ser equitativa, posto que mentres hai membros do plantel que acumulan 300 ou 400 días de ERE, “e que están ao límite ou esgotando xa a súa prestación por desemprego”, outros ou non consumiron nin 20 días dese ERE.

Tanto a alcaldesa coma o concelleiro Coto reafirmaron a “total dispoñibilidade” do Goberno local a mediar nesta situación, “cumprindo o mandato do Pleno da Corporación”, coa finalidade de que esta mediación teña coma obxectivos o mantemento dos empregos e dos dereitos dos traballadores e o reforzo da viabilidade dunha empresa que forma parte da vida, do tecido social e da economía do Porriño.

Neste senso, considerando que Maderas Iglesias ao estar en concurso de acredores non pode acceder a liñas de creto, faise “vital” que cobre con puntualidade os encargos dos seus clientes, a alcaldesa e o concelleiro de Industria sinalaron a necesidade de que, considerando que a maior parte da débeda cos traballadores está xa pagada, os representantes sindicais poderían facer un xesto de boa vontade desconvocando as mobilizacións anunciadas para as vindeiras datas.

Este feito, indicaron Eva García de la Torre e Marcelino Coto, contribuiría a reforzar a imaxe de Maderas Iglesias e facilitaría que os seus clientes renovasen a súa confianza nesta empresa, posibilitando a que houbese un aumento dos pedidos e, co mesmo, un incremento da actividade.

18/10/2017 in Alcaldía, Benestar, Emprego e formación, Igualdade, Urbanismo, comercio e industria

O prazo para inscribirse no obradoiro ‘Tecendo lazos’ amplíase ata o venres 27 de outubro

Dende á Concellería de Mocidade  (OMIX) do Concello do Porriño en colaboración ca Deputación Provincial de Pontevedra, está previsto poñer  en marcha  o programa ‘Tecendo Lazos’.

A través dun obradoiro interxeracional, o obxectivo é contribuir á difusión da tradición oral e musical galega  poñendo en contacto as distintas xeracións para favorecer as relacións individuais, familiares, comunitarias e sociais entre das persoas participantes.

As familias/participantes compartiran  os bailes e as cancións típicas da súa zona traéndoas así á actualidade, para promover o intercambio das diferentes versións de cancións populares (música e letra) que coñece cada familia.

O programa consiste na oferta dun obradoiro, concedido pola Deputación Provincial de Pontevedra para persoas do noso concello e alrededores , con idades comprendidas  entre os 10 e  os 99 anos (ambas incluídas). O obradoiro deberá contar  cun mínimo de 10 persoas participantes e cun máximo de 30.

Terá unha duración de 16 horas das cales  14 horas serían un módulo espécifico e ás 2 restantes outro transversal: A historia do meu concello .Dito obradorio levaráse a cabo no  Edificio Sociocomunitario do Porriño.

O obradoiro ten por título ‘O noso son: bailes e cancións de agora e de sempre.Canta-Avoas’, empezará o vindeiro  3 de novembro e rematará o día 29 do mesmo mes. Impartirase os días 3,8,10,15,17,22,24 e 29, mércores e venres, en horario de 7 da tarde a 9 da noite.

A solicitude de praza pode realizarse na OMIX do Concello (no Centro Cultural Municipal), de luns a venres, ata o vindeiro venres, día 27 de outubro, ás 5 da tarde.

Coa solicitude deberá achegarse a seguinte documentación: Fotocopia do DNI; Xustificante de empadroamento e autorización de participación no programa-no caso dos menores de 18 anos-.

18/10/2017 in Alcaldía, Benestar, Cultura e festas, Educación e tecnoloxía, Igualdade, Turismo

‘Llega 800’, está a levar adiante no Porriño as actuacións técnicas necesarias nas instalacións de recepción dos usuarios da Televisión Dixital Terrestre (TDT)

A entidade ‘Llega 800’, está a levar adiante no Porriño as actuacións técnicas necesarias nas instalacións de recepción dos usuarios da TDT, que son de balde para os veciños afectados polo inicio da prestación do servizo de telefonía móbil 4G, que pode afectar á recepción da televisión dixital terrestre.

Dacordo coa Orde Ministerial que regulamenta ente proceso, o prazo para solicitar as actuacións por parte dos usuarios que se vexan afectados é de  6 meses dende a data de posta en servizo das estacións de telefonía móbil.

Aínda que no caso do Porriño este prazo cumpriuse xa, o mesmo amplíase ata o 31 de outubro para solicitar as actuacións, de balde, por parte dos usuarios da TDT polas posíbeis afectacións ocasionadas polo 4G.

No futuro, no Porriño, poderían acenderse novas estacións de telefonía móbil, na  banda de 800 MHz, se así o consideran preciso os operadores para mellorar este servizo: neste caso atenderíanse, tamén de balde, as incidencias que houbese, abríndose outro prazo de 6 meses dende a data de acendido.

Os veciños que poidan verse afectados por estas incidencias poden poñerse en contacto con ‘Llega 800’ chamando ao teléfono 900 833 999.

14/10/2017 in Alcaldía, Benestar, Educación e tecnoloxía, Igualdade, Turismo

20 persoas sen emprego, do Porriño, asinan un contrato de traballo por 9 meses e, ao mesmo tempo, adquiren unha formación oficial no Obradoiro ‘Covelo II’

20 personas que estaban na procura de emprego, poderán traballar ata xullo de 2018 e, ao mesmo tempo, adquirir unha formación coma técnicos de atención sociosanitaria en domicilio e institucións e auxiliares da construcción, no obradoiro de emprego ‘Covelo II’.

Este mércores pola mañá, a concelleira de Emprego, Benestar e Igualdade, Soledad Girón, xunto co delegado da Xunta en Vigo, Ignacio López-Chaves, o xefe territorial da Consellería de Economía, Emprego e Industria, Ignacio Rial, e a directora do obradoiro, Begoña Echegaray, deu a benvida na sede de Porremprego, no Multiusos de Torneiros, aos participantes neste obradoiro e

No acto, Soledad Girón subliñou a importancia da colaboración entre diferentes administracións para “crear emprego” e, cualificou de “esencial” a formación coma canle para aumentar as posibilidades de voltar ou introducirse no mercado laboral.

A concelleira lembrou que este obradoiro é un bo exemplo desa colaboración posto que a súa realización é posible grazas a achega de 280.000€ por parte da Consellería de Economía, Emprego e Industria, cantidade á que hai que sumar 45.000€ que aporta o Concello do Porriño.

Girón indicou que os 20 participantes neste obradoiro teñen un contrato laboral de formación, obterán un certificado que vailles permitir acreditar, oficialmente, que contan cos comeñecentos que adquirirán no mesmo e, subliñou o feito de que a ampliación deste contrato pasa de 6 meses doutros ano a 9, o cal “ademáis de mellorar a súa preparación fai que adquiran dereitos que non terían cun contrato de so 6 meses de duración”.

A concelleria sinalou que o Goberno local está a impulsar, ademáis da colaboración co Goberno de Galicia e a Deputación de Pontevedra, a sinatura de convenios formativos con empresas privadas que permitiu que ducias de persoas estean traballando.

Froitos destas iniciativas, dacordo cos datos publicados a principios deste mes polo Ministerio de Emprego e Seguridade Social,a  taxa de desemprego situouse no Porriño no 18%, 6 puntos menos que cando o actual Goberno Local empezara  o seu mandato: daquela a porcentaxe do paro estaba  no Porriño por riba do 24% e 2.139 veciñas e veciños estaban na procura dun posto de traballo, preto de 500 máis que na actualidade.

Soledad Girón reiterou que a creación de emprego “é a prioridade número un deste Goberno local” e repetiu que todas as xestións e os recursos municipais están orientados a esta finalidade, algo que está a funcionar posto que O Porriño pechou setembro con 1.654 persoas desempregadas, unha realidade que non se vía dende hai case unha década e en so un ano “o paro reduciuse na preto de 5,5 puntos”, un dato inédito.

11/10/2017 in Alcaldía, Benestar, Emprego e formación, Limpeza