Alcaldía

O Concello do Porriño habilitará unha liña telefónica para canalizar as axudas que poidan requirir persoas que teñan que gardar illamento pola Covid. Esta acordo adoptouse hoxe na reunión que mantivo a Comisión Municipal de Seguimento da Covid. Aínda que esta axuda á domicilio xa se está prestar a través de contactar coa Policía Local e Protección Civil.

A sesión foi telemática e presidida pola alcaldesa Eva Garcia e con participación dos grupos políticos da corporación representados por Lourdes Moure, David Alonso e Sergio Casal (PSOE), Abel Estévez (PP), Patricia Sío (EU SON) e Cami Moreira (BNG). Ademais participaron os responsables da Policía Local e Protección Civil. 

A alcaldesa reportou os últimos informes sobre incidencia de contaxios que finalmente a Consellería de Sanidade xa remite a diario ao Concello. O dato de hoxe é de 78 contaxios activos. O Porriño segue en alerta vermella pola alta incidencia de contaxios que continúa a presentar.

A Comisión Municipal de Seguimento do Covid tamén acordou autorizar un aforo de 30 espectadores en eventos deportivos en recintos pechados. A petición do concelleiro Abel Estévez, tamén presidente do Balonmán Porriño, reservarase unha parte de ese aforo para os acompañantes dos equipos foráneos.

A alcaldesa informou aos asistentes do recente decreto que autoriza nas instalacións deportivas ao aire libre un máximo de 75 espectadores. E recalcou que mantense a prohibición expresa de que os clubs de fútbol abran as cantinas dos seus campos.  

Eva García, presidenta do Consorcio de Augas do Louro, amósase “sorprendida” polo anuncio da alcaldesa de Mos de que estea a buscar apoios no Consorcio para axudar á hostalaría.

A alcaldesa porriñesa sinalou que “sendo eu a presidenta do Consorcio, ninguén de Mos, púxose en contacto comigo para suxerir medidas para axudar aos hostaleiros o que, por un sinxelo principio de cortesía institucional, debería telo feito antes de acudir á prensa”.

“Sorpréndeme que a alcaldesa de Mos que nunca asiste ás reunión do comité directivo do Consorcio, pretenda liderar unha iniciativa tal sen sequera facer previamente unha proposta no órgano de deliberación que precisamente reuniuse hai unha semana”, engadiu Eva García de la Torre.

A presidenta do Consorcio lembrou que nesa reunión o concelleiro de Mos que asistiu non manifestou nada ao respecto desa proposta que “sen embargo cónstame que Nidia Arévalo trasladouna en conversas telefónicas aos meus homólogos de Salceda e Tui así como ao xerente do Consorcio”.

A rexedora do Porriño considera que “este novo episodio protagonizado por Nidia Arévalo é a enésima falta de consideración e respecto aos 20.300 porriñeses na persoa da súa alcaldesa”.   

Finalmente, Eva García indicou que o vindeiro xoves convocarase unha reunión do comité directivo do Consorcio na poderá discutirse esa medida no caso de ser presentada”.

A nova delegada territorial da Xunta de Galicia, Marta Fernández-Tapias visitou institucionalmente o Concello do Porriño e mantivo unha reunión de traballo coa alcaldesa Eva García e os concelleiros Pedro Pereira e David Alonso.

O gabinete municipal trasladou á representante da Xunta para a área de Vigo un conxunto de necesidades e demandas que a administración autonómica ten pendentes neste concello.

A necesidade de que a Xunta axilice a ampliación do Centro de Saúde, acometa a descontaminación por lindano en Torneiros pendente dende 2018 dunha asignación orzamentaria e que incremente en 900.000 € a súa achega para cubrir os custes do Servizo de Axuda no Fogar, foron os asuntos principais.

O Porriño continúa a ser un dos concellos en alerta vermella por incidencia acumulada de contaxios na área sanitaria de Vigo xa que “a situación segue a ser grave”, segundo valorou a alcaldesa Eva García. Actualmente hai no Porriño 80 infectados confirmados pola Covid e 254 persoas máis que están ílladas como contactos estreitos en seguimento.

Estes datos así como as medidas a desenvolver polo Concello analizaranse o vindeiro luns 16, na reunión da Comisión Municipal de Seguimento convocada para as 13 horas e participada polo goberno local e os grupos políticos da corporación.

Eva García participou onte na reunión telemática que o conselleiro de Sanidade mantivo cos alcaldes e alcaldesas da área de Vigo que están no ámbito do peche perimetral vixente dende o sábado 7.

A alcaldesa porriñesa demandou os datos concretos da incidencia no concello e acadou unha información máis detallada de Julio García Comesaña e o seu equipo. Segundo os datos que lle deron, entre os 80 casos confirmados activos hai 5 traballadores, veciños do Porriño, que proceden dun gromo nunha industria cárnica con máis de 40 afectados.

En canto ás 254 persoas monitorizadas no Porriño e que deben gardar illamento, trátase de todas aquelas que como familiares, conviventes e laborais que tiveran contacto cun caso positivo ata 48 horas antes de ser diagnosticado e illado.

Á vista destes datos e da continuidade do Porriño en máximo nivel de alerta, a alcaldesa reiterou a apelación á veciñanza para que cumpra cos protocolos e acepte as medidas restritivas que son para protexernos e non para amolar a ninguén”, declarou.