Pesentación mellora da línea férrea Viana-Valença

A alcaldesa de O Porriño asiste á presentación da mellora da línea férrea Viana-Valença.


Eva García de la Torre, desprazouse a Valença, donde,invitada polo ministro de Transportes de Portugal, asiste à presentación da mellora da liña Viana-Valença que è parte do percorrido da conexión a Vigo que transita polo Porriño

A alcaldesa mantén unha xuntanza coa Asociación Lena

A alcaldesa e os voceiros dos grupos municipais manterán, o xoves, unha xuntanza coa Asociación Lena para tratar, coma xa se fixo en catro ocasións anteriores, a creación dun refuxio de animais no Porriño

O vindeiro xoves, día 16, a alcaldesa, xunto cos responsábeis dos grupos municipais, manterá unha xuntanza cos representantes da Asociación Protectora de Animais Lena para tratar, de novo, sobre a creación dun refuxio de animais no Porriño.

O Goberno local mantivo, con antelación, distintas reunións cos responsábeis de Lena, nas que estiveron presentes o concelleiro de Urbanismo ou a alcaldesa, para tentar de atopar unha solución conxunta á necesidade de que exista un refuxio na vila. Ese foi o tema tratado nas catro xuntanzas anteriores celebradas o 27 de agosto e 19 de novembro de 2015, o 3 de marzo de 2016-hai apenas un ano-, e o pasado 24 de novembro, hai menos de catro meses.

Netas ocasións, o Goberno local informou á asociación sobre as xestións feitas ara atopar un lugar acaído no que sexa posible situar o refuxio, os reparos postos pola Xunta de Galicia ás propostas feitas polo Concello, as dificultades que plantexan os lugares hachados polo feito de non ter conexión á rede de saneamento e o plantexamento do propio Goberno local de facer, no caso de que fose necesario, unha poza séptica-e a valeirala cando sexa preciso-. Nesa mesmas reunións o Goberno local mesmo solicitou a Lena a súa colaboración nestas xestións e, en todas elas, as dúas partes acordaron traballar xuntas.

Dende que se fixera cargo da responsabilidade de Goberno, o equipo dirixido por Eva García de la Torre mantivo unha colaboración constante coa Asociación Protectora Lena, un traballo en común que deu coma froitos, ademáis da percura dun lugar para o refuxio, dúas campañas para promover á adopción, a impulsada nas pasadas Festas do Cristo de 2016 que tivo a súa continuación no Nadal pasado, hai apenas tres meses, na que se puxo a atención no feito de que os animais non son xoguetes para regalar en Reis.

A coperación con Lena seguiu o mes pasado: a Concellería de Educacion impulsou un obradoiro sobre a Linguaxe Canina destinado a alumnas e alumnos de 2º de Primaria dos colexios do Porriño. No mesmo, os cativos aprenderon como achegarse a un can, a distinguir entre un can ou cadela asustada, leda ou enfadada, o que tiñan que facer antes de acariñala e que sinais deben buscar para tranquilizala, ou tranquilizalo.

Sorteo da fase final da Copa da Raíña de balonmán feminino

O Balonmán Porriño empezará a fase final da Copa da Raiña, que se xoga no Porriño do 29 de abril ao 1 de maio, enfrontándose ao Helvetia Alcobendas

Presidido pola alcaldesa, Eva García de la Torre, este venres tivo lugar no Porriño o sorteo da fase final da Copa da Raíña de balonmán feminino, que se celebrará na vila, por segundo ano consecutivo, entre os días 29 de abril e 1 de maio.

Os asistentes estaban pendentes do cruce que lle tocaría ao Godoy Maceira BM Porriño que, xunto co Mecalia Atlético Guardés, disputará esta fase final xunto con outros seis equipos.

Finalmente, as porriñesas se medirán ao equipo do Helvetia Alcobendas, mentres que as guardesas xogarán contra o KH-7 Granollers.

Durante o acto, celebrado no Concello e que retransmitido por streaming, o presidente da Federación española de Balonmán, Francisco V. Blázquez, amosou o seu agradecemento ao Concello do Porriño e a súa alcaldesa por acoller, un ano máis esta fase final e gabou o “estupendo traballo” durante a competición de 2016, motivo polo cal volvía á vila.

Pola súa banda, o concelleiro de Deportes, Manuel Carrera, salientou que O Porriño leva con honra ser o concello do Deporte e poder ser o escenario, “unha vez máis” desta fase final na que estarán presentes as mellores xogadoras de España.

Manuel Carrera subliñou que a Concellería de Deportes “porá toda a súa experiencia, o seu bo facer e súa ilusión” para que entre o 29 de abri e o 1 de maio as deportistas, adestradores, árbitros, afeizoados e medios de comunicación “se sintan coma na casa”.

Pechou o sorteo, ao que tamén asistiron as deputadas Chelo Besada e Montse Magallanes, o presidente da Federación Galega de Balonmán, Xosé Lois Pérez Ouro e a medallista olímpica e ex xogadora internacional, Begoña Fernández, ademáis de representantes dos dous clubs galegos, a alcaldesa transmitiu ás integrantes do Godoy Maceira BM Porriño “o orgullo que sentimos por vos todas as veciñas e os veciños do Porriño”.

Este ano, como xa sucederá o pasado, a Copa da Raíña virá acompañada da mini-copa (categorías cadetes), que agora xa está considerada unha competición oficial. O torneo será retransmitido por Teledeporte e a TVG (os partidos dos equipos galegos).

Así, os cruces dos cuartos de final da Copa da Raíña quedaron da seguinte forma: Super Amara Bera Bera-as actuáis campionas- contra Elche Mustang, o 29 de marzo; o mesmo día, Rocasa Gran Canaria ACE contra Rincón Fertilidad Málaga; o mesmo día 29, debuta o Godoy Maceira Porriño contra o Helvetia Alcobendas.

Rreformas do inmoble do Centro Cultura A Forna

A alcaldesa estudará cómo iniciar as reformas do inmoble do Centro Cultura A Forna, de Budiño, a humanización do seu exterior e a posibilidade de que teña unha conexión a Internet “rápida e segura”

A alcaldesa mantivo unha xuntanza cos integrantes da nova xunta directiva do Centro Cultural A Forna, de Budiño, para coñecer, polo miúdo, os problemas que afrontan os novos representantes da mesma.

Eva García de la Torre sinalou que estudará o xeito de que o Concello contribúa a sufragar as reformas que precisa o inmoble no que está o Centro Cultural, de modo que as mesmas se poidan acometer en varias treitos.

Asimesmo, indicou que os orzamentos municipais recollen unha partida para que a Concellería de Vías e Obras, dirixida polo tenente de alcalde, Manuel Carrera, poida iniciar os traballos de mellora e urbanización do exterior do Centro, no que se organiza a Festa de San Blas, e que como indicaron os novos directivos precisa xa que se fagan traballos de recuperación e adecentamento.

García de la Torre informou, ademais, dos contactos que mantén con Telefónica para que os centros culturais e asociacións veciñais, dispoñan de wi-fi gratis que “permita unha conexión a Internet rápida e segura” como “medio imprescindible de dinamización social e cultural e un servizo ás veciñas e veciños, en xeral, e aos máis novos, en particular”.

Do mesmo xeito, a alcaldesa amosou a súa intención de artellar un medio que permita que o material informático que xa non se empregue no Concello se ceda ás asociacións do Porriño, “por suposto, garantindo o seu bo funcionamento”, para aproveitar o mesmo e, ao tempo, evitar gastos a estas entidades.

O Goberno Local asina un convenio cun “importante grupo inversor”

O Goberno Local asina un convenio cun “importante grupo inversor” que suporá a creación dunha grande área comercial e a transformación da rúa Antonio Palacios e a parroquia de Cans

O Goberno local do Porriño ven de dar un importante paso para confirmar as expectativas dun ambicioso plan que abrangue a rúa Antonio Palacios e a parroquia de Cans.

Este xoves, a alcaldesa, Eva García de la Torre, e o concelleiro de Urbanismo, Marcelino Coto, subscribiron un convenio entre un “importante grupo inversor” e o Concello que ten coma obxectivo, como salientou Marcelino Coto, “acometer unha reforma integral” nesta parte da vila.

O concelleiro sinala a relevancia desta decisión, “xustificada polo interese público”, que suporá a eliminación do tráfico pesado do casco urbano e a “humanización de Antonio Palacios, con novas beirarrúas, alumeado, ou faixas verdes e de esparexemento, que fará posible que esta rúa pase a ser unha grande avenida”.

Coto lembra que en neste entorno están o Colexio Hermanos Quiroga, o IES Pino Manso, o CEIP Fernández López, unha gardería da Galiña Azul, o Pavillón e a Piscina Municipal, e que a reforma significará unha “mellora substancial na seguridade e na calidade de vida” das veciñas e veciños da contorna, en particular, e de todas as porriñesas e porriñeses, en conxunto.

O convenio abrangue, ademais, a radicación nunhas parcelas que conforman unha superficie de máis de 25.000 metros cadrados no que se abrirá unha grande área comercial e de lecer, con novos espazos dotacionais que, subliña Marcelino Coto, “creará numerosos postos de traballo, tanto directos coma indirectos”.

Logo da sinatura do convenio, o seguinte paso é promover unha reforma puntual do Plan Xeral de Ordenación Urbana que, remata Coto, está en xa en marcha.

O xornal A Nova Peneira premia o Concello do Porriño.

O Concello do Porriño ven de ser distinguido por A Nova Peneira durante a II Gala organizada polo xornal. Ao acto, que tivo lugar no restaurante Manolo, asistiron máis dun cento de persoas, entre elas os alcaldes de Cangas, Ponteareas, As Neves e Gondomar, ademais de alcaldesa do Porriño, e voceiros e representantes de diferentes partidos, entre eles os concelleiros do Porriño, Soledad Girón, do Partido Socialista, Marcelino Coto, de UDDL, Pedro Pereira, voceiro do BNG, e Pedro Ocampo, portavoz municipal de EU SON.

Ao inicio do xantar, Eva Garcia de la Torre deu a benvida ao Porriño aos asistentes e felicitou aos responsábeis de A Nova Peneira polo seu traballo ao longo dos últimos anos, “facendo chegar puntualmente a información do que acontece preto de nós, algo que é hoxe tan necesario”.

Ao final do evento, amenizado polos músicos Mini e Mero, fundadores de Fuxan os Ventos foi o momento da entrega de premios: o Concello do Porriño foi distinguido co recoñecemento Institucional, galardón que recolleu a alcaldesa no nome de toda a Corporación.

O número de parados volve a baixar no Porriño e en xaneiro deste 2017

O número de parados volve a baixar no Porriño e en xaneiro deste 2017 había traballando na vila 272 persoas máis que hai un ano

O número de parados descendeu o mes pasado no Porriño en 11 persoas, segundo os datos difundidos este xoves polo Ministerio de Emprego e Seguridade Social. Dacordo cos mesmos, na vila hai 1.833 desempregados menos anotados na oficina do Servizo Galego de Emprego.

Isto supón que dende o mes de xaneiro de 2016 o paro baixou no Porriño en 272 persoas, pasando do 24,28 ao 21% nun ano, un descenso de preto dun 3,5% nos pasados doce meses, cando había 2.105 veciños que estaban na procura de traballo.

O Porriño é un dos tres concellos da Área Metropolitana de Vigo nos que baixou o paro que, medrou na mesma en 861 persoas, pasando de 37.497 a 38.358. Ademais os datos do concello contrastan cos da provincia de Pontevedra, onde o desemprego sube en 2.242 persoas, cos de Galicia, no que xaneiro rematou con 6.164 desempregados máis, un incremento de preto do 3% en relación co mes de decembro, e cos do conxunto de España, onde 57.257 persoas perderon o seu emprego o mes pasado.

Dacordo cos datos oficiais sobre a evolución do paro, dende que actual Goberno local tomara posesión, o paro en O Porriño reduciuse en 306 persoas, pasando de 2.139 desempregados en xuño de 2015 a 1.833 este mes de xaneiro.
A alcaldesa aínda que amosa a súa satisfacción pola baixada do desemprego na vila, prefire optar pola precaución e insistir que a creación de emprego é “a principal preocupación e o primeiro obxectivo do Goberno local”.

Eva García de la Torre reitera que hai que seguir incrementando o esforzo para impulsar a formación, a cooperación coas empresas radicadas na vila e “axudar, apoiar e favorecer a actividade económica no Porriño, tanto no eido industrial, nos servizos e no comercio local que son o cerne e a base da creación de emprego no concello”.

O Concello repite aportación récord ao Festival de Cans

O Concello do Porriño aportará este 2017 un total de 18.000€ ao Festival de Cans, repetindo a meirande cantidade que o festival recibiu, na súa historia, das arcas locais o pasado 2016. Así transmitiullo a alcaldesa, Eva García de la Torre, a Alfonso Pato, director do certame, e Abel Gallego, membro da organización do mesmo, nunha longa xuntanza que mantiveron este mércores.

A XIV edición da mostra, que se celebrará do 24 ao 27 de maio, terá “presenza en todo O Porriño, de xeito que durante os días do mesmo toda a vila será parte e partícipe do festival”, sinalou a alcaldesa, quen subliñou que o Concello colaborará ao máximo para “fortalecer a marca Festival de Cans coma parte esencial da nosa identidade”.

García de la Torre, adiantou que o programa de actividades deste 2017 será aínda máis participativo que o ano pasado, haberá unha relevancia maior de O Porriño e dos porriñeses no mesmo e se “visibilizará” o compromiso e a simbiose das veciñas e veciños co que é co que representa o Festival de Cans

A alcaldesa animou a todos os cidadáns a participar da programación de Cans, que ademais de no portal web festivaldecans.com, estará pendurada nas redes sociais do Concello, e a gozar de todas as propostas que se espallarán pola vila xa dende datas anteriores ao inicio mesmo das proxeccións dos filmes.

O Concello do Porriño proxecta este venres o filme “Querida Gina”

O Concello do Porriño proxectará o filme ‘Querida Gina’, que ten coma protagonistas a Juan Sánchez e Serafín Rodríguez, dous veciños da parroquia de Cans que, a finais do ano pasado, estivo entre as candidatas ás nominacións aos Premios Goya.

A proxección será o vindeiro venres 27 de xaneiro, ás 8 da tarde, no Centro Recreativo Cultural, e na mesma estará presente a súa directora, Susana Sotelo, que explicará cales foron as circunstancias da rodaxe da cinta, a convivencia de Juan e Serafín durante o mesmo ou o relato das vivencias da película dende a estrea, a finais de 2015, ate a actualidade.

Suana Sotelo e a alcaldesa de O Porriño, Eva García de la Torre, mantiveron unha xuntanza o pasado mes de decembro no que a alcaldesa ofreceulle todo o apoio do Concello para a candidatura da cinta á nominación aos Goya e na que acordaron que a película volvese a Porriño este mes de xaneiro.

‘Querida Gina’ conta unha historia que empeza en 1959: Juan Sánchez e Serafín Rodríguez, veciños de Cans, están facendo a mili en Zaragoza, onde empezaba a rodaxe dunha superprodución de Hollywood, ‘Salomón e a raíña de Saba’, protagonizada por Tirone Power, que morreu na rodaxe e é substituído por Yul Brynner, e Gina Lollobrigida. Juan e Serafín preséntase para da facer de extras, logran saír na cinta e ver, so dende moi lonxe, á fermosa actriz italiana.

En 2010, medio século máis tarde, contando aquela historia de xuventude, Susana Sotelo proponlles viaxar ata Roma para cumprir o seu sono de xuventude: ir á casa de Gina Lollobrigida e coñecela en persoa.

Empeza entón unha convivencia dun mes, dende a saída dende O Porriño, por estrada, camiño de Roma, pasando polo Norte de España, a Costa Azul francesa e o Oeste de Italia, ata a cidade eterna, no que Susana Sotelo filma máis de 300 horas de anécdotas, conversas e experiencias vividas por Juan, chofer de profesión, Serafín, enterrador de Atios e de Cans, e o mozo galés Tim Randall, que os acompaña nesta ‘expedición’, 300 horas que se quedan finalmente nunha metraxe de 102 minutos.

‘Querida Gina’, logo de moitas dificultades, pode estrearse a finais de 2015, estrea á que non chegarían os seus dous protagonistas, Juan e Serafín, que morren sen chegar a ver toda a película.

O Porriño recibirá en 2017 do “Plan Concellos”, da Deputación de Pontevedra, 1.052.165 €

A Deputación de Pontevedra achegará este ano 2017 un 3,76% máis de recursos ao Concello do Porriño no marco do “Plan Concellos”. Deste xeito, este municipio da comarca viguesa recibirá un total de 1.052.165,16 €, 38.161,80 euros máis que en 2016, ano no que xa tivo un 33,8% de incremento respecto do 2015 (o que se traduciu en 256.078,46 € máis). Á marxe do Plan Concellos, O Porriño recibirá este ano outras axudas e subvencións, enmarcadas nas diferentes áreas de actividade da Deputación de Pontevedra, ás que o Concello poderá concorrer.

Investimentos totais durante 2016

Durante o ano 2016 a Deputación de Pontevedra destinou ao Porriño un total de 1.579.977,73 euros, dos cales 1.014.003,36 € correspondéronse co “Plan Concellos 2016”. Ademais, a institución provincial investiu121.269,52 € en mobilidade, 99.819,19 € en cohesión social e xuventude, 34.270,50 € en cultura e lingua, 153.166,08€ para o fomento do emprego, 63.947 €para o impulso do deporte e outros 4.889,35 € para a igualdade entre mulleres e homes.

En materia de cooperación, O Porriño tamén recibiu 30.221,93 € no marco do PICEI 2016 para a mellora das instalacións do campo de fútbol do Carballo U.D. Atios-O Porriño.

No que se refire ao “Plan Concellos”, a través da liña 1, investíronse 746.814,09€ para a rede de saneamento en Alvarín, acondicionamento de local para arquivo municipal, saneamento na Pereira e O Contrasto (Torneiros), renovación de instalacións de iluminación exterior, mellora das instalacións deportivas do C.F. Atios e colector de saneamento no lugar da Igrexa (Pontellas). Ademais, 38.000 € en liña 3 destinados á Escola Municipal de Música e a apoio e reforzo escolar a menores en desvantaxe e,grazas á liña 4,creáronse30postos de traballo nos servizos municipais, cun investimento de 228.150,60€.

Á marxe do “Plan Concellos 2016”,O Porriño recibiu34.270,50 € para o fomento da cultura e a lingua, con 23actuacións do Pontegal e do Ano Castelao, así como coas axudas á rehabilitación e sinalización do patrimonio histórico-culturale as axudas á dinamización lingüística. Tamén se destinaron 99.819,19€ para cohesión social e xuventude, ben a través dos servizos sociaiscomunitarios e especializados, as axudas básicas de emerxencia e o servizo de teleasistencia domiciliaria (con 31 usuarios e usuarias)ou ben mediante os programas“En Ruta coa Depo”, “DepoTermal”, “Tecendo lazos”, “Depo en Marcha”, “DepoRúarte” e“Depo Aventura A Lanzada”, no que participaron37 nenas e nenos do concello.

Do mesmo xeito, O Porriño recibiu63.947 € para o deporte federado de base, a Copa de fútbol Deputación de Pontevedrae diversas actividades deportivas, así como 40.091,52 € destinados ao fomento do emprego a través dos Plans de Práctica Laboral, que están a permitir que catropersoas poidan desenvolver a súa primeira experiencia laboral no Concello do Porriño. Tamén se achegaron 4.889,35€ para o fomento da igualdade a través do programa “Conectadas 2016” e as axudas aos concellos de menos de 20.000 habitantes para o fomento da igualdade de oportunidades entre mulleres e homes e a prevención da violencia machista eoutros121.269,52€ en materia de mobilidade, en concreto para o “Plan Móvese” e as obras de sinalización horizontal nos viarios provinciais.