Alcaldía

A alcaldesa, Eva García de la Torre, manifestouse na estrada PO-510, xunto coas veciñas e veciños do barrio da Vaquería, na parroquia de Budiño, para esixir, de novo, á Xunta de Galicia, que dea una solución aos porriñeses que viven neste barrio, “que fica dividido por unha liña continua na estrada que fai imposible aos coches xirar para chegar ás casas  ou negocios e cruzar aos peóns”.

García de la Torre lembrou que “hai xa máis de 6 meses que os responsábeis da Xunta comprometéranse a estudar á proposta dos habitantes desta parte do Porriño para rematar con esta situación e ata hoxe non deron sinais de vida”.

Neste senso, esta mesma semana mantivo unha xuntanza, no Concello, con representantes dos veciños para, con axuda dun técnico municipal, deseñar, de novo, unha alternativa que presentar ao Goberno de Galicia para dar solución a un problema que alóngase xa máis de 5 anos.

Esa alternativa, como estudaron na reunión, pasa pola colocación de varios semáforos, “que fagan posible a redución da velocidade nunha vía moi transitada” e a situación de pasos de cebra que permitan que os veciños, “que teñen fincas ás dúas beiras da estrada” poidan cruzar con seguridade.

Axentes da La Policía Local do Porriño veñen de desartellar dous puntos negros de venda de droga na vila e de deter a un individuo de 47 anos de idade relacionado coa venda de estupefacientes.

Os policías xa tiñan tenía constancia das actividades de un suxeito que adicábase a vender droga en dúas zonas do casco urbano, aínda que, ata a noite do pasado luns, día 17 de decembro, non puideron atopalo.

O detido estaba nunha  céntrica rúa do Porriño e, como constataron os axentes nun control superficial, levaba enriba varios ‘papeliños’ de cocaína, dous cadrozos de marihuana, diñeiro en efectivo, e un walkie-talkie, acendido empregado, presuntamente, para que unha terceira persoa o alertase da presenza policial.

Os policías comprobaron que, ademais, contra este home que levaba 5 anos fuxindo da xustiza, constaba una orde de arresto e ingreso en prisión contra este individuo ordenada polo Xulgado do Penal nº 2 de Pontevedra, polo cal procedeuse a súa detención e posterior presentación, o día 18, no Xulgado de 1ª Instancia e Instrución nº 1 do Porriño en función de garda, imputándolle a autoridade xudicial un presunto Delito contra a Saúde Pública e ordenando o seu ingreso no Centro Penitenciario de A Lama.

Seis arrestos por tráfico de drogas

Con este arresto, a  Policía Local do Porriño suma xa seis detidos por tráfico de drogas no que vai deste ano, actuacións que, subliña o inspector xefe, Daniel Rodríguez,  son unha “prioridade” para o Goberno local e a Concellería de Seguridade, que dirixe Lourdes Moure, de cara a acabar co tráfico de droga polo miudo no noso concello.

A alcaldesa vén de convocar ás porriñesas e porriñeses, en nome da Corporación,a unha concentración este mércores, día 19 de decembro, ás 12:00 h. diante do Concello, para amosar o apoio e a solidariedade coa familia de Laura Luelmo, rexeitar o seu asasinato, e deixar claro que as veciñas e veciños do Porriño berran ben alto Basta Xa!

Analizar as posibilidades que se abren no concello do Porriño para localizar novo chan industrial para a radicación de empresas, foi o centro da xuntanza mantida este mércores pola mañá, nas oficinas de Zona Franca, entre o delegado do Consorcio, David Regades, e a alcaldesa, Eva García de la Torre.

Dada a relevancia do tema, sumáronse á reunión a directora de Promoción Económica do Consorcio, Rosa Eguizábal, o presidente da entidade urbanística do Polígono da Granxa, Indalecio Cuevas, e o xerente desta entidade, David Sobral.

Todos estiveron dacordo en que no Porriño pódense  atropar espazos acaídos para urbanizar e acoller sectores que proporcionen servizos a toda a comarca viguesa, o cal farase realidade en moi pouco tempo.

Como sinala a alcaldesa, na mesma xuntanza “estudamos a posibilidade de habilitar un espazo no inmoble do Centro de Iniciativa Empresarial (CIE) de A Granxa, propiedade de Zona Franca, para abrir no mesmo a gardería, tan demandada polos traballadores e empresas radicadas no polígono”.

Eva García de la Torre subliña que o delegado de Zona Franca amosou o “seu interese e sensibilidade” para que esta proposta poida ser unha realidade no menor tempo posible.

Dende este martes, día 11 de decembro,  máis de 300 veciñas e veciños do barrio do Contrasto, na parroquia de Torneiros, teñen xa acometida á Rede Municipal de Abastecento do Porriño, tal e como anunciara a alcaldesa, Eva García de la Torre, logo de que se atopasen refugallos de lindano nesta zona, o cal obrigara a pechar numerosos pozos.

A ‘traída’ municipal chega xa a 83 casas do barrio logo de que o Concello, sufragase na súa totalidade, “sen ningunha axuda por parte da Xunta, que ten as competencias en medio ambiente”, os preto de 350.000€ que custou, finalmente, esta obra que permite que todas estas vivendas poidan recibir auga para o consumo diario con todas as garantías sanitarias.

As devanditas obras, sinala a alcaldesa, axustáronse exactamente ás instrucións da Dirección Xeral de Saúde Pública, dependente do Goberno de Galicia, e realizáronse cos máximos niveis de protección e seguridade, tanto para os traballadores encargados das mesmas coma para os habitantes do Contrasto.

García de la Torre, que cumpre deste xeito o compromiso persoal que asumira coas veciñas e veciños afectados pola aparición de lindano, manterá unha xuntanza con todos eles nos vindeiros días para informarlles, “polo miúdo, como fixen durante todos os meses pasados”, sobre a chegada do abastecemento municipal ata as súas casas.

Sen axuda ningunha da Xunta de Galicia

A alcaldesa, lembra, de novo, que foron os cidadáns do Porriño, por medio do seu Concello, os que asumiron “por completo en solitario, en sen axuda ningunha por parte da Xunta de Galicia”, os custos de todas e cada unha das accións que se levaron a cabo no Contrasto: o subministro de auga para o consumo diario,a colocación nas vivendas afectadas depósitos de 1.000 litros -nalgún caso ata dous-; a contratación dos servizos dunha empresa especializada en tratamento da terra na que apareceron restos de lindano, “seguindo as indicacións, criterios e normas do Servizo de Xestión de Residuos e da Administración Autonómica”, ou o dobre asfaltado da zona na que se realizaron as obras do saneamento no seu día.

Eva García de la Torre agarda que o Goberno de Galicia, asumindo as súas competencias, “afronte o problema da existencia de lindano soterrado en varios lugares da nosa vila cun plan cuantificado e orzamentado para, en primeiro lugar, identificar e sinalizar as zonas afectadas en todo o Porriño polo depósito de lindano e, de seguido, dar unha resposta efectiva que acabe coa contaminación e os riscos para a saúde”.

A Deputación de Pontevedra vén de aprobar, mediante resolución presidencial, unha axuda ao concello de O Porriño por un valor de 18.129,02€ para financiar o mobiliario da Biblioteca Municipal, que depende directamente da Alcaldía.

Con este investimento O Porriño pecha o Plan Concellos deste ano, ao través do cal o goberno provincial destinoulle 1.883.863,81€ un 79,05% máis que en 2017.

Este ano, ao través da Liña 1 do Plan Concellos, O Porriño tamén contou co financiamento do módulo de atletismo, por importe de 200.000€; da dotación da beirarrúa A Pontenova-A guía-Atios, por 463.007,15€; e da rotonda en A Pontenova, por 252.420,34€.

Amais a Deputación adxudicou 101.713€ no que corresponde á liña 2 e tamén outros 89.345,40€ que foron destinados á financiación da contratación de 25 traballadoras e traballadores que están a desempeñar funcións no Concello, dentro da liña 3 de emprego.

A presidenta da Deputación de Pontevedra, Carmela Silva, e a alcaldesa do Porriño, Eva García de la Torre, asinaron este luns pasado, no Pazo Provincial, un convenio de  de colaboración para a execución e financiación dun proxecto beneficiario do Plan de Remodelación e Mellora da Seguridade dos Viarios Municipais (DepoRemse), impulsado pola Deputación e dos que resultaron tamén beneficiados outros 9 concellos, representados polas súas alcaldesas e alcaldes.

O Porriño desenvolve, indicou a alcaldesa “a mellora da mobilidade e seguridade viaria na rúa Doantes de Sangue e a súa contorna”, que contará cun orzamento total de 499.815,87 euros, dos que a Deputación pon 424.843,87 euros, o 85 por cento do total, e o Concello do Porriño, 75.000, o 15 por cento restante.

A presidenta da Deputación, subliñou que o Plan DepoRemse “continúa no obxectivo do Goberno provincial de implementar en toda a provincia un modelo de territorio baseado na seguranza viaria, na mobilidade, na accesibilidade universal e na recuperación do espazo público”.

Pola súa banda, a alcaldesa salientou que “é moi importante no Porriño, o segundo concello que máis medra de Galicia e que está xa nos 20.000 habitantes, que as noas veciñas e veciños conten con espazos máis amplos, abertos, humanos e amábeis, nos que ‘facer vida’, nos que moverse, estar e relacionarse e facelo sen atrancos, sen barreiras e sen perigos”.