Alcaldía

Os programas postos en marcha pola Concellería de Emprego conqueriron que 125 porriñesas e porriñeses estean xa traballando

Os programas ‘Porriño Accede’ e ‘Plan de Emprego para Mulleres (PIEM)’, postos en marcha pola Concellería de Emprego. Servizos Sociais e Igualdade, que dirixe Soledad Girón, conqueriron que un total de 125 porriñesas e porriñeses estean xa traballando.

46 colocacións ata maio

No que vai deste 2018, os 14 convenios asinados polo Concello con outras tantas empresas de automoción, loxística, mantemento ou distribución, fixeron posible que, ata o mes de maio, 46 persoas asinasen un contrato laboral, o 73% das 66 que participaron neste programa dende o 1 de xaneiro.

67 novos empregos o ano pasado

O ano pasado 67 persoas atoparon traballo logo de ter participado en ‘Porriño Accede’, o que representa o 55,8% de todas e todas as persoas integradas no mesmo, unha proporción que no caso das industrias do sector da automoción é do 73,3% -con 55 insercións de 75 alumnas e alumnos-.

Polo que atangue ao ‘Plan de Emprego para Mulleres (PIEM)’, está dirixido este ano a un total de 85 porriñesas en situación de desemprego, especialmente, mulleres novas, menores de 30 anos e sen cualificación profesional.

Como resultado do mesmo, o mes de abril, 11 delas comezaron a traballar coma soldadoras na planta de Viza Automoción no Porriño, que conta cun plantel de 500 persoas e subministra os seus produtos a grupos tan importantes coma PSA Peugeot Citroën, Audi, Renault, Volkswagen, Mercedes, Toyota ou Porsche.

Dentro destes mesmos programas, outras 12 persoas demandantes de emprego, das 16 que  iniciaron as súas prácticas, están traballando  en Gestamp grupo internacional adicado ao deseño, desenrolo e fabricación de compoñentes metálicos para o automóbil.

07/06/2018 in Alcaldía, Emprego e formación

O Porriño, escenario do ‘6º Festival de Bandas de Música de Escolas’

O Círculo Recreativo e Cultural do Porriño será o escenario do ‘6º Festival de Bandas de Música de Escolas’, que terá lugar o vindeiro sábado, día 9 de xuño, ás 8 e media da tarde.

No mesmo participarán, conxuntamente, cun programa de Bandas Sonoras de películas: a  Banda da Asociación Piloñesa Musical de la Fuente de Infiesto-Asturias e a Banda da Escola Municipal de Música do Porriño.

07/06/2018 in Alcaldía, Cultura e festas

Dende este venres, día 8, mes do teatro no Centro Cultural Municipal dentro do ‘Circuito Galego de Teatro Amador 2018’

Dende este venres día 8 de xuño, e dentro do ‘Circuíto Galego de Teatro Amador 2018’, da Federación Galega de Teatro Afeccionado (FEGATEA), o Centro Cultural Municipal do Porriño acollerá cinco representacións ao logo de todo este mes, con entrada de balde ata completar aforo.

O venres, día 8, dende as 8 e media da tarde, a obra a representar será “En Venda”, da compañía O Trasno Teatro, para público dende 12 anos.

O sábado, día 9: “Quero ser maior!”, de Axouxere Teatro. Dende as 7 da tarde. Para todos os públicos.

Venres, 15 de xuño, “Cousas de matrimonio”, a cargo de Max Teatro, ás 8 e media da tarde, para público dende 12 anos de idade.

Sábado, día 16: “Moito barullo e poucas carolas”, por Andaravía Teatro, ás 8 e media da tarde, tamén para público dende os 12 anos..

O domingo, día 17 de xuño, “As laranxas… non, non… cala”, por Atrezo Teatro, ás 7 da tarde. Teatro familiar.

06/06/2018 in Alcaldía, Cultura e festas

O Porriño, sede da 10ª edición do ‘Torneo Catro Nacións de Balonmano Feminino’ que terá lugar esta fin de semana entre Cataluña, Euskadi, Guinea e Galicia

A décima edición Torneo IV Nacións feminino celebrarase a vindeira fin de semana, días 9 e 10 de xuño, no Pavillón Municipal de Deportes do Porriño coa participación de Cataluña, Euskadi, Galicia e Guinea. Ademais, o venres, día 8, ás 8 da tarde, celebrarase un partido amigable, tamén no Porriño, contra a selección de Guinea.

Este torneo se celebra dende hai dez anos, con sedes alternas en Galicia, Euskadi e Cataluña. Á última edición celebrouse en Granollers a finais de 2016 e Galicia proclamouse vencedora, tras gañar na final a Euskadi.

O seleccionador Abel Estévez deu a coñecer a convocatoria para este torneo e o BM Porriño é o club que maior número de xogadoras aporta para a selección galega (seis) e xunto a elas estarán deportistas do Guardés, Carballal, BM Castellón, Logroño Sporting la Rioja e SAR Rodavigo.

Galicia xogará a semifinal o sábado, día 9 ás 6 da tarde contra Guinea, mentres que Cataluña e Euskadi xogarán o primeiro partido (16:15 horas). A final está prevista para o domingo, día 10 ao mediodía.

06/06/2018 in Alcaldía, Deportes

O Goberno de Galicia xunto co Concello do Porriño, presentarán a candidatura ao proxecto ‘Life’ da Unión Europea para o tratamento integral, estudo e seguimento dos terreos contaminados por lindano

A Dirección Xeral de Calidade Ambiental e Cambio Climático do Goberno de Galicia, xunto co Concello do Porriño presentarán a candidatura ao proxecto ‘LIFE- Phytomanagement of peri-urban soils contaminated by lindane residues’ (‘Fitomanexo de chans periurbanos contaminados con residuos de lindano’), da Unión Europea.

O mesmo, no que participan a Universidade de Santiago de Compostela (USC), o Consello Superior de Investigacións Científicas (CSIC) e a Confederación Hidrográfica do Miño-Sil, ten coma obxectivos conquerir fondos e colaboración da Unión Europea para o tratamento, mediante ‘fitorremedazón’ dos terreos do Porriño contaminados por lindano; redacción dun protocolo de alerta temperá nos casos de detección de refugallos de lindano; xestión integral dos solos contaminados por estes refugallos; elaboración dun mapa preciso de detección de lindano en zonas periurbanas, ademais dunha xestión colaborativa na planificación urbana dos chans remediados.

A alcaldesa, Eva García de la Torre, que dende o primeiro intre asumiu a xestión e dirección das xestións feitas dende o Concello para atender ás veciñas e veciños do Contrasto afectados pola aparición de lindano, vén de asinar “o meu compromiso e o do Goberno local de contribuír, coma ata o dagora, cos medios necesarios para a posta en marcha deste proxecto, facilitar o acceso aos especialistas para que poidan traballar en terreos municipais, axilizar a tramitación de permisos e impulsar o tratamento da terra contaminada”.

Estudo,seguimento e control do chan e da auga

As actuacións contempladas na candidatura deste proxecto LIFE, abranguen a caracterización hidroxeolóxica do terreo, a perforación e instalación de ‘piezómetros’ nas áreas seleccionadas coa finalidade estudar a calidade da auga subterránea, a aplicación de técnicas de fitorremediación e biorremediación, o seguimento da calidade do chan e da auga, con especial atención a os seus servizos eco-sistémicos e o seguimento do control do contaminante e a súa capacidade de biodegradación.

Doutra banda, dentro deste plan haberá unha replanificacion, que será consultada coas partes interesadas, para reorientar o uso dos terreos recuperados, elaborarase unha guía de orientación para veciños e propietarios sobre a contaminación por lindano e os resultados de todos os estudos se presentará, ademais de aos afectados, no Porriño, en seminarios nacionais e internacionais.

06/06/2018 in Alcaldía

Os plans impulsados polo Concello fan que O Porriño liderase en maio a cración de emprego na Área Metropolitana: a finais do mes pasado traballaban na vila 643 persoas máis que cando chegou o actual Goberno local

Por segundo mes consecutivo, O Porriño liderou, xunto con Vigo, a creación de emprego na Área Metropolitana. A finais do mes pasado había na vila 1.496 persoas sen traballo,104 menos que a 30 de abril, no que se rexistraron 1.600.

Dacordo cos datos publicados este venres polo Ministerio de Emprego e Seguridade Social, e a Consellería de Economía, Emprego e Industria da Xunta de Galicia, a taxa de desemprego situouse no Porriño no 16,1%, 7 puntos menos que cando o actual Goberno Local empezara  o seu mandato: daquela  2.139 porriñeses estaban na procura dun posto de traballo, 643 máis que na actualidade.

En relación co mes de maio de 2017, o número de veciñas e veciños anotadas coma demandantes na oficina do Servizo Galego de Emprego baixou de 1.777 a 1.496, o que supón que hai 281 traballadoras e traballadores máis no Porriño e que en so un ano o paro caeu en 3,1 puntos.

Un 73% de insercións laboráis dende os plans do Concello

As medidas postas en marcha dende o Goberno local para reducir o desemprego no Porriño , fundamentalmente por medio dos programas ‘Porriño Accede’ e ‘Plan de Emprego para Mulleres (PIEM)’, conqueriron que un total de 113 porriñesas e porriñeses estean xa traballando.

O ano pasado 67 persoas atoparon traballo logo de ter completado este programa, o que representa o 55,8% de todas e todos os participantes no mesmo, unha proporción que no caso das industrias do sector da automoción é do 73,3% -con 55 insercións de 75 alumnas e alumnos.

No que vai deste 2018, os 14 convenios asinados polo Concello con outras tantas empresas de automoción, loxística, mantemento ou distribución, fixeron posible que, ata o mes de maio 46 persoas asinasen un contrato de traballo, o 73% das 66 que participaron neste programa dende o 1 de xaneiro.

Polo que atingue ao ‘Plan de Emprego para Mulleres (PIEM)’, está dirixido este ano a un total de 85 porriñesas en situación de desemprego, especialmente, mulleres novas, menores de 30 anos e sen cualificación profesional.

Como resultado do mesmo, o mes de abril, 11 delas comezaron a traballar coma soldadoras na planta de Viza Automoción no Porriño, que conta cun plantel de 500 persoas e subministra os seus produtos a grupos tan importantes coma PSA Peugeot Citroën, Audi, Renault, Volkswagen, Mercedes, Toyota ou Porsche.

Dentro destes mesmos programas, outras 16 persoas demandantes de emprego iniciaron as súas prácticas en Gestamp grupo internacional adicado ao deseño, desenrolo e fabricación de componentes metálicos para o automóvil. Grande parte destas persoas teñen notábeis posibilidades de integrarse, finalmente, no plantel desta empresa.

Seguir na mesma liña

A alcaldesa, Eva García de la Torre, logo de amosar a súa satisfación polo feito de que “nestes tres anos que levamos no Concello lográsemos que 643 veciñas e veciños atopasen traballo”, insiste en que “seguiremos, como o tiñamos planificado dende o principio: dirixindonos ás empresas, porque O Porriño é unha potencia industrial e empresarial dentro de Galicia, e apostando pola formación coma o xeito absolutamente determinante para conquerir un emprego, como vén de quedar demostrado”.

Neste eido o Goberno local seguirá “impulsando as xestións destinadas a radicación de empresas na nosa vila e facilitando a mesma, ao mesmo que asinaremos acordos e convenios de colaboración que teñan coma finalidade a contratación de porriñesas e porriñeses que están buscando traballo”.

04/06/2018 in Alcaldía, Emprego e formación

O Campo do Lourambal será escenario, dende o vindeiro día 18, do ‘3º Curso de Monitor de Fútbol Base’, organizado pola Federación Galega de Fútbol coa colaboración do Concello do Porriño

O Campo do Porriño Industrial, Lourambal, será o lugar elixido pola Federación Galega de Fútbol para o desenrolo do 3ºCurso de Monitor de Fútbol Base, que empezará o vindeiro día 18 de xuño, e que cunha duración de 65 horas habilitará aos asistentes para adestrar nas categorías inferiores.

A presentación deste curso tivo lugar no Concello do Porriño coa presencia da alcaldesa, Eva García de la Torre, o concelleiro de Deportes, Manuel Carrera, o vicepresidente da Federación Galega de Fútbol, Gustavo Falqué, o coordinador do Porriño Industrial C.F., Claudio Giráldez, o Director da Escola de Adestradores da Federación Galega de Fútbol, Manuel Mosquera, e o coordinador dos cursos do Baixo Miño, José Manuel Mosquera.

As persoas interesadas en participar neste curso, que ten un custo de 150€, deben ter,cando menos, 16 anos de idade e poden inscribirse  entrando na páxina web da Federación Galega,  www.futgal.es.

O vicepresidente da Federación Galega de Fútbol salientou a aposta decidida pola preparación dos adestradores para que “as nenas e nenos que practican este deporte estean nas mellores mans e inicien a súa formación neste primeiro ciclo que pode seguir ata a titulación UEFA”.

Os responsábeis da Escola de Adestradores coincidiron na importancia que ten o feito de que os novos técnicos transmitan aos seus xogadores e xogadores, amaís de coñecementos para que sexan mellores deportistas, e valores para que, ademais, mellores persoas.

Pola súa banda, Manuel Carrera, que foi deportista profesional, logo de felicitar ao Porriño Industrial polo seu ascenso, subliñou que no Porriño, na actualidade, hai máis de 1.000 licencias de futbolistas, “un número moi importante…non sei de concellos de 20.000 habitantes, coma o noso que teñan un número tan alto de fichas, ás que hai que engadir as dos resto das modalidades que se practican na nosa vila”.

Por último a alcaldesa, quen amosouse segura de que ao éxito do Porriño Industrial se sumará o do Atios, lembrou a constante colaboración do Concello do Porriño e a Federación Galega de Fútbol, e transmitiu a súa felicitación porque ademais de en aspectos deportivos, este curso “contribúa á formación de persoas, en valores coma a solidariedade, o esforzo, a amizade, a entrega ou o compañeirismo”.

Eva García de la Torre reiterou que O Porriño é o ‘Concello do Deporte’ e, logo de facer un repaso aos éxitos dos equipos e dos deportistas porriñeses este ano, indicou que o Goberno local adica 1 millón de euros anuais, “sobre un total dos 17 millóns que temos nos orzamentos” a subvencionar aos clubs e as prácticas deportivas no noso concello.

03/06/2018 in Alcaldía, Deportes

A campaña de loita contra a Vespa Velutina, impulsada polo Concello, conquire eliminar a 25.000 raíñas, seis veces que hai un ano e reducir nun 45% o impacto desta especie invasora no Porriño

A campaña de loita contra a ‘Vespa Velutina’, que empezara a mediados do mes de febreiro, e que consistirá en repartir 500 trampas -300 máis que o ano pasado- e 175 litros de líquido atraínte deste insecto, en todas as parroquias do Porriño, deu coma resultado a eliminación de máis de 25.000 exemplares de raíñas.

Hai que lembran que a finais da campaña do 2017, as trapas lograran acabar con algo menos de 4.000 raíñas, polo cal o concelleiro de Medio Ambiente, Marcelino Coto, non dubida en cualificar o resultado deste ano de “espectacular”.

Hai que lembrar que nesta campaña o Goberno local optara por involucrar ás veciñas e veciños dirixidos por avicultores, coma José Pampillón, Antonio Pérez Oliveira e  José Porto, que foron os encargados de que houbese, a ,lo menos, dúas persoas en cada unha das parroquias que colocasen as trampas nos lugares máis acaídos de cada unha, se asegurasen que tiñan sempre o atraínte, controlasen o número de exemplares que caían nos mesmos e, ao final da campaña, recuperasen as trampas, que poderán empregarse, de novo na vindeira campaña.

Os tres subliñan que a colocación das trampas, “algunhas delas ata a 40 metros de altura”, fíxose “no momento e nos lugares axeitados: dende mediados de febreiro a principio de maio e onde hai flores da camelia, que é a onde acoden a velutina estes meses”.

Este feito deu coma resultado, engaden os apicultores, “fixo que este ano teñamos un 45% menos de vespa asiática no Porriño”, un resultado que Marcelino Coto sinala que é o mellor de todas as campañas que levamos realizadas e que “amosa que aquela idea de ‘mobilizar’ aos veciños para loitar contra especie invasora, está a funcionar”.

Coto lembra que xa o ano pasado, no que se eliminaron seis veces menos de vespas raíñas que neste 2018, a Facultade de Ciencias da Universidade de Vigo felicitará ao Concello do Porriño polo seu traballo de loita contra este insecto, o cal sinala que “temos emprendido o camiño correcto para enfrontarnos contra esta ameaza”.

Neste eido, os apicultores, logo de agradecer a axuda e o compromiso do Concello, advirten que hai que seguir co traballo de loita que, dende este mes centrarase nas zonas que están preto sa colmeas das abellas, ás que a Velutina  acoden “na procura de alimento para as súas larvas”.

30/05/2018 in Alcaldía, Urbanismo, comercio e industria

Concello, asociacións culturais, sociais, profesionais e empresariais, clubs deportivos, sindicatos e entidades veciñais chaman a manifestarse este venres para esixir a eliminación do tren do centro do Porriño

As porriñesas e porriñeses están convocados este venres, día 1 de xuño, ás 8 da tarde, a unha manifestación que baixo o lema ‘Non ao tren polo centro do Porriño’ esixirá ao Goberno do Estado a eliminación do actual paso a nivel e o desvío das vías que atravesan o casco urbano.
 
O traxecto da mesma se iniciará na rúa Peña, seguirá por Ramiranes, continuará pola Avenida de Galicia e baixará por Antonio Palacios ata chegar á Praza do Concello.
 
A totalidade dos concelleiros da Corporación do Porriño, integrantes de todos os grupos políticos da mesma, entidades veciñais, sociais e culturais, comunidades de montes, representantes de sindicatos, de colectivos económicos e empresariais, de clubs deportivos, asociacións profesionais, de comerciantes ou de hostaleiros, chaman ás veciñas e veciños a participar nesta mobilización, a primeira das previstas para conquerir que se cumpra unha “reivindicación que xa dura 70 anos: que o tren deixe de pasar polo centro da vila”.
 
Logo de distintas xuntanzas e entrevistas con responsábeis de Administrador de Infraestruturas Ferroviarias (ADIF) nos últimos anos- a primeira mantida pola alcaldesa en Madrid en setembro de 2015-, do accidente de setembro de 2016, no que morreron 4 persoas e outro medio centenar resultaron feridas; a visita a O Porriño da directora xeral de Infraestruturas de ADIF, en setembro de 2017, cunha proposta na que se pretendía ‘emparedar’ a vía tras uns muros abrindo un paso soterrado para peóns e vehículos e, finalmente, a do pasado 17 de abril con cinco representantes de ADIF que viaxaron a O Porriño sen proxecto ou idea algunha para retirar o paso a nivel, a Corporación decidiu que había que prescindir das negociacións con ADIF, logo do que é xa unha ‘tomadura de pelo’ e ter coma único interlocutor ao Ministerio de Fomento, polo cal hai máis dun mes remitiuse unha carta a ministro, Íñigo de la Serna, pedindo unha xuntanza, carta que non tivo resposta a día de hoxe.
 
Ante estas circunstancias, responsábeis públicos, sociais, culturais, deportivos, empresariais e profesionais do Porriño, decidiron convocar esta manifestación á que piden a meirande asistencia.
30/05/2018 in Alcaldía