O Consello Municipal da Infancia intercambiará experiencias con Tomiño e Redondela

A Concellería de Educación e a OMIX do Porriño, informan que os nenos e nenas que forman o Consello Municipal de Infancia e Adolescencia do Porriño acordaron incrementar as sesións de traballo neste novo ano 2021.

Foi un dos acordos acadados na última reunión telemática celebrada o pasado mércores, na que avaliaron o traballo realizado ao longo de 2020.

Os membros do Consello Municipal da Infancia e Adolescencia do Porriño decidiron tamén aumentar o intercambio de experiencias con outros consellos da Infancia de concellos veciños como Redondela e Tomiño.

O traballo do Consello Municipal da Infancia e Adolescencia do Concello do Porriño pódese seguir na súa páxina de Instagram @infanciaporrino

MÁIS DE 600 FAMILIAS DO PORRIÑO APUNTARONSE PARA QUE OS SEUS FILLOS RECIBIRAN UNHA VIDEO CHAMADA DOS REIS MAGOS

 – Este mércores, O Apalpador percorrerá a zona peonil

602 familias rexistráronse ata hoxe, último día do prazo, para que os seus fillos reciban unha videochamada dos Reis Magos, unha iniciativa do Concello do Porriño, organizada pola Concellería de Festas e Cultura, de acordo cos protocolos de seguridade que veñen obrigados pola pandemia.

“Este ano 2020, debido á alerta sanitaria motivada pola Covid-19, e sabendo que os Reis Magos tamén se modernizan, o Concello facilita que as Súas Maxestades de Oriente se poñan en contacto coa rapazada a través de vídeo chamada”, segundo explicou Cami Moreira, concelleira responsable.

Ademais, tendo en conta a posibilidade de que algunhas familias non poidan ter acceso a internet, o Concello fará chegar á vivenda indicada e no día acordado, un dispositivo electrónico para poder facer a conexión da vídeo chamada.

Visita do “Apalpador”

Por outra banda, a Concellería de Cultura lembra que este mércores 30, a partir das 19 horas, “O Apalpador” estará no Porriño. Percorrerá a zona peonil para saudar e falar cos nenos do porriñés para contarlles como é a vida na alta montaña e as súas marabillosas lendas.

A visita do Apalpador realízase coa colaboración da Deputación de Pontevedra.

Último pleno municipal de 2020

A Corporación Local do Porriño celebrará este mércores 30, a partir das 18:00 horas, o último pleno municipal do ano 2020. É a sesión ordinaria de decembro, con dez puntos na orde do día. 

Por acordo maioritario da corporación, os plenos volven ser presenciais na sala de reunións pero a porta pechada, polos protocolos anti-Covid.

A sesión inclúe a comparecencia da concelleira delegado de Economía e Facenda, solicitada polo grupo municipal do PP, relativa á dispoñibilidade de créditos do Concello.  E varios expedientes de arrendamentos e venda de parcelas de titularidade municipal para explotacións mineiras e outros usos.

pleno ordinario diciembre 2020

Os establecementos de hostalería e restauración do Porriño poderán abrir ata as 18 horas


A ampliación en 60 minutos (de 17 a 18 horas) do horario de apertura dos establecementos de hostalería e restauración do Porriño, como no resto de poboacións que teñen un nivel medio-alto de restricións debido á pandemia, entrará en vigor mañá día 30.
A decisión tomouna a Xunta de Galicia logo de consultar co comité clínico.

Cargos públicos da Consellería de Sanidade comentaron tanto esta como outras medidas decididas para estas datas de Fin de Ano e Aninovo, coa rexedora porriñesa, Eva García e outros alcaldes e alcaldesas da área de Vigo na reunión telemática semanal que mantiveron hoxe ao mediodía.

O Porriño continúa coas mesmas restricións que tiña. A mobilidade aínda segue reducida ao alcance do perímetro que forma con Vigo, Mos, Redondela, Gondomar e NIgrán. Os establecementos de hostalería poden utilizar o 30% da capacidade interior e o 50% da capacidade exterior. As reunións son para un máximo de 4 persoas, estean ou non convivindo. O toque de queda mantense entre as 23:00 e as 6:00 a.m. Agás a noite de fin de ano, que durará ata a unha e media da mañá.

E como novidade en toda Galicia, na mañá de Aninovoa, a hostalería non poderá abrir antes das 11 da mañá, unha decisión xustificada pola Xunta para evitar aglomeracións de clientes para tomar o tradicional chocolate con churros.

Rematou o reparto de alimentos e xoguetes ás familias máis desfavorecidas

 

Este mes de decembro a distribución de alimentos levouse a cabo entre o 17 e o 22 con entrega a domicilio, realizada por voluntarios que colaboran co Banco de Alimentos SOS Porriño e por voluntarios da Asociación de Protección Civil.

 

Na actualidade, a proporción de destinatarios dos lotes de comida diminuíu algo.  Agora están atendidas 350 familias do Porriño, polo que se estima que 1.000 persoas recibiron eses lotes.

 

A entrega realízase en casa desde novembro como consecuencia das restricións anticovidas e, sobre todo, “para evitar a vergoñenta imaxe das colas de fame” segundo declarou David Alonso, concelleiro de Servizos Sociais.

Ao lote habitual de comida que recibe cada familia, neste mes de decembro engadíronse algúns extras grazas ás doazóns de empresas como “Coren” que regalaron 200 capóns conxelados e “Ceamsa” que regalaron caixas con produtos de Nadal. Os capóns entregáronse a familias con máis de 3 membros.

Por outra banda, hoxe mércores no Multiusos de Torneiros entregaronse xoguetes educativos e de mesa para 70 nenos e nenas porriñeses de 48 familias máis desfavorecidas que foron seleccionados polos Servizos Sociais.  A entrega fíxose aos seus pais que foron convocados para este fin.

Obradoiros de Nadal

No auditorio exterior do Centro Cultural Municipal e baixo carpa, tiveron lugar onte á tarde os obradoiros infantís de Nadal.

Participaron nenos e nenas do municipio, de 3 a 12 anos de idade, que previamente inscribíronse para esta actividade que tiña aforo limitado.

Os obradoiros desenvolvidos eran de decoración de chapas, de tatuaxes, de modelaxe creativa con arxila e de elaboración de adornos de Nadal.

Servizos Sociais repartirá xoguetes educativos para nenos e nenas das familias máis desfavorecidas

 

 

 

Este mércores, nas instalacións de “Porremprego”, entre as 9 e as 12 do mediodía, terá lugar o reparto de regalos para nenos e nenas de ata 12 anos das familias máis desfavorecidas do concello.

Serán 70 regalos de xoguetes educativos e de mesa a outros tantos nenos e nenas pertencentes a 48 familias seleccionadas por Servizos Sociais.

Os xoguetes adquiríronse nas dúas xogueterías do casco urbano para axudar ao comercio local 

A entrega dos xoguetes realizarase exclusivamente aos pais, segundo avisou David Alonso, concelleiro titular de Servizos Sociais.

 

Esta tarde comezan os obradoiros infantís de Nadal

 

Esta tarde, entre as 17:00 e as 20:00 h. terán lugar os obradoiros de Nadal. Desenvolveranse no auditorio exterior do Centro Cultural Municipal, baixo carpa.

Trátase dunha actividade organizada pola Concellería de Cultura e Festexos, dirixida a nenos e nenas de 3 a 12 anos, co aforo limitado.
Para participar nesta actividade era necesaria inscrición previa.

Os obradoiros a desenvolver son:
“Obradoiro de chapas, decora a túa chapa dun xeito creativo.
Tatuaxes.
Modelaxe creativa con arxila, deixa voar a túa imaxinación cun pedazo de “pasta de modelar”.
Elaboración de adornos de Nadal, elixe, pinta e decora o teu adorno de Nadal”.

O Porriño continúa coas mesmas restricións

A Consellería de Sanidade comunicou ao Concello que O Porriño continúa coas mesmas restricións que tiña. Non hai cambios despois da reunión de avaliación que mantivo o comité clínico coa Xunta.

O Porriño mantense en nivel medio-alto de restricións o que significa aforos do 30% no interior dos establecementos de hostalaría e do 50% nas terrazas; catro persoas sexan ou non conviventes por mesa e peche ás 17 horas. Tamén continúa o peche perimetral aínda que a mobilidade está permitida con Vigo, Mos, Nigrán e Gondomar.

Por outra banda, os porriñeses poderán beneficiarse dun axuste do Plan de Nadal da Xunta que anunciou esta mañá o conselleiro de Sanidade. O antedito Plan contempla unha ventá de mobilidade que permitirá as viaxes dos galegos entre concellos, aínda que haxa peches perimetrais. Esa ventá estará activa entre as 0 horas do 23 ata as 23 horas do 25.

Hoxe, a partir das 13 horas, haberá unha nova reunión da Comisión Municipal de Seguimento da Covid na que se comentarán as últimas novidades. No que atinxe á evolución no Porriño, hoxe o SERGAS comunicou 65 novos casos diagnosticados no concello e unha incidencia acumulada superior a 250.