Novas

Aberta a inscripción para a VI edición do Triatlón Concello de Porriño

O Concello de Porriño, a través da Concellería de Deportes e coa colaboración do Concello de Tui, pon en marcha a vindeira edición do Triatlón Concello de Porriño que terá lugar, dentro de dous meses, o sábado 8 de xuño.
Trátase da sexta edición da proba posto que en 2018 non chegou a celebrarse polo terrible suceso de Paramos, en Tui. A organización decidiu suspender ó atoparse Tui de loito oficial e máxime sendo este concello o punto de partida da Triatlón coa proba de natación no río Miño.
Polo tanto doce meses despois o Triatlón Concello de Porriño retorna coas forzas renovadas. A organización está cos preparativos da proba que será oficialmente presentada o 24 de maio, nun formato novedoso.
O prazo de inscripción xa está aberto. Podese consultar e tramitar a través da páxina web triatlonconcellodoporrino.com que dispón dun enlace para o formulario de inscripción on line coa Federación Galega de Triatlón (FEGATRI).

08/04/2019 in Alcaldía, Benestar, Deportes

Concello de Porriño colabora coa II Semana da Memoria Histórica

O Concello de Porriño colabora coa Comisión pola Recuperación da Memoria Histórica do Baixo Mino, Louriña e Salceda que ó longo destes días está a desenrolar a II Semana da Memoria. Os actos comezaron o sábado 6 cunha charla no Centro de Guláns, en Tomiño, continuarán hoxe en A Guarda e chegarán mañán martes a Porriño. No Centro Cultural Municipal, a partir das 19,30 horas, o profesor Xosé Alvarez falará do “Ensino na II República”. O relator será presentado por Raúl Francés.

Durante a vindeira fin de semana desenrolaránse os actos finais desta II Semana da Memoria Histórica. O sábado celebrarase a lembranza dos fusilados que se vai celebrar en Tebra (Tomiño) e o domingo 14, na conmemoración da data da proclamación da II República, un acto que terá lugar en A Volta da Moura, en Tui.

08/04/2019 in Alcaldía

A Alcaldesa de Porriño comprometese cos traballadores de “Levantina” a viaxar ata Alacant “se fose preciso” para interceder por eles ante o ERE extintitivo que plantexa a empresa

O comité de personal e traballadores de “Levantina” acudiron este serán ó Concello de Porriño para expoñer a súa preocupación polo inminente ERE que a empresa granitera quere aplicar e solicitar a intercesión da alcaldesa. Eva García, quen abriu as portas do salón de sesions para celebrar a reunión e acoller a todolos asistentes, comprometeuse con eles a facer chegar á dirección da empresa “a preocupación do Concello polo impacto negativo que tería ese ERE para 33 familias de Porriño”.


Delfín Pensado, traballador e presidente do comité de empresa de “Levantina” en Porriño fixo unha exposición da situación e instou esa mediación da alcaldesa perante “unha urgencia xa que o vindeiro mércores 10 remata o prazo para negeociar unha saída ó ERE plantexado pola dirección de Recursos Humans da firma”. Outros membros do comité de personal que integran delegados de UXT, CCOO e CIG tamén interviron para engadir que o plantexamento da dirección de “Levantina” “é moi duro coa planta de Porriño que tén amosada a súa eficiencia e rentabilidade”.


“Se fose preciso viaxar ata Alacant –onde se atopa a sede central da firma- fariamolo con tal de botarvos unha man e evitar esa perda de postos de traballo” manifestou a alcaldesa porriñesa ós presentes. A tal fin este mesmo serán, ó remate da reunión, dende a Alcaldía realizabanse xestions para establecer contacto coas oficinas principais da empresa na Comunidade Valenciana para instar información do ERE e facer chegar a preocupación do Concello. Namentres a alcaldesa aproveitará mañana venres unha cita na Dirección Xeral de Minas da Xunta de Galicia –por unha reunión previamente establecida por outro asunto- para exponer á administración autonómica a preocupación dos traballadores de “Levantina” e do Concello de Porriño por este caso.

04/04/2019 in Alcaldía, Emprego e formación

Asociación de Empresarios do Polígono da Granxa e o Concello de Porriño solicitan unha reunión á Zona Franca para tratar o proxecto da Cidade do Transporte

A Alcaldesa de Porriño, Eva García solicitará a David Regades, delegado da Zona Franca unha reunión para abordar o proxecto de “Cidade do Transporte” que o Consorcio decidiu instalar no noso termo municipal. A petición desa entrevista é un dos temas tratados hoxe pola alcaldesa con Indalecio Cuevas, presidente da directiva da asociación empresarial Entidade Urbanística de Conservación Polígono de A Granxa.

Concello e representación patronal agardan coñecer as últimas novas sobre o estudo de alternativas de localización da Cidade do Transporte que precisaría ó redor de 100.000 metros cadrados e proximidade ás principais vías de comunicación que conectan Porriño con Vigo para poder aparcar de 200 a 500 camions diarios. A instalación que estaría vixíada contaría ademáis con habitacions, vestiarios, restaurante, suministro de combustible e taller de reparacions.

O dirixente empresarial e maila alcaldesa repasaron no encontro celebrado na casa consistorial porriñesa outras demandas pendentes coma a implantación de transporte público para atender ós milleiros de personas que traballan nos polígonos industriais de Porriño ou a necesidade de dotar a ese espazo dunha gardería infantil.

No que atinxe ó transporte, Eva García sinalou que o Concello “respalda dende hai tempo esa demanda dos empresarios radicados nos polígonos”. Estimase que diariamente unha poboación flotante de 35.000 persoas acuden a traballar ós polígonos de O Porriño e carecen dunha opción de transporte público en autobús, segundo trasladaron tanto Indalecio Cuevas coma Eva García. Con respecto a petición dunha gardería infantil, a alcaldesa lembrou que o Concello xa cedeu unha parcela á entidade empresarial. Non obstante Concello e empresarios van estudar outras posibilidades para poder acometerla e dar servizo ás familias de traballadores dos polígonos porriñeses.

04/04/2019 in Alcaldía, Emprego e formación, Servizos sociais, Urbanismo, comercio e industria, Vías e obras

A embaixada municipal porriñesa selou o acordo de irmandamento coa vila croata de Vrgorac para intercambio de estudantes

A representación municipal do Concello de O Porriño, formada polos concelleiros do equipo de goberno Lourdes Moure e Orlando Marquez co apoio inestimable do profesor Amador Ordoñez, foi recibida no edificio consistorial de Vrgorac onde selaron o acordo de irmandamento con esa vila croata da rexión de Split-Dalmacia.

Nas fotografías remitidas mirase a reunión celebrada no concello desa localidade e o posterior encontro celebrado no instituto local para o intercambio de escolares. Tratase dun proceso semellante ó que se fixo coa cidade francesa de Fronçac para o intercambio de estudantes que está a realizarse. De feito, 16 mozos franceses chegarán a Porriño o vindeiro 14 de abril e ata o día 20, en devolución da visita feita por outros tantos alumnos porriñeses do IES Ribeira do Louro o ano pasado.

Estas iniciativas de irmandamento de Porriño coas outras vilas producense baixo a declaración de “Cidade Amiga da Infancia” que este concello recibiu de UNICEF no pasado mes de novembro. Vrgorac é unha vila de orixe medieval que tén algo máis de 6.500 habitantes. Petar, un mozo de Vrgorac fue fora alumno de “Erasmus” del profesor Amador Ordóñez no IES “Ribeira do Louro” foi quén de plantexar a posibilidade do intercambio con Porriño que deu lugar a este irmandamento que se materializa con esta viaxe.

04/04/2019 in Alcaldía, Educación e tecnoloxía

A Alcaldía de Porriño ordena un expediente informativo sobre a sucesión de incidentes nas prantas da empresa “Xesnatura” despois do lume rexistrado anoite

Ante a reiteración de lumes nas instalacions da empresa “Xesnatura” nas súas naves en chan industrial de Porriño, a alcaldesa Eva García vén de anunciar esta mañán “a apertura dun expediente informativo”. “Queremos saber as circunstancias deste último incidente de anoite e dentro do ámbito das nosas competencias, o Concello actuará”, dixo a alcaldesa.
A primeira autoridade municipal lembrou que no Concello xa constan antecedentes “xa que resultan reiterativos os incidentes deste tipo nese grupo de empresas”.
Con respecto a investigación encargada Eva García engadiu que “tamén daremos copia de toda a información que recabemos ás Consellerías de Medio Ambiente e de Industria da Xunta de Galicia para que tamén eses departamentos actúen segundo as súas competencias”, concluíu.

A Policía Local de Porriño tivo noticia do lume ó redor das tres da mañán. Segundo informou o Oficial Xefe da Policía, movilizaronse Bombeiros de Porriño e desprazouse un equipo do Grupo Municipal de Vontarios de Protección Civil cun camión. Solicitouse tamén apoio dos parques de Vigo e Morrazo ainda que non foi nenesaria a súa intervención pois ás seis da mañán o lume fora extinguido sen danos personais e os materiais pendentes de valoración.

04/04/2019 in Alcaldía

A Alcaldesa de Porriño recibirá mañán ó comité de empresa de “Levantina” que rexeita un ERE que afectaría a 33 traballadores da pranta do polígono das Gándaras

A Alcaldesa de Porriño reunirase mañán xoves, ás 18 horas, co comité de empresa da plantilla de “Levantina y Asociados de Minerales” que pedirá á primeira autoridad municipal ó seu apoio ante o expediente de regulación de emprego da firma granitera que se propón eliminar 33 postos de traballo da factoría porriñesa.
Con carácter previo á reunión coa alcaldesa, a plantilla de “Levantina” realizará ás 17,30 horas, unha concentración na praza Arquitecto Palacios para que a veciñanza de Porriño coñeza e tome conciencia do risco que corren os seus empregos.
Dende a súa adquisición por un fondo de pensions británico, a plantilla de “Levantina” en Porriño temía recortes que agora xa están enriba da mesa. Unha proposta de ERE que a empresa xa tén presentado e que deixaría sen traballo ó 20% do personal que tén a factoría asentada no polígono das Gándaras e que os traballadores rexeitan.
Como fixera con anterioridade ante conflictos laborais similares (lembremos o caso de “Frigolouro”) Eva García de la Torre accediu á petición de reunión que realizou o comité de “Levantina”. Os sindicatos que representan á plantilla da empresa, un dos principais referentes industriais da comarca, demandan ás administracions públicas un exercicio de responsabilidade para protexer os empregos e a capacidade productiva instalada en Porriño.
Cunha facturación anual superior ós 30 millons de euros, a factoría porriñesa de “Levantina” (antigamente “Graninter”) está considerada como unha empresa líder do sector da pedra en Galicia.

03/04/2019 in Alcaldía, Emprego e formación

Escolares do CEIP Antonio Palacios visitaron o Concello

Alumnas e alumnos de 6 e 7 anos de 1º de Primaria do CEIP Antonio Palacios visitaron esta mañan a sede do Concello de Porriño así como as instalacions da Policía Local. Os nenos recibiron no salón de plenos unha explicación de cómo funciona un concello e logo percorreron as diferentes oficinas e andares da casa consistorial.


No despacho da Alcaldía, Eva García deulles unha explicación axeitada a súa idade sobre as obrigas dunha alcaldesa. Mostroulles o bastón de mando que lles chamou moitísimo a atención e logo tamén disfrutaron da balconada principal do edificio e das vistas cara á praza do Concello.


Na sede da Policía Local, preguntaron sobre as máis diversas cuestions do traballo dos axentes e mostraron un especial interese polos calabozos.
O remate da visita a alcaldesa e o seus colaboradores agasallaron a cada un dos 50 escolares con cadernos, lapiceiros e doces.

03/04/2019 in Alcaldía, Educación e tecnoloxía

O Concello de Porriño vai establecer un novo irmandamento coa cidade croata de Vrgorac para intercambios de escolares

Lourdes Moure y Orlando Marquez, concelleiros do equipo de goberno municipal emprenderán mañan mércores unha viaxe ata a vila croata de Vrgorac para establecer un irmandamento co Concello de Porriño. Tratase dun proceso semellante ó que se fixo coa cidade francesa de Fronçac para o intercambio de escolares que está a realizarse. De feito, representantes da mancomunidade municipal Fronsadais tamén acudirán á vila croata para participar e amplar lazos.

Estas iniciativas de irmandamento de Porriño coas outras vilas producense baixo a declaración de “Cidade Amiga da Infancia” que recibiu de UNICEF no pasado mes de novembro.



Vrgorac é unha vila de orixe medieval que pertence ó distrito de Split-Dalmacia e que tén algo máis de 6.500 habitantes. Os concelleiros porriñeses establecerán con Ante Pranic, alcalde da cidade croata os termos do irmandamento.

No que atinxe á relación entre Porriño e a vila francesa, en breve haberá novas. De feito ó longo deste mes de abril, 16 rapaces de 12 a 17 anos acompañados de tres profesores de centros de ensino de Fronçac visitarán Porriño. Viaxarán en Semana Santa. Estarán en Porriño entre o 14 e 20 de abril e como fixeran os mozos porriñeses cando viaxaron a terras galas, agora os nenos franceses aloxaranse en casas de particulares que recibirán unha axuda municipal.

O Concello de Porriño está a programar unha serie de actividades divulgativas e lúdicas para recibir á expedición francesa. Entre outras unha visita a dúas empresas representativas de Porriño e que fagan un pequeño tramo do Camiño Portugués entre Porriño e Tui e logo viaxen e coñezan Santiago de Compostela. Entre as actividades deportivas e de ocio, os mozos franceses recibirán unha clase do alpinista José Antonio Martínez Novas no Polideportivo Municipal.

02/04/2019 in Cultura e festas, Educación e tecnoloxía, Turismo