Novas

A Alcaldesa de Porriño require á Policía Local para que investigue responsabilidades nos movementos de terras e verifique os achados de suposto lindano

Eva García, alcaldesa de O Porriño vén de requerir perante un oficio ó Xefe da Policía Local para para que dea as ordes oportunas a fin de averiguar quen foi responsable do movemento de terras no barrio do Contrasto en Torneiros onde hai uns dias presuntamente apareceu lindano así como para determinar quen realizou outro acopio de terras en data anterior, entendendo que se trata aparentemente de dúas actuacions diferenciadas pero na mesma ubicación.

A investigación que xa iniciou a Policía Local pretende clarexar de quen é a responsabilidade do movemento de terras onde a Comunidade de Montes de Torneiros estaba, ó parecer, a realizar un muro de contención –obras das que tampouco tiña coñecemento este Concello- cando atoparon supostos restos de lindano, según a denuncia que fixo a propia Comunidade de Montes da que deu coñecemento á Xunta de Galicia pero non ó Concello de Porriño, como xa manifestamos no anterior comunicado do pasado martes 26.

Por outra banda, a investigación encargada á Policía Local pretende determinar a autoría doutro acopio de terras do que sí tivo coñecemento o Concello de Porriño pero nunha data anterior. Exactamente o 14 de marzo pola chamada dunha veciña de Contrasto-Torneiros. Unha patrulla da Policía trasladouse ata o lugar para acreditar a aparición do que semellaba ser lindano e procedeuse a súa retirada polo personal de Limpeza coas correspondentes medidas de seguridade para estes casos. Eses achados de suposto lindano están gardados nun bidón precintado a expensas do resultado das probas de laboratorio.

28/03/2019 in Alcaldía, Limpeza

Presentación do libro “Antonio Palacios, unha viaxe por Galicia”

O xoves 28 presentase o libro “Antonio Palacios, unha viaxe por Galicia” que recopila bocetos, debuxos, apuntes e pinturas dos que unha parte se exhibe na exposición que alberga o Centro Cultural Municipal dende febreiro. Precisamente a presentación do libro farase no mesmo Centro Cultural ás 20,30 horas.
Moitos porriñeses e visitantes tiveron a oportunidade con esta exposición de descubrir que, ademáis dun acreditado arquitecto, o noso paisano Antonio Palacios agochaba outras aficions artísticas descoñecidas.
Grazas á iniciativa do Concello de Porriño coa antedita exposición e a edición do libro que vai presentarse, a veciñanza tivo a oportunidade de coñecer esas outras habilidades de Antonio Palacios.


De feito a mostra “Debuxos e pinturas do arquitecto Antonio Palacios” supon un legado inédito e importante que confirma a faceta de pintor de Palacios non só de elementos arquitectónicos, propios da súa profesión, senon de figuras humanas e animais así como de escenas costumbristas.
Dentro da reivindicación da figura de Palacios tamén hai que lembrar a recente presentación da obra “Arquitectura rexionalista galega. Antonio Palacios, Gómez Román e outros”, producto de José Ramón Iglesias quen fixo un resumo en 300 páxinas da súa propia tése para editar como libro. Iglesias destaca “a importancia extraordinaria” do material recuperado polo Concello de Porriño, unha duzia de libretas, perante unha xestión coa familia de Palacios e “a súa aposta para que sexa difundido entre todala veciñanza”.

27/03/2019 in Alcaldía, Cultura e festas, Educación e tecnoloxía, Turismo

A ALCALDESA E MAILO DELEGADO TERRITORIAL DA XUNTA ENTREGARON OS DIPLOMAS ÓS 16 PORRIÑESES QUE CURSARON O OBRADOIRO DE EMPREGO SOCIAL

Dezaseis porriñeses menores de 30 anos (doce mozas e catro mozos) concluiron hoxe a súa formación no Obradoiro de Emprego “Porriño Social” e recibiron os diplomas e títulos acreditativos da súa formación con válidez estatal. Eva García, alcaldesa de O Porriño e Ignacio López-Chaves, delegado territorial da Xunta de Galicia en Vigo, presidiron o acto que se celebrou no salón de plenos do consistorio. Tamén asistiron Ignacio Rial, xefe territorial de Traballo, Sole Girón, concelleira de Servizos Sociais e maila directora do obradoiro.


Este curso de formación para personas desempregadas foi unha iniciativa participada polo Concello de Porriño e pola Xunta de Galicia e desenrolouse nos derradeiros seis meses no centro multiusos de Torneiros. Os participantes formaronse en atención sociosanitaria: oito de eles para atención en institucions como centros de día; os oito restantes para atención a domicilio.
Ignacio López-Chaves valorou como “unha decisión moi axeitada” a elección da atención sociosanitaria “pois cada vez máis institucions e particulares precisan personal formado”. El delegado territorial suliñou que “particularmente en Vigo é ainda máis alta” e animou a que algúns dos participantes no obradoiro “pensedes a posibilidade da iniciativa privada porque cada vez hai máis demanda de estes servizos”.
Eva García de la Torre, alcaldesa de Porriño mostrouse “moi contenta de que algúns de vos xa teñades contrato de traballo” e fixo votos por que “todas e todos teñades moítisima sorte no mercado laboral”. A alcaldesa citou o recente acordo plenario de incrementar a partida orzamentaria para axuda a domicilio ata un importe de algo máis de 800.000€ anuais, coa conformidade da corporación municipal.

27/03/2019 in Alcaldía, Emprego e formación, Servizos sociais

O Concello acometerá medio cento de obras de saneamento, asfaltado, equipamentos escolares e deportivos por un millón de euros no que resta de mandato

O goberno municipal de Porriño ven de establecer unha folla de ruta en materia de obras que se acometerán ó longo das vindeiras semanas para melloras de saneamento, asfaltado asi como equipamentos escolares e deportivos que importarán 1 millón de euros e beneficiarán principalmente a todalas parroquias do concello.

A maior cuantía de ese orzamento procede dos 715.000 € que Deputación Provincial otorgaba dentro do “Plan Concellos” cuia asignación revisouse. “No lugar de investir esa dotación en dous megaproyectos,  preferimos acometer perto de 50 actuacions en unha diversidade de actuacions que mellorarán a moitísimos veciños que agardan por conectar as suas vivendas á rede de saneamento, polo arranxo de camiños, pola mellora de colexios como en Atios ou pola ampliación do Pabellón Municipal, por exemplo”, sinalou Eva García, alcaldesa de Porriño. A primeira autoridade municipal mantivo a principios de semana unha reunión en Deputación na que se acordou o reenfoque do destino desa partida orzamentaria.

De xeito que tras unha reunión do equipo de goberno cos técnicos municipais acordouse destinar 370.000 euros a 10 obras de saneamento que permitirán que 150 vivendas en diferentes parroquias se enganchen á rede. Asimesmo se consignan 100.000 euros para asfaltados e repavimentados nas sete parroquias e 166.000 euros en obras varias.

Tamén 60.000 euros para melloras en centros de ensino  “coma o CEIP “Fernández López” a fin de retirar o falso teito e o arranxo dos baños que non fixera a Consellería de Educación a pesar de terse reiterado a correspondente petición ou para acometer as obras nos vestiarios do CEIP de Atios, compromiso non ejecutado polo anterior responsable político desa materia”, declarou Lourdes Moure, concelleira de Fazenda e Educación. Por último tamén se investirán 260.000 euros en actuacions deportivas entre as que destaca a reparación de gradas e ampliación do aforo do Pavillón Municipal con 300 prazas mais para chegar a meter 2.000 espectadores.

26/03/2019 in Alcaldía, Benestar, Deportes, Educación e tecnoloxía, Tráfico, Vías e obras

O concello de Porriño segue agardando polo plan de descontaminación do lindano que comprometeu a Xunta de Galicia

Ante as novas sobre a aparición de novos restos de lindano en monte comunal – a expensas da confirmación polos técnicos que recolleron mostras-, o Concello de Porriño ten que indicar que carece de información directa tanto pola parte da Comunidade de Montes de Torneiros como pola parte da Xunta de Galicia. Non obstante a alcaldesa de Porriño anunciou este mediodía que dará as instruccions necesarias para que se comprobe que non se ten cometida irregularidade algunha.

O Concello de Porriño remitese ás actuacions realizadas tanto en 2017 coma en 2018, cando apareceron restos de lindano entre as terras que se removeron para as obras de saneamento e posteriormente de abastecimento de auga na zona.

Asimesmo o Concello de Porriño quere aproveitar esta circunstancia para lembrarlle á Xunta de Galicia que segue agardando polo plan de descontaminación que a administración autonómica comprometeuse a realizar en 2017 para o que se mantiveron reunions con veciños, comuneros e mailo propio Concello. Dito plan pretendía unha actuación integral xa que nesa zona do territorio porriñés, lamentablemente, constatouse a presenza de lindano no subsolo. Tristemente o compromiso da Xunta de Galicia no ten recibido consignación orzamentaria e segue sen executarse.

26/03/2019 in Alcaldía

CLAUSURA DO OBRADOIRO DE EMPREGO PORRIÑO SOCIAL

Dezaseis porriñeses menores de 30 anos concluirán mañan mércores a súa formación no Obradoiro de Emprego “Porriño Social” que se impartiu nos derradeiros seis meses no centro multiusos de Torneiros. Os participantes formaronse en atención sociosanitaria: oito de eles para prestar atención en institucions como centros de día; os outros oito para atención a domicilio.
Este obradoiro de formación para personas desempregadas menores de 30 anos, é unha iniciativa participada polo Concello de Porriño e pola Xunta de Galicia. Eva García de la Torre, alcaldesa de Porriño presidirá o acto de entrega de diplomas xunto cos representantes da Xunta de Galicia.
“Este ano cumpre suliñar que rachouse coa tónica de que a meirande parte dos participantes fosen mulleres e tamén houbo homes. Semella un bo sinal” valorou Soledad Girón, concelleira de Servizos Sociais do goberno municipal porriñés.
No acto de conclusión do obradoiro, que se celebrará mañan mércores 27, ás 10 horas no salón de plenos do Concello, os participantes recibirán un diploma certificado de profesionalidade con válidez estatal.

26/03/2019 in Alcaldía, Benestar, Emprego e formación, Servizos sociais

Apelan á solidariedade dos porriñeses: “Doa sangue, súmate ó noso equipo”

A Axencia Galega de Sangue, Organos e Tecidos (ADOS) que integrou ó Centro de Transfusións de Galicia, apela á solidariedade dos porriñeses. Unha unidade móvil para recollida de doazons de sangue ubicaráse esta semana, durante tres días, a partir do mércores 27 e ata o venres 29 inclusive, na rúa Domingo Bueno, diante da cafetería “Skala”, en horario de tarde, entre as 16 h ás 21 h.

Diariamente necesitanse 500 doazons de sangue en Galicia para axudar a centos de enfermos e salvar moitas vidas.

25/03/2019 in Alcaldía, Benestar, Servizos sociais, Tráfico

A OMIX do Concello do Porriño inicia as actividades do programa “Corto e Cambio”

A Oficina Municipal de Información Xuvenil de Porriño anuncia o desenrolo a partir de esta última semana de marzo do programa “Corto e Cambio” dirixido a prevención do consumo de alcohol, drogas e tabaco entre adolescentes. Inscribironse máis de 150 mozos e mozas porriñeses para elaborar audiovisuais para sensibilizar á mocidade. A campaña focalizarase entre o alumnado nos dous Institutos de Secundaria do Concello.
A campaña pretende previr mediante a sensibilización sobre as consecuencias físicas, psíquicas e sociais derivadas do consumo deste tipo de sustancias. Os alumnos participantes contarán co apoio dunha psicóloga para traballar os contidos mais teóricos e dun titulado en comunicación audiovisual para apoiar na parte técnica de todo o que rodea a elaboración das pezas audiovisuais.
“O traballo basearase na utilización doutros recursos audiovisuais realizados por mozos e mozas de idades similares, de xeito que lles sexa mais doado empatizar e implicarse na elaboración de novas pezas audiovisuais que axuden aos seus compañeiros/as a identificar os riscos físicos e psíquicos para a saúde derivados do consumo deste tipo de sustancias, a analizar a presión grupal como factor favorecedor do inicio no consumo, a desmontar tópicos e mitos existentes respecto ao consumo e adquirir coñecementos e pautas de actuación para a redución de riscos”, según apunta Noelia de la Fuente, responsable de la OMIX.
As sesións de traballo durarán ata finais do mes de maio, que será cando se presenten as pezas audiovisuais elaboradas por cada un dos grupos, nun acto organizado polo concello coincidindo co festival de Cans.

25/03/2019 in Alcaldía, Benestar, Educación e tecnoloxía, Servizos sociais

CONCURRIDA PRESENTACION da A.D. AVANZA-CONCELLO DE PORRIÑO” de ciclismo

Máis de 80 nen@s inscribironse nesta tempada de 2019 nas escolas de ciclismo da Asociación Deportiva “Avanza-Concello de Porriño” que fixo a súa presentación oficial neste serán. A mocidade que vai aprender ciclismo, BTT e ciclocross da mán de antigas figuras do deporte do pedal, abranguen un amplio espectro que vai dende os máis pequenos, os pre-benxamíns, ata os maiores que militarán na categoría junior.
A súa formación estará nas máns de adestradores coma Abel Maceiras, Xacobe Agra e Luis Fernández Oliveira, de contrastada calidade e historial no ciclismo, que agora adican os seus esforzos a formación desta canteira..
Miguel Angel García, presidente da A.D. Avanza, agradeceu ó Concello de Porriño “ter sido o concello que máis apoia ó ciclismo e o deporte en xeral”, manifestou.


Pola súa banda Eva García, alcaldesa de Porriño sinalou que “os cartos que se gastan no deporte son unha inversión en acadar cidadans mellores”, “Temos que sentirnos moi orgullosos de que en Porriño teñamos un clube coma a A.D. Avanza”. engadiu a alcaldesa.

23/03/2019 in Cultura e festas, Deportes, Turismo