Novas

Eva García mostrou a súa satisfacción polo protagonismo que vai ter O Porriño no Xeodestino “Ría de Vigo e Baixo Miño”

A Alcaldesa Eva García manifestou hoxe a súa “satisfacción polo protagonismo que vai ter O Porriño na proposta de rutas turísticas do primeiro reino medieval de Europa que se presentou onte en FITUR. Tratase do primeiro producto turístico que propón o Xeo destino “Ría de Vigo e Baixo Miño” do que forma parte O Porriño xunto con outros trece concellos da contorna.  

Eva García expresou a súa convicción de que “O Porriño probablemente sexa o gran descoñecido do Xeodestino que vimos de presenta porque moita xente ignora que a nosa vila está no centro do Camiño Portugués e os atractivos que ofrecemos en patrimonio artístico, paisaxístico, e para a práctica de deportes de aventura”, manifestou.   

A alcaldesa do Porriño e o concelleiro de Turismo, David Alonso asistiron á presentación do “Xeodestino” no pavillón de Galicia en Fitur que contou co apoio de Nava Castro, director xeral de Turismo da Xunta. Xunto a ela interviron no nome dos catorce concellos do Xeodestino, as alcaldesas de Redondela, Mos e Tomiño que ademáis é a presidenta de turno do Grupo de Desarrollo Rural.

Desde Madrid onde sigue a participar en diversos actos da Feira Internacional de Turismo, Eva García declarou que “estamos adquirindo experiencias para saber que temos que ofrecer que sexa atractivo para o turismo”.

A alcaldesa e o concelleiro participaron este mediodía como invitados na presentación da campaña da Deputación de Pontevedra de promoción turística para 2020 baixo o lema “Sigue o teu instinto”.

 

23/01/2020 in Alcaldía, Turismo

A Concellería de Cultura lanza a iniciativa de crear un Rexistro de Artistas Locais

A Concellería de Cultura propón a creación dun Rexistro de Artistas Locais de O Porriño para o que nas redes sociais de Concello e nesta mesma web incluímos a correspondente información así como o formulario coa solicitude de inscrición.

A iniciativa que lanza o departamento que dirixe Cami Moreira consiste en que todas aquelas persoas ou grupos adicados ás diversas actividades artísticas culturais e que teñan a súa residencia no concello de O Porriño, poidan inscribirse no devandito Rexistro.

A finalidade é dobre: contribuir ao desenvolvemento da comunidade artística local e dar a coñecer e fomentar a contratación de grupos e creadores do Porriño.
As inscricións faranse de acordo á instancia establecida que pode descargarse nesta mesma páxina web do concello.

No caso de artistas menores de idade, a solicitude será asinada polo pai, nai ou titor/a legal do menor.

No Rexistro de Artistas Locais, os inscritos estarán divididos segundo as disciplinas presentadas. O acceso a este Rexistro será público de tal forma que poderán acceder todas as persoas interesadas, de forma telemática a través desta mesma páxina web do Concello.

Pódese acceder aos formularios nas seguintes ligazóns:

Solicitude Inscrición

Regulamento Rexistro

23/01/2020 in Cultura e festas

Este xoves comeza o ciclo “Bibliosaúde” que de novo amosa a sobranceira labor da Biblioteca Municipal no eido da divulgación

Este xoves día 23 arrincará na Biblioteca Municipal unha novidosa proposta de conferencias, un ciclo divulgativo chamado “Bibliosaúde”.
Na primeira quenda tratase o tema do desenvolvemento visual, incidindo de xeito especial nos nenos e nenas tendo en conta que 1 de cada 4 rapaces non é diagnosticado ou é mal diagnosticado e no mundo hai 217 millóns de persoas con problemas visuais.

Lucila Tó García-Miranda será a encargada de impartir esta primeira conferencia. É unha óptica-optometrista especializada en terapia visual baixo unha filosofía do comportamento, con máis de 25 anos de experiencia e que dirixe o seu propio centro en Andorra.

Esta nova proposta da Biblioteca Municipal está na liña do desenvolvemento de programas formativos polos que ten destacado nos últimos anos de xeito sobranceiro.
Para 2020 elixiuse o ámbito da saúde en resposta ó Obxectivo nº 3 da Axenda 2030 para o Desenvolvemento Sostible, auspicíada pola ONU, que propón aos centros bibliotecarios apoiar o acceso público a información sobre saúde e benestar.

22/01/2020 in Alcaldía, Cultura e festas, Educación e tecnoloxía

Reunión dos grupos municipais preparatoria da vindeira Comisión de Deslinde con Mos

Hoxe mércores, está convocada reunión dos representantes dos grupos municipais do Concello de O Porriño na Comisión Especial de Deslinde con Mos, a partires das 18,30 horas.

Trátase dunha reunión unha reunión preparatoria para unificar criterios e fixar unha posición común fronte a vindeira Comisión Especial de Deslinde que vai celebrarse o xoves 6 de febreiro, ás 16,30 horas xa que a anterior foi suspendida polo temporal. A nova convocatoria realizase no mesmo punto de encontro, no Cristo de Belén, para que os representantes municipais e veciñais de Porriño e Mos percorran a zona de litixio.

Cada Concello achega representantes dos grupos municipais de cada corporación; o secretario municipal e ademais veciños da zona en litixio.
No que atinxe a Porriño foron nomeados para integrar a Comisión a alcaldesa Eva García, o tenente de alcalde Pedro Pereira (BNG) e os voceiros do PP, Alejandro Lorenzo; Pedro Ocampo (EU Son) e Manuel Carrera (UDDL).

Na historia das relacións entre Mos e Porriño hai un antecedente recente de acordo entre ambos concellos acontecido en 2016. Entón a comisión coas respectivas alcaldesas ó fronte -como reflicte a imaxe de arquivo- acadaron o acordo de establecer o marco de deslinde entre ambas vilas no centro da rotonda do Cristo de Belén

22/01/2020 in Alcaldía

EU Son e BNG proporán ó pleno que o Concello de O Porriño apoie a manifestación en defensa da sanidade pública

Entre as comisións informativas municipais que se van celebrar este mércores para preparar o vindeiro pleno, engadiuse a convocatoria da Comisión de Asuntos Sociais na que os grupos municipais de EU Son e BNG presentan sendas mocións en defensa da sanidade pública.
Ambas formacións políticas levarán ó pleno a proposta de que o Concello de O Porriño apoie a manifestación en defensa da sanidade pública que terá lugar o 9 de febrero.

Lembramos que ademáis está convocada a Comisión Municipal de Cultura que inclue a renovación por catro anos do convenio coa Sociedade de Xestión do Xacobeo para a xestión do Albergue de Peregrinos pois o anterior databa de 2008. Na mesma trataráse a moción que presenta o PP para amplar os horarios de funcionamento da Biblioteca Municipal, e outra moción de EU Son para a regulación do uso da pirotecnia no concello.

No que atinxe ás restantes Comisións Municipais, cancelouse a de Contas por innecesaria xa que a desestimación de alegacións á Conta Xeral de 2019 realizarase directamente polo pleno da Corporacion.

Haberá Comisión de Urbanismo que tratará diversos asuntos propostos para o pleno polo concelleiro de Infraestructuras Pedro Pereira. Entre eles figura a cesión dunha parcela no Polígono das Gándaras á asociación “Aceesca” para a construcción do centro de formación dual. O terreo está a continuación do Parque de Bombeiros.

Por último, está convocada a partir das 18 horas, Comisión Municipal de Economía que tomará coñecemento do recurso de “Urbaser” contra a adxudicación do contrato de limpeza viaria e do fallo do Tribunal de Contratos Públicos de Galicia. A mesa de contratación reunida a pasada semana decidiu excluir á firma “Ascan” e trasladar ó pleno da Corporación Local que resolva a readxudicación do contrato de limpeza ciaria en favor da segunda empresa mellor puntuada que foi “Urbaser”. O asunto xa foi tratado previamente na xunta de voceiros municipais celebrada o pasado xoves 16.
Nesta comisión tamén se debatirá unha moción de “EU Son” para establecer unha regulación dos contratos menores.

21/01/2020 in Alcaldía, Benestar, Cultura e festas, Educación e tecnoloxía, Limpeza, Urbanismo, comercio e industria

A alcaldesa e o concelleiro de Turismo acuden a “Fitur” a apoiar a oferta do Xeodestino “Ría de Vigo e Baixo Miño” que O Porriño participa

A Alcaldesa, Eva García de la Torre e o concelleiro de Turismo, David Alonso viaxan este mércores a Madrid para asistir á presentación en FITUR do Xeodestino “Ría de Vigo e Baixo Miño” do que O Porriño forma parte xunto con trece concellos máis.
Eva García e David Alonso tamén participarán como invitados o xoves a mediodía na presentación que a Deputación de Pontevedra realizará da súa campaña institucional de fomento de turismo para 2020 que este ano titulase “Sigue o teu instinto”.

No que atinxe ó novo Xeodestino “Ría de Vigo e Baixo Miño”, Alcaldesa e concelleiro apoiarán a estrea deste nova oferta que participa O Porriño cos concellos de A Guarda, Baiona, Fornelos de Montes, Gondomar, Mos, Nigrán, O Rosal, Oia, Pazos de Borbén, Redondela, Soutomaior, Tomiño e Tui. Está previsto que tamén asistan os alcaldes e alcaldesas destes concellos para arroupar a presentación do primeiro producto turístico do Xeodestino na Feria Internacional de Turismo. A presentación terá lugar ás 18 horas.

Ría de Vigo e Baixo Miño é un xeodestino de referencia tanto no eido patrimonial, con 64 Bens de Interese Cultural, como no natural, contando cun dos seis Parques Naturais da comunidade galega, situándose no ámbito de influencia do Parque Nacional das Illas Atlánticas e con outros 11 espazos naturais baixo diferentes figuras de protección. Todo isto sen esquecer as súas 10 festas declaradas de interese turístico. Unha ampla variedade de recursos que conviven no territorio que ocupa o xeodestino que facilitan a articulación de futuros produtos turísticos.

Trátase dunha área xeográfica estratéxica con varios aeroportos situados a poucos quilómetros e cun marcado carácter transfronteirizo que facilita a captación de turistas internacionais. No ano 2018 contabilizaronse 500.000 pernoctas o que sitúa este Xeodestino Ría de Vigo e Baixo Miño como o segundo de Galicia en volume de demanda hoteleira, soamente por detrás da Ría de Arousa.

A pesar das diferentes realidades municipais que se viven nos 14 concellos do xeodestino, coa definición e posta en marcha do plan estratéxico búscase abrir as portas a unha xestión turística unificada, optimizando recursos estruturados e organizados, poñendo en marcha medidas que faciliten a creación e comercialización de produtos turísticos.

21/01/2020 in Alcaldía, Cultura e festas, Turismo

A Alcaldesa insta ós Conselleiros de Sanidade e Medio Ambiente a que nomeen os seus representantes para a Comisión Especial do Lindano

A través de sendas cartas enviadas hoxe, a Alcaldesa do Porriño insta ós titulares das Consellerías de Sanidade e de Medio Ambiente da Xunta de Galicia a que nomeen e comuniquen os seus representantes na Comisión Especial para a Descontaminación de Lindano no Concello do Porriño.

A creación de esta Comisión Especial, previamente consensuada pola alcaldesa e os voceiros dos grupos municipais, acordouse formalmente en pleno pola Corporación Local. A estructura da Comisión Especial que se determinou incluía ás duas Consellerías citadas entendendo que a sua participación é indispensable pola natureza do asunto.

Por esta razón hoxe Eva García de la Torre dirixiu sendas misivas a Angeles Vázquez, titular de Medio Ambiente, e a Jesús Vázquez Almuiña, titular de Sanidade, lembrandolles a ambos a invitación a participar e que nomeen ás persoas que consideren para a devandita Comisión Especial.

Lembramos que segundo o acordo plenario, ademais forman parte da Comisión Especial, a alcaldesa e un representante por cada grupo municipal da Corporación, así como: un vogal pola Plataforma de Afectados do Lindano, un reprresentante por cada unha das tres principais centrais sindicais (UXT, CCOO e CIG), e finalmente un representante das tres asociacións veciñais de Torneiros (Relva, Alba e San Salvador)

14/01/2020 in Alcaldía

O Concello do Porriño abre un novo prazo para a presentación de solicitudes para composteiros individuais

Sergio Casal, concelleiro de Medio Ambiente e Limpeza comunicou que xa está aberto un novo prazo de presentación de solicitudes para aqueles veciños interesados en recibir un composteiro individual para vivendas unifamiliares.

As solicitudes se rechean e entregan no Rexistro Xeral do Concello. Hai que hacer constar un enderezo de correo electrónico e un teléfono de contacto. Son precisos para que o Concello poida contactar con estes veciños e vecinas para convocarlles no Multiusos de Torneiros á reunión onde se distribuirán os composteiros. Nesa reunión, como acontecera o pasado 21 de novembro, mestres composteiros do Plan Revitaliza explicarán como se realiza a montaxe dos composteiros que entregan embalados e como deben realizar a compostaxe dos residuos orgánicos.

A idea do Concelleiro de Medio Ambiente é que durante o mes de fevreiro teña lugar a convocatoria aos solicitantes e que se faga o seguinte reparto de composteiros.

 

13/01/2020 in Alcaldía, Limpeza

Tres funcións de teatro para familias e un novidoso ciclo divulgativo chamado “BiblioSaúde” caracterizan a oferta cultural deste mes de xaneiro

A Concellería de Cultura do Concello do Porriño que dirixe Cami Moreira programou para este mes de xaneiro tres funcións de teatro pensado para as familias que terán lugar os sábados 11, 18 e 25 no Centro Cultural Municipal.

A primeira quenda para mañá será a representación de “Laia, Aprendiz de Maga” a cargo da compañía “Animar-T”. Tratase dun espectáculo que mistura teatro, música e maxia cómica que conta as relacións entre avós e netos desde a visión de Laia, a protagonista que é unha nena de 7 anos.

A vindeira función será o sábado 18 baixo o tóitulo “Dúas heroínas, voando van”, a cargo da compañía “Señora Supina” e finalmente o sábado 25 representaráse “Cecilia e a súa boneca” pola compañía “A run run xogos e enredos”.

BIBLIOSAÚDE
Por outra banda, neste mes de xaneiro arrincará na Biblioteca Municipal unha novidosa proposta de conferencias, un ciclo divulgativo chamado “Bibliosaúde”.
Na primeira quenda, datada para o xoves 23, trataráse o tema do desenvolvemento visual, incidindo de xeito especial nos nenos e nenas tendo en conta que 1 de cada rapaces non é diagnosticado ou é mal diagnosticado e no mundo hai 217 millóns de persoas con problemas visuais.

Lucila Tó García-Miranda será a encargada de impartir esta primeira conferencia. É unha óptica-optometrista especializada en terapia visual baixo unha filosofía do comportamento, con máis de 25 anos de experiencia e que dirixe o seu propio centro en Andorra.

Esta nova proposta da Biblioteca Municipal está na liña do desenvolvemento de programas formativos polos que ten destacado nos últimos anos. Para 2020 elixiuse o ámbito da saúde en resposta ó Obxectivo nº 3 da Axenda 2030 para o Desenvolvemento Sostible, auspicíada pola ONU, que propón aos centros bibliotecarios apoiar o acceso público a información sobre saúde e benestar.

10/01/2020 in Cultura e festas

Once penados con condeas non privativas de libertade cumpriron 500 xornadas de traballos sociais no Concello do Porriño

Once penados con condeas que non implicaban cárcere cumpriron máis de 500 xornadas de traballo pola comunidade en diversas tarefas en servizos municipais do Porriño durante o segundo semestre do ano 2019.
O Concello de O Porriño colabora co Centro de Inserción Social “Carmen Avendaño” de Vigo en facilitar o cumprimento desas condeas mediante traballo en beneficio á comunidade (coñecido polas siglas TBC) a persoas penadas por delitos leves con condeas non privativas de libertade.

Desde xuño ata decembro de 2019, oito homes e tres mulleres realizaron esas cincocentas xornadas de traballo social en quendas de oito horas nas brigadas de limpeza, parques e xardíns do Concello. A meirande parte desas xornadas de traballo realizanse en días laboráis agás en catro casos que resolveron o tempo de condea traballando en fines de semana, segundo explicou Sergio Casal, concelleiro de Medio Ambiente.

Neste ano 2020 que vén de comezar, xa hai dous penados que iniciaron o cumprimento das súas condeas de traballo social (un, hoxe e outro o pasado día 4) e un terceiro empezará o vindeiro luns 13.

O Código Penal contempla os traballos en beneficio da comunidade (TBC) para aquelas persoas condeadas a menos de dous anos de cárcere e que non teñan antecedentes penais. A meirande parte deste tipo de penados procede de condeas por delitos de tráfico e contra a seguridade vial (por exceso de velocidade ou sobrepsar os límites de alcoholemias).

09/01/2020 in Alcaldía, Limpeza, Parques e xardíns, Servizos sociais