Novas

Este sábado, segunda quenda do curso de conducción segura, patrocinado polo Concello

Catro pilotos de rally, entre eles Ivan Ares e José Pintor, campeóns de España en 2017, impartirán de novo as súas ensinanzas na segunda quenda do curso “Conduce con xeito” que se reanuda mañá sábado 19.
Neste intre son veciñas e veciños de Porriño de máis de 40 anos que participan no curso gratuito de conducción segura, organizado polo Concello, a través da Concellería de Seguridade, e que se financia cos cartos recaudados coas multas de tráfico.
O curso impartese entre as 9 da mañán e as 13,30 horas. A parte teórica, no Multiusos de Torneiros e a práctica en vehículo nun circuito habilitado no PPI-6 do Polígono Industrial de A Granxa.

 

18/10/2019 in Alcaldía, Tráfico

O Concello prepara a venta dos vehículos retirados do parque móbil municipal

O Concello do Porriño está a elaborar o expediente para vender os 26 vehículos que formaban parte do parque móbil municipal, cunha antigüidade media de 20 anos que veñen de ser retirados.

Serán vendidos un por un, cun prezo mínimo de partida. As ofertas deberán facerse en sobre pechado no prazo que se determine. Os sobres coas plicas serán abertos e coñecidos nun acto público  no salón de plenos do Concello na data que se determine.

A través de esta páxina web do Concello se dará coñecemento do estado, características e prezo mínimo de cada un dos vehículos para que os interesados dispoñan de información.

Os vehículos retirados atopanse nun recinto municipal onde poderán ser vistos polos interesados nas datas que se estipulen no prego que está a prepararse.

Entre os vehículos retirados que serán vendidos figuran un “Volvo 580” comprado polo Concello do Porriño e matriculado en 2002 (con José Manuel Barros de alcalde), así como diversas furgonetas C-15, Citroen Berlingo, Peugeot Partner con 23, 25 e 27 anos de uso ata vehículos da Policía Local como un “Land Rover Freelander”, un “Nissan Almera” ou un “Peugeot 607” de 2.900 centímetros cúbicos, matrículado hai 17 anos que xa estaban fora de uso.

Os vellos vehículos foron retirados o pasado 8 de outubro, data na que se entregaron os 25 novos que se incorporan mediante “renting”.

Segundo informouse hai días, o Concello do Porriño licitou a renovación total do parque móbil do Concello para garantir a seguridade dos vehículos e dos traballadores municipais empregando criterios de eficiencia enerxética e aforro do gasto público.
Deste xeito determinouse un prego de condicións para renovar mediante concurso público que se iniciou con data 26 de marzo deste ano e rematou en setembro.
Na licitación estableceronse cinco lotes. Presentaronse un total de seis empresas, ningunha delas de Porriño. Eran da provincia de Pontevedra, doutras provincias galegas e tamén había firmas doutras comunidades autónomas.
Catro lotes foron gañados por “GrupiVazgle”, de Lugo e o restante pola firma “Rodosa”, de Vigo.

18/10/2019 in Alcaldía, Tráfico, Vías e obras

C.D. Pontellas xogará por primeira vez unha eliminatoria da Copa do Rei o vindeiro 13 de novembro

Na sede da RFEF celebrouse onte o sorteo dunha ronda previa da Copa do Rei na que por primeira vez entran equipos de Rexional Preferente que se proclamaron campeons dos seus respectivos grupos e acadaron o seu ascenso automático a Terceira División.
Deste xeito o CD Pontellas entrou no bombo e quedou emparellado contra o Tolosa.
A eliminatoria é a partido único e se celebrará o 13 de novembro. O sorteo estableceu que o encontro sexa en terras vascas. O concelleiro de Deportes, David Alonso anunciou que viaxará ata Tolosa para acompañar e apoiar o representante porriñés.
Se o CD Pontellas superase esta previa, tocaríalle xogar na seguinte ronda cun primeira. Están exentos os catro grandes que compiten Champions League (R.Madrid, Barça, Atlético de Madrid y Valencia).
O sono do equipo porriñés sería que no vindeiro sorteo fose emparellado cun primeira de tirón como Sevilla, Atletic de Bilbao ou mesmo o Celta, por exemplo.

18/10/2019 in Alcaldía, Deportes

Acordo entre o Concello e Club de Atletismo para celebrar la 14ª edición da “Porriño 10K” en marzo de 2020

David Alonso, concelleiro de Deportes anunciou hoxe o acordo co Club Atletismo Porriño para celebrar a vindeira edición da “Porriño 10K” que terá lugar o domingo 15 de marzo de 2020. O acordo acadouse nunha reunión que mantiveron o concelleiro e directivos do Club de Atletismo Porriño que zanxouse co apretón de mans que reflexa a imaxe que adxuntamos.
O Concello colaborará co club organizador e aportará unha achega económica de 15.000 euros para a celebración desta proba xa clásica no calendario do atletismo galego que no vindeiro ano cumplirá su edición número 14.
A “Porriño 10K” desarrollase nun circuito urbano de dez quilómetros de lonxitude en diferentes categorías e modalidades que na última edición contou con preto de 1.400 participantes. Na proba senior o ganador foi o atleta ourensán Alejandro Fernández.

17/10/2019 in Alcaldía, Deportes

“Amazon” informa ó Concello que o xoves 17 estrea a central loxística no Porriño

A multinacional “Amazon” comunicou hoxe ó Concello que mañá xoves 17 de outubro vai abrir a súa central loxística en O Porriño. O novo centro de almacenaxe e reparto en Prado-Budiño, dispón da licencia de primeira ocupación que hoxe vén de firmar a Alcaldesa, Eva García.

Como a meirande parte da paquetería chega en transporte nocturno, a maior actividade na nova central loxística será no turno de noite, segundo informaron desde a multinacional ó Concello.

“Amazon” mercou este verán a antiga nave de “Arcelor” para establecer ese novo centro operativo no polígono industrial de Prado-Budiño. Desde agosto reformou a nave preexistente de 1927 metros cadrados construídos dentro dunha superficie total de 4.661 metros cadrados que ten o solar.

Namentres realizou as obras e a través da axencia “Manpower”, realizou a selección de persoal entre centos de curriculums que se presentaron para traballar nesta central loxística.

 

16/10/2019 in Alcaldía, Emprego e formación, Urbanismo, comercio e industria

PSOE e BNG comunican nas súas respectivas redes sociais a firma do acordo para un goberno de coalición no Concello do Porriño

Tanto o BNG como o PSOE de O Porriño e Eva García, comunicaron esta mañán nas súas respectivas redes sociais e perfís de Facebook, a firma do acordo de goberno de coalición para este mandato. O acto tivo lugar na noite do martes 15.
Como se pode apreciar nas fotos publicadas, polo PSOE firmaron Eva García e Lourdes Moure, mentres que polo BNG suscribiron o documento Pedro Pereira, Ana Belén Bastos e Cami Moreira.

O texto íntegro do acordo en “pdf” tamén difundiuse por ambas as dúas formacións nas súas redes.
Conforme o documento Eva García de la Torre, alcaldesa de O Porriño presidirá o gabinete coaligado no que Pedro Pereira, voceiro nacionalista, será o primero tenente alcalde e Lourdes Moure, voceira socialista, ocupará a segunda tenencia de alcaldía.
As dúas formacións políticas sinalan nas súas respectivas publicacións que un dos puntos estelares do pacto é que unha parte das competencias propias da Alcaldía serán delegadas na xunta de goberno local e no pleno da corporación.
Non obstante o desarrollo do acordo queda pendente das delegacións de competencias que a Alcaldesa deberá facer nos vindeiros días. O reparto de responsabilidades así como as primeiras directrices da xestión serán explicadas nunha comparecencia conxunta que Eva García e Pedro Pereira protagonizarán nos vindeiros días.

16/10/2019 in Alcaldía

Realizouse o sorteo para a composición das mesas electorais para o comicios do 10N

Este mediodía celebrouse o pleno extraordinario da Corporación Municipal que realizou o sorteo para determinar a composición das mesas electorais para os comicios do vindeiro 10 de novembro.

No concello de O Porriño formaránse 23 mesas electorais onde exercerán o seu dereito ó sufraxio 15.609 electores, segundo o censo actualizado á data. É unha cifra sensiblemente inferior con respecto ás derradeiras municipais cando o número de electores foi de 15.998. Ocurre que para as eleccións xerais excluense os extranxeiros censados no Porriño que actualmente son 389.

Os concelleiros Blanqui Francés, Manuel Carrera e Bienvenido Estévez foron testemuñas do sorteo. Foi o edil do PP quen premeu o botón que activou o sorteo. O secretario deu conta os restantes membros da Corporación Local que asistiron á sesión.

Antes de rematar o pleno, o voceiro do grupo Esquerda Unida Son, Pedro Ocampo solicitou á alcaldesa e ó secretario que insistan ante a Xunta Electoral de Zona para que traslade as mesas electorais que se concentran no CEIP Fernández López a outro emplazamento con máis amplitude e servizos. Actualmente no citado colexio acumulanse oito mesas electorais que reúnen a 7.329 de electores do centro da cidade.

15/10/2019 in Alcaldía

Caeu outro tilo do Parque do Cristo

Este mediodía caeu outra árbore do Parque do Cristo afectado igual que os anteriores por problemas de podedumbre nas raíces. Tratase dun tilo que como os catro anteriores que caerán a semana pasada, terá que ser talado para evitar danos maiores. Este exemplar estaba dentro do recinto de xogos que fora restaurado hai dous anos e bateu contra outra árbore. Pola perigosidade que supón, precintouse a zona, mentres duren os traballos do servizo de parques e xardíns.

O concelleiro de Medio Ambiente, Sergio Casal indicou que un enxeñeiro da firma de xardinería “Adoa” que asesora ó Concello “estaba avaliando o estado das demáis árbores do Parque do Cristo”. Nunha primeira apreciación “non descartamos que poida haber outros exemplares afectados e que por previsión debamos talar tamén”, engadiu o concelleiro.
Moitas destas árbores son case centenarios e forman parte da paisaxe urbana da vila de O Porriño.

14/10/2019 in Parques e xardíns

Este sábado reanudase o ciclo de teatro para adultos

Mañá sábado terá lugar a segunda representación do ciclo de “Teatro para Adultos” coa función “Un hotel de primeira sobre o río” a cargo da compañía “Escoitade”. Este ciclo está promovido polo Concello do Porriño e enmarcado no Circuito Galego de Teatro Amador da Federación Galega de Teatro Afeccionado (FEGATEA).

É unha adaptación de Doro Piñeiro da obra orixinal de Xohana Torres que será representada no Círculo Recreativo Cultural a partir das 20 horas.

11/10/2019 in Alcaldía, Cultura e festas

O sábado celebraráse o “Porriño Street Festival” que xa sufrira dous aprazamentos

O “Porriño Street Festival”, unha nova proposta lúdica que formaba parte da programación das Festas do Cristo, celebraráse finalmente mañá sábado 12 de outubro, entre as 10 da mañán e as 18 horas, na praza Arquitecto Antonio Palacios.
Este evento tivo dous aprazamentos anteriores durante o mes de setembro polo mal tempo.

Tratase dunha competición de baile (“all styles battle”) na que se mesturan diversos estilos de danza urbana, entre eles o “breaking” que será olímpico nos Xogos de París 2024.

David Alonso, concelleiro responsable da organización das Festas confirmou que haberá alomenos 50 inscritos para esa competición.

O “Porriño Street Festival” tamén abrangue un obradoiro de “parkour” e unha exhibición de graffiti.

11/10/2019 in Alcaldía, Cultura e festas, Deportes