A II Feira do Pan do Porriño, os días 2 e 3 de xuño

A II Feira do Pan do Porriño, este venres, día 2, e o sábado, 3 de xuño

A alcaldesa, Eva García de la Torre, o concelleiro de Cmercio, Marcelino Coto, a xerente da Asociación de Comerciantes e Industriais do Porriño (ACIPOR), Noelia Conde, e representantes das panederías porriñesas, presentaron este luns a II Feira do Pan do Porriño, que se celebrará o venres 2 de o sábado 3 de xuño.

O venres, día 2, especialistas falarán de temas coma o emprendemento, o pan coma elemento de saúde, as fariñas tradicionais ou a formación no sector, para logo pechar esta xornada inaugural cun video que baixo o título “Panadeiros do Porriño: paixon e tradición”, quere rendir homenaxe a labor destes artesáns.

Esta xornada será tamén o intre no que se presentará públicamente a etiqueta “Pan do Porriño”, que nas vindeiras semáns, aparecerá no pan certificado das panaderías participantes no Consello Regulador do Pan do Porriño.

O sábado será o día grande da Feira. Dende as 10 da mañá, os postos estarán abertos na praza do Cristo; ás 11 un pasarúas da banda de Música de Valladares rematará cun concerto na mesma praza onde interpretarán o “Pasodoble Porriño” do compositor Rogelio Groba, e de seguido, o pregón da festa ao que seguirá o Show Cooking de maridaxe de productos con pan do Porriño, que esta ano correrá a cargo de alumnos da escola EFA A Cancela de As Neves.

A tarde terá como protagonistas aos máis pequenos coa celebración do IIª Mini Pan, un obradoiro de pan gratuito para nenos e nenas que este ano se realiza co apoio da empresa Muiño de Cuiña, unha das empresas que produce unha das mellores fariñas “páis” de Galicia.

A feira contará tamén con actividades para nenos e por primeira vez cunha zona de Food Trucks, neste caso, coa presenza de “A Pulponeta”. As marcas convidadas para maridar co pan, nesta ano son : Bodegas Eidosela, Mermeladas Carabuñas, Xamón de Castaña de Coren, Embutidos e Queixos Distapor, Conservas de Peixe Espada de Orpagu, Lamprea de Obrador de Lamprea, Requesón e Mel de As Neves, Mel de Api Roma e Cervexas Artesanais “A Curuxa”. Para os visitantes, habilitaranse mesas para poder xantar na propia feira.

Visita da directora xeral de Administración local a Chenlo e Mosende

Visita da directora xeral de Administración local a Chenlo e Mosende
Marta Fernández-Tapias, directora xeral de Administración local, visitou este xoves a Entidade Local Menor de Chenlo onde foi recibida polo alcalde accidental do Porriño, Manuel Carrera, a concelleira de Traballo e Benestar, Soledad Girón, o concelleiro de Urbanismo, Industria e Comercio, Marcelino Coto, e o alcalde pedáneo de Chenlo, Manuel Alejandro Lorenzo, e á parroquia de Mosende.
Na visita, à que tamèn acudiu o delegado da Xunta en Vigo, Ignacio Lòpez-Chaves,estuvieron presentes representantes de distintas entidades da entidade local menor e da parroquia de Mosende

O Concello seguirá apoiando á Asociación Osilice

O Concello seguirá apoiando de xeito “total” á Asociación Osilice, que axuda a traballadores afectados pola silicose

O alcalde accidental do Porriño, Manuel Carrera, e o concelleiro de Industria, Marcelino Coto, mantiveron unha xuntanza con Juan Carlos Giraldez, representante da Asociación Osilice, que axuda aos traballadores afectados pola silicose e que é a única asociación deste xénero en Galicia.

A xuntanza serviu para que o alcalde accidental confirmase o “apoio total” do Goberno local ao traballo de Osilice que, coma sinalou Juan Carlos Giraldez, ofrece a súa axuda ás persoas que padecen esta doenza que, dacordo co Instituto Nacional da Silicose son o 17,5% dos traballadores das canteiras de Porriño e Ponteareas, preto de 1 de cada 5, segundo os estudos realizados a 440 operarios de 24 empresas da zona.

Coma apuntan os datos desta asociación, preto dun 90% de quen leva traballando máis de 20 anos na canteira ten silicose e aínda que queda moito camiño para acabar con esta enfermidade, principalmente porque hai doentes que non saben que a padecen. Afortunadamente, nos últimos anos, grazas ás novas medidas de prevención produciuse unha notable rebaixa dos riscos de contraer silicose no territorio español.

Na xuntanza, Manuel Carrera e Marcelino Coto reiteraron a disposición do Concello de seguir mantendo unha estreita cooperación coa asociación, considerando que O Porriño é zona de España que ten máis número de afectados pola inhalación de partículas de sílice e que os mesmos precisan orientación á hora de coñecer a enfermidade, un axeitado asesoramento xurídico, orientación para a tramitación da incapacidade, para o cal incorporará nos vindeiros días a un traballador social.

Así mesmo, polo que se refire á asistencia médica, Juan Carlos Giraldez subliñou que Osilice ven de asinar un acordo coa dirección do Hospital Álvaro Cunqueiro para a mellora do tratamento dos traballadores que presentan síntomas de neumoconiose, ocasionada polo depósito de po de sílice nos pulmóns.

 

O Porriño celebra este domingo a Festa dos Cachos

O Porriño celebra este domingo, día 14, a tradicional ‘Festa dos Cachos’ na que se agarda que os asistentes den conta de centos de pratos deste riquísimo crustáceo

A O concelleiro de Comercio, Marcelino Coto presentou no Concello unha nova edición da ‘Festa dos Cachos’ que se celebra este domingo, día 14 no Porriño. O concelleiro estivo acompañado por membros da directiva da Asociación de Veciños de San Benito e San Sebastián, impulsora desta festa, e o presidente da Asociación de Hostaleiros do Porriño, José Manuel Fortes.

Marcelino Coto lembrou que foi esta asociación veciñal a que recuperou esta celebración, que data de 1810, e que se celebra “no lugar mesmo na que a sitúa a tradición: no Cristo dos Cachos, un lugar emblemático do Porriño”.

O concelleiro sinalou que as pasadas edicións foron un “éxito” e que agardaba que a deste 2017 seguise na mesma liña. Para facelo posible, engadiu, conta coa colaboración do Concello que este ano, ademais da ‘Animación de rúa’ coa actuación de charangas, tamén farase cargo da colocación dunha carpa de 150 metros cadrados, para adiantarse ás posibles inclemencias do tempo, do sistema de son e do corte do tráfico para “garantir que os asistentes poidan gozar do día con total comodidade”.

Sindo Lago, vicepresidente da Asociación de Veciños de San Benito e San Sebastián, adiantou que o programa deste ano empezará ao mediodía co pregón a cargo de Manuel Areal, que fora presidente desta asociación, seguirá coa ‘Sesión Vermú’, na que os asistentes tamén poderán pedir pulpo ou empanada, a degustación e venda dos cachos na carpa, ‘Animación na rúa’ con charangas, sen esquecer que haberá unha zona de lecer para os máis cativos.

Pola súa banda, o presidente dos hostaleiros sinalou que, ademais dos cachos que se sirvan ou se vendan na carpa, “que o ano pasado apenas duraron unha hora ante a cantidade de público que se achegou á festa”, tamén se servirán, dende a 1 da tarde, nos restaurantes Val da Louriña, Maracaibo, Cólleo con Pinzas, O Carreteiro, La de Chato, Adega de Montero e Restaurante Manolo.

José Manuel Fortes indicou que os prezos deste ano serán de 6€, para as persoas que acudan a degustar os cachos á carpa, e de 7€ para quen o fagan nos sete restaurantes participantes. Fortes confirmou que logo de que o ano pasado se agotasen “en moi poucos minutos entre cincocentos e seiscentos cachos”, este ano hai máis cantidade en previsión da cantidade de persoas que se agarda cheguen a O Porriño este domingo.

 

O Goberno Local acorda un convenio coa directiva do Colexio Santo Tomás

O Goberno Local acorda coa directiva do Colexio Santo Tomás, a ANPA e representantes da Comunidade de Montes de Torneiros, asinar un convenio que garantia, oara sempre, o acceso ao centro educativo

O tenente de alcalde, Manuel Carrera, a concelleira de Educación, Lourdes Moure, e o concelleiro de de Urbanismo, Marcelino Coto, mantiveron unha xuntanza este mércores con representantes do Colexio Santo Tomás, Asociacións de Nais e Pais (ANPA) e Comunidade de Montes de Torneiros, para tratar do problema do acceso ao centro.

Manuel Carrera sinalou que trátase, ademais do feito de que dos país e nais que levan e recollen aos seus fillos no colexio e teñen que deixar os coches na estrada PO-331, senón, “especialmente, un problema de seguridade que hai que resolver canto antes”.

Neste eido, o tenente de alcalde comprometeuse a que o Concello faga axiña unha valoración dos camiños que levan ao centro educativo, para proceder ao seu arranxo e asfaltado de xeito que teña saía á devandita estrada-da que é titular a Deputación- á altura de A Mota e, ao tempo “asinar un convenio a tres bandas entre o Concello, o Colexio Santo Tomás e a Comunidade de Montes de Torneiros” de xeito que os camiños que dan a este centro educativo pasen a ser considerados coma camiños públicos, poidan ser usados para sempre polo colexio.

Ao mesmo tempo, salientou Manuel Carrera, o Goberno local acometerá a conexión á rede de saneamento de varias das vivendas situadas nestes camiños ao tempo que un deles se deixará no seu estado natural para que Comunidade de Montes poida rematar unha zona de lecer.

Porén o Goberno local levará ao Pleno do Concello esta iniciativa, co seu estudo e valoración económica, posto que , como salienta o tenente de alcalde, “é o xeito máis rápido de poder levar este traballo adiante”.

Carrera salientou que todas as partes amosaron a súa satisfacción ao remate da xuntanza. Que todos eles están citados a unha segunda reunión dentro dunha semana para dar conta da contía económica desta obra, e amosouse especialmente satisfeito por acabar coas denuncias e queixas das veciñas e veciños da zona pero “particularmente polo feito de que remataremos cun risco moi considerable que se está a dar na entrada e saída do colexio cada día”.