Urbanismo, comercio e industria

“AMAZON” ANUNCIA Ó CONCELLO QUE INICIA A SELECCIÓN DE PERSOAL PARA A INMINENTE APERTURA DO CENTRO LOXISTICO DE PORRIÑO

A Alcaldesa Eva García e o concelleiro de Emprego, David Alonso mantiveron hoxe unha reunión de traballo con Eva Pérez, representante de “Amazon Logistics” e representantes de “Manpower”, firma que se encargará da selección de persoal que se iniciará en breve con motivo da inminente apertura do centro loxístico da multinacional en Porriño.

A previsión é que “Amazon” arrancará con 40 empregados na central loxística pero esa plantilla incrementaráse nas datas punta como “Black Friday”, campaña de Nadal e rebaixas de inverno.

“Explicaronnos como van facer a selección de persoal que de inmediato publicitarán a través dos medios indicando un enlace onde os interesados e interesadas deberán dirixirse para remitir o seu curriculum. Aseguraronnos que será un proceso moi transparente baseado na valoración das capacidades e méritos de cada aspirante”, indicou Eva García.

O Concello de Porriño prestará as instalacións de “Porremprego” no Multiusos de Torneiros para a realización das entrevistas de traballo ós aspirantes cando “Manpower” arranque o proceso de selección.

“Coido que isto vai ser o principio dunha colaboración moi exitosa entre ‘Amazon’ e Porriño de tal xeito que un proxecto ainda máis grande do que vai comenzar sería factible e con moita xente de Porriño e alrededores cualificada e con ganas de traballar”, indicou a alcaldesa.

Na reunión trataronse tamén aspectos referidos a marcha das obras de reforma das instalacións que “Amazon” mercou e reformou. Tratase da antiga nave da firma “Arcelor” no polígono industrial de Prado-Budiño. Estáse a reformar unha nave preexistente de 1927 metros cadrados construídos dentro dunha superficie total de 4.661 metros cadrados que ten o solar.

A previsión é que “Amazon” poida abrir esta nova central loxística para o noroeste a finais de setembro ou principios de outubro.

 

05/09/2019 in Alcaldía, Emprego e formación, Urbanismo, comercio e industria

O GOBERNO MUNICIPAL CO APOIO DA MAIORÍA SALVAGARDA OS PAGOS ÁS EMPRESAS E PROVEEDORES DE PORRIÑO

O Goberno Municipal de Porriño co apoio da maioría da corporación “garante o pagamento ós empresarios e proveedores de Porriño fronte á política de atrancos do PP que ainda non asumiu que non gobernará este concello neste mandato”, manifestou Eva García, alcaldesa da vila.

De xeito que a maioría da Corporación coa suma de votos de concelleiros do PSOE, EU Son, BNG e grupo mixto (Manuel Carrera) derrotou as propostas do Partido Popular durante a sesión celebrada este mediodía.


O PP pretendía con este pleno extraordinario convocado pola súa iniciativa, frear os pagos a proveedores e empresas oponiéndose ás mdoficacións de crédito prantexadas. Asimesmo o PP demandaba” unha revisión de oficio de toda a facturación dos exercicios 2016, 2017 e 2018 para depurar as irregularidades que se tiveran cometido”, segundo expusou o voceiro Alejandro Lorenzo.


“Iso suporía atrancar o funcionamento do Concello de Porriño durante anos e terminar pagando con xuros o que se debe” respostou Lourdes Moure, concelleira de Fazenda que lembrou o voceiro da oposición “cando vostede estivo no goberno municipal con Nelson Santos aprobaron pagos de facturas por 18 millóns de euros mediante modificións de créditos e recoñecementos extraxudiciais e ninguén falaba de revisións”, sinalou a voceira socialista.
“Unha revisión xeral de oficio da facturación pendente sería unha temeridade” segundo Manuel Carrera mentres que Pedro Pereira e Pedro Ocampo tamén coincidiron en manifestar durante o pleno o seu rexeitamento a unha revisión de oficio “que sería unha temeridade” apostillou o voceiro do BNG. Pola súa banda Ocampo fixo a observación de que na conta 413 “sí se revisarán algunhas das facturas segundo acordamos na comisión informativa”, extremo co que estiveron dacordo BNG e PSOE.
Os concelleiros do PP presentaron votos particulares contra as modificacións de crédito propostas polo goberno municipal. Os votos particulares foron derrotados e as propostas do goberno municipal sairon con 9 votos a favor (PSOE, EU Son, BNG e Carrera) e 8 abstencións (PP).
Unha desas modificacións de crédito, polo tanto aprobada hoxe, por importe de 473.000 euros é para pagar facturas con recoñecemento extraxudicial a dez empresas por servizos e obras. A aprobación da operación garante o pagamento en breve.
A outra modificación é por importe de 1.700.000 euros. O acordo adoptado hoxe pola maioría da Corporación determina a xeneración do crédito para o pagamento a 238 proveedores e empresarios do Concello de Porriño. Agás aquelas facturas que deban ser revisadas segundo acordaron en comisión PSOE, EU Son e BNG. Para as restantes ainda restará a súa ratiticación no seguinte pleno que será o ordinario de setembro.

Outro punto da sesión era a ratificación do contrato coa empresa “Ascan” para a limpeza viaria conforme decidiu hai meses a mesa de contratación. O PP pretendía derogar esa adxudicación alegando supostas deficiencias na prestación e tamén prantexou un voto particular que foi derrotado pola maioría da corporación. Sergio Casal, concelleiro de Medio Ambiente do goberno municipal defendeu a adxudicación que” foi decidida nunha mesa de contratación con catro técnicos sen intervención de políticos”.
A adxudicación a “Ascan” foi ratificada con 7 votos a favor (PSOE, EU Son e Carrera) e 10 abstencións (PP e BNG).

Por último, nesta sesión plenaria quedaron finalmente aprobadas as retribucións da alcaldesa e concelleiros que forman o goberno municipal en réxime de adicación exclusiva, asunto que quedou pendente no pleno municipal do pasado 12 de xullo.

04/09/2019 in Alcaldía, Limpeza, Parques e xardíns, Servizos sociais, Urbanismo, comercio e industria, Vías e obras

Presentada a XXI edición de “MERCA NA RÚA, FEIRA DE OPORTUNIDADES” que se celebrará os vindeiros días 7 e 8 de setembro

Vintecinco establecementos de Porriño e concellos limítrofes participarán na XXI edición de “Merca na Rúa, Feira de Oportunidades” que vai ter lugar o vindeiro fin de semana na zona peonil da vila.
Haberá 28 stands (algunhas das firmas doblan) que ofrecerán “descontos de ata o 80% xa que a intención é liquidar os restos da tempada”, explicou Noelia Conde, xerente de ACIPOR e impulsora de “Morea, Centro Comercial Aberto do Porriño”.
A iniciativa do tecido comercial da vila foi louvada tanto por Sergio Casal, concelleiro de Comercio como por David Alonso, edil de Emprego que comentou un dato moi significativo. “Actualmente en Porriño hai 1.200 autónomos dos que o 60% adicanse ó sector servizos de xeito que eventos como este axudan a dinamizar e son moi de agradacer”, sinalou David Alonso.
Pola súa banda Sergio Casal expresou a “enhoraboa do Concello ós organizadores e reiterar a nosa vontade de manter a colaboración para a continuidade destas feiras”, manifestou o edil de Comercio.
Pola súa parte Noelia Conde agradeceu ó Concello e os devanditos concelleiros “pola súa colaboración inestimable no só para a ocupación dos espazos públicos senón tamén pola axuda económica e loxística”.

03/09/2019 in Alcaldía, Turismo, Urbanismo, comercio e industria

Executase o desbroce na recta das Gándaras reclamado polos empresarios do Polígono

Operarios da firma “Ascan”, concesionaria do servizo de limpeza viaria executan esta mañán o desbroce nas beirarrúas da recta das Gándaras, seguindo instruccións do concelleiro de Medio Ambiente, Sergio Casal.

9e
Tratase dunha das peticións que demandan os empresarios do polígono das Gándaras.
No pasado mes de xullo, a alcaldesa de Porriño Eva García iniciou una rolda de contactos e visitas as principais empresas asentadas no concello.
No primeiro encontro co Santiago Gómara, director da factoría “Nueva Pescanova” e David Sobral, xerente do polígono industrial de As Gándaras, o desbroce que estase a executar foi unha das peticións trasladadas.

IMG

22/08/2019 in Alcaldía, Limpeza, Urbanismo, comercio e industria

O convenio que vencellará a Porriño co protocolo “Concellos Doing Businness” está en trámites coa Fegamp e irá a pleno para a súa aprobación.

O Concello de Porriño está en trámites a través da Federación Galega de Municipios e Provincias (FEGAMP) para a súa adhesión ó protocolo “Concellos Doing Businnes” que ten que levarse a pleno para a súa aprobación definitiva.
David Alonso, alcalde accidental de Porriño ata o vindeiro luns e concelleiro delegado de Emprego desmintiu ó Partido Popular que a través dun comunicado trasladaba que o goberno municipal “negaríase a implantar ésta entre outras medidas de apoio empresarial”.
“O voceiro da oposición descoñece ou ignora que hai un decreto da Alcaldía que solicitou á FEGAMP a adhesión o devandito protocolo e que ainda resta a súa aprobación polo pleno asunto que levaremos á sesión de setembro”, manifestou o alcalde en funcións.
O Goberno Municipal volve a lamentar a “espiral de fotos con conselleiros da Xunta de Galicia –algunha imaxe claramente sacada do arquivo como denuncia a vestimenta invernal- na que o voceiro local do PP tense instalado para facer unha oposición de pataleta permanente”.

18/08/2019 in Alcaldía, Emprego e formación, Urbanismo, comercio e industria

A alcaldesa inicia con “Nueva Pescanova” unha rolda de visitas a empresas asentadas nos polígonos industriais de Porriño

A Alcaldesa Eva García iniciou cunha reunión nas instalacións de “Nueva Pescanova” no polígono de As Gándaras, unha rolda de visitas ás principais empresas radicadas en Porriño que vai desenrolar ó longo deste mandato.

No encontro con Santiago Gómara, director da fábrica, tamén participaron Sergio Casal, concelleiro de Limpeza, Parques e Xardíns; Enrique Vaqueiro, xefe do gabinete da Alcaldía e David Sobral, xerente dos polígonos industriais de A Granxa e As Gándaras. 

Santiago Gómara trasladou á alcaldesa unha serie de peticións vencelladas con mantenemento do polígono, limpeza, estado dos viais como espazos de aparcamento, así como outras demandas máis complexas. Entre elas a posibilidade de ampliación da estrada de acceso ó polígono na curva que aparece nunha imaxe adxunta onde os camións pasan moi xustos, xusto antes da recta do polígono.

 

05/08/2019 in Alcaldía, Educación e tecnoloxía, Emprego e formación, Limpeza, Tráfico, Urbanismo, comercio e industria, Vías e obras

O Catrastro insta ó Concello de Porriño a acometer unha revisión pendente dende hai 34 anos

Fernando Baena, xerente da Oficina do Catastro para a provincia de Pontevedra, reuniuse hai uns días coa alcaldesa Eva García, membros do equipo de goberno e staff técnico do Concello para prantexar “a urxente necesidade de abordar unha revisión dos valores catastrais no termo municipal”.

Segundo as explicacións de Baena, o Catastro advirte ó Concello de Porriño de que o retraso en revisar a ponencia de valores que está vixente dende 1985, “constitue un agravio comparativo cos outros concellos da provincia xa que existe a obriga legal de revisión cada cinco ou dez anos”.

Durante estes 34 anos intentouse actualizar os valores catastrais no periódo 2003/2010 pero a proposta de revisión tumbouse por falla de apoio político pola maioría da corporación municipal.

Neste novo mandato, o equipo de goberno do Concello ante esta advertencia do Catastro convocará cando se reanude o novo curso político, á volta das vacacións, unha xuntanza de portavoces para trasladar este asunto ós voceiros dos restantes grupos municipais da corporación e procurar un consenso o máis amplo posible para afrontar a revisión catastral.

“Debería acometerse unha actualización dos valores catastrais que son os que se empregan para determinar o Imposto de Bens Inmobles (IBI)  tanto nas construccións urbanas como no rural así como nos polígonos industriais que non cotizan –agás no de As Gándaras- posto que resulta evidente que nestes 34 anos transcurridos Porriño medrou moítisimo tanto en poboación como en inmobles, particularmente nos asentamentos industriais existestes no termo municipal”, indicou a alcaldesa.

Nestas tres décadas transcorridas a poboación aumentou máis de 5.000 habitantes polo que Eva García engadiu  que “a máis veciños no Porriño, hai máis demanda de servizos públicos pero acontece que a maior fonte de financiación do Concello que son os ingresos por impostos, de xeito sobranceiro polo IBI, está menoscabada pola falta de actualización do Catastro” explicou a alcaldesa.

A xuizo de Eva García “a situación máis rechamante dase nos polígonos de promoción industrial (PPI´s) que proliferaron nestas tres décadas e que non cotizan IBI e por tanto as empresas radicadas neles non contribuen ni cumpren co principio de igualdade”, engadiu Eva García de la Torre. Tamén suliñou Eva García “a necesidade de correxir situacións de agravio comparativo como a que se da, por exemplo, entre Torneiros, unha das zonas máis deprimidas do termo municipal onde os veciños están a pagar percentualmente máis IBI que os veciños do centro de Porriño onde o valor de mercado das vivendas é indiscutiblemente moito maior”.

O Concello de Porriño recaudou en 2018 algo máis de 1,7 millóns de euros polo IBI. Estimase que a inclusión das numerosas altas que se producirían xunto coa actualizaciñon de valores podería supoñer triplicar esa recaudación o que redundaría en máis capacidade orzamentaria para atender e mellorar servizos para a comunidade. 

03/08/2019 in Alcaldía, Benestar, Cultura e festas, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Urbanismo, comercio e industria, Vías e obras

Eva García participou nun cumio de alcaldes convocado pola Deputación para abordar o vindeiro “Plan Concellos”

Eva García participou en Pontevedra nun cumio de alcaldes e alcaldesas da provincia convocados hoxe pola Deputación.
Carmela Silva presidenta da institución e membros do seu goberno provincial explicaron e debatiron cos alcaldes asistentes as liñas do vindeiro “Plan Concellos” que elaborará a Deputación.
Vanse priorizar eidos de actuación en medio ambiente, cultura, Igualdade e transformación dixital.

24/07/2019 in Alcaldía, Igualdade, Servizos sociais, Urbanismo, comercio e industria, Vías e obras

A Alcaldesa convoca ós concesionarios de canteiras que están a ser utilizadas por bañistas

A Alcaldesa de Porriño vén de convocar para pasado mañá, venres 26 de xullo, unha reunión cos responsables das empresas que teñen a explotación das canteiras que están inoperativas e que, pese a prohibición, están a ser utilizadas para baño ou para realizar fotos cos conseguintes riscos.
Todo este problema xurde de que das trinta explotacións de granito existentes actualmente en Porriño tan só 9 atopanse operativas e con produccións testimoniais. As restantes están en paralización temporal e sen actividade extractiva o que orixina a inundación polas choivas dos buracos das canteiras o que está a resultar moi atractivo para bañistas e curiosos que acuden a facer fotografías, A pesares de que bañarse nunha explotación mineira está prohíbido e supón un perigo.

A reunión do venres celebrarase no Concello e están convocados Jorge Massó, en representación de “Pocasa” (“Porriñesa de Canteiras”) e o empresario Manuel Carrera Lorenzo, titular da canteira “Arcace nº 21” e o seu facultativo Fernando Delgado. Ademais asistirá o enxeñeiro de minas, Jerónimo Turrado, que é o técnico que asesora ó Concello e que vén de emitir un informe sobre a situación actual que fora requirido pola alcaldesa Eva García a pasada semana.
Nese informe que o enxeñeiro presentou á alcaldesa, subliñase que o principal problema sitúase na canteira “Arcace nº 21”, en Atios que é a que frecuentan bañistas e curiosos “pola acumulación de auga de choiva, pola facilidade de acceso en coche como a pé e logo de acceso para bañarse aproveitando unha rampla”.
“Todo isto a pesares de que o acceso é a través dunha pista mineira pola que só poden circular vehículos autorizados e que a sinalización e peche perimetral da canteira “Arcace” impide que alguén poida acceder á mesma por despiste ou involuntariamente”, segundo sinala o infome do enxeñeiro.
Lembrase que a canteira está pechada con desquites e cachotes de granito coas pintadas “Perigo” e “Prohibido pasar” de xeito que aqueles que aínda así acceden a bañarse na canteira actúan intencionadamente.


O informe técnico alerta de que hai outras cinco canteiras co posible risco de que sexan utilizadas por bañistas. Todas elas son arrendamentos parciais da concesión “Benedicta nº 1544” da que é titular “Porriñesa de Canteiras”.

Na reunión do venres proporanse varias posibles e inmediatas solucións para poñer freo a este problema de seguridade. A máis inmediata sería impedir a accesibilidade ás pistas mineiras mediante un portalón ó que só teña acceso o persoal autorizado. Esta solución debería ser pilotada por “Pocasa” como titular da concesión en colaboración cos explotadores e Concello de Porriño e Comunidade de Montes.
Recomendase asimesmo que se coordinen as actuacións polo Concello de Porriño coa Dirección Xeral de Minas da Xunta de Galicia e coa Policía Local e Garda Civil para que o efecto disuasorio sexa máis efectivo.

24/07/2019 in Alcaldía, Seguridade, Urbanismo, comercio e industria

PLENO DE ORGANIZACIÓN DA NOVA CORPORACIÓN MUNICIPAL: HABERA SEIS ADICACIÓNS EXCLUSIVAS COAS MESMAS RETRIBUCIÓNS DO 2018

A Corporación Local de Porriño terá catro grupos políticos (PP, PSOE, BNG y EU Son) e un concelleiro polo grupo mixto que será Manuel Carrera. Conforme a lexislación vixente Carrera non pode constituirse en grupo político da UDDL por ter tan só un concelleiro.
Asimesmo determinaronse os voceiros de cada grupo: polo PP, Manuel Alejandro Lorenzo; polo PSOE, Lourdes Moure; polo BNG, Pedro Pereira; por EU Son Porriño, Pedro Ocampo y Manuel Carrera polo grupo mixto.
A sesión tamén determinou por maioría (PSOE, BNG, EU Son e Carrera) a periodicidade dos plenos corporativos que serán mensuais, o último mércores, ás 18 horas. Na semana anterior e tamén en mércores, terán lugar as reunións das comisións municipais informativas. En ambos puntos, o PP abstívose porque entendía mellor celebrar plenos cada dous meses e do mesmo xeito coas comisóns.
Finalmente haberá sete comisións informativas:
Urbanismo, Medio Ambiente, Obras e Infraestructuras
Economía, Fazenda e Persoal
Contas
Seguridade, Policía, Protección Civil e Mobilidade
Parques, Xardíns, Limpeza, Industria e Mercados
Deportes, Cultura, Xuventude e Festas
E finalmenete Servizos Sociais e Igualdade.
En cada comisión o PP terá 4 concelleiros; PSOE, 2; BNG, 1; EU Son, 1 e Grupo Mixto, 1.

O derradeiro punto da orde do día determinaba as adicacións e retribucións do mebros do goberno municipal.
Haberá 6 adicacións exclusivas que corresponden á Alcaldesa Eva García e ós concelleiros Lourdes Moure, Sergio Casal e David Alonso, polo PSOE, e Pedro Pereira e Ana Belén Crespo, polo BNG como resultado do pacto de goberno que está prácticamente negociado entre ambas as dúas forzas políticas.

As retribucións dos membros do goberno municipal serán as mesmas contempladas no Orzamento Municipal en vigor sen o incremento que debería engadirse polo que determina o Real Decreto 24/2018. Ese natiz deu lugar a un debate intenso entre os voceiros do BNG e EU Son.
Finalmente Os votos dos 8 concelleiros do PP e os 2 de EU Son Porriño, derrotaron a proposta que votaban PSOE, BNG e Manuel Carrera.
Deste xeito e ata a elaboración dun novo orzamento Municipal, as retribucións dos membros do goberno serán as mesmas que tiñan en 2018.

12/07/2019 in Alcaldía, Benestar, Cultura e festas, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Turismo, Urbanismo, comercio e industria, Vías e obras