Servizos sociais

O GOBERNO MUNICIPAL ACADA DESBLOQUEAR O PAGO DE FACTURAS

O goberno municipal de Porriño cos votos dos concelleiros do PSOE, BNG, EU Son e Manuel Carrera acadou desbloquear parte dos pagos pendentes de facturas que se viñan arrastrando desde hai tempo. Do total que se levaba a aprobación plenaria acadouse aprobar ós pagos de case que 1,7 millóns.
Os acordos económicos foron o aspecto máis sobranceiro do pleno municipal ordinario de outubro que se celebrou onte anoite cunha duración de tres horas e media e vinte asuntos na orde do día.
A tal fin aprobaronse dous créditos extraordinarios para ir pagando 1.738.000 euros de facturas da conta 413 e para abonar 473.000 euros de facturas que xa contan con sentencias xudiciais favorables.
Ademáis aprobouse outro crédito extraordinario por importe de 468.000 euros para satisfacer a débeda con “Eulen” pola prestación de servizos na piscina municipal.
Mediante os acordos plenarios aprobados na sesión de onte anoite, serán pagadas asimismo unha primeira remesa de facturas incluídas na conta “413”. Abonaránse 389.000 € polos traballos de descontaminación do lindano; 202.000 € a “Naturgy” por suministros eléctricos; 119.000 € a “Eulen” por traballos na piscina municipal e 10.800 € ó Consorcio de Augas do Louro.
A cantidade restante ata completar a partida de 1.738.000 euros quedou pendente de completar os informes para ser levada en breve a un pleno extraordinario que se celebrará no vindeiro mes de novembro segundo anunciou Eva García, alcaldesa de O Porriño.

No transcurso do pleno aprobouse por unanimidade, de xeito definitivo, a Relación de Postos de Traballo (RPT) do Concello do Porriño feito que agradeceron funcionarios municipais presentes no salón de plenos cun aplauso ós corporativos.

Tamén aprobaronse por unanimidade a adxudicación do servizo de axuda no fogar (SAF); os costes do servizo de recollida de lixo así como do Punto Limpo do Concello do Porriño e a partida orzamentaria para os salarios dos membros do goberno municipal (modificación da base 27 dos orzamentos do Concello). Precisamente nesta sesión tomou posesión do seu escano e estreouse a nova concelleira do BNG, Cami Moreira.

Polo contrario quedou pendente a ratificación da adxudicación do servizo de limpeza viaria á firma “Ascan” que será levada a un próximo pleno municipal.

Noutra orde de cousas acordouse nomear ós representantes do Concello de O Porriño para a Comisión Especial de deslinde co Concello de Mos. Finalmente a proposta da alcaldesa e coa conformidade dos restantes grupos municipais, o PP integrará unha concelleira, Antía Carrera á devandita comisión. Os restantes representantes serán Eva García (PSOE), Pedro Ocampo (EU Son), Pedro Pereira (BNG) e Manuel Carrera (UDDL), todos eles ratificados polo pleno corporativo.

Entre as mocións debatidas aprobouse por maioría a proposta por EU Son para revisar o contrato de renting para renovación do parque móbil municipal ainda que o asunto quedou supeditado a comparecencia da concelleira de Seguridade nun vindeiro pleno extraordinario que se vai celebraro o mércores 6 de novembro. Tamén por maioría acordouse implementar unha achega extraordinaria ó Porriño Baloncesto Base así como ós clubs de futbol de Mosende e Budiño e á asociación de enfermos de silicose.
E por unanimidade a corporación porriñesa acordou solicitar á Consellería de Educación a reforma integral ou ben a construcción dun novo edificio para o CEIP Fernández López que xa ten 40 anos de antiguidade.

31/10/2019 in Alcaldía, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Urbanismo, comercio e industria, Vías e obras

O vindeiro pleno municipal abordará o pago de 2,7 millóns de euros en facturas e a nova comisión de deslinde con Mos

Vinte asuntos conforman a orde do día do vindeiro pleno ordinario da Corporación Local de O Porriño que se celebrará o mércores 30 de novembro, a partires das 18 horas. Entre os asuntos que se levan a pleno municipal figura o pago de facturas a proveedores e por servizos por un importe global de preto de 2.700.000 euros.
Por outra banda o pleno deberá elixir os representantes do Concello de O Porriño na nova comisión especial de deslinde co Concello de Mos. O PP non contestou ó requerimento de Secretaria nin realizou proposta alguna de xeito que os representantes de O Porriño serán Eva García (PSOE), Pedro Ocampo (EU Son), Pedro Pereira (BNG) e Manuel Carrera (UDDL), que deberán ser ratificados polo pleno corporativo.

Asuntos económicos
O pago de débeda será asunto sobranceiro. A tal fin propónse a aprobación definitiva de dous créditos extraordinarios para aboar 1.738.000 euros de facturas da conta 413 e para pagar 473.000 euros para facturas que xa contan con sentencias xudiciais favorables.
Ademáis propónse para aprobación inicial, un crédito extraordinario por importe de 468.000 euros para satisfacer a débeda con “Eulen” pola prestación de servizos na piscina municipal.
Asimesmo levanse a pleno a ratificación definitiva da Relación de Postos de Traballo (RPT) do Concello do Porriño que xa fora aprobada inicialmente en maio polo pleno municipal. E tamén vai a ratificación da partida orzamentaria para os salarios dos membros do goberno municipal (modificación da base 27 dos orzamentos do Concello). Precisamente nesta sesión tomará posesión do seu escano, a nova concelleira do BNG, Cami Moreira.

Adxudicacións e mocións
Tamén se leva a aprobación os costes do servizo de recollida de lixo así como do Punto Limpo do Concello do Porriño. Tamén a ratificación da adxudicación do servizo de limpeza viaria á firma “Ascan”. E asimismo vai a adxudicación do servizo de axuda no fogar (SAF).
Finalmente van cinco mocións. Entre elas o grupo EU Son pide unha revisión da operación de renting de renovación do parque móbil municipal. E o PP pide un incremento de partidas orzamentarias para clubs deportivos.

Adxuntamos a orde do día con todos os asuntos 

28/10/2019 in Alcaldía, Deportes, Limpeza, Servizos sociais, Urbanismo, comercio e industria, Vías e obras

Entrega de novos vehículos do parque móbil municipal a diferentes servizos do Concello

Este mediodía realizouse o acto formal de entrega dos novos vehículos do parque móbil municipal ós diferentes servizos do Concello, dentro da operación de renovación que acometeu o goberno local.
No acto, ó que asistiron a concelleira de Seguridade e Fazenda, Lourdes Moure e o concelleiro de Medio Ambiente, Sergio Casal, entregaronse nove vehículos para os servizos de Vías e Obras, Parques e Xardíns, Deportes, Servizos Sociais e Urbanismo.


Entregaronse nove furgonetas “Peugeot” modelo “Rifter”, rotuladas e co escudo do Concello do Porriño.
Ainda restan por recibirse e entregar tres furgons máis grandes, marca “Renault” que serán adxudicadas ós servizos de Vías e Obras e Parques e Xardíns.
Con anterioridade entregaronse os catro vehículos para desplazamentos do goberno municipal (3 “Seat” modelo “Ateca” e un “Mini”) e outros vehículos “Peugeot 308” para diferentes departamentos do Concello ata totalizar os 25 que forman parte desta operación de renovación do parque móvil municipal mediante “renting” por 4 anos.
Segundo informouse hai días, o Concello do Porriño licitou a renovación total do parque móbil do Concello para garantir a seguridade dos vehículos e dos traballadores municipais empregando criterios de eficiencia enerxética e aforro do gasto público.
Deste xeito determinouse un prego de condicións para renovar o parque móbil con 25 vehículos mediante concurso público que se iniciou con data 26 de marzo deste ano e rematou en setembro.
Na licitación estableceronse cinco lotes. Presentaronse un total de seis empresas, ningunha delas de Porriño. Eran da provincia de Pontevedra, doutras provincias galegas e tamén había firmas doutras comunidades autónomas.
Catro lotes foron gañados por “GrupiVazgle”, de Lugo e o restante pola firma “Rodosa”, de Vigo.
O parque móbil do Concello tiña unha media de 15 anos, pero hai vehículos que superan as dúas décadas de antigüidade. Especialmente o que atinxe os vehículos adscritos ó departamento de Vías e Obras que “teñen unha idade media de 25 anos cun evidente mal estado e obsolescencia”, segundo un dos informes técnicos recabados polo goberno municipal.
A meirande parte dos vehículos antigos serán subastados e os que non saian por ese procedemento, serán achatarrados.

08/10/2019 in Alcaldía, Limpeza, Parques e xardíns, Servizos sociais, Tráfico, Urbanismo, comercio e industria, Vías e obras

O Goberno Municipal nega calquera tipo de trato de favor con membros do Poder Xudicial

O Goberno Municipal do Porriño nega categóricamente a existencia de calquera tipo de trato de favor con maxistrados, fiscais ou outros membros do Poder Xudicial que están a ser contratados para colaborar en actividades formativas deste Concello.
O Goberno Municipal considera especialmente grave a insinuación que se desliza na información publicada onte polo xornal “La Voz de Galicia” baixo o titular “El Concello de O Porriño contrata a dedo al juez que absolvió de falsedad a la alcaldesa en el 2018”.

Tanto a participación do maxistrado Juan José Trashorras como as de outros profesionais da xudicatura que colaboran en actividades formativas deste Concello se realizan mediante convenios de colaboración coa Academia Galega de Seguridade e mediante contrato menor tal como establece a normativa vixente.
Para establecer dita colaboración é o Inspector Xefe da Policía Local de O Porriño, quen se encarga de xeito exclusivo de seleccionar o persoal docente de acreditada experiencia sobre a materia a impartir, xa sexan funcionarios policiais, funcionarios da carreira xudicial (tanto fiscais como xuices ou maxistrados), e sempre co visto bó do departamento de formación da Academia Galega de Seguridade. Ningún político ten contacto con estes profesionais contratados de xeito directo para a formación; é o técnico o que propón a contratación e conforme estipula a lei, a Alcaldía firma os contratos menores.

No devandito caso do maxitsrado Juan José Trashorras, impartiu un curso teórico sobre a lexítima defensa a máis dun cento de mulleres. O curso “Defensa Persoal e Protección Xurídica” que realizóu o Concello do Porriño tivo unha elevadísima repercusión mediática así como nas redes sociais. Non se agochou senón que se suliñou a participación do devandito maxistrado que apareceu en numerosas imaxes impartindo clases sobre o uso proporcional da forza, medo insuperable e outros eidos xurídicos da lexítima defensa. Foron as mulleres participantes naquel curso as que avaliaron na enquisa de satisfacción o bó facer e a capacidade de comunicación do maxistrado. Debido a esa boa valoración, tanto das asistentes ó curso, como dos propios policías locais que estiveron alí presentes, propuxose ó maxistrado para impartir un novo cursiño ós membros da Policía Local do Porriño.

Tanto o Goberno Municipal como desde a Xefatura da Policía Local expresamos o noso malestar polo feito de que se pretenda suxerir e dubidar da imparcialidade dun funcionario público como é un Maxistrado por que exerza una actividade docente para a que non existe ningún impedimento legal nin tampouco ético. Atacase á independencia do Poder Xudicial e de paso socavase o dereito á presunción de inocencia, neste caso de Eva García, alcaldesa de O Porriño por un asunto ainda pendente de xuizo.

07/10/2019 in Alcaldía, Igualdade, Servizos sociais

Programa “Tecendo Lazos”: Comeza prazo de inscrición para curso de manualidades de moldeado e pintado de obxectos

O Concello do Porriño informa que a partir do 1 de outubro abrese o prazo de inscrición para o curso de manualidades de moldeado e pintado de obxectos que se vai a realizar no Centro Cívico durante os meses de novembro e decembro. 

Nesta mesma páxina web teñen a súa disposición e poden descargarse os formularios para a inscrición nesta actividade. 

Esta actividade realizase ó abeiro do programa “Tecendo lazos” que financia a Deputación Provincial de Pontevedra. 

30/09/2019 in Alcaldía, Educación e tecnoloxía, Servizos sociais

O CONCELLO DO PORRIÑO ENTREGA A “AFAGA” UN NOVO VEHÍCULO ADAPTADO

Este mediodía o Concello do Porriño fixo entrega á asociación “AFAGA” dun novo vehículo adaptado para persoas que padecen demencias “o que supón para nós un motivo de ledicia” manifestou Juan Carlos Rodríguez, presidente da Asociación de Familiares de Enfermos de Alzheimer de Galicia.
Na roda de prensa na que compareceron directivos de “AFAGA” e os concelleiros de Servizos Sociais, David Alonso e de Medio Ambiente e Comercio, Sergio Casal, o presidente da devandita asociación suliñou que “Porriño para AFAGA é un concello de referencia, moi especial e fundamental. Eiquí abrimos hai catorce anos o primeiro centro de día fora das grandes cidades de Galicia, constituindo un exemplo para todos os demais concellos e que derivou finalmente na unidade terapéutica que temos na rúa Pilar que funciona de mañán e tarde”, dixou Juan Carlos Rodríguez.
O presidente de “AFAGA” sinalou que nas conversas que mantemos co Concello do Porriño “albiscamos unha nova liña de cooperación co establecemento dun programa de estimulación cognitiva e funcional para persoas con demencias en fase inicial ou leve”.
Nese senso o concelleiro de Servizos Sociais “agradeceu a inmensa labor que fai AFAGA” e engadiu “qué maior honra para un concello que colaborar coas organizacións e asociacións que traballan contra esta enorme lacra das infirmidades neurodexenerativas”, manifestou David Alonso. O actual concelleiro tivo unha lembranza “de recoñecemento para a miña predecesora, Soledad Girón, pola súa laboura neste eido”.
A achega do Concello foi de 21.000 euros para a compra e adaptación do vehículo o que supón o 57% do custe total da furgoneta. Segundo o concelleiro de Servizos Sociais en breve “estableceremos con “AFAGA” novas liñas de cooperación”.

17/09/2019 in Alcaldía, Benestar, Servizos sociais

Concello do Porriño, consorcio de empresarios de A Granxa e Zona Franca acordar retomar o proxecto dunha gardería no polígono industrial

A alcaldesa Eva García e directivos da Entidade Urbanística de Conservación do Polígono Industrial de A Granxa retomaron o proxecto de construir unha gardería infantil. Nun recente encontro que mantiveron (ó que corresponde a foto adxunta) acordouse elixir a parcela 256-C para o que o pasado 4 de setembro “Zona Franca” solicitou do Concello de Porriño que confirmase que cabía darlle ese uso.
A proposta xa conta cos informes favorables da arquitecta e do secretario do Concello do Porriño polo que administración municipal e empresarios do polígono poden reemprender as xestións para acadar fondos económicos para a construcción da gardería.
O proxecto experimentou un pulo transcendental a partires da implicación do Consorcio da Zona Franca que cede a parcela e solicitou o cambio de uso que veñen de informar favorablemente os servizos técnicos municipais.
Agora corresponde ós empresarios do Polígono solicitar novamente a subvención da Xunta de Galicia pois renunciaran á que tiñan concedida de 200.000 euros por que non eran quén de acometer e rematar o proxecto anterior na data esixida pola administración autonómica que é o vindeiro 31 de outubro. Asimesmo corresponderá a Entidade Urbanística de Conservación do Polígono Industrial, a execución da obra e o seguimento da actividade.

16/09/2019 in Alcaldía, Educación e tecnoloxía, Servizos sociais

A concelleira de Educación mantivo ante a Anpa da “Galiña Azul” de Torneiros e a representante da Xunta de Galicia que o Concello “cumpriu” coas obras de reforma

Lourdes Moure, concelleira de Educación asistiu esta tarde a unha reunión coas Anpas das garderías de Porriño. Un encontro no que apareceu Carmen García Campelo, xerente adxunta do Consorcio Galego de Servizos Sociais de Igualdade e Benestar, cuia participación non estaba prevista, a raíz do contencioso xurdido coa “Galiña Azul” de Torneiros.
A concelleira mantivo que o Concello do Porriño “ten cumprido co proxecto inicial de reforma que foi aceptado polo Consorcio con data 14 de agosto, case que un mes despois de que fora remitido polo Concello á Xunta de Galicia”.
Lourdes Moure repitiu que o Concello do Porriño “fixo en en dúas semanas esas obras de mellora pero o Consorcio comezou a poñer reparos, trabas e pedir máis cousas que non estaban no proxecto nin contaban con orzamento”. “A pesar de eses atrancos, o Concello vai rematar o sábado coas obras de reforma, incluidas as ampliacións exisidas polo Consorcio, e a partir do vindeiro luns 16, despois da limpeza xeral da gardería, a Xunta deberá decidir cando abre a Galiza Azul de Torneiros”, rematou Lourdes Moure.


A concelleira evitou entrar en polémicas nin con a presidenta e directivos da Anpa da “Galiña Azul” de Torneiros nin coa xerente adxunta do Consorcio.
Antes de abandonar a reunión unha vez explicada a versión do Concello de Porriño, a concelleira avisou á representante da Xunta de que “a partir de agora será a administración autonómica que é a titular da gardería, a que deberá de contratar e executar calquera outra obra ou mellora nesa instalación”, rematou Lourdes Moure.

12/09/2019 in Alcaldía, Benestar, Educación e tecnoloxía, Servizos sociais, Vías e obras

O GOBERNO MUNICIPAL CO APOIO DA MAIORÍA SALVAGARDA OS PAGOS ÁS EMPRESAS E PROVEEDORES DE PORRIÑO

O Goberno Municipal de Porriño co apoio da maioría da corporación “garante o pagamento ós empresarios e proveedores de Porriño fronte á política de atrancos do PP que ainda non asumiu que non gobernará este concello neste mandato”, manifestou Eva García, alcaldesa da vila.

De xeito que a maioría da Corporación coa suma de votos de concelleiros do PSOE, EU Son, BNG e grupo mixto (Manuel Carrera) derrotou as propostas do Partido Popular durante a sesión celebrada este mediodía.


O PP pretendía con este pleno extraordinario convocado pola súa iniciativa, frear os pagos a proveedores e empresas oponiéndose ás mdoficacións de crédito prantexadas. Asimesmo o PP demandaba” unha revisión de oficio de toda a facturación dos exercicios 2016, 2017 e 2018 para depurar as irregularidades que se tiveran cometido”, segundo expusou o voceiro Alejandro Lorenzo.


“Iso suporía atrancar o funcionamento do Concello de Porriño durante anos e terminar pagando con xuros o que se debe” respostou Lourdes Moure, concelleira de Fazenda que lembrou o voceiro da oposición “cando vostede estivo no goberno municipal con Nelson Santos aprobaron pagos de facturas por 18 millóns de euros mediante modificións de créditos e recoñecementos extraxudiciais e ninguén falaba de revisións”, sinalou a voceira socialista.
“Unha revisión xeral de oficio da facturación pendente sería unha temeridade” segundo Manuel Carrera mentres que Pedro Pereira e Pedro Ocampo tamén coincidiron en manifestar durante o pleno o seu rexeitamento a unha revisión de oficio “que sería unha temeridade” apostillou o voceiro do BNG. Pola súa banda Ocampo fixo a observación de que na conta 413 “sí se revisarán algunhas das facturas segundo acordamos na comisión informativa”, extremo co que estiveron dacordo BNG e PSOE.
Os concelleiros do PP presentaron votos particulares contra as modificacións de crédito propostas polo goberno municipal. Os votos particulares foron derrotados e as propostas do goberno municipal sairon con 9 votos a favor (PSOE, EU Son, BNG e Carrera) e 8 abstencións (PP).
Unha desas modificacións de crédito, polo tanto aprobada hoxe, por importe de 473.000 euros é para pagar facturas con recoñecemento extraxudicial a dez empresas por servizos e obras. A aprobación da operación garante o pagamento en breve.
A outra modificación é por importe de 1.700.000 euros. O acordo adoptado hoxe pola maioría da Corporación determina a xeneración do crédito para o pagamento a 238 proveedores e empresarios do Concello de Porriño. Agás aquelas facturas que deban ser revisadas segundo acordaron en comisión PSOE, EU Son e BNG. Para as restantes ainda restará a súa ratiticación no seguinte pleno que será o ordinario de setembro.

Outro punto da sesión era a ratificación do contrato coa empresa “Ascan” para a limpeza viaria conforme decidiu hai meses a mesa de contratación. O PP pretendía derogar esa adxudicación alegando supostas deficiencias na prestación e tamén prantexou un voto particular que foi derrotado pola maioría da corporación. Sergio Casal, concelleiro de Medio Ambiente do goberno municipal defendeu a adxudicación que” foi decidida nunha mesa de contratación con catro técnicos sen intervención de políticos”.
A adxudicación a “Ascan” foi ratificada con 7 votos a favor (PSOE, EU Son e Carrera) e 10 abstencións (PP e BNG).

Por último, nesta sesión plenaria quedaron finalmente aprobadas as retribucións da alcaldesa e concelleiros que forman o goberno municipal en réxime de adicación exclusiva, asunto que quedou pendente no pleno municipal do pasado 12 de xullo.

04/09/2019 in Alcaldía, Limpeza, Parques e xardíns, Servizos sociais, Urbanismo, comercio e industria, Vías e obras

Acordo para axilizar prazos para a ampliación do Centro de Saúde de Porriño

Un apretón de mans sellou o acordo entre Consellería de Sanidade e Concello de Porriño para que ambas administracións poñan o máximo empeño en axilizar prazos e execución da ampliación do Centro de Saúde da vila. O compromiso establece que en dous meses licitaráse a redacción do proxecto.
O Conselleiro, Jesús Vázquez Almuiña e a Alcaldesa de O Porriño, Eva García de la Torre escenificaron a firma do convenio polo que o Concello cede unha parcela anexa e comprometese a prestar os servizos e suministros necesarios para a posta en funcionamiento do Centro de Saúde. Pola súa banda, a Consellería executará a obra de ampliación e se encargará da dotación de material e persoal.
Conselleiro e Alcaldesa presidiron a reunión celebrada este mediodía na sé da Consellería en Santiago. No encontro estiveron os concelleiros do grupo EU Son, Pedro Ocampo e Blanca Francés, invitados pola alcaldesa a formar parte da representación municipal en recoñecemento ó seu protagonismo na reivindicación desta mellora sanitaria. Pola banda da Consellería, Vázquez Almuiña estivo acompañado por Alberto Fuentes, secretario xeral técnico, e por Antonio Fernández Campa. Xerente do SERGAS.


A reunión foi producto de que o conselleiro de Sanidade atendera a queixa recente formulada polo Concello de Porriño por unha descortesía institucional por non ter recibida información alguna do Conselleiro nin do seu staff sobre a licitación da redacción do proxecto comunicada hai uns días polo Sergas a través dunha nota de prensa.

03/09/2019 in Alcaldía, Servizos sociais