O Concello do Porriño require voluntari@s para a clasificación dos alimentos que se están a recoller no #GivingTuesday

O Concello de O Porriño, a través da OMIX fai un chamamento para que todos aqueles porriñeses interesados en botar unha mán participen como voluntarios para a clasificación e reparto dos alimentos recollidos no #GivingTuesday

Logo do éxito da iniciativa “Alimentos par todos/as” proposta polos nenos, nenas e adolescentes do consello municipal de infancia levada a cabo entre o martes día 3 e onte 5 de decembro, a Concellería de Educación e a OMIX do Concello, abren un prazo para que aquelas persoas que o desexen poidan colaborar como voluntarias.

Dende o Concello queremos aproveitar a celebración do Día do Voluntariado para agradecer a colaboración e solidariedade dos veciños e veciñas do Porriño.

As tarefas concretas a desenvolver por parte das persoas voluntarias nesta ocasión serán a selección e a embalaxe dos alimentos recollidos na iniciativa #GivingTuesday tanto nos centros escolares coma nos locais municipais, para ser distribuídos entres as familias con menos recursos do concello.

Aquelas persoas interesadas en formar parte do equipo de voluntariado poderán informarse e/ou inscribirse no Centro Cultural Municipal, ata o día 11 de decembro.

Ó mesmo tempo a Concellería de Educación e a OMIX, tomando como punto de partida esta experiencia do #GivingTuesday, anuncian a futura posta en marcha dun programa municipal de voluntariado.

O xoves 5 abrese o prazo de inscrición para o Campamento de Nadal para nen@s

Mañán xoves día 5 a partir das 10 horas, abriráse o prazo de inscrición para o Campamento de Nadal para nenos e nenas de 5 a 12 anos que promove o Concello de O Porriño a través do Centro de Información á Muller (CIM).
De feito as inscricions deberán realizarse a través do CIM, nas súas oficinas sitas no terceiro andar do Concello, en horario de 10 a 14 horas. As inscricións se atendenrán por estricto orde de chegada, segundo informa o CIM.
O Campamento de Nadal funcionará os días 23, 26 e 27 de decembro sempre que haxa un mínimo de 10 anotados.

O Concello de O Porriño inicia a campaña “Alimentos para todos con motivo da iniciativa #GivingTuesday

A Concellería de Educación e a OMIX do Concello de O Porriño, arrancaron hoxe coa campaña “Alimentos para Todos” con motivo da iniciativa #GivingTuesday que fora polo consello municipal de infancia no último pleno infantil celebrado o pasado 15 de novembro na nosa vila.
Trátase dunha iniciativa que nace como alternativa ao Black Friday ou o Cyber Monday, que promoven o consumismo. O #GivingTuesday é un movemento global que quere incentivar e multiplicar as boas accións das persoas.

No caso de O Porriño, o acordo adoptado polo pleno infantil determinou que co apoio do Concello, os nenos/as realizarán unha actividade que denominaron “Alimentos para todos” e que pretende recoller o maior número de alimentos posibles para a súa posterior distribución entre as familias da vila con menores recursos.
A recollida de alimentos nos centros educativos levaráse a cabo o vindeiro xoves 5, ao longo da mañá.
A recollida de alimentos nos centros municipais será no Pavillón Municipal e no Centro Cultural Municipal posponse ata o mércores 11 de decembro.

Dende o Concello convidamos a todos os veciños e veciñas a participar,
Recomendamos que os productos sexan non perecedoiros coma aceite, galletas, legumes, leite e alimentos infantís, así como tamén conservas ou outros precociñados como fabada, garavanzos, lentellas, albóndegas,…e que se entreguen nalgun dos puntos de recollida.

Porriño celebrou o Día Mundial da Discapacidade funcional

Centos de escolares dos centros educativos do municipio participaron hoxe nos actos reivindicativos do Día Mundial da Discapacidade que organizaron “Aceesca” a o Concello de O Porriño, a través da OMIX e varias concellerías.


Primeiramente os escolares, acompañados de profesores e titores, realizaron a tradicional Andaina polos dereitos das persoas con discapacidade que partiu e reamtou desde a praza do Concello despois dun percorrido polas rúas de Porriño. Ó remate tivo lugar a lectura dun manifesto a cargo de alumnas do centro “Aceesca”.
A continuación o deportista Simón Gónzalez Salgado que fora campeón mundial de kickboxing na modalidade de Full Contact en trece ocasións e que desde 2014 está en cadeira de rodas a causa dun accidente doméstico, dirixuse ós presentes pedindo que siga a toma de conciencia sobre discapacidade funcional e que a sociedade traballe en aras á plena integración

Tamén realizouse un concurso de paraaugas customizados por diferentes colexios do entorno, actividade enmarcada dentro da campaña #BaixooMesmoParaugas. Un xurado formado pola concelleira de Educación, Lourdes Moure e persoal de “Aceesca” elixiu os tres mellores resultado gañador o confeccionado polo Colexio Hermanos Quiroga.

E por último realizouse, por dúas veces, un “Flash Mob” entre todos os presentes.

Porriño celebra mañán martes a Andaina reivindcativa polo Día Mundial da Discapacidade funcional

O martes 3 de decembro ás 11 horas realizaráse a tradicional Andaina polos dereitos das persoas con discapacidade, covoncada por “Aceesca” e o Concello de O Porriño. A comitiva sairá desde a praza do Concello e regresará á mesma despois dun percorrido polas rúas de Porriño.
Ó remate terá lugar a lectura dun manifesto e haberá un desfile dun concurso de paraaugas customizados por diferentes colexios do entorno, actividade enmarcada dentro da campaña #BaixooMesmoParaugas. Un xurado formado pola concelleira de Educación, Lourdes Moure e persoal de “Aceesca” elixirá o mellor deseño.

Tamén se celebrará un “Flash Mob” entre todos os presentes.
Con carácter previo “Aceesca” ven realizando diferentes actividades, xornadas de sensibilización nos diferentes colexios e institutos de Porriño.

O Concello do Porriño súmase á iniciativa solidaria #GivingTuesday

O vindeiro martes 3 de decembro, Porriño súma á iniciativa solidaria #GivingTuesday (Martes para Dar). Esta foi unha das propostas aprobadas polos nenos, nenas e adolescentes do consello municipal de infancia no último pleno infantil celebrado o pasado 15 de novembro e organizado pola Concellería de Educación e a OMIX do Concello.

Trátase dunha iniciativa que nace como alternativa ao Black Friday ou o Cyber Monday, que promoven o consumismo.
O #GivingTuesday é un movemento global que quere incentivar e multiplicar as boas accións das persoas. O obxectivo é dedicar un día en todo el mundo (este ano será o martes 3 de decembro), para celebrar a acción de dar, xa sexan alimentos, diñeiro, tempo (voluntariado), obxectos de segunda man…

No caso de O Porrilño, o acordo adoptado polo pleno infantil determinou que co apoio do Concello, os nenos/as realizarán unha actividade que denominaron “Alimentos para todos” e que pretende recoller o maior número de alimentos posibles para a súa posterior distribución entre as familias da vila con menores recursos.
A actividade central de recollida durante o martes 3 realizarase fundamentalmente en colaboración cos centros escolares, nos que se instalarán os puntos de recollida, inda que tamén se instalarán no propio consistorio, na biblioteca e no pavillón municipal.

Dende o Concello convidamos a todos os veciños e veciñas a participar neste día para DAR,
Recomendamos que os productos sexan non perecedoiros coma aceite, galletas, legumes, leite e alimentos infantís, así como tamén conservas ou outros precociñados como fabada, garavanzos, lentellas, albóndegas,…e que se entreguen nalgun dos puntos de recollida.

Comparecencia da concelleira de Facenda para explicar o renting do parque móbil municipal e a adquisición de locais para a UNED e Servizos Sociais.

Lourdes Moure, concelleira de Facenda do goberno municipal explicou nunha ampla comparecencia no pleno da Corporación celebrado onte, a operación de renting realizada para renovar o parque móbil municipal e tamén a adquisición de locais para unha aula da UNED e para oficinas de Servizos Sociais.
No que atinxe a renovación dos vehículos para o Concello, Lourdes Moure argumentou que “o Concello de O Porriño tiña unha flota envellecida e en mal estado” polo que “optouse por un contrato de renting de envergadura para renovar o parque móbil con garantías de seguridade para o persoal municipal e de cobertura das necesidades básicas para o Concello”.
A concelleira explicou que “levouse a cabo un estudo do custe anual do renting fronte aos custes de xestión directa polo Concello tomando como referencia o período 2010-2014. E fixemos a súa comparación co período 2015/2019 no que xa empregamos a fórmula de renting”.
Lourdes Moure manifestou que “comprobando os datos extraídos da contabilidade resulta que coa xestión deste goberno e facendo a comparativa co goberno anterior, atopamos que hai un aforro de máis de 900.000 euros na comparación a favor noso co respecto o de Nelson Santos”.
A concelleira de Economía e Fazenda engadiu o dato de que “no período 2010 / 2014 no que gobernou po PP, soamente o Sr. Alejandro Lorenzo, percibiu 8.254,75 € en concepto de dietas de desprazamento, dos 27.008,93 € que percibiron o resto do goberno municipal que erades 9 concelleiros”.
A concelleira comparou ese dato “co custe que lle indico de 3.017,41 € do goberno municipal do PSOE no mandato anterior, que corresponde cos gastos ocasionados polo irmanamento con Francia e inclúense o custe do viaxe a Madrid para solucionar o problema do Paso a Nivel”.

Pola súa banda o voceiro municipal do Partido Popular agradeceu a entrega da documentación solicitada pero rexeitou os datos aportados pola voceira socialista. “Teño a sensación de que está vostede a misturar moitas cousas e conceptos” respostou Alejandro Lorenzo que afirmou que se reserva a demanda de máis información.
Pola súa banda Pedro Pereira, primeiro tenente de alcalde e voceiro do BNG expusou “estar en discrepancia tanto co fondo como coa forma da exposición da concelleira comparecente” ainda que evitou pormenorizar e apelou a que “o que agora toca es mudar certos hábitos de gasto desde o novo goberno coaligado”.
Tamén o voceiro de EU Son indicou a súa discrepancia coa exposición da comparecente lamentando “a ensalada de número e cifras que trouxo e nos entregou a cada grupo”.
Por outra banda, na segunda parte da súa comparecencia Lourdes Moure informou sobre a compra dos locais para aula da UNED en rúa Fernández López y para Servizos Sociais do Concello en rúa Antonio Palacios. Como parte das xestiones realizaounas a alcaldesa, tamén Eva García participou das explicacións.
Razonaron que a adquisición de ambos locais resultaba con mellores condicións para o erario municipal e ademáis adquiríase patrimonio para o Concello. En canto ós prezos aboados estaban en consonancia cos de mercado. A alcaldesa argumentou que “con cada un deles destistiuse dos contratos de aluguer inicialmente prantexados”.
O voceiro do PP preguntou si habería que aboar os alugueres de ese período inicial (tres meses). A alcaldesa garantiu que non por común acordó entre Concello e axencia inmobiliaria.
Pola súa banda, o BNG expresou a súa discrepancia co local elixido para a UNED entendendo – como tamén argumentou o voceiro de EU Son- que tería sido “máis axeitado trasladar esa aula a Torneiros, xa fora ó multiusos ou ben a outros locais dispoñibles”.
Para rematar o debate do asunto Eva García lembrou que co novo pacto de goberno, “esta alcaldesa delegará as súas competencias e polo tanto será decisión do pleno municipal o que atinxe ó patrimonio municipal, xa sexan compra-venda, aluguer, permuta e cesión”.

Convocado pleno municipal ordinario de novembro

A alcaldesa Eva García firmou esta mañá a convocatoria do pleno ordinario deste mes de novembro que se vai celebrar o vindeiro mércores 27 ás 18 horas. A orde do día ten nove asuntos máis rogos e preguntas.

Presentase para a súa aprobación o pago de facturas pendentes a pequenos e medianos proveedores do Concello por un importe global de 750.000 euros. Son facturas correspondentes ós exercicios de 2017 e 2018 que se atopaban na partida 413 cuio desbloqueo acadou o goberno municipal por mayoría cos votos de PSOE, BNG, EU Son e Manuel Carrera. Consecuencia daquel acordo do pleno corporativo do pasado 30 de otubro e previa comprobación polos diferentes departamentos e servizos municipais, agora lévase a recoñecemento extraxudicial neste pleno.

Os pagos son para proveedores de combustible, gas, telefonía, proxectos, servizos, publicidade, reparación de vehículos e actos varios.

No transcurso da sesión terá lugar a comparecencia da concelleira de Economia e Fazenda, Lourdes Moure para explicar pormenorizadamente a operación de renting do parque móbil municipal e presentar unha comparativa cos gastos do goberno de Nelson Santos.  

A este mesmo pleno municipal lévase de novo a adxudicación definitiva do contrato de limpeza viaria, asunto que tamén motiva unha nova moción do grupo municipal do Partido Popular que denuncia incumprimentos de contratos por parte de “Ascan”.

Outras duas mocións completan a orde do día. Unha a cargo de EU SON que despois do 25N prantexa trece medidas para comprometer activamente ao Concello do Porriño contra a violencia de xénero.

Por outra banda, a moción do BNG alcumada “Vía Galega” refírese ó problema do baleirado poboacional na nosa comunidade. A moción que irá ó pleno da Corporación, en caso de aprobarse, instará ó Parlamento Galego a constitutir unha comisión que no prazo de 5 meses propoña as políticas necesarias para rematar con este drama social.

 

Lévase á Comisión Municipal de Economía o pago de facturas pendentes a proveedores por 750.000 €

A Comisión Municipal de Economía e Fazenda informará mañán xoves (18,30 h.) o pago de facturas pendentes a pequenos e medianos proveedores do Concello por un importe global de 750.000 euros. Tratase de facturas correspondentes ós exercicios de 2017 e 2018 que se atopaban na partida 413 cuio desbloqueo acadou o goberno municipal por mayoría cos votos de PSOE, BNG, EU Son e Manuel Carrera. Consecuencia daquel acordo do pleno corporativo do pasado 30 de novembro, e previa comprobación polos diferentes departamentos e servicios municipais, agora levaráse o recoñecemento extraxudicial ó vindeiro pleno ordinario que se celebrará o mércores 27 de novembro.
Os pagos que suman 750.000 euros son para proveedores de combustible, gas, telefonía, proxectos, servizos, publicidade, reparación de vehículos e actos varios.
Con carácter previo á comisión municipal de mañán celebrouse unha reunión informativa convocada polo gabinete da Alcaldía con todos os grupos municipais que asistiron agás o Partido Popular cuio voceiro rexeitou a invitación.
Nesta mesma comisión municipal lévase de novo a adxudicación definitiva do contrato de limpeza viaria, soportado en novos informes técnicos.
Outras dúas comisións tamén convocaronse para mañán xoves. Ás 18 horas Comisión Especial de Contas para informar a aprobación da Conta Xeral do exercicio de 2018. E ás 19 horas Comisión de Servizos Sociais e Igualdade que informará duas mocións de Eu Son Porriño e do BNG.
A de EU SON relativa a inminente celebración do 25N Día Internacional contra a Violencia de Xénero que prantexa trece medidas para comprometer activamente ao Concello do Porriño contra a violencia de xénero.
Por outra banda, a moción do BNG alcumada “Vía Galega” refírese ó problema do baleirado poboacional na nosa comunidade. A moción que irá ó pleno da Corporación, en caso de aprobarse, instará ó Parlamento Galego a constitutir unha comisión que no prazo de 5 meses propoña as políticas necesarias para rematar con este drama social.

O CONCELLO DE PORRIÑO ALUMEADO EN AZUL POLO DIA DA INFANCIA

Este serán a casa consistorial do concello de O Porriño quedou alumeada en cor azul como adhesión ó Día da Infancia, unha acción promovida pola UNICEF. O edificio do Concello permanecerá alumeado en azul ata as 23 horas. A alcaldesa Eva García e os cinco membros do goberno municipal coaligado asistiron ó encendido.


Hoxe celebranse trinta anos da Convención dos Dereitos do Neno. Por tal razón, Porriño declarada desde 2018 “Cidade Amiga da Infancia”, sumouse a efeméride, seguindo a chamada #GaliciaDeAzul lanzada pola UNICEF para conmemorar ese aniversario.
Por outra banda, o vindeiro venres 22, Porriño enviará unha delegación integrada polos alumnos elixidos para representar á infancia local no VII Foro de Participación Infantil de Galicia. O evento terá lugar a partir das 12 horas no Parlamento de Galicia.
No pleno infantil celebrado no Porriño o pasado venres 15 determinouse a composición da delegación que estará formada polos alumnos elixidos dos seguintes centros educativos: Santo Tomás, Aceesca, Hermanos Quiroga, CEIP da Ribeira y CEIP de Atios. Asimesmo integrarán a delegación a concelleira de Educación, Lourdes Moure, os técnicos da OMiX e acudirá tamén un profesor de cada centro en condición de acompañantes.
O obxectivo desta actividade promovida por UNICEF é dar voz a nenos e nenas de distintos concellos galegos para que logo do traballo realizado nos seus Consellos Locais de Participación Infantil e Adolescente, aporten o pleno autonómico a súa visión de como as cuestións que son da súa preocupación e interese se ven reflectidas nas súas.