Emprego e formación

O comité de personal e traballadores de “Levantina” acudiron este serán ó Concello de Porriño para expoñer a súa preocupación polo inminente ERE que a empresa granitera quere aplicar e solicitar a intercesión da alcaldesa. Eva García, quen abriu as portas do salón de sesions para celebrar a reunión e acoller a todolos asistentes, comprometeuse con eles a facer chegar á dirección da empresa “a preocupación do Concello polo impacto negativo que tería ese ERE para 33 familias de Porriño”.

Delfín Pensado, traballador e presidente do comité de empresa de “Levantina” en Porriño fixo unha exposición da situación e instou esa mediación da alcaldesa perante “unha urgencia xa que o vindeiro mércores 10 remata o prazo para negeociar unha saída ó ERE plantexado pola dirección de Recursos Humans da firma”. Outros membros do comité de personal que integran delegados de UXT, CCOO e CIG tamén interviron para engadir que o plantexamento da dirección de “Levantina” “é moi duro coa planta de Porriño que tén amosada a súa eficiencia e rentabilidade”.

“Se fose preciso viaxar ata Alacant –onde se atopa a sede central da firma- fariamolo con tal de botarvos unha man e evitar esa perda de postos de traballo” manifestou a alcaldesa porriñesa ós presentes. A tal fin este mesmo serán, ó remate da reunión, dende a Alcaldía realizabanse xestions para establecer contacto coas oficinas principais da empresa na Comunidade Valenciana para instar información do ERE e facer chegar a preocupación do Concello. Namentres a alcaldesa aproveitará mañana venres unha cita na Dirección Xeral de Minas da Xunta de Galicia –por unha reunión previamente establecida por outro asunto- para exponer á administración autonómica a preocupación dos traballadores de “Levantina” e do Concello de Porriño por este caso.

A Alcaldesa de Porriño reunirase mañán xoves, ás 18 horas, co comité de empresa da plantilla de “Levantina y Asociados de Minerales” que pedirá á primeira autoridad municipal ó seu apoio ante o expediente de regulación de emprego da firma granitera que se propón eliminar 33 postos de traballo da factoría porriñesa.
Con carácter previo á reunión coa alcaldesa, a plantilla de “Levantina” realizará ás 17,30 horas, unha concentración na praza Arquitecto Palacios para que a veciñanza de Porriño coñeza e tome conciencia do risco que corren os seus empregos.
Dende a súa adquisición por un fondo de pensions británico, a plantilla de “Levantina” en Porriño temía recortes que agora xa están enriba da mesa. Unha proposta de ERE que a empresa xa tén presentado e que deixaría sen traballo ó 20% do personal que tén a factoría asentada no polígono das Gándaras e que os traballadores rexeitan.
Como fixera con anterioridade ante conflictos laborais similares (lembremos o caso de “Frigolouro”) Eva García de la Torre accediu á petición de reunión que realizou o comité de “Levantina”. Os sindicatos que representan á plantilla da empresa, un dos principais referentes industriais da comarca, demandan ás administracions públicas un exercicio de responsabilidade para protexer os empregos e a capacidade productiva instalada en Porriño.
Cunha facturación anual superior ós 30 millons de euros, a factoría porriñesa de “Levantina” (antigamente “Graninter”) está considerada como unha empresa líder do sector da pedra en Galicia.

A Concellería de Emprego e Formación, dirixida por Soledad Girón, pon en marcha, por terceiro ano consecutivo, o programa de emprego “Porriño Accede”, dirixido a veciñas e veciños do Porriño en situación de desemprego.

‘Porriño Accede’ ten como obxectivo mellorar as posibilidades de atopar un traballo das desempregadas e desempregados do Porriño e para iso dirixe accións formativas deseñadas polas empresas, que incorporan prácticas non laborais. Trátase de mellorar as competencias profesionais e contribuír á inserción das usuarias e usuarios no mercado laboral. 

 Para formar parte do programa ‘Porriño Accede’, abrirase un rexistro de persoas interesadas, que serán informadas e seleccionadas no momento previo á execución dos cursos. Deberase acudir ás oficinas do Multicentro Torneiros, cumprimentar un formulario de inscrición e aportar a tarxeta de demandante de emprego actualizada.

Se tes menos de 30 anos e baixa cualificación profesional, debes saber que a Asociación de Industriais Metalúrxicos (ASIME) ven de asinar un convenio coa Concellería de Emprego e Formación, dirixida por Soledad Girón, para desenvolver no O Porriño o Programa Integrado de Emprego de Galicia, impulsado pola Consellería de Economía Emprego e Industria, e o Ministerio de Traballo Migracións e Seguridade Social, que formará a 20 persoas no sector metalúrxico.

O obxectivo deste programa é a reinserción laboral de, a lo menos, o 45% dos participantes no mesmo, elaborando para cada persoa un itinerario personalizado personalizado, dacordo coas súas demandas e características.

As principais liñas de formación serán:  Soldadura, Tubaxe Industrial, Interpretación de plano; Fabircación e Montaxe de Estruturas Metálicas, Tratamento de Superficies, Operacións Auxiliares de almacenaxe, Carretilleiro e Mantemento.

Se estás interesado/a en formar parte deste programa formativo podes inscribirte no mesmo chamando ao teléfono 986 41 07 27.