Alcaldía

Dezaseis comparsas participan no Entroido do Porriño

Un total de dezaseis comparsas concorren no Entroido 2020 do Porriño. Cinco delas son infantís e as restantes, de adultos.
Todas elas participaron no desfile de comparsas do sábado, repetirán mañá Martes de Entroido e o Mércores de Cinza, no cortexo fúnebre e posterior acompañamento da Sardiña ata o río Louro.
Das dezaseis, só dúas concorren fora de concurso, segundo estableceu a acta do xurado.

Lembramos que o Desfile do Martes partirá ás 18 horas da praza San Sebastián e rematará na praza Arquitecto Antonio Palacios.

O Mércores as comparsas participarán no acompañamento da Sardiña co seguinte percorrido: Saída dende praza A. Antonio Palacios, continuando pola rúa Antonio Palacios, Domingo Bueno, baixando pola fonte de San Sebastián seguindo por Manuel Rodríguez ata a praza Arquitecto Antonio Palacios de novo, onde se procederá á lectura do testamento. De seguido sairá o cortexo fúnebre que rematará preto do albergue de peregrinos (Paseo do Louro) onde se procederá á incineración.

24/02/2020 in Alcaldía, Cultura e festas

Os Xogadores da Ola serán os pregoeiros que darán a benvida ao Entroido 2020

Este sábado, ás 12 do mediodía, os Xogadores da Ola serán os pregoeiros encargados de dar a benvida ao Entroido 2020 do Porriño.
A cita será no Concello, na praza Arquitecto Antonio Palacios. A continuación haberá animación de rúa a cargo de “Os Festicultores Troupe”, a “Charanga do Dr. Anchoa”, a charanga “Fanfarria Furruxa” e “The Turre´s Band”.

A animación manterase ata as dúas da tarde, hora na que comezará o xantar na rúa con caldo de balde e pulpeiro, tamén na praza do Concello.
A partir das 16 horas terá lugar o tradicional Xogo da Ola amenizado pola “The Turre´s Band que durará ata as 18,30 h.


Paralelamente para os cativos haberá un “Obradoiro de Máscaras” a cargo do grupo “Tanxarina” para nenos e nenas a partir de 5 anos.
Dende as 18 horas, celebrarse o desfile de Comparsas que percorrerá as rúas Antonio Palacios, Domingo Bueno, San Sebastián, Manuel Rodríguez, Ramón Gónzalez e rematará na praza do Concello.
E ademais o sábado continuarán as Xornadas Gastronómicas do Entroido. Dende as sete da tarde, os 20 establecementos participantes ofrecerán elaboracións culinarias do Entroido como orella, lacón, cacheira ou filloas a un prezo de 1 € o pincho.


O domingo 23 será a xornada adicada ós nenos. Haberá Festa Infantil no Círculo Recreativo Cultural, a partir das 18 horas, con entrada libre ata completar aforo.

21/02/2020 in Alcaldía, Cultura e festas

Constituída a Comision Especial do Líndano que volverá a reunirse despois das eleccións galegas

Baixo a presidencia da alcaldesa Eva García de la Torre e, finalmente coa presenza de dous vogais en representación da Xunta de Galicia, quedou constituída a Comisión Especial para a Descontaminación por Líndano. A sesión constitutiva realizouse no Concello do Porriño onte mércores á tarde.

Por parte municipal participaron ademais da alcaldesa, os concelleiros Lourdes Moure (PSOE), Pedro Pereira (BNG), Alejandro Lorenzo e Abel Estévez (PP); Manuel Carrera (UDDL) e Pedro Ocampo (EU Son). Foi precisamente EU Son o grupo político que propiciou o acordo plenario unánime para a creación desta Comisión Especial.
En representación da Xunta de Galicia acudiron José Manuel Gónzalez Gónzalez, xefe territorial da Consellería de Medio Ambiente en Pontevedra, e Natalia Botana Rey, xefa do Servizo de Control de Riscos Ambientais da Xefatura Territorial da Consellería de Sanidade en Pontevedra.

Ademais forman parte da Comisión Especial, Patricia Sío, voceira da Plataforma de Afectados; representantes veciñais de Relva, Alba e San Salvador; e un vogal de cada un dos tres principais sindicatos (CCOO, UXT e CIG).

Nesta sesión constitutiva acordouse que a Comisión Especial manteña reunións trimestrais o primeiro luns do mes que corresponda polo que a vindeira reunión debería ser no mes de maio, despois das eleccións galegas.

Eva García repetiu a súa valoración “positiva” de que a Xunta de Galicia “estea representada porque sen eles esta Comisión Especial nacería moi coxa”. A alcaldesa sostén que nesta Comisión Especial “a Xunta terá que comprometerse, non só con palabras senón tamén cunha partida orzamentaria”.

20/02/2020 in Alcaldía

Constitución da Comisión Especial polo Líndano

Este mércores 19 constituirase a Comisión Especial para a Descontaminación por Líndano na que, en principio non haberá representantes da Xunta de Galicia. Nin a Consellería de Sanidade nin a Consellería de Medio Ambiente atenderon, ata de agora, a invitación do Concello de O Porriño para que designaran ós seus vogais na devandita Comisión Especial. De feito o pasado 14 de xaneiro, dende Alcaldía remitíronse sendas cartas ós titulares de ambas Consellerías reiterando a invitación.

Eva García como alcaldesa será a presidenta da Comisión na que integrase un concelleiro por cada grupo municipal. Asimesmo os sindicatos UXT, CCOO e CIG nomearon un delegado por cada un deles. Tamén hai un vogal pola Plataforma de Afectados do Líndano e por suposto, hai representación veciñal de Relva, Alba e San Salvador

A creación desta Comisión Especial, previamente consensúada pola alcaldesa e os voceiros dos grupos municipais, acordouse formalmente en pleno pola Corporación Local. A estructura da Comisión Especial que se determinou incluía ás dúas Consellerías citadas entendendo que a sua participación é indispensable pola natureza do asunto.

18/02/2020 in Alcaldía

Primeira quenda das Xornadas Gastronómicas do Entroido

O sábado 15 comezaron as Xornadas Gastronómicas do Entroido nas que participan vinte establecementos de hostalaría da vila.
Ata o 14 de marzo, cada venres e sábado, a partires das 19 horas, os bares e cafeterías participantes ofrecerán un pincho polo prezo de 1 € con eñaboracións propias do Entroido como orella, lacón, cacheira ou filloas.

Nas Xornadas participan os establecementos: “Tapería La de Evi”, “Saspi”, “Paso a Nivel”, “Argentino 2”, “Adéle”, “Segredos”, “Millenium 33”, “Cólleo con pinzas”, “La de Chato”, “A Francachela”, “El Patio”, “Pantera Rosa”, “Maloserá”, “Sol”, “Adega de Montero”, “Maracaibo”, “Mesón Mondariz”, “La Cueva” y “Cafetería O Porriño”.

17/02/2020 in Alcaldía, Cultura e festas

Acordo unánime para desafectar as antigas casas dos mestres de Torneiros para a súa conversión en vivendas sociais

O Concello do Porriño aprobará, co acordo unánime de todos os grupos políticos da Corporación, a desafección das antigas casas dos mestres de Torneiros para a súa conversión en vivendas sociais.
A proposta realizada no nome do goberno municipal bipartito polo concelleiro de Infraestructuras e Patrimonio, Pedro Pereira será levada a pleno para a súa ratificación. Ainda que xa recibiu o respaldo dos restantes grupos políticos na reunión que celebrou onte a xunta de voceiros municipais. A alcaldesa Eva García engadiu que o proxecto de conversión en vivendas sociais podese acoller a unha liña de subvencións do 90% que establece o propio Instituto Galego da Vivenda e Solo.

Á Xunta de Voceiros Municipais, presidida por Eva García, asistiron ademáis do citado Pedro Pereira, Lourdes Moure (PSOE), Abel Estévez (PP), Pedro Ocampo (EU Son) e Manuel Carrera (UDDL).

Entre outros acordos decidiuse que o pleno deste mes de febreiro sexa o xoves 27, ás 18 horas, para evitar a coincidencia co Mércores de Cinza e co Enterro da Sardiña.
Tamén tratouse da proposta do Rueiro Municipal para denominación de rúas e prazas que ainda está en fase de consultas que continuarán en marzo. Acordouse pechar os preparativos da Comisión Especial do Lindano que se vai constituir formalmente o vindeiro mércores 19, a as 19 horas.

Ademais o concelleiro de Infraestructuras, Pedro Pereira debatiu cos voceiros dos grupos a posibilidade de establecer unha posición común do Concello no asunto existente en Budiño entre cinco entidades deportivas, culturais e veciñais e a Comunidade de Montes. De momento non é posible por diferencias de criterios que se volverán a tratar nunha reunión específica que terá lugar o vindeiro xoves 20.
Pretendese intermediar para acadar unha solución a tres bandas que garanta o mantemento dos usos de instalacións cuia titularidade pasou a mans da Comunidade de Montes, por sentenza do Xurado de Montes.

14/02/2020 in Alcaldía, Servizos sociais, Urbanismo, comercio e industria, Vías e obras

Inaugurada a remodelación da biblioteca do CEIP “Antonio Palacios”

Eva García,alcaldesa de O Porriño xunto coa concelleira de Educación, Lourdes Moure e o Xefe Territorial da Conselleria de Educación, César Pérez Ares inauguraron hoxe a reforma da Biblioteca do CEIP Antonio Palacios.

O espazo replanteouse co novo mobiliário é unha “Zoa Maker” dotada con material informático e audiovisual, para atender as demandas dos 405 alumnos que actualmente están matriculados neste centro.

13/02/2020 in Alcaldía, Educación e tecnoloxía

O Porriño acolleu a Gala Anual da Federación Galega de Automobilismo

O Concello do Porriño foi o anfitrión da Gala Anual da Federación Galega de Automobilismo que otorgou os seus galardons a pilotos, escuderías, patrocinadores e institucións colaboradoras. O evento tivo lugar no Polideportivo Municipal.

O Porriño foi elixido para celebrar a Gala en recoñecemento ó seu vínculo co deporte do motor. De feito foi unha das institucións recoñecidas.

Ademais de pola súa continuada colaboración co RALLY RIAS BAIXAS do que Porriño é un fito moi especial, tamén premiouse polo patrocinio do RALLY MIX CONCELLO DO PORRIÑO que se celebrou por primeira vez no fin de semana principal das FESTAS DO CRISTO.

Por otra banda, o Concello do Porriño manten un compromiso activo coas boas prácticas ó volante como acreditou co curso de conducción segura “CONDUCE CON XEITO”. Impartido gratuitamente a máis de 200 veciños e veciñas de O Porriño, con clases teóricas e prácticas que contaron coa colaboración de pilotos de rallys como os campeón de España Ivan Ares e José Pintor.

A alcaldesa Eva García e a concelleira de Seguridade, Lourdes Moure foron as encargadas de recibir os galardóns otorgadas ao Concello do Porriño.

10/02/2020 in Alcaldía, Deportes, Tráfico

PORRIÑO CANCELA A REUNIÓN DA COMISIÓN DE DESLINDE CON MOS

O Concello do Porriño informa que ainda está recabando documentación e planimetría necesarias, segundo decidiiron hai unha semana os voceiros dos grupos municipais da Corporación. O acordo tomouse para argumentar os seus dereitos fronte a Mos. De tal xeito que reunir mañá a Comisión Especial de Deslinde sería precipitado.

Polo tanto este mediodía o gabinete da Alcaldía do Porriño comunicou ó Concello de Mos que non procede a celebración ainda da Comisión de Deslinde que queda cancelada ata nova data.

05/02/2020 in Alcaldía, Urbanismo, comercio e industria

A Mesa Local de Comercio confirmou preparativos e datas para a vindeira edición de “Merca na Rúa”

A Mesa Local de Comercio celebrada a última hora desta mañan, no Concello, confirmou preparativos e datas para a vindeira edición de “Merca na Rúa”. Será a vixésimo segunda edición da feira de stocks e oportunidades que organiza a asociación de comerciantes “ACIPOR” coa colaboración do Concello do Porriño. Terá lugar os días 7 e 8 de marzo. Como é habitual os stands das firmas participantes estableceranse na rúa peonil. Segundo as estimacións dos organizadores haberá 23 postos de venda, dos casi 7 serán dobres.

Na reunión da Mesa Local de Comercio participaron os concelleiros do goberno municipal Lourdes Moure e Sergio Casal, Eugenio Fernández, xefe territorial da Consellería de Economía, Emprego e Industria e pola asociación de comerciantes porriñeses, Juana Pérez, presidenta e Noelia Conde, xerente de ACIPOR.

05/02/2020 in Alcaldía, Urbanismo, comercio e industria