Alcaldía

A Escola Municipal de Música do Porriño imparte “Masterclass” para bandas

Por primeira vez na súa andaina, a Escola Municipal de Música do Porriño celebrará tres “Masterclass” que impartirá Juan Carlos Díaz, mestre musical de gran experiencia e director de recoñecido prestixio.

As tres “Masterclass” terán lugar os mércores 11, 18 e 25 do presente mes de marzo, en horario vespetino, entre as 18 e 20 horas, no local da Escola Municipal de Música.
O traballo que se realizará durante estas “Masterclass” presentara no programa que tocará a Banda da Escola Municipal no VIII Festival de Bandas de Música que se celebrará o sábado 28 de marzo, na praza do Concello, a partir das 19,30 horas.

Con esta iniciativa a Escola Municipal de Música pretende espertar o interese pola música e os instrumentos de banda, entre os nenos e nenas do Porriño.

10/03/2020 in Alcaldía, Cultura e festas

ADIF confirma á Alcaldesa que mañá martes 10 abrense as plicas da licitación do proxecto de supresión de paso a nivel

O ADIF confirmou hoxe a Eva García, alcaldesa de O Porriño que maña martes día 10 abriranse as plicas das empresas interesadas no proxecto de supresión do paso a nivel existente no centro urbán da vila. A resolución deste concurso “será inminente e desarrollase en tres fases, sendo a primeira o estudio xeotécnico” segundo manifestaronlle responsables do Administrador de infraestructuras Ferroviarias á alcaldesa do Porriño.

Eva García de la Torre trasladouse hoxe a Madrid e reuniuse na sede de ADIF con María Luisa Domínguez Gónzalez, directora xeral de Proxectos e Planificación e dous técnicos deste departamento reponsables da licitación. A alcaldesa valorou que “a reunión foi moi ben”.

Segundo as explicacións recibidas “confirmaronnos que mañá martes abriranse as plicas para coñecer as ofertas das empresas interesadas na primeira das tres licitacións que se desarrollarán, que corresponde ao estudio xeotécnico e de xeito inminente, en tres semanas, adxudicarase” explicou Eva García.
As dúas seguintes licitacións serán para resolver o proxecto básico e finalmente o proxecto constructivo.
Para a alcaldesa de O Porriño “non hai dúbida de que ADIF ten o firme propósito de eliminar ese paso a nivel”.
A solución técnica que se prantexa é mediante a depresión da rasante da vía férrea polo que ADIF inclue na licitación do proxecto a realización de sondaxes e estudio xeotécnico para dispoñer dunha valoración axustada do orzamento que terá a obra.

A reunión de hoxe foi continuidade das xestions realizadas no mes de setembro de 2019 e anteriormente en agosto de 2018 pola alcaldesa Eva García coa presidenta do ADIF, Isabel Pardo de Vera cando lle trasladou a proposta unánime dos grupos municipais e dos colectivos sociais e económicos de Porriño para suprimir o paso a nivel como evidenciouse na histórica manifestación celebrada o 1 de xuño dese ano.
O paso a nivel existe en Porriño dende 1948. A súa supresión é unha demanda histórica que se reforzou a partires do accidente de hai catro anos cando o Tren Celta descarrilou por exceso de velocidade o que provocou catro mortos e perto de medio centenar de feridos.

09/03/2020 in Alcaldía

O Porriño acollerá o inicio e remate do Campionato de Galicia de Karting 2020

A concelleira de Educación e Seguridade, Lourdes Moure manifestou hoxe que “é para Porriño unha satisfacción acoller o inicio e o remate do Campionato de Galicia de Karting 2020 que comezará o vindeiro domingo 8, no circuito da nosa vila”.
A concelleira, en representación do Concello anfitrión da presentación do Campionato foi a encargada de abrir o acto que contou con representacións da Secretaria Xeral para O Deporte da Xunta de Galicia, ABanca, Gadis e outras firmas que copatrocinan o evento que organiza a Federación Galega de Automobilismo que tamén estivo representada polo seu presidente, Iván Corral. O acto desarrollouse nas instalacións do CEIP Antonio Palacios, en Torneiros.

O circuito de karting existente na vila de O Porriño acollerá este domingo 8 de marzo a primeira proba das 7 programadas pola Federación ao longo do ano. E tamén recibirá a última que pechará o Campionato, prevista para o domingo 26 de outubro.

A concelleira de Educación e Seguridade aproveitou tamén a súa intervención para lembrar “os vínculos de O Porriño co deporte do motor”. Citou que o pasado 8 de febreiro, Porriño acolleu a Gala Anual da Federación Galega de Automobilismo que se celebrou no Pavillón Municipal de Deportes. Na mesma o Concello foi galardoado nesa Gala polo seu apoio ó automovilismo en 2019. Un apoio manifestado na súa duradeira colaboración co Rally Rías Baixas, polo patrocinio do I Rally Mix Concello do Porriño, celebrado nas Festas do Cristo, e finalmente, polo curso “Conduce con Xeito” para mellorar a capacidade de reacción dos veciños e veciñas do Porriño que participaron nas clases prácticas e teóricas.

06/03/2020 in Alcaldía, Deportes, Tráfico

Porriño adxudica a “Urbaser” o contrato de limpeza viaria e acorda adherirse ao Programa contra Velutina

Por maioría, a Corporacion local do Porriño acordou hoxe volver a adxudicar o contrato de limpeza viaria que agora será unha concesión que desempeñará a empresa “Urbaser S.A”. O acordo adoptouse con 14 votos favorables (PSOE+PP+EuSon+UDDL) e as abstencións dos dous concelleiros do BNG. Tan só faltou ao pleno, o voceiro de EU Son, Pedro Ocampo.

A proposta que se levou ao pleno baseabase na resolución previa da Mesa de Contratación celebrada esta semana e nos informes solicitados ao Tribunal de Contratación Administrativa de Galicia (TACGAL) e á consultora “Lagares e Oca”. En base a eles, decidiuse retirar do concurso a “Ascan” que foi a primeira adxudicataria, así como á firma “Eulen” e polo tanto recalcular e propoñer en favor da segunda clasificada na licitación, a firma “Urbaser”.

Outro dos puntos da orde do día deste pleno extraordinario celebrado hoxe foi acordar por unanimidade a adhesión do Concello do Porriño ao Programa Galego de Vixiancia e Control da Vespa Velutina, suscrito pola Vicepresidencia da Xunta de Galicia e a Federación Galega de Municipios e Provincias (FEGAMP).

O Programa garante a retirada e destrucción dos niños de velutina coa colaboración do Concello. Serán retirados por persoal da empresa pública “SEAGA” sempre que estean a menos de 25 metros do chan en un prazo de 5 días laborais. O Concello de Porriño recibirá e canalizará as chamadas dos veciños que alerten da existencia de niños e comunicará a información á Xunta de Galicia. “Para o Concello supón un aforro de gasto anual importante dado que era a administración municipal ata de agora a que asumía esa tarefa”, manifestou o concelleiro de Medio Ambiente Sergio Casal, na defensa do punto.

Por último, neste pleno ademais realizouse o sorteo mediante ordenador para a designación de membros das mesas electorais para os comicios autonómicos do vindeiro 5 de abril. As concelleiras Blanqui Francés, Cami Moreira e Ana María Martínez Paradela actuaron de testemuñas.

06/03/2020 in Alcaldía, Limpeza, Parques e xardíns, Urbanismo, comercio e industria

A XXII edición da feira “Merca na Rúa” que se celebrará na fin de semana, contará con 31 stands

Sergio Casal, concelleiro de Comercio invitou á veciñanza porriñesa e doutros concellos da contorna a acudir á XXII edición da feira de oportunidades “Merca na Rúa” que se vai celebrar na vindeira fin de semana. “Haberá unos prezos tan baratos que case que habería que darlle propina aos comerciantes”, indicou o edil.

Na zona peonil instalaranse 31 stands de 23 establecementos porriñeses que participan neste certame que organiza a Asociación “ACIPOR”. O sábado en horario de 10 da mañán a 9 da noite; e o domingo de 11 da mañaán a 8 da tarde.
“Haberá unha grande oferta de descontos en artículos de confección, calzado, óptica, complementos, regalos e outros que estarán representados” indicou Noelia Conde, xerente de “ACIPOR”. Ademais mentres os maiores realizan as súas compras, haberá unha zona de xogos, ocio e animación infantil.

A directiva da asociación local de comerciantes agradeceu “a implicación, un ano máis, do Concello do Porriño e particularmente a colaboración das Concellerías de Comercio e de Cultura e Festexos, para que este evento sexa posible como ven acontecendo dende 2009”, manifestou Noelia Conde.

05/03/2020 in Alcaldía, Cultura e festas, Urbanismo, comercio e industria

O Porriño celebrará pleno extra o venres 6

O Porriño vai celebrar este venres 6 (ás 13 horas) un pleno extraordinario da corporación local para acordar, entre outros asuntos, a adxudicación do servizo de limpeza viaria, despois dun longo procedemento. Asimesmo nesta sesión, a corporación acordará adheririse ao Programa Galego contra a Velutina e, finalmente, realizará o habitual sorteo para a composición das mesas electorais co gallo dos comicios autonómicos do vindeiro 5 de abril.

En relación co contrato de limpeza viaria, a proposta que vai a pleno da Corporación é a nova adxudicación do mesmo. Previamente unha mesa de contratación celebrada hoxe mércores, unha vez recibidos os informes solicitados ao Tribunal de Contratación Administrativa de Galicia (TACGAL) e á consultora “Lagares e Oca”, decidiu retirar do concurso a “Ascan” que foi a primeira adxudicataria, así como á firma “Eulen” e polo tanto recalcular e propoñer en favor da segunda clasificada na licitación, a firma “Urbaser”.

No que atinxe ao Programa Galego de Vixiancia e Control da Vespa Velutina, o Concello do Porriño plantexa adherirse ao convenio suscrito pola Vicepresidencia da Xunta de Galicia e a Federación Galega de Municipios e Provincias (FEGAMP).
O Programa garante a retirada e destrucción dos niños de velutina coa colaboración do Concello. Serán retirados por persoal da empresa pública “SEAGA” sempre que estean a menos de 25 metros do chan en un prazo de 5 días laborais. O Concello de Porriño recibirá e canalizará as chamadas dos veciños que alerten da existencia de niños e comunicará a información á Xunta de Galicia.

04/03/2020 in Alcaldía, Limpeza

“SOS Porriño” reparte 3.000 kgs de alimentos en axuda para 160 familias

Esta tarde rematará o reparto de 3.000 kilos de alimentos non perecedoiros que realiza “SOS Porriño” no seu almacén, situado no Multiusos de Torneiros. “Esta axuda humanitaria alcanza a 160 familias e polo tanto aproximadamente a máis de 600 persoas que teñen dificultades económicas”, segundo explicou David Alonso, concelleiro responsable de Servizos Sociais.
Este reparto de alimentos é mensual e realizase entre familias cuias necesidades son previamente valoradas e comprobadas polos técnicos do departamento de Servizos Sociais.

A recollida de alimentos para “SOS Porriño” mantense de xeito continuado e conta coa solidariedade de diversos colectivos. David Alonso suliñou “o gran pulo que supon para o Banco SOS Porriño as aportacións dos deportistas”. O concelleiro de Servizos Sociais que tamén é responsable da delegación de Deportes ten establecido que nos diferentes eventos que se organizan, os participantes acheguen un kilo de alimentos non perecedoiros como volverá a acontecer coa carreira “Porriño 10K” que vaise celebrar o domingo 15 de marzo.

Reparto de camas articuladas e guindastres

Por outra banda, o Concello do Porriño adquiriu cunha partida de 15.000 euros, 10 camas articuladas e 5 guindastres para movilización de persoas con movilidade reducida ou nula, que se están a repartir en préstamo a familias que o solicitan. Previamente os técnicos de Servizos Sociais realizan unha valoración de cada caso.
O concelleiro de Servizos Sociais informa que actualmente ainda hai dispoñibles no almacén do Multiusos de Torneiros para quen queira solicitar e reuna as condicións requeridas.

04/03/2020 in Alcaldía, Servizos sociais

Obradoiro para mulleres: “Colga o teu mandil”

Esta tarde, a partir das 18 horas, comeza no Centro Cultural Municipal, a primeira das actividades programadas polo Concello do Porriño para este mes de marzo co gallo da celebración do 8M, Día Internacional da Muller.  Tratase dun obradoiro titulado “Colga o teu mandil”, con entrada libre e de balde ata completar aforo.

Na actividade que durará ata as 20,30 horas, as mulleres participantes axeitarán mandís con frases ou lemas reivindicativos que logo serán colgados na zona peonil. Os lemas deberán encaixar co enfoque reivindicativo deste ano para 8M, a propósito da economía dos coidados, da carga de traballo que soportan as mulleres na atención aos dependentes, crianzas e a necesidade da corresponsabilidade no fogar.

O obradoiro continuará tamén mañá martes no menos horario e lugar.

02/03/2020 in Alcaldía, Igualdade

A “Porriño 10-K” supera os 600 inscritos camiño de acadar os 1500 participantes

Ao longo deste luns xa superouse a barreira dos 600 inscritos “o que supón un bo ritmo”, segundo as previsións da Concellería de Deportes e do Club de Atletismo Porriño que agardan nestas dúas semanas que medre o número de participantes na segunda edición da “Porriño 10k”. Esta carreira pedestre pretende establecer un novo record de inscricións. En 2019 rexistrou 1385 participantes e a pretensión do Concello e do Club de Atletismo é acadar os 1500.

A proba terá lugar o 15 de marzo. A inscrición realizase a través da páxina web de championchipnorte.com.

Nas dúas imaxes adxuntas amosamos a camiseta técnica de asas (de cor laranxa) que recibiran como agasallo todos os inscritos. Que previamente deberán aportar un kilo de alimentos non perecedoiros para “SOS Porriño”. E a sudadeira de cor limón será para os cen voluntarios que colaborarán a manter a orde durante a proba.

David Alonso, concelleiro de Deportes do Porriño manifestou que o traballo de ese cento de voluntarios “temos que agradecelo de xeito moi especial porque son vitais para garantir a seguridade de todos os participantes”.

“Porriño 10K” naceu en 2019 como consecuencia da desaparición da sua predecesora, a “Interrunning”. Este ano vanse mellorar diversos eidos na loxística da proba.
A zona de saída e meta que estará sitúada na praza do Concello tamén acollerá un espazo de avituallamento onde todos os participantes recibirán alimentos diversos elaborados coa colaboración das panaderías porriñesas. Tamén haberá un arco de meta con leds, un camión pódium e unha pantalla xigante para seguir a retransmisión en “streaming” que se realizará da proba con duas cámaras movis e outra fixa na praza.

02/03/2020 in Alcaldía, Deportes

Aprobado o IV Plan Municipal de Igualdade entre Mulleres e Homes do Porriño

O vindeiro mércores 11 de marzo será presentado públicamente o IV Plan de Igualdade entre Mulleres e Homes do Porriño nun acto que se celebrará no Centro Cultural Municipal ás 20 horas,

A Corporación Local aprobou por unanimidade no recente pleno de febreiro, este IV Plan de Igualdade entre Mulleres e Homes do Porriño que estará vixente para o período 2020 / 2024.
Na súa exposición, Cami Moreira, concelleira de Igualdade explicou que “o Concello como administración máis preto da cidadanía ten un papel relevante no fomento de oportunidades entre mulleres e homes como medio para a construción dunha sociedade máis xusta”.

Segundo argumentou”parte da función dende unha administración pública tamén é impulsar políticas activas que garantan a igualdade real e efectiva entre mulleres e homes.”, dixou Cami Moreira.

Este IV Plan Municipal de Igualdade de Oportunidades de Mulleres e Homes aborda 7 eixes de intervención con 54 medidas de acción; como son:
+A Promoción da Igualdade na Política Municipal.
+Emprego e Conciliación da Vida Persoal, Laboral e Profesional.
+Coeducación, deporte e calidade de vida.
+Urbanismo, Mobilidade e Seguridade.
+Atención a situacións de vulnerabilidade.
+Empoderamento e participación.
+A Violencia de Xénero

A responsable da Concellería de Igualdade explicou que “dende este concello, hai unha clara aposta por medidas de carácter estrutural con vocación transformadora e de permanencia que permitirán incorporar a perspectiva de xénero a toda a política municipal”. “Por iso agardamos a implicación de todas e todos, sabendo que esta é a receita para chegar á efectividade dos resultados”, engadiu Cami Moreira na súa exposición ante a Corporación Local.

A concelleira solicitou a todos “fagámonos cómplices e aportemos para que un Porriño igualitario, inclusivo e intolerante coas inxustizas e co machismo, sexa posible” manifestou.

Por último Cami Moreira lembrou e citou a Concepción Arenal: “A sociedade non pode en xustiza prohibir o exercicio honrado das súas facultades á metade do xénero humano”.

01/03/2020 in Alcaldía, Igualdade