Alcaldía

A alcaldesa do Porriño, Eva García de la Torre, falou este mesmo martes pola tarde, coa presidenta do Administrador de Infraestruturas Ferroviarias (ADIF), Isabel Pardo de Vera, quen “garantiume” que o proxecto de supresión do paso a nivel do centro do Porriño “segue adiante” sendo asumido directamente por ADIF, un organismo público autónomo que conta co seu propio orzamento.

García de la Torre obtivo, de novo, a confirmación por parte de Pardo de Vera de que este é un “proxecto firme” que está sendo ultimado polos técnicos e que será, “sen dúbida” unha realidade, o que supón, salienta a alcaldesa, que “a eliminación do paso a nivel está máis preto que nunca”.

Eva García de la Torre subliña que o compromiso adquirido o pasado mes de agosto na xuntanza que mantivo coa presidenta de ADIF en Madrid segue inalterable e que o mesmo “fará realidade unha reivindicación que as veciñas e veciños levamos facendo máis de 70 anos: que o tren deixe de pasar en superficie polo centro do Porriño”.

A Alcaldía segue adiante coa reforma e o arranxo dos parques infantís do Porriño que, en algún caso “ou ben estaban obsoletos ou en moi mal estado ou totalmente abandonados dende hai anos”, como sinala a alcaldesa, Eva García de la Torre.

Dous deles están xa rematados, son os do Centro do Centro Social e Cultural de Atios, ao que o Concello destinou un orzamento de 40.000€, e o da Fase I de Torneiros, que contou cun investimento de 48.176,11€.

Atios

O de Atios,no que os traballos empezaran o pasado mes de novembro, dispón dunha nova  pista ‘polideportiva’ para a práctica de fútbol, balonmán ou baloncesto; novos bambáns, na zona infantil, que conta cun novo chan de caucho para garantir a seguridade das cativas e cativos, e un parque de actividade biosaudábel para adultos.

Fase I Torneiros

No caso da Fase I de Torneiros, “foi precisa unha reforma integral”, subliña a alcaldesa, “á vista do seu total deterioro e abandono dende hai moitos anos, coma denunciaran as veciñas e veciños”.

Neste caso fíxose, practicamente, unha nova ‘soleira’ de formigón; colocáronse planchas de caucho; retiráronse e renováronse os xogos e bambáns; acometeuse unha reparación “completa” de fendas e crebas; aplicouse na súa totalidade un novo revestimento, colocouse unha varanda de aceiro inoxidábel.

Nas vindeiras semanas, subliña a rexedora, procederemos a habilitar unha zona reservada a pista de skate na que se establecerá un horario de uso para non causar molestias aos veciños.

Máis obras

A alcaldesa adianta que esta iniciativas terán continuidade nas vindeiras semanas noutros parques da vila e súmanse ás xa realizadas no Parque da Urbanización do Sol, no investíronse preto de 22.000€ para  arranxar todos os bambáns, colocar un deles para persoas con diversidade funcional e a instalación dun chan de caucho.

Tamén rematouse o do Campo da Feira, que contou cun orzamento de 4.173€; o Parque Lamazares, detrás de Correos, no que se cambiaron os seus elementos investindo 4.655€; o de San Diego, no que ademais colocouse un chan de caucho continuo, logo de facer unha inversión de 1.952€ e o de Torneiros no que, cun investimento de 9.181€, ademais dos distintos xogos, se arranxaron os bancos, as varandas, o valado de madeira e adaptouse para persoas con diversidade funcional.

Eva García de la Torre vén de asumir, persoalmente, a solución ao “gravísimo” problema de filtracións de auga que están a padecer, dende hai anos, os veciños dun edificio da Fase V de Torneiros.

A alcaldesa, que visitou varias veces o lugar e mantivo entrevistas e xuntanzas cos habitantes do inmoble, comprobou que, tal e coma sinalan os informes dos técnicos municipais, o “estado da terraza é desastroso, hai lousas soltas, co perigo que supón para os nenos que xogan aquí, a impermeabilización está esnaquizada, os garaxes anéganse os días que chove, a varanda que hai sobre eles está enferruxada e case solta e as filtracións poden chegar a causar problemas na propia estrutura do edificio”.

294.000€ de orzamento e 3 meses de execución

Tal e coma adiantara aos veciños, e “cumprindo un compromiso persoal que asumirá con eles”, García de la Torre sinala que o Concello aprobou, por vía de urxencia, destinar 294.000€ ao arranxo destas deficiencias.

Este orzamento abrangue, subliña a alcaldesa,  a demolición completa da varanda e a súa substitución por unha nova; o cambio total da cuberta, incluída a capa de impermeabilización; o corte perimetral das paredes exteriores do edificio ate unha altura de 35 centímetros, para rematar con calquera tipo de filtración; a escavación e aterrado dos xardíns ate atopar a “cabeza da forxa” para o seu cambio integral, a colocación de impermeabilizacións bicapa nas partes en pendente de uso peonil e a impermeabilización do muro soterrado.

O prazo de execución dos traballos terá unha duración estimada de tres meses, “hai que ter en conta que os días de choiva non será posible traballar, polo cal o seu remate pódese atrasar, aínda que está previsto o seu remate en ese tempo”.

A alcaldesa, Eva García de la Torre, manifestouse na estrada PO-510, xunto coas veciñas e veciños do barrio da Vaquería, na parroquia de Budiño, para esixir, de novo, á Xunta de Galicia, que dea una solución aos porriñeses que viven neste barrio, “que fica dividido por unha liña continua na estrada que fai imposible aos coches xirar para chegar ás casas  ou negocios e cruzar aos peóns”.

García de la Torre lembrou que “hai xa máis de 6 meses que os responsábeis da Xunta comprometéranse a estudar á proposta dos habitantes desta parte do Porriño para rematar con esta situación e ata hoxe non deron sinais de vida”.

Neste senso, esta mesma semana mantivo unha xuntanza, no Concello, con representantes dos veciños para, con axuda dun técnico municipal, deseñar, de novo, unha alternativa que presentar ao Goberno de Galicia para dar solución a un problema que alóngase xa máis de 5 anos.

Esa alternativa, como estudaron na reunión, pasa pola colocación de varios semáforos, “que fagan posible a redución da velocidade nunha vía moi transitada” e a situación de pasos de cebra que permitan que os veciños, “que teñen fincas ás dúas beiras da estrada” poidan cruzar con seguridade.

Axentes da La Policía Local do Porriño veñen de desartellar dous puntos negros de venda de droga na vila e de deter a un individuo de 47 anos de idade relacionado coa venda de estupefacientes.

Os policías xa tiñan tenía constancia das actividades de un suxeito que adicábase a vender droga en dúas zonas do casco urbano, aínda que, ata a noite do pasado luns, día 17 de decembro, non puideron atopalo.

O detido estaba nunha  céntrica rúa do Porriño e, como constataron os axentes nun control superficial, levaba enriba varios ‘papeliños’ de cocaína, dous cadrozos de marihuana, diñeiro en efectivo, e un walkie-talkie, acendido empregado, presuntamente, para que unha terceira persoa o alertase da presenza policial.

Os policías comprobaron que, ademais, contra este home que levaba 5 anos fuxindo da xustiza, constaba una orde de arresto e ingreso en prisión contra este individuo ordenada polo Xulgado do Penal nº 2 de Pontevedra, polo cal procedeuse a súa detención e posterior presentación, o día 18, no Xulgado de 1ª Instancia e Instrución nº 1 do Porriño en función de garda, imputándolle a autoridade xudicial un presunto Delito contra a Saúde Pública e ordenando o seu ingreso no Centro Penitenciario de A Lama.

Seis arrestos por tráfico de drogas

Con este arresto, a  Policía Local do Porriño suma xa seis detidos por tráfico de drogas no que vai deste ano, actuacións que, subliña o inspector xefe, Daniel Rodríguez,  son unha “prioridade” para o Goberno local e a Concellería de Seguridade, que dirixe Lourdes Moure, de cara a acabar co tráfico de droga polo miudo no noso concello.