Novas

A concelleira Lourdes Moure comprobou o desenvolvemento das obras de mellora de servizos municipais no lugar de Serra da Auga en Carracido

Lourdes Moure, concelleira de Vías e Obras visitou esta mañá o lugar de Serra da Auga, en Carracido, para supervisar o desenvolvemento das obras de mellora dos servizos municipais que se están a executar.

A concelleira, acompañada de Miguel Feijoo, oficial primeiro responsable de Vías, Obras e Servizos do Concello, e pola directora de obras, Rebeca Ferreiro, da firma “Ingenia”, comprobou a apertura de zanxas para a instalación de canalizacións de saneamento nun tramo de case 300 metros para dar servizo a ese núcleo. A obra rematará coa pavimentación do camiño.

Este proxecto execútase ao abeiro do Plan de Mellora da Viarios Públicos, que no seu primeiro ano conta cun orzamento de 729.478 euros de fondos propios.

Trátase de actuacións de asfaltado, saneamento e mellora dos servizos municipais que se desenvolven nas parroquias do concello, a proposta da concelleira Lourdes Moure e que a corporación aprobou por unanimidade no pleno ordinario do pasado 28 de xullo, tras a súa negociación cos grupos municipais, nomeadamente co Partido Popular.

10/12/2021 in Vías e obras

Este xoves 9, o pleno municipal tomará coñecemento da renuncia de Eva García

Este xoves 9, a partir das 18 horas, a corporación municipal celebrará un pleno extraordinario. O primeiro punto da orde do día é o coñecemento da dimisión da alcaldesa presentada por Eva García de la Torre, segundo anunciou publicamente en rolda de prensa o pasado 23 de novembro.
Ademais, a orde do día da sesión inclúe oito puntos máis.
Adxuntamos un documento en “pdf” coa orde do día.

20211202_Comunicación_Comunicación da convocatoria (1)

08/12/2021 in Alcaldía

A concelleira de Vías e Obras e a interventora municipal comprobaron o grao de execución de 7 obras

A concelleira de Vías e Obras, Lourdes Moure, acompañada da interventora municipal, Elena Valcárce, verificaron o grao de execución de sete obras realizadas polo Concello do Porriño.
Estiveron acompañadas polo oficial primeiro responsable de Vías, Obras e Servizos do Concello, Miguel Feijoo, e pola directora de obras, Rebeca Ferreiro, da firma “Ingenia”.
 
A delegación visitou as obras de pavimentación da curva “Smurfit Kappa” no Polígono da Granxa, e o avance do saneamento na Portela do Souto, en Atios.
Tamén comprobaron o remate dos proxectos de saneamento e pavimentación de Madorras-Mosende, Carbón-Atios e Orbenlle-Budiño. Asimesmo os arranxos realizados no firme da en Fernández Areal, fronte ao edificio dos Xulgados e a reforma de beirarrúas en Ramiranes.
 
Dos devanditos proxectos, os executados en Carbón-Atios e as beirrarúas en Ramiranes dispuxeron de achegas da Deputación de Pontevedra a cargo do Plan Concellos.
As restantes xa rematadas ou en execución e as que xa están adxudicadas e comezarán no mes de xaneiro en Parada-Chenlo, A Ribeira-Torneiros e Casal-Budiño, financíanse polo Concello de Porriño con cargo aos 729.478 euros de fondos propios que constitúen a primeira anualidade do Plan de Mellora de Viarios Públicos.
Trátase de actuacións de asfaltado, saneamento e mellora dos servizos municipais nas parroquias do municipio que a corporación aprobou por unanimidade no pleno ordinario do pasado 28 de xullo, tras as negociacións que mantivo a concelleira Lourdes Moure cos grupos municipais.
04/12/2021 in Vías e obras

Unha pancarta na fachada do Concello lembra a conmemoración do Día Internacional das Persoas con Discapacidade

 

A concelleira de Educación, Lourdes Moure, xunto con alumnos, profesores e coidadores do centro “Aceesca” participaron esta mañá no despregamento da pancarta conmemorativa do Día Internacional das Persoas con Discapacidade.

A pancarta seguirá ao longo desta semana na fachada do edificio do Concello. Ademais o mañá venres, ao anoitecer, o edificio do Concello iluminarase de cor verde.

O Día Internacional das Persoas con Discapacidade celébrase o 3 de decembro, por acordo da ONU. Este ano 2021 baixo o lema. “Reconstruír mellor: cara a un mundo pos-Covid inclusivo, accesible e sostible por, para e coas persoas con discapacidade”.

O Concello de Porriño, a través da Concellería de Educación, da OMIX, do Consello de Participación da Infancia e a Adolescencia e ACEESCA, anima a todas as persoas a conmemorar este Día.

A conmemoración deste Día Internacional procura unha toma de conciencia e de medidas orientadas cara á constante mellora da situación das persoas con discapacidades e á consecución da igualdade de oportunidades para elas.  

02/12/2021 in Educación e tecnoloxía

En execución o proxecto da rede de saneamento en Arrotea-Pontellas

A Concellería de Infraestruturas que dirixe Pedro Pereira informa do “bo ritmo de execución” das obras do proxecto de saneamento e pavimentación en Arrotea, na parroquia de Pontellas.

Os traballos comezaron o pasado día 15 de novembro e teñen un prazo de execución de 3 meses. Dispoñen dun orzamento de 115.000 euros, financiado con cargo ao Plan Concellos 2021, da Deputación de Pontevedra.

As obras consisten na conexión dun colector principal de 450 metros de lonxitude e dous ramais, un de 120 metros e outro de 64 metros. Así mesmo está prevista a substitución e pavimentación da vía principal e dos ramais.

“Ademais aproveitamos para prolongar a canalización da traída de auga potable de Lameira cara a Arrotea e para a renovación das tubaxes”, segundo informou o concelleiro Pedro Pereira.

O responsable de Infraestruturas explicou que o propósito final deste proxecto é “completar as conexións destes lugares coas redes de saneamento e abastecemento de Porriño, a fin de conseguir un todo harmónico e interconectado”.

01/12/2021 in Infraestruturas

“GivingTuesday” (Martes de Dar): a concelleira de Educación comprobou o comezo da recollida solidaria no CEIP da Ribeira

UN ANO MÁIS O PORRIÑO SÚMASE A ESTA INICIATIVA #GivingTuesday (Martes de dar)

A infancia e mocidade de Porriño leva a cabo nestes días a iniciativa solidaria “Giving Tuesday” (Martes de dar), que é un movemento internacional e solidariedade, a través da recollida de alimentos non perecedoiros e productos de hixiene para o seu posterior reparto entre as familias máis necesitadas.

No recente pleno infantil celebrado o 19 de novembro polo Concello do Porriño, aprobouse por unanimidade de todos os representantes dos centros docentes, realizar esta recollida.

Lourdes Moure, concelleira de Educación acudiu hoxe ao CEIP da Ribeira, en Torneiros, onde comprobou o desenvolvemento da recollida xunto coa directora do colexio, Teresa Castro.

A OMIX do Porriño e a Concellería de Educación  apoian e organizan  un ano máis  esta inicitiva “#GivingTuesday2021”. Este ano a prioridade é a recollida de  alimento non perecedoiros e produtos de hixiene para bebés (cueiros, cremas, toalliñas, purés, leites e alimentos infantís de todo tipo) para a súa posterior distribución entre as familias do concello con menores recursos. A recollida comezou hoxe e continuará ata o venres 3 de decembro e realizase contando coa  colaboración dos centros escolares, nos que se instalan  puntos de  recollida.

O Giving Tuesday, ou “Martes de dar”, é un movemento internacional que quere incentivar e multiplicar as boas accións das persoas. O obxectivo é dedicar un día en todo o mundo (que é hoxe 30 de novembro), para celebrar o feito de dar, poden ser alimentos, diñeiro, tempo (voluntariado), obxectos de segunda man, etc. Este movemento naceu como alternativa ao Black Friday e Cyber Monday, que promoven o consumismo.

“Dende o Concello convidamos a tódolos veciños e veciñas a participar nesta iniciativa solidaria. día, no que todo o mundo se une para DAR, No seu caso os productos terán que entregarse no banco de alimentos SOS Porriño”, lembrou a concelleira Lourdes Moure.

O venres 3 persoal voluntario de “SOS Porriño” realizará a retirada da recollida nos centros para o seu traslado e clasificación.

30/11/2021 in Educación e tecnoloxía

Entrega do último lote de composteiros de 2021

 

A Concellería de Medio Ambiente citou hoxe a unha parte dos solicitantes de composteiros para vivendas unifamiliares que está a entregar o Concello do Porriño.

As veciñas e veciños aos que se adxudican este lote, de 50 composteiros, acudiron ás instalacións do Multiusos de Torneiros onde recibiron unha charla divulgativa a cargo de Emilio Rodríguez Cochón, mestre composteiro e técnico superior de residuos do Concello.

Mañá martes haberá unha segunda quenda, no mesmo lugar, para completar a información e entrega deste último lote de composteiros, correspondentes ao ano 2021.

“SOGAMA” cedeu eses 50 composteiros ao Concello do Porriño que se reparten entre os solicitantes no prazo que rematou hai uns días.

29/11/2021 in Limpeza, Medio Ambiente

Jesús González Pexegueiro “Carrola”, condecorado polos seus 25 anos de servizo

 
Jesús González Pexegueiro “Carrola”, técnico responsable do Servizo Municipal de Protección Civil recibiu onte un distintivo de permanencia por superar os 25 anos de servizo público.
 
Ao acto, celebrado na Academia Galega de Seguridade, acudiron a acompañar a Suso Carrola, a concelleira de Seguridade, Lourdes Moure e o inspector xefe da Policía Local, Daniel Rodríguez, en representación do Concello do Porriño.
 
Aínda que a distinción recibida foi por superar os 25 anos de servizo público, en realidade, Jesús Gónzalez Pexegueiro leva xa 31 anos de servizo público dende que comezou a súa carreira primeiro en Cruz Vermella e despois en Protección Civil.
29/11/2021 in Seguridade

A concelleira de Seguridade participou na primeira quenda dos cursos de defensa persoal feminina que organiza o Concello

 

Lourdes Moure, concelleira de Seguridade, participou hoxe como unha alumna máis, na primeira quenda dos cursos de defensa persoal feminina que retomou o Concello do Porriño despois da obrigada paralización en 2020, a consecuencia da pandemia.

Estes cursos, organizados polo Concello do Porriño coa colaboración do Ministerio de Igualdade, o Pacto de Estado contra a violencia de xénero e a Policía Local do Porriño, realízanse nas instalacións do Ximnasio Jovhen Sport, na avenida Buenos Aires, 18.

O departamento que dirixe a concelleira Lourdes Moure convidou a todas as mulleres interesadas, sen límite de idade, que queiran recibir esta formación, que será totalmente gratuíta e non é necesario rexistro previo. Hoxe foron 32 as participantes nesta primeira quenda, incluída a propia concelleira.

As clases distribuense en dúas quendas por mes, en sábados alternos e durante todo un ano.

Os monitores do curso, que contan coa colaboración de axentes da Policía Local, ensinan técnicas de fácil asimilación para repeler os ataques máis habituais contra as mulleres.

Tamén a diferenza da convocatoria de 2019, nesta ocasión, o curso de defensa persoal feminina está aberto a mulleres dos concellos veciños.

27/11/2021 in Seguridade

25N: actos organizados polo Concello baixo o lema “O amor non é violencia”

 
 
O Concello de Porriño organiza hoxe, dende a Concellería de Igualdade, coa ocasión do 25 de novembro, Día Internacional para a Eliminación da Violencia de Xénero, varias actividades baixo o lema “O AMOR NON É VIOLENCIA”.
 
Esta tarde, a partir das 19:00h, dende a praza do Concello, farase un percorrido por catro camiños violentos, onde poderemos seguir as pegadas e as frases que a moitas mulleres lle acompañan no seu día a día.
Son frases machistas, expresións propias de relacións tóxicas e violentas. As frases, pegadas e o lema irán pintados no chan en cor lila. Até chegar a un panel que nos amosa un amor sa e unha relación de igual a igual entre persoas, onde se pode ver que O AMOR NON É VIOLENCIA.
 
Os murais instaláronse en lugares escuros, aínda que de moito tránsito: calexóns e accesos a aparcadoiros. Aparecen nas imaxes adxuntas.
As catro artistas convidadas para estas intervencións son:
Eva Casais, Gemma Marqués, Tamara Baz e Lorena Arévalo.
Asignarase a cada artista ou colectivo unha temática diferente:
. Percorrido 1. “amor adolescente”, Eva Casais
. Percorrido 2. “amor adulto con fillos”, Gemma Marqués
. Percorrido 3. “amor a unha mesma”, Tamara Baz
. Percorrido 4. “amor entre persoas do mesmo xénero”, Lorena Arévalo.
 
 
CICLO CINEMA 25N
Por outra banda a Concellería de Igualdade tamén organizou para esta tarde, ás 19 horas, unha sesión máis do ciclo Cinema 25N, financiado con cargo aos créditos recibidos do Ministerio de Igualdade, Secretaría de Estado de Igualdade e contra a Violencia de Xénero.
Trátase da proxección do filme “A Fonte das Mulleres”.
No Centro Cultural Municipal, con prazas limitadas.
 
 
 
 
 
 
 
 
 
 
 
 
25/11/2021 in Igualdade