Sesión formativa sobre futbol base promovida polo Concello e o Porriño Industrial

A Concellería de Deportes celebrará mañá martes 18, en horario de tarde, unha Xornada para a Educación e Formación no Futbol Base en colaboración co club local “Porriño Industrial”. Contará con tres relatores con amplos coñecementos. Son Carlos Lago, Pep Marí e Elena Casal.
A sesión comezará ás 16,30 horas no Centro Cultural Municipal, con entrada de balde ata completar aforo.
O orimeiro relator será Carlos Lago, catedrático de Educación Física e Deportiva na Universidade de Vigo, consultor e analista de varios clubs profesionais e colaborador en diversos medios de comunicación. A súa charla titulase como un dos seus libros: “Gañar, gañar e gañar sen deixar de educar”.
A segunda ponencia será de Pep Marí, psicólogo deportivo que traballa no Centro de Alto Rendemento (CAR) de San Cugat. Ademais durante dúas tempadas foi o psicólogo do R.C.D Espanyol de Barcelona. A súa charla chamase “Ser só pais”.
A terceira quenda correrá a cargo de Elena Casal, árbitra de futbol con máis de 15 anos de experiencia. Ten dirixido partidos dende categorías inferiores ata Terceira División Masculina e actualmente na Primeira División Femenina Liga Iberdrola. O seu relato titulase “O futbol base dende a perspectiva da arbitraxe”.
A sesión formativa remata cun coloquio coas preguntas dos asistentes ós tres ponentes.
Todos os asistentes á Xornada deberán acudir cun kilo de alimentos non perecedoiros para “SOS Porriño” cons fins solidarios como ven sendo habitual nas citas vencelladas co deporte.

Primeira quenda das Xornadas Gastronómicas do Entroido

O sábado 15 comezaron as Xornadas Gastronómicas do Entroido nas que participan vinte establecementos de hostalaría da vila.
Ata o 14 de marzo, cada venres e sábado, a partires das 19 horas, os bares e cafeterías participantes ofrecerán un pincho polo prezo de 1 € con eñaboracións propias do Entroido como orella, lacón, cacheira ou filloas.

Nas Xornadas participan os establecementos: “Tapería La de Evi”, “Saspi”, “Paso a Nivel”, “Argentino 2”, “Adéle”, “Segredos”, “Millenium 33”, “Cólleo con pinzas”, “La de Chato”, “A Francachela”, “El Patio”, “Pantera Rosa”, “Maloserá”, “Sol”, “Adega de Montero”, “Maracaibo”, “Mesón Mondariz”, “La Cueva” y “Cafetería O Porriño”.

Acordo unánime para desafectar as antigas casas dos mestres de Torneiros para a súa conversión en vivendas sociais

O Concello do Porriño aprobará, co acordo unánime de todos os grupos políticos da Corporación, a desafección das antigas casas dos mestres de Torneiros para a súa conversión en vivendas sociais.
A proposta realizada no nome do goberno municipal bipartito polo concelleiro de Infraestructuras e Patrimonio, Pedro Pereira será levada a pleno para a súa ratificación. Ainda que xa recibiu o respaldo dos restantes grupos políticos na reunión que celebrou onte a xunta de voceiros municipais. A alcaldesa Eva García engadiu que o proxecto de conversión en vivendas sociais podese acoller a unha liña de subvencións do 90% que establece o propio Instituto Galego da Vivenda e Solo.

Á Xunta de Voceiros Municipais, presidida por Eva García, asistiron ademáis do citado Pedro Pereira, Lourdes Moure (PSOE), Abel Estévez (PP), Pedro Ocampo (EU Son) e Manuel Carrera (UDDL).

Entre outros acordos decidiuse que o pleno deste mes de febreiro sexa o xoves 27, ás 18 horas, para evitar a coincidencia co Mércores de Cinza e co Enterro da Sardiña.
Tamén tratouse da proposta do Rueiro Municipal para denominación de rúas e prazas que ainda está en fase de consultas que continuarán en marzo. Acordouse pechar os preparativos da Comisión Especial do Lindano que se vai constituir formalmente o vindeiro mércores 19, a as 19 horas.

Ademais o concelleiro de Infraestructuras, Pedro Pereira debatiu cos voceiros dos grupos a posibilidade de establecer unha posición común do Concello no asunto existente en Budiño entre cinco entidades deportivas, culturais e veciñais e a Comunidade de Montes. De momento non é posible por diferencias de criterios que se volverán a tratar nunha reunión específica que terá lugar o vindeiro xoves 20.
Pretendese intermediar para acadar unha solución a tres bandas que garanta o mantemento dos usos de instalacións cuia titularidade pasou a mans da Comunidade de Montes, por sentenza do Xurado de Montes.

Concello e centros educativos coordinaron actividades para o alumnado porriñés a realizar ó longo deste ano

Representantes dos centros educativos do Porriño reuníronse coas concelleiras do goberno municipal, Lourdes Moure e Cami Moreira e persoal da OMIX para establecer a folla de ruta das actividades para o alumnado, a realizar ó longo deste ano. Programaronse ata catorce actividades diferentes que abranguen tecnoloxías, información sobre saídas profesionais, emprendemento, mellora no uso de idiomas ata outras vencelladas con mocidade, igualdade, cultura e festas.
Destacar que estas propostas serán sometidas a opinión dos propios nenos, nenas e adolescentes no próximo pleno do consello municipal de infancia que se reunirá no mes de abril. E o segundo “pleno infantil” do ano será o 20 de novembro Dia Mundial dos Dereitos da Infancia.

En marzo terá lugar a primeira quenda da Feira Teconolóxica para alumnos de 4º de Primaria de todos os CEIP. En maio será a quenda dos CPR “Santo Tomás” e “Hermanos Quiroga” e dos alumnos de “Aceesca”. En abril celebraráse “Bootcamp”, obradoiros adicados a axudar a elixir saida profesional ós alumnos de 4º da ESO que terán lugar en cada centro (“Hermanos Quiroga”, “Santo Tomás”, IES Pino Manso e IES Ribeira do Louro).

Entre outras actividades programadas polo Concello do Porriño e os representates da comunidade educativa, realizaranse “Ecopercusión” para alumnos de 5º e 6º de Primaria; “Pinta Muros”; “Planetaria itinerante 3D” para alumnos de Infantil, Primaria e “Aceesca”; e “Cine 360º” con gallo dos 125 anos da primeira proxección, iniciativa que se fará coincidir coa Semana das Ciencias en novembro. E o 3 de decembro haberá unha especial celebración do Día da Discapacidad.

Tamén programanse ó longo do curso diversas charlas sobre educación en valores; educación afectivo-sexual e emprendemento (adicada a alumnos de IES e ciclos de FP). Por outra banda repetiráse a “Semana Branca”pola que o Concello do Porriño organizará un ano máis a visita de alumnos á neve a un prezo subvencionado prácticamente na súa totalidade pola Concellería de Educación.

Pola súa banda a Concellería de Cultura invitou ós centros educativos a colaborar nas diversas actividades vencelladas co Entroido, Maios Festival de Cans, Feira Apícola, Samaín e campañas contra a violencia de xénero.
Ademais terán lugar os irmandamentos de alumnos franceses de Fronçac (que chegarán en marzo) e porriñeses (que viaxarán en abril).

Finalmente, a petición dos directores de centros vaise valorar traer unha compañía de teatro en inglés para alumnos de 5º e 6º de Primaria e 1º e 2º da ESO, como método de mellora da comprensión do inglés oral.

Inaugurada a remodelación da biblioteca do CEIP “Antonio Palacios”

Eva García,alcaldesa de O Porriño xunto coa concelleira de Educación, Lourdes Moure e o Xefe Territorial da Conselleria de Educación, César Pérez Ares inauguraron hoxe a reforma da Biblioteca do CEIP Antonio Palacios.

O espazo replanteouse co novo mobiliário é unha “Zoa Maker” dotada con material informático e audiovisual, para atender as demandas dos 405 alumnos que actualmente están matriculados neste centro.

O sábado 15 comezarán as Xornadas Gastronómicas do Entroido

O vindeiro sábado 15 comezarán as Xornadas Gastronómicas do Entroido nas que participarán vinte establementos de hostalaría da vila.

Ata o 15 de marzo, cada venres e sábado, a partires das sete da tarde, os bares e cafeterías participantes ofrecerán un pincho polo prezo de 1 € con productos e elaboracións propias do Entroido como orella, lacón cacheira ou filloas.

Nas Xornadas participarán os establecementos: “Tapería La de Evi”, “Saspi”, “Paso a Nivel”, “Argentino 2”, “Adéle”, “Segredos”, “Millenium 33”, “Cólleo con pinzas”, “La de Chato”, “A Francachela”, “El Patio”, “Pantera Rosa”, “Maloserá”, “Sol”, “Adega de Montero”, “Maracaibo”, “Mesón Mondariz”, “La Cueva” y “Cafetería O Porriño”.

Elixido o cartel anunciador do Entroido 2020

O Concello do Porriño ven de difundir o cartel anunciador do Entroido 2020 que é un deseño de Dulce María López Fernández. Simboliza unha sardiña ataviada cun sombreiro carnavalesco.

O xurado que presidiu Cami Moreira, concelleira responsable de Cultura e Festexos, elixiu onte martes, a proposta desta artista de Fene que levará o primeiro premio dotado con 600 euros. O segundo premio, dotado con 500 euros, correspondeu a Ramón Manuel Garrido García, de Mérida (Extremadura).

Seleccionaronse entre os 23 deseños que se presentaron nesta primeira edición do Concurso de Carteis do Entroido 2020 convocado polo Concello do Porriño.
Como establecían as bases do Concurso, todos os deseños presentados serán exhibidos próximamente nunha exposición que albergará o Centro Cultural Municipal.

O Porriño acolleu a Gala Anual da Federación Galega de Automobilismo

O Concello do Porriño foi o anfitrión da Gala Anual da Federación Galega de Automobilismo que otorgou os seus galardons a pilotos, escuderías, patrocinadores e institucións colaboradoras. O evento tivo lugar no Polideportivo Municipal.

O Porriño foi elixido para celebrar a Gala en recoñecemento ó seu vínculo co deporte do motor. De feito foi unha das institucións recoñecidas.

Ademais de pola súa continuada colaboración co RALLY RIAS BAIXAS do que Porriño é un fito moi especial, tamén premiouse polo patrocinio do RALLY MIX CONCELLO DO PORRIÑO que se celebrou por primeira vez no fin de semana principal das FESTAS DO CRISTO.

Por otra banda, o Concello do Porriño manten un compromiso activo coas boas prácticas ó volante como acreditou co curso de conducción segura “CONDUCE CON XEITO”. Impartido gratuitamente a máis de 200 veciños e veciñas de O Porriño, con clases teóricas e prácticas que contaron coa colaboración de pilotos de rallys como os campeón de España Ivan Ares e José Pintor.

A alcaldesa Eva García e a concelleira de Seguridade, Lourdes Moure foron as encargadas de recibir os galardóns otorgadas ao Concello do Porriño.

PORRIÑO CANCELA A REUNIÓN DA COMISIÓN DE DESLINDE CON MOS

O Concello do Porriño informa que ainda está recabando documentación e planimetría necesarias, segundo decidiiron hai unha semana os voceiros dos grupos municipais da Corporación. O acordo tomouse para argumentar os seus dereitos fronte a Mos. De tal xeito que reunir mañá a Comisión Especial de Deslinde sería precipitado.

Polo tanto este mediodía o gabinete da Alcaldía do Porriño comunicou ó Concello de Mos que non procede a celebración ainda da Comisión de Deslinde que queda cancelada ata nova data.

O Concello intermediará para manter os usos sociais, culturais e deportivos de instalacións en Budiño cuia titularidade pasou á Comunidade de Montes

O Goberno Municipal Porriño proponse intermediar para acadar unha solución a tres bandas que garanta o mantemento dos usos social, cultural e deportivo de instalacións en Budiño cuia titularidade pasou a mans da Comunidade de Montes.

As cinco entidades de Budiño afectadas son: Centro Recreativo de Mosteiro; Centro Social e Cultural A Cruz; Asociación Cultural A Lagaoa de Orbenlle; Asociación de Veciños A Tapada de Cerquido e Club de Futbol San Salvador de Budiño. As instalacións, que todos eles utilizan, estaban en terreos do Concello que se encargaba de obras e mantemento nas mesmas. Pero por unha resolución do Xurado de Montes de 26/3/2019, a titularidade dos mesmos pasou a Comunidade de Montes de Budiño.
Pedro Pereira, primeiro tenente de alcalde presidiu onte ánoite unha reunión no consistorio, á que asistiron representantes de todos os grupos municipais da corporación, con directivos das cinco entidades culturais, deportivas e veciñais de Budiño que se atopan nese intre.

Pereira trasladoulles que a posición de partida do Goberno Municipal é “buscar unha solución intermediada entre asociacións afectadas, comunidade de montes e Concello evitando a xudicialización deste asunto e co fin primordial de garantir que se manteñan os actuais usos culturais, sociais, veciñais e deportivos”.
A tal fin, o concelleiro de Infraestructuras tratará o asunto previamente na xunta de voceiros municipais para fixar unha postura común e logo citará ás asociacións afectadas e á comunidade de montes para negociar e acadar unha solución consensuada.