O Concello do Porriño informa que as fogueiras e cacharelas de San Xoán estarán prohíbidas tanto en espazos públicos coma en fincas privadas na vindeira noite do 23 ao 24 de xuño. O motivo son as restriccións derivadas dos protocolos sanitarios pola pandemia do Covid-19.
O equipo de goberno municipal adoptou esta decisión en aplicación da normativa da Xunta de Galicia. En base á interpretación do decreto publicado no DOG o sábado 13 de xuño que estableceu que as festas, romerías e demais eventos populares non se reanudarán antes do 1 de xullo.
Por terceira semana consecutiva lembramos que hai respectar as normas e protocolo para o uso das pistas de tenis e pádel.
Limítase a 1 hora como máximo a reserva de cada pista . Para evitar aglomeracións o deportista deberá chegar 5 minutos antes da súa hora de entrada. O tempo máximo de reserva é de 1 hora por parellas, non por cada un dos xogadores.
A reserva e abono do aluguer das pistas será de forma telemática, a través de enlace creado polo SERVIZO MUNICIPAL DE DEPORTES, aplicándose as taxas expostas na Ordenanza Municipal de Prezos no caso das pistas de padel. Respecta en todo momento os horarios e pista asignada. Recolle a chave de acceso no polideportivo municipal. Os vestiarios e as duchas permanecerán pechadas. Tan só permanecerá aberto un aseo (WC) por sexo no polideportivo municipal, no mesmo só estará permitido o acceso a unha soa persoa á vez. Recoméndase o uso de bólas novas e palas propias. Aconséllase utilizar o menor número de pelotas posibles. Non está permitido cambiar de lado nos xogos impares.
Reserva de pistas. Cada pista terá unha horaria/quenda de reserva, os cales poderanse visualizar a través do seguinte enlace do SERVIZO MUNICIPAL DE DEPORTES.
Teléfonos de confirmación: 661 53 61 59 / 670 66 52 29 / 638 07 13 18. Faga as súas consultas preferentemente por WhatsApp. Cando faga a solicitude CONFIRME TELEFONICAMENTE OU POR WHATSAPP
O Polideportivo Municipal acollerá as probas da Avaliación de Bacharelato para Acceso á Universidade (ABAU) de alumnos de cinco centros de Porriño e Mos que se realizarán os días 7, 8 e 9 de xullo, en aplicación dos protocolos de seguridade e prevención do Covid-19..
Segundo o acordo acadado esta semana entre a Universidade de Vigo e o Concello do Porriño, representado por Lourdes Moure, concelleira de Educación, realizarán no polideportivo porrriñés estas probas de acceso á Universidade, os alumnos dos IES “Ribeira do Louro” e “Pino Manso”, do Porriño así como os alumnos procedentes do IES de Mos e dos centros privados “Colegio Lar” e Colegio Los Sauces”.
“Se o número de alumnos inscritos para facer as probas da ABAU é de 200 estudantes, empregaríase tan só a pista do Pavillón 1. Se fosen máis, utilizaríase tamén a pista do Pavillón 2”, explicou Lourdes Moure, concelleira de Educación.
Os pupitres e cadeiras serán trasladados dende o IES “Pino Manso”. Tanto o material a empregar para a realización dos exames coma os espazos a ocupar, serán obxeto dun protocolo diario de desinfección e limpeza. Tamén a Policía Local do Porriño colaborará a diario establecendo un perímetro de seguridade nos accesos ao Polideportivo Municipal, habilitando un circuito de entrada e saída para os vehículos que trasladen e recollan aos alumnos, segundo ten planificado o departamento que dirixe Lourdes Moure.
Sergio Casal, concelleiro responsable de comercio e industria comprometeuse a instalar máis contedores de lixo e mellorar a sinalización vertical no polígono industrial de A Granxa. Casal Quintas asistiu hoxe en representación do Concello do Porriño á reunión da comisión delegada da Entidade Urbanística de Conservación do Polígono Industrial de A Granxa.
O concelleiro e a representación de empresarios do Polígono, encabezados por Indalecio Cuevas e David Sobral, presidente e xerente da Entidade Urbanística de Conservación, abordaron máis asuntos. Ademais dos referidos, Concello e empresarios de A Granxa acordaron facer consultas coa Xunta de Galicia interesando información sobre o estado das obras de conexión da Autovía A-55 coa estrada de Salceda. Tamén determinouse consultar coa empresa adxudicataria do asfaltado da rotonda de entrada ao Polígono.
Por outra banda, Sergio Casal tomou nota das solicitudes de máis zonas verdes, limpeza das táxeas da vía do tren e arranxo de beirarrúas dentro do recinto. A Entidade Urbanística de Conservación agrupa a centenar e medio de empresas asentadas no medio millón de metros cadrados que ocupa o Polígono Industrial de A Granxa.
Deixamos unha galería de imaxes dos traballos de desinfección dos recintos e artefactos dos parques infantís do Porriño para garantir a seguridade dos rapaces. Esta tarefa será executada a diario por un equipo de 6 operarios, distribuídos no centro e nas parroquias, ás ordes do concelleiro de Medio Ambiente, Sergio Casal.
Coa entrada da comunidade autónoma de Galicia na chamada “nova normalidade”, a Xunta de Galicia autorizou a reapertura dos parques infantís que estean ao aire libre. De tal xeito que o Concello do Porriño decidiu reabrir estas instalacións dende onte.
Sergio Casal, concelleiro de Mercados e representantes do sector de vendedores acordaron hoxe que o mercado ambulante do Porriño volverá o vindeiro martes 23 de xuño. O mercado ambulante non se celebra dende a declaración do estado de alarma.
Haberá unha nova distribución de espazos. Concelleiro e ambulantes acordaron que os postos de venta só sexan montados nun lateral da rúa. Cada posto ocupará un máximo de 6 metros lineais e haberá unha distancia de 2 metros co seguinte. O primeiro posto será montado á altura do establecemento “Cólleo con pinzas” e seguirán por orde colocándose cara ao Concello. Os postos de venda de produtos alimentarios e plantas instalaranse na rotonda de San Sebastián. Para garantir que o mercado ambulante funcione con normalidade, a rúa Pío XII estará cortada ao tráfico rodado.
No que atinxe á limpeza, cada ambulante comprometese a recoller en sacos e bolsas o lixo que se produza no seu posto. E, ademais, en todos os postos de venda haberá xel para hixiene de mans e será obrigatorio o emprego de máscaras de protección. Non obstante, concelleiros e representantes dos ambulantes volverán reunirse o vindeiro mércores para rematar detalles.
Coa entrada da comunidade autónoma de Galicia na chamada “nova normalidade”, a Xunta de Galicia autorizou a reapertura dos parques infantís que esteán ao aire libre. De tal xeito que o Concello do Porriño anuncia que as instalacións serán reabertas a partir de hoxe. Estas instalacións permaneceron precintadas durante o estado de alarma.
O concelleiro responsable de Medio Ambiente, Sergio Casal indicou que “a diario realizarase unha desinfección de todos os artefactos e recintos dos parques infantís para garantir a seguridade dos rapaces”.
Os técnicos do departamento de Servizos Sociais do Concello do Porriño asesora aos veciños e veciñas que vaian a solicitar o IMV (ingreso mínimo vital). Pode solicitarse desde este luns a través da sede electrónica da Seguridade Social. Para orientar aos posibles demandantes desta renda, o departamento de Servizos Sociais editou uns folletos informativos que reproducimos.
Nenos e nenas do Porriño que participan do Consello Municipal da Infancia elaboraron 4 pequenas pezas audiovisuais nas que contan a súa experiencia durante a corentena fronte ao Covid-19 e de cara á “nova normalidade”.
A idea xurdiu dos propios nenos e nenas durante os contactos e conversas que durante este tempo mantiveron co persoal técnico do concello encargado do proxecto “Cidades amigas da infancia”.
Deste xeito os nenos participantes “queren deixar constancia da súa experiencia durante estes meses, tanto no plano persoal como tamén no educativo, e tamén dende a súa faceta de representantes da mocedade porriñesa no consello municipal de infancia” explicou Lourdes Moure, concelleira de Educación.
A Concellería de Educación e a Oficina Municipal de Información Xuvenil (OMIX) foron quen fixeron posible a elaboración dos vídeos que “pretenden visibilizar o traballo realizado polos nenos, nenas e adolescentes do consello municipal de infancia”. “Tamén evidenciar a aposta do Concello por manter estes mecanismos de participación infantil mesmo nos momentos mais complicados, xa que contribúen a coñecer mellor as necesidades reais da infancia e facilitan a posta en marcha de medidas mais axustadas a súas necesidades e realidade, como fixo este concello durante os últimos meses”, manifestou Lourdes Moure.
A continuación poden visualizar os catro vídeos nos que nenos e nenas do Porriño relatan como levaron a corentena, que medidas de protección deberemos observar, como entenden que será a “nova normalidade” e, finalmente, falan da súa experiencia como integrantes do Consello Municipal da Infancia.
Por segunda semana consecutiva publicamos o protocolo de normas para uso das pistas de pádel e tenis municipais así como os enlaces que haberá que empregar para realizar as reservas.
