Emprego e formación

Aberto o prazo de incrición para os Cursos de Accións Formativas para Persoas Desempregadas que pon en marcha o Concello do Porriño

Logo de 2 anos de ‘seca’, sen concesión algunha de accións formativas para o concello do Porriño, “aínda sabendo a importancia das mesmas para as persoas que están sen traballo”, finalmente a Concellería de Emprego e Formación, que dirixe Soledad Girón, ven de conquerir da Consellería de Economía, Emprego e Industria  de Goberno de Galicia  tres cursos AFD ( Accións Formativas para Persoas Desempregadas), cunha subvención de 96.174€.

Soledad Girón lembra que O Porriño é un concello de 20.000 habitantes cunha taxa de paro que foi baixando nos dous últimos anos do 26,3%-porcentaxe no que estaba cando o actual Goberno local tomara posesión- ao 18,2%-ao peche de agosto: máis dun 8% en total, grazas á posta en marcha de distintos programas formativos, impulsados e financiados polo propio Concello, e os acordos asinados con representantes do mundo empresarial, coma “Porriño Accede”, os plans de emprego co-financiados coa Deputación de Pontevedra e, “agora mesmo, pendentes da concesión do PIEM ( Plan Integral de Emprego para Mulleres), plan no que temos posto gran entusiasmo, investindo tempo e recursos, máis de 100.000€ se finalmente se nos concedese”.

Os cursos impartidos polo Concello do Porriño serán: Servizos de Restaurante (HOTRO608), de nivel 2; Operacións Básicas de Restaurante e Bar (HOTRO208), de nivel 1 e, finalmente,  Operacións Básicas de Cociña (HOTRO108), tamén de nivel 1.

Dende a Concellería de Emprego e Formación lémbrase ás veciñas e veciños que xa está aberto o prazo de inscrición, que o lugar para cumprimentar a mesma é a Oficina de Emprego do Porriño e que o único curso que esixe un nivel de estudos mínimo –ESO ou similar- é o de Servizos de Restaurante, que é do nivel 2.

Por último, Soledad Girón subliña que impulsar medidas para reducir o desemprego “non é só labor do Goberno local do Porriño o é, especialmente, da Xunta de Galicia, que ten competencia para elo, e as dúas administracións temos o deber e a obriga de entendernos, á marxe de posturas políticas diferentes pois cando gobernamos facémolo para os cidadáns”.

05/09/2017 in Alcaldía, Benestar, Emprego e formación

A Concellería de Formación e Emprego programa varias actividades formativas, este mes de agosto, para personas en situación de desemprego

A Concellaría de Formación e Emprego do Concello do Porriño, que dirixe Soledad Girón, ven de programar distintas actividades formativas, para persoas en situación de desemprego, durante este mes de agosto.

As mesmas empezarán con  ‘Iniciación á Informática’. A actividade terá unha duración de 30 horas, se iniciará o vindeiro luns, día 7 de agosto, rematá o  día 14 e impartirase en horario de 9 da mañá a 2 da tarde.

A mesma está dirixida a todas as persoas que se queiran iniciar no manexo básico dun  ordenador. Ao rematar o usuario/a será capaz, de crear e xestionar os arquivos no ordenador, crear un texto, navegar por Internet, enviar e recibir correos electrónicos.

‘Libre Office Calc-Iniciación’. Terá unha duración de 20 horas, empezará o xoves 17 de agosto e rematará o martes, día 22, impartíndose de 9 da mañá a 2 da tarde a  persoas que teñan coñecementos básicos de ordenador.

O obxectivo é que ao final da aprendizaxe osarticipantes sexan quen de realizar operacións básicas e funcións sinxelas, saber dar formato as celas e configurar a páxina.

‘Libre Ofifice Base-Iniciación’, cunha duraciónde 30 horas, impartidas de 9 da mañá a 2 da tarde dende o xoves día 24 ao xoves, 31 de agosto, está dirixida persoas que teñan teñan coñecementos básicos de ordenador.

Ao rematar o usuario/a será capaz de crear e  modificar táboas, consultas, formularios, informes e  crear relacións entre datos.

Lembrar que estas actividades da Concellaría de Formación e Emprego están destinadas a persoas que se atopan actualmente nunha situación de desemprego.

Para poder participar é necesario inscribirse e pode facerse chamando ao seguinte teléfono 986 348944.

04/08/2017 in Alcaldía, Emprego e formación, Igualdade

A Confederación do Miño-Sil empeza a recuperación das beiras do Louro nunha actuación que completará o Concello con varias actuacións nas vindeiras semanas

O alcalde accidental do Porriño, Manuel Carrera, xunto coa concelleira Soledad Girón e o concelleiro Orlando Márquez, acompañaron este xoves ao presidente da Confederación Hidrográfica do Miño-Sil, Francisco Marín, e a subdelegada do Goberno en Pontevedra, Ana María Ortiz, na visita que fixeron ás obras iniciadas pola Confederación, na beira do río Louro ao seu paso pola vila.

O proxecto, que ten un orzamento total de de 62.000€, abrangue varias actuacións en diferentes treitos que suman, en conxunto, máis dun quilómetro de lonxitude e que reforzarán as beiras máis afectadas pola subida das augas nas épocas de choiva.

Para as mesmas empregaranse troncos, estacas verticais, de piñeiro, e a parte superior estará recuberta de terra vexetal que facilitara a reforestación da mesma con especie propias da zona. Así mesmo, haberá unha actuación na senda, que ten partes moi danadas e que, coma lembrou o alcalde accidental, é moi empregada no so polos porriñeses, senón polos peregrinos, dado que a mesma é parte do Camiño Portugués a Santiago.

A actuación da da Confederación Hidrográfica do Miño-Sil estará completada por outras cinco que porá en marcha o Concello do Porriño nas vindeiras semanas para a mellora de camiños, e que contarán cun orzamento duns 45.000€.

03/08/2017 in Alcaldía, Benestar, Emprego e formación, Limpeza, Parques e xardíns, Turismo

As accións iniciadas polo Goberno Local sitúan o paro no Porriño en niveis de metade do ano 2009

O número de parados descendeu o o mes de xullo no Porriño en 42 persoas, segundo informou este martes o  Ministerio de Emprego e Seguridade Social. Dacordo cos mesmos, na vila hai 1.663 desempregados anotados nas listas da oficina do Servizo Galego de Emprego.

Trátase do mellor dato de emprego das últimas 430 semanas-dende metade do ano 2009- e sitúa o paro no Porriño no 18,2%,  amosando unha baixada que fai que o número de veciñas e veciños sen traballo sexa inferior a 1.700, un feito inédito dende finais de 2008.

En relación co mes de xullo de 2016 o desemprego descendeu no Porriño en 238 persoas, pasando de 1.901 a 1.663 e, porcentualmente, do 23,4 ao 18,2%, máis de 5 puntos nun so ano.

Dacordo coas cifras oficiais sobre a evolución do paro, dende que actual Goberno local tomara posesión, o desemprego no  Porriño reduciuse de 2.139 persoas en xuño de 2015 a 1.663 este pasado mes de xullo, o que supón a creación de 476 empregos e unha caída do paro dun 8,1%.

A concelleira de Emprego, Soledad Girón subliña que o Goberno local ten coma a súa “primeira prioridade” a redución do desemprego e a creación de novos postos de traballo na vila e salienta que “as propostas, actividades, accións e iniciativas desenroladas neste mandato para conquerir este obxectivo están a funcionar”.

A concelleira lembra que o programa de formación ‘Porriño Accede’, baseado en convenios asinados entre o Concello e empresas da vila “está a dar os seus froitos”. Ata agora, asináronse 12 convenios de colaboración nun marco de tres acciones formativas, que permitiron que 12 das 15 persoas que participaron na primeira acción empezasen a traballar. Nove delas  obtiveron esta oportunidade por medio das prácticas non laborais; coa seguinte formación, foron 6 as insercións laborais e hai previsión doutras 3 no que resta do programa.

Finalmente, na última acción formativa, conqueríronse  9 insercións, tamén de 15 participantes e está previsto completar tres accións en conxunto ao longo deste ano.

Tamén influíron de xeito notábel os  ‘Plans de Emprego’, que foron posibles logo da sinatura dun acordo coa Deputación de Pontevedra e do investimento de fondos municipais, de máis de 500.000 euros no que vai deste ano, “e o feito de buscar e promover o entendemento con outras administracións”, o cal facilita a obtención de axudas e subvencións que adícanse á mellora das posibilidades de atopar un posto de traballo para aquelas porriñesas e porriñesas que están en situación de paro.

03/08/2017 in Alcaldía, Emprego e formación

Segue a desenrolarse o Plan de Igualdade do Concello coa posta en marcha do taller ‘Descúbrete, unha nova ollada de ti’

Seguindo a liña de actuación do III Plan de Igualdade de Oportunidades do Concello de Porriño, 2016 – 2019, dende a Concellería de Igualdade, que dirixe Soledad Girón, estase a traballar en distintas liñas de actuación coa posta en marcha de diferentes accións que se recollen no devandito plan, logo de facer unha diagnose da situación social e demográfica do Porriño.

Ditas accións acométense trimestralmente: no primeiro trimestre deste ano abordouse a Saúde, no segundo o Emprego e neste terceiro “abordaremos a  participación social e o  Empoderamento con un claro obxectivo: incrementar a participación da cidadanía na loita a prol da Igualdade entre mulleres e homes, adicando o derradeiro trimestre do ano á Violencia Machista”.

Os vindeiros meses de agosto e setembro, indica Soledad Girón,“realizaremos talleres de crecemento persoal e habilidades sociais”, dende a perspectiva de xénero, “para fomentar nas mulleres as estratexias necesarias para mellorar a comunicación e as relación interpersoais”.

Desde a Concellería de Igualdade saliéntase a importancia do ‘empoderamento feminino’ que facilita as ferramentas precisas para “ampliar a capacidade de configurar as nosas vidas e a súa contorna”.

O taller “Descúbrete, unha nova ollada de ti” ten coma obxectivo “ampliar a conciencia sobre a noa vida, a realización persoal e individual, o descubrimento das diferencias, compartir vivezas e éxitos e comprender que  pódense crear novos camiños individuais,  proporcionar ferramentas imprescindíbeis para afrontar doutro xeito a experiencia da vida e ‘empoderarse’ , tomando conciencia e exercendo o poder de liderar as nosas vidas”.

O taller será o 28, 29 de Agosto e 1 de Setembro, cunha duración de 8 horas, en horario de mañá, no centro Cultural do Porriño. Para máis información e formalizar a inscrición as persoas interesadas poden dirixirse ao CIM do Concello do Porriño ou chamar ao número de teléfono  teléfono 986337429. O número de prazas é limitado.

27/07/2017 in Alcaldía, Benestar, Emprego e formación, Igualdade

‘Elixe a túa plataforma de comercio electrónico’, tema do taller deste mércores, día 26, no do Punto SmartPeme do Porriño

O Punto SmartPeme do Porriño organiza o vindeiro mércores, 26 de xullo-ás 7 da tarde-, no Multicentro Municipal de Torneiros o taller, ‘Elixe a túa plataforma de comercio electrónico’.
 
Neste taller amosarase a autónomos e micropemes a evolución e tendencias do comercio electrónico, as ferramentas que existen e ás que poden achegarse e outros puntos clave que deben ter en conta para elixir unha solución ou outra.
Os contidos do taller abranguen: evolución e perspectivas do comercio electrónico en España, tipos de plataformas de venta en liña e como elixir a plataforma máis axeitada para o teu negocio.
 
As persoas interesadas en participar neste taller poden enviar un correo ao enderezo electrónico oporrino.smartpeme@depo.es; chamar ao teléfono 886 20 20 20 ou entrar no portal web SmartPeme – www.smartpeme.depo.es .
23/07/2017 in Alcaldía, Educación e tecnoloxía, Emprego e formación

Os convenios asinados pola Concellería de Emprego e Formación con empresas por medio de ‘Porriño Accede’ permitiron que a maioría dos participantes neste programa atopasen traballo

O Concello do Porriño presentou a principios deste mes de xullo o programa de formación ‘Porriño Accede’, promovido pola Concellería de Emprego e Formación que dirixe Soledad Girón, e que é unha iniciativa que, como sinala a propia concelleira, “quere dar resposta ao desexo de combater o desemprego dende unha posición activa, apostando pola formación e coa colaboración das empresas da contorna”.

‘Porriño Accede’ abrangue un proceso de capacitación inicial, dirixido á obtención das competencias profesionais que piden as empresas, complementando as mesmas con prácticas non laborais que teñen coma previsión a empregabilidade.

Soledad Girón subliña que por medio de ‘Porriño Accede’, “proporciónase unha oportunidade real a colectivos de difícil reinserción laboral pois permite formar a persoas desempregadas en conceptos demandado polas empresas, garantindo, deste xeito, o acceso ao tecido empresarial”.

A participación das empresas artéllase grazas aos convenios de colaboración asinados pola Concellería de Emprego e Formación: neste 2017 xa se formalizaron ,ata agora, 12 convenios de colaboración nun marco de tres acciones formativas, que permitiron que 12 das 15 persoas que participaron na primeira acción empezasen a traballar. Nove delas  obtiveron esta oportunidade por medio das prácticas non laborais; coa seguinte formación, foron 6 as insercións laborais e hai previsión doutras 3 no que resta do programa.

Finalmente, na última acción formativa, conqueríronse  9 insercións, tamén de 15 participantes e está previsto completar tres accións en conxunto ao longo deste ano.

Soledad Girón subliña que ‘Porriño Accede’ ten coma obxectivo esencial “xerar oportunidades para as porriñesas e porriñeses desempregados, grazas ao esforzo por atopar unha resposta ás necesidades do tecido empresarial co que conta a nosa vila”, un dos máis importantes de Galicia.

23/07/2017 in Alcaldía, Educación e tecnoloxía, Emprego e formación, Igualdade

A alcaldesa cualifica de “histórica” a apertura dunha Aula da UNED no Porriño e adianta que está moi avanzado o proceso para atopar unha sede para a mesma

A Xunta Reitora da Universidade Nacional de Educación a Distancia, presidida por Carmela Silva e reunida este mércores en Pontevedra, aprobou a posta en marcha dun Aula da UNED no concello do Porriño.

En concreto, tal e como asegurou Silva, “trátase dun aula que impulsamos co apoio do propio Concello e da Confederación de Empresarios e vén a sumarse ás tres aulas que o Centro Asociado ten xa en funcionamento en Vigo, Portas e Tui”.

O pasado 16 de marzo a alcaldesa, Eva García de la Torre, xunto coas concelleiras de Educación, Lourdes Moure, de Emprego, Soledad Girón, a voceira do Grupo Municipal de Non Adscriitos, Sabela Landín, e o presidente dos empresarios do Polígono de A Granxa, Indalecio Cuevas, mantivera unha entrevista coa directora da UNED de Pontevedra, Beatriz Rodríguez, para tentar de traer a O Porriño a devandita aula.

Unhas semanas máis tarde, o Pleno do Concello aprobou, a petición da concelleira de Educación, instar á dirección da Universidade Nacional de Educación a Distancia a que abrise un aula no Porriño, proposta que agora ven de ser ratificada pola Xunta Reitora da UNED.

A alcaldesa cualifica esta decisión coma “histórica”, subliña que é “unha nova importantísima para O Porriño”, sinala que esta decisión é “froito do traballo realizado dende o Concello neste tempo” e adianta que o Goberno local xa ten “moi avanzado” o estudo da posible sede da Aula da UNED na vila.

Eva García de la Torre manterá, nas vindeiras semanas, unha xuntanza cos responsábeis da Universidade Nacional de Educación a Distancia para coñecer as necesidades que considera o centro para a apertura desta aula que, asegura, “será un espazo moderno, dotado coas últimas tecnoloxías que garanta unha formación de calidade e responda á demanda das empresas contribuíndo, deste xeito, a seguir diminuindo o desemprego do Porriño”.

A alcaldesa confirma que o primeiro paso será que a Aula da UNED no Porriño imparta os estudos de Acceso á Universidade de Maiores de 25 anos, ao tempo, que o Concello seguirá co seu compromiso de asinar convenios de colaboración cos empresarios dos grandes polígonos industriais da vila, “para deseñar a formación especializada” que teñan que completar as persoas que queiran acceder a empregos de calidade nas firmas radicadas no Porriño de xeito que, ao ano seguinte, sexa posible expor á Universidade Nacional de Educación a Distancia a súa implantación.

20/07/2017 in Alcaldía, Educación e tecnoloxía, Emprego e formación

Felipe VI preside no Porriño os actos do 50 Aniversario de AIMEN

Felipe VI presidiu este luns no Porriño os actos de celebración do 50 aniversario de Aimen Centro Tecnolóxico. O Xefe do Estado coñeceu tres novos tipos de soldaura láser e un robot de asistencia para a recuperación da funcionalidade de doentes que teñen daño cerebral.

Felipe VI, foi recibido polo alcalde accidental do Porriño, Manuel Carrera, polo presidente do Goberno de Galicia, Alberto Núñez Feijóo, pola minitra de Emprego e Seguridade Social, Fátima Báñez, e o presidente do Parlamento de Galicia, Miguel Santalices, entre outras autoridades.

O centro AIMEN, radicado no Porriño, é un referente europeo no campo láser e na investigación de mateirais usados na aeronáutica, o naval e a automoción, como sinalaron os seus responsábeis.

O Rei viaxou de seguido a Vigo para almorzar no Círculo de Empresarios de Galicia que celebra os seus 25 anos de historia.

17/07/2017 in Alcaldía, Educación e tecnoloxía, Emprego e formación