Emprego e formación

O conselleiro de Economía, Emprego Industria, felicita ao Porriño pola súa aposta pola biomasa

A alcaldesa, xunto co tenente de alcalde, Manuel Carrera, o concelleiro de Industria, Marcelino Coto, e a concelleira de Emprego,Soledad Girón, recibe ao conselleiro de Economía, Emprego e Industria, que está no Porriño para coñecer o funcionamento das novas caldeiras de biomasa instaladas polo Concello en 11 dependencias da vila, entre elas o Pavillón Municipal do Deporte.
O conselleiro felicitou ao Concello do Porriño pola súa aposta pola biomasa, as enerxias renovables e os combustibles de orixe galego.

18/04/2017 in Alcaldía, Deportes, Emprego e formación, Urbanismo, comercio e industria

A alcaldesa comprométese coa Asociación de Veciños de Cans

A alcaldesa comprométese coa Asociación de Veciños de Cans a acometer distintas melloras na parroquia e presentoulles unha idea para cubrir o Torreiro e humanizar a contorna

A alcaldesa, acompañada da concelleira de Emprego e Igualdade mantivo unha xuntanza con membros da Asociación de Veciños de Cans para coñecer ás súas necesidades e transmitirlles o seu compromiso persoal e do do Goberno local para acometer as melloras que precisa a parroquia.

Eva García de la Torre presentoulles unha idea para cubrir o Torreiro, de xeito que poida usarse durante moitos máis días ao ano, unha obra que é posible acometer en pouco tempo.

Ademais, sinalou que no marco dese traballo se adiantará en conquerir un entorno máis habitábel e se rematarán as accións de saneamento que precisa Cans.

Os representantes da Asociación de Veciños expuxéronlle a rexedora unha lista de necesidades, parte das cales abordará xa o Concello, coma o arranxo das ‘marquesiñas’ e a colocación dunha nova na zona da gasolineira- para o transporte escolar-; achegar a rede wi-fi, formar ás persoas máis vellas nas novas tecnoloxías- o Goberno local disporá a realización dun curso destinado a exclusivamente a elas- e a humanización de parte da parroquia.

Así mesmo, os veciños amosaron á alcaldesa a súa satisfacción pola mellora da limpeza e, especialmente, polo remate do rozado de camiños e pistas, que era unha reclamación que se lle fixera ao Concello.

14/04/2017 in Alcaldía, Emprego e formación, Igualdade

Obradoiros de alfabetización dixital para persoas adultas

Actividade: Obradoiros de alfabetización dixital para persoas adultas
Contido: formación no uso das TIC. 3 niveis de coñecemento
¿Para quen?: adultos con poucos coñecementos do uso do ordenador e internet.
¿Cando?: mércores de xaneiro-xuño e outubro-novembro. De 10:00 a 11:30.
Toda a información na páxina https://bibliotecadoporrino.com/…/obradoiros-de-alfabetiza…/

10/04/2017 in Educación e tecnoloxía, Emprego e formación

O Concello do Porriño abre o prazo para a contratación de 52 persoas

O Concello do Porriño abre este luns, día 3 de abril, o prazo para a contratación de 52 persoas, a tempo completo, ata finais deste ano 2017

O Concello do Porriño, por medio da Concellería de Emprego, que dirixe Soledad Girón, contratará, ata finais deste ano, a 52 persoas para realizar diferentes traballos a tempo completo.

As bases que deben cumprir as interesadas e interesados en estes empregos xa están a dispor do público no propio Concello e establecen que o prazo para poder optar aos mesmos que se abrirá o luns, día 3 de abril.

Aquelas veciñas e veciños do Porriño que queiran desempeñar algún destes traballos deberán ter a condición de demandantes de emprego, tendo prioridade, como establece a lei, as vítimas de violencia machista, maiores de 45 anos, parados de longa duración, en risco de exclusión, e familias monoparentais con persoas a cargo.

A concelleira de Emprego estima que o proceso de selección terá unha duración dun mes e os contratos laborais se asinarán a finais de abril para que se extendan dende o primeiro día de maio ata o vindeiro 31 de decembro.

Os postos a cubrir son: 1 conserxe en quenda de tarde para o Centro de Formación de Torneiros; 6 oficiais de Primeira de albanelería, 12 peóns de obra pública, 1 oficial de Primeira de carpintería, 1 oficial de Primeira de fontanería, 1 oficial de Primeira electricista especializado en mantemento e reparación en xeral, 1 oficial de Primeira Ferreiro ou ferreira e un condutos, ou condutora, de camión e pa escavadora con permiso de conducir Tipo C, todos eles coma persoal de apoio ao servizo de obras na conservación, mellora e protección de dependencias e recursos municipais.

Ademais se seleccionarán, para o Servizo de Parques e Xardíns e Limpeza: 1 operario ou operaria de vehículo de limpeza viaria, 6 xardineiros ou xardineiras, 16 peóns de limpeza, 1 condutor, ou condutora, de tractor desbrozadora, 2 pintores de Primeira de bandas sobre vías urbanas e estradas.
Así mesmo, se contratarán, para apoio ao servizo da Unidade Asistencial a Drogo-dependentes, 1 enfermeiro ou enfermeira, e 1 conserxe para o Servizo de Deportes.

Esta iniciativa, unha das impulsadas polo Goberno local no eido da formación e creación de emprego, conta cun orzamento total de 608.000€, dos cales o Concello achega uns 371.000 e case 237.000 a Deputación de Pontevedra con cargo ao ‘Plan Concellos 2017’.

02/04/2017 in Emprego e formación

Entrega de diplomas dos obradoiros de formación en albanelería e limpeza de montes

20 persoas con especial dificultade para atopar emprego rematan dous obradoiross de formación en albanelería e limpeza de montes, impulsados polo Concello do Porriño e a Xunta

A alcaldesa do Porriño presidiu este luns a entrega de diplomas aos 20 participantes en sendos obradoiros impulsados polo Concello e pola Concellería de Industria, Economía e Emprego que tiñan coma principal obxectivo a formación dos participantes en albanelería e limpeza de montes.

Coma lembrou Eva García de la Torre, os obradoiros tiveron unha duración de 6 meses e no ánimo da Concellería de Emprego, que dirixe Soledad Girón, e no da Consellería de Industria, Economía e Emprego estaba “aumentar ao máximo as posibilidades de entrada ou regreso ao mundo laboral dos participantes nos mesmos”.

No mesmo acto, no que estiveron presentes o xefe territorial da Consellería de Economía Emprego e Industria, e Yolanda Lesmes, secretaria territorial da mesma consellería, este última subliñou a importancia da cooperación entre administracións, neste caso o Concello do Porriño e o Goberno de Galicia, “de cara a axudar a persoas con especial dificultade para reintegrarse ou acceder ao mundo laboral”.

Lesmes adiantou que a Xunta xa convocou a realización de novos obradoiros de emprego que “terán unha duración total de 9 meses, 3 máis que na actualidade” coa finalidade de mellorar a formación e, ao tempo, as probabilidades de que os seus participantes atopen traballo.

Neste caso concreto, os participantes no obradoiro levaron a cabo a reforma da Escola Unitaria de Covelo, en Atios, que estaba nun avanzado estado de abandono, realizando obras de recuperación e acantoamento da mesma, retirando os elementos que non foi posible recuperar e reformando o inmoble para conquerir o seu aproveitamento para uso e gozo dos veciños da parroquia.

Os traballos que quedan pendentes serán rematados pola Concellería de Vías e Obras e a intención es que os mesmos estean a cargo dos integrantes dun novo obradoiro, que abranguería, neste caso, formación tamén en xardinería, para o establecemento dunha zona de lecer ao aire libre e mesmo un parque biosaudábel.

Polo que se refire ás e os participantes no obradoiro forestal, realizaron unha importantísima labor de mellora da contorna das Gándaras de Budiño, un dos enclaves máis visitados do Porriño.

28/03/2017 in Alcaldía, Emprego e formación, Vías e obras

Obradoiro ‘Xestiona o teu negocio dende o móbil’

Este luns, día 27 de marzo no Punto SmartPeme do Porriño, o obradoiro ‘Xestiona o teu negocio dende o móbil’

Este luns, día 27-as 7 da tarde- no Punto SmartPeme de O Porriño-no Edificio Multiusos de Torneiros- o obradoiro ‘Xestiona o teu negocio dende o móbil’, impartido por Esther Garcinuño, Diplomada en Ciencias Empresariais, coa especialidade de mercadotecnia e dirección comercial, pola Universidade da Coruña e Enxeñeira Técnica en Informática de Xestión pola Universidade de Vigo, con mais de 8 anos de experiencia en deseño, desenvolvemento e dirección de proxectos web.

O obradoiro está orientado a axudar as empresas e autónomos a coñecer os recursos e as ferramentas informáticas máis comúns para a mellora da xestión e funcionamento do seu negocio.

No mesmo se falará de os diferentes dispositivos; Sistemas IOS, Android; as app’s; conectividad Wi-fi y “x”G e App´s de Movilidad: Correo electrónico, contactos e calendarios (Gmail, Outlook.com), almacenamiento na nube (DropBox, Google Drive, OneDrive),Google Maps, Google Earth, Google Calender, Google Traductor, Banca Electrónica, Videoconferencia (Facetime, Skype, Hangouts), Geolocalización, Video vixilancia, cámaras IP, Invoice2Go (facturas dende a nube), imprimir dende o móvil, Control Remoto (RDP) (Teamviewer, Logmein) e App’s de pago e gratuitas.

Para asistir ao taller, poden utilizarse as seguintes canles: chamar por teléfono ao 886 20 20 20; enviar un correo ao enderezo electrónico oporrino.smartpeme@depo.es ou entrar na web www.smartpeme.depo.es.

26/03/2017 in Educación e tecnoloxía, Emprego e formación

Lucy’s Tire, establecese no Porriño

Lucy’s Tire, que ven de establecer no Porriño o seu centro principal para España, amosa o seu interese no Plan de Formacion Laboral do Concello, durante a visita á mesma da alcaldesa e do concelleiro de Industria

A alcaldesa, Eva García de la Torre, e o concelleiro de Industria, Marcelino Coto, visitaron a firma Lucy´s Tire, que terá no Porriño a súa planta principal en España.

Lucy’s Tire, é unha empresa comercializadora de neumáticos, establecida nos Estados Unidos en 1985 que no ano 2000, logo de chegar a liderar a exportación do sector ao Centro e Sur de América e o Caribe, abre sete filiais no estado de Florida dando servizo, anualmente, a máis de 25.000 transportistas, converténdose nunha referencia nesta industria.

Os propietarios desta multinacional, José Ríos, natural de Galicia, e Lucy García Rios, de país galegos, deciden hai 4 anos abrir unha delegación en Galicia, concretamente en Pontevedra, fundando Lucy’Tire España, dirixida por Jeronimo Rios.

Logo de integrarse no mercado europeo, a empresa ven de dar un novo paso e investir no seu propio centro de servizo de Automóbiles e Camións no Porriño e, dende aquí, levar os seus produtos a toda a Península Ibérica.

A alcaldesa transmitiu ao presidente de Lucy’s Tire a súa satisfacción polo feito de que decidise radicar a central para España no Porriño, amosoulle a total colaboración do Concello e expúxolle os plans formativos, “orientados á creación de emprego”, impulsados dende o Goberno local e que veñen de cristalizar en diferentes acordos con empresas de varios sectores, plans nos que os responsábeis de Lucy’s Tire amosáronse interesados en canto facilitan a formación profesional de futuros empregados, baseados nas necesidades das diferentes empresas da área do Porriño.

Pola súa banda, o concelleiro de Industria sinalou que dende o Concello se fixera “todo o traballo” para que esta nova empresa se establecese no Porriño. Marcelino Coto subliñou que “axilizar e facilitar todos os trámites para que as empresas que queiran investir na vila e radicarse nela, é unha prioridade para o Goberno local” dado que supón máis riqueza, máis desenrolo e máis traballo, “obxectivos que son xa unha norma que este Goberno se ten marcado”.

24/03/2017 in Alcaldía, Emprego e formación, Urbanismo, comercio e industria

O Concello do Porriño contratará a 52 persoas desempregadas

O Concello do Porriño contratará a 52 persoas desempregadas, ata finais de ano, cunha achega de 371.000€ de fondos muncipais e 237.000 do ‘Plan Concellos’ da Deputación

O Concello do Porriño, por medio da Concellería de Emprego, que dirixe Soledad Girón, contratará, ata finais deste ano, a 52 persoas para realizar diferentes traballos a tempo completo.

A iniciativa, que é unha das impulsadas polo Goberno local no eido da formación e creación de emprego, conta cun orzamento total de preto de 608.000€, dos cales o Concello achega uns 371.000 e case 237.000 a Deputación de Pontevedra con cargo ao ‘Plan Concellos 2017’.

Os postos ofertados son: 2 conserxes, 1 enfermeiro ou enfermeira, 6 peóns de albanelería, 12 peóns de obra pública, 1 oficial de primeira de carpintería, 1 oficial de primeira de fontanaría, 1 oficial de primeira electricista especializado en mantemento e reparación, 1 oficial de primeira Ferreiro, ou Ferreira, 1 condutor, ou condutora, de camión e pa escavadora, 1 operario, ou operaria, de vehículo de limpeza, 6 xardineiros, ou xardineiras, 1 condutor, ou condutora de tractor-rozadora, 16 peóns de limpeza e 2 peóns de primeira de bandas sobre vía urbana e estradas.

A oferta de emprego estará exposta os vindeiros días, antes de que empece a preselección, que realizará a Oficina de Emprego entre as persoas anotadas na mesma que teñan a condición de demandantes de traballo.

Na devandita preselección terán prioridade, como establece a lei, as vítimas de violencia machista, maiores de 45 anos, parados de longa duración e familias monoparentais con persoas a cargo.

21/03/2017 in Emprego e formación

Curso Básico de Prevención de Riscos Laborais

24 veciños do Porriño en busca de traballo mellora a súa empregabilidade completando o Curso Básico de Prevención de Riscos Laborais impartido pola Fundación Labora da Construción

A concelleira de Emprego, Soledad Girón, entregou os diplomas concedidos pola Fundación Laboral da Construción aos vintecatro participantes no Curso Básico de Prevención de Riscos Laborais, organizado por esta entidade en colaboración co Concello do Porriño.

O mesmo, cunha duración de 60 horas, 40 delas on line e 20 presenciais, permite ás persoas que o realizan ter máis posibilidades de acceder a un posto de traballo dentro da construción dado que en todas as obras ten que haber unha persoa que conte co coñecementos adquiridos neste curso.

Como lembrou o representante da Fundación Laboral da Construción, o obxectivo que se persigue no sector e reducir a sinestralidade algo que facilita o feito de que os profesionais teñan a maior preparación posible en prevención en riscos laborais, tal e coma se recolle, ademais no propio convenio.

Pola súa banda, a concelleira Soledad Girón subliñou que é “unha prioridade para o Goberno local contribuír á creación de emprego e poñer todas as facilidades para que sexa posible”. Girón tamén salientou que para facelo “é clave” a colaboración con entidades da importancia e experiencia da Fundación Laboral para a Construción e amosouse “absolutamente segura” de que esta cooperación seguirá adiante.

27/02/2017 in Emprego e formación

Apúntate á programación do punto SmartPeme do Porriño

Lembramos que o punto SmartPeme do Porriño, desenvolve durante o mes de febreiro diferentes actividades, de balde, na súa sede do Multicentro de Torneiros. As mesmas empezaron o pasado día 2 e continúan ata o día 22, a partires das 7 da tarde.

Este martes, día 7 tratouse de, ‘Redes sociais para a empresa: ¿é Twitter a túa solución?’; o martes 14, ‘Elixe a túa plataforma de comercio electrónico’; o venres, día 17, ‘Como mellorar a percepción da túa clientela cos teus e-mails’ e o mércores día 22, Comercio electrónico para PEMES (Prestashop)

Para asistir ós eventos e preciso reservar praza, indicando evento ó que están interesados en asistir. Para isto, os interesados teñen á súa disposición varias canles, por medio do teléfono 886 20 20 20, por Email ao enderezo: oporrino.smartpeme@depo.es ou entrando no portal webwww.smartpeme.depo.es.

09/02/2017 in Educación e tecnoloxía, Emprego e formación