Educación e tecnoloxía arquivos - Páxina 33 de 46

O Concello acometerá medio cento de obras de saneamento, asfaltado, equipamentos escolares e deportivos por un millón de euros no que resta de mandato

O goberno municipal de Porriño ven de establecer unha folla de ruta en materia de obras que se acometerán ó longo das vindeiras semanas para melloras de saneamento, asfaltado asi como equipamentos escolares e deportivos que importarán 1 millón de euros e beneficiarán principalmente a todalas parroquias do concello.

A maior cuantía de ese orzamento procede dos 715.000 € que Deputación Provincial otorgaba dentro do “Plan Concellos” cuia asignación revisouse. “No lugar de investir esa dotación en dous megaproyectos, preferimos acometer perto de 50 actuacions en unha diversidade de actuacions que mellorarán a moitísimos veciños que agardan por conectar as suas vivendas á rede de saneamento, polo arranxo de camiños, pola mellora de colexios como en Atios ou pola ampliación do Pabellón Municipal, por exemplo”, sinalou Eva García, alcaldesa de Porriño. A primeira autoridade municipal mantivo a principios de semana unha reunión en Deputación na que se acordou o reenfoque do destino desa partida orzamentaria.

De xeito que tras unha reunión do equipo de goberno cos técnicos municipais acordouse destinar 370.000 euros a 10 obras de saneamento que permitirán que 150 vivendas en diferentes parroquias se enganchen á rede. Asimesmo se consignan 100.000 euros para asfaltados e repavimentados nas sete parroquias e 166.000 euros en obras varias.

Tamén 60.000 euros para melloras en centros de ensino “coma o CEIP “Fernández López” a fin de retirar o falso teito e o arranxo dos baños que non fixera a Consellería de Educación a pesar de terse reiterado a correspondente petición ou para acometer as obras nos vestiarios do CEIP de Atios, compromiso non ejecutado polo anterior responsable político desa materia”, declarou Lourdes Moure, concelleira de Fazenda e Educación. Por último tamén se investirán 260.000 euros en actuacions deportivas entre as que destaca a reparación de gradas e ampliación do aforo do Pavillón Municipal con 300 prazas mais para chegar a meter 2.000 espectadores.

26/03/2019 in Alcaldía, Benestar, Deportes, Educación e tecnoloxía, Tráfico, Vías e obras

A OMIX do Concello do Porriño inicia as actividades do programa “Corto e Cambio”

A Oficina Municipal de Información Xuvenil de Porriño anuncia o desenrolo a partir de esta última semana de marzo do programa “Corto e Cambio” dirixido a prevención do consumo de alcohol, drogas e tabaco entre adolescentes. Inscribironse máis de 150 mozos e mozas porriñeses para elaborar audiovisuais para sensibilizar á mocidade. A campaña focalizarase entre o alumnado nos dous Institutos de Secundaria do Concello.
A campaña pretende previr mediante a sensibilización sobre as consecuencias físicas, psíquicas e sociais derivadas do consumo deste tipo de sustancias. Os alumnos participantes contarán co apoio dunha psicóloga para traballar os contidos mais teóricos e dun titulado en comunicación audiovisual para apoiar na parte técnica de todo o que rodea a elaboración das pezas audiovisuais.
“O traballo basearase na utilización doutros recursos audiovisuais realizados por mozos e mozas de idades similares, de xeito que lles sexa mais doado empatizar e implicarse na elaboración de novas pezas audiovisuais que axuden aos seus compañeiros/as a identificar os riscos físicos e psíquicos para a saúde derivados do consumo deste tipo de sustancias, a analizar a presión grupal como factor favorecedor do inicio no consumo, a desmontar tópicos e mitos existentes respecto ao consumo e adquirir coñecementos e pautas de actuación para a redución de riscos”, según apunta Noelia de la Fuente, responsable de la OMIX.
As sesións de traballo durarán ata finais do mes de maio, que será cando se presenten as pezas audiovisuais elaboradas por cada un dos grupos, nun acto organizado polo concello coincidindo co festival de Cans.

25/03/2019 in Alcaldía, Benestar, Educación e tecnoloxía, Servizos sociais

O CONSORCIO DO LOURO CELEBROU O DIA MUNDIAL DA AUGA CON ACCIONS DE CONCIENCIACION CARA Á POBOACION

A edición e distribución dun manual de bos usos titulado “No Consorcio do Louro amamos a auga” e a convocatoria da IV edición do Concurso de Debuxo entre escolares dos catro concellos consorciados, constituen as dúas accions divulgativas que hoxe se presentaron na súa sede en Guillarei. Eva García, alcaldesa de Porriño e presidenta do Consorcio de Augas do Louro participou xunto cos alcaldes de Salceda, Marcos Besada e Tui, Carlos Vázquez Padín, na presentación desas accions de concienciación á poboación coas que “queremos achegar unha mensaxe sobre a importancia de coidar un recurso que non é ilimitado”.
A distribución do manual, do que se editaron 6.000 exemplares, fixose en colaboración co comercio local dos catro concellos. Ainda completarase coa entrega tamén ós escolares dos centros docentes de Porriño, Mos, Salceda e Tui.

“Resulta imprescindible que a veciñanza coñeza que o cambio climático limita un recurso que pensábamos que era inesgotable e que non é de balde” engadiu a alcaldesa de Porriño. Eva García salientou “o enorme traballo que se fai nesta Estación Depuradora do Louro non só para o tratamento das augas residuais senon tamén na investigación I+D+I en productos de valor engadido que aquí realizan”.
Marcos Besada, alcalde de Salceda suliñou “o excelente manual editado para esta ocasión” do mesmo xeito que Carlos Vázquez Padín, alcalde de Tui dixo que “resulta moi positivo que se transmitan dun xeito moi didáctico modos de aforro”.
Finalmente Llerena Perozo, autora do manual que tamén estivo na presentación,
ponderou que “terán que ser os nenos e nenas os que actúen como prescriptores nos seus respectivos fogares ante os seus pais e avós”.
Por outra banda anunciouse a inminente apertura do prazo, no mes de abril, para a elaboración e presentación de debuxos para o IV Concurso convocado polo Consorcio de Augas do Louro entre os escolares de 3º e 4º de Primaria dos colexios dos catro concellos consorcíados. Este ano pretendese que os debuxos teñan como tema principal o ciclo urbano da auga e os traballos poderán presentarse ata o 31 de maio. Os premios entregaranse o 5 de xuño, Día Mundial do Medio Ambiente.

22/03/2019 in Alcaldía, Educación e tecnoloxía, Parques e xardíns, Vías e obras

Presentación da XXXI Feira Apícola PORRIÑO VOLTARA A SER A CAPITAL DO MEL DAS RIAS BAIXAS

A partir de mañán venres 22, Porriño torna a se converter na capital do mel coa celebración da XXXI edición da Feira Apícola Rias Baixas queterá lugar o sábado 23 na praza Arquitecto Palacios. A Feira estará complementada polas Xornadas Técnicas de Apicultura que albergará o Centro Cultural Municipal, tamén ó longo do sábado. E como limiar terá lugar o venres unha actividade didáctica cara ós máis pequenos. Este ano os protagonistas serán os alumnos e alumnas do CEIP Fernández López que terán oportunidade de facer unha degustación de diversos tipos de mel.
Agrupación Apícola de Galicia, Asociación de Apicultores da provincia de Pontevedra e o CRIGP Mel de Galicia, organizadores da Feira, queren amosar de novo que “o mel galego, a pesar dos cambios económicos e sociais, segue a gozar dunha fortaleza e saúde envexables”, según palabras de José María Seijo, presidente dos apicultores gallegos.
Nesa mesma liña Esther Ordóñez apuntou que hoxendía hai en Galicia 3.500 apicultores e 176.000 colmenas rexistradas. “’Mel de Galicia’ é a denominación de orixe que tén máis colmenas adscritas, máis apicultores inscritos e que certifica máis producto cada ano”. “Temos un posicionamiento importante e ainda estamos por medrar máis ata o punto de que os apicultores poidan vivir deesta actividade por que ata de agora supon unha renda complementaria”, engadiu a presidenta da Indicación Xeográfica “Mel de Galicia”.

Os voceiros presentes na rolda de prensa de presentación celebrada hoxe no Concello de Porriño amosaron o seu agradecemento ós concellos da bisbarra coma Porriño polo traballo para a eliminación de niños de velutinas. “Trátase dunha loita biolóxica na que estamos moi comprometidos”, según indicou Lourdes Moure, concelleira de Seguridade.
Precisamente nas xornadas técnicas que se celebrarán en paralelo ca Feira, farase especial fincapé na prevención e loita contra esas plagas que amenazan ó sector apícola

21/03/2019 in Alcaldía, Cultura e festas, Educación e tecnoloxía

APARCA BEN E LEVA UN LIBRO

O Concello de Porriño tomou en consideración a proposta do personal da Biblioteca da vila e coa colaboración da Policía Local, vén de habilitar un espazo de aparcadoiro para xestións rápidas dos usuarios. O estacionamento escollido foi o máis próximo ó edificio, na rúa José Fernández López. A praza de aparcadoiro xa dispón dun sinal vertical que informa da prohibición de aparcar excepto para facer uso dos servizos da biblioteca e por un máximo de quince minutos. A praza tamén está sinalizada no chan pintado co logotipo da biblioteca pública e a palabra “Biblioteca”.
Esta medida decidiuse a raiz de que o persoal da biblioteca detectara esta necesidade a través dos comentarios dos seus usuarios, das súas queixas pola falla de aparcadoiro nos arredores do edificio dado que son moitas as persoas que acoden diariamente en coche á biblioteca do Porriño para devolver libros e películas e levarse outros en préstamo, ou para realizar algún outro tipo de xestión rápida.

18/03/2019 in Alcaldía, Cultura e festas, Educación e tecnoloxía, Tráfico

Unha marea de mocidade porriñesa chama a frenar o cambio climático

Centos de rapaces e rapazas, procedentes dos colexios de educación primaria e infantil do concello así como dos Institutos “Pino Manso” e “Ribeira do Louro”, reclamaron ós políticos, “sen excepcions, medidas inmediatas para frenar o cambio climático e as súas consecuencias”, como sinalaba o comunicado lído polos propios nenos e nenas. Deste xeito, cunha concentración celebrada a mediodía na praza Arquitecto Antonio Palacios, a mocidade de Porriño sumouse hoxe á xornada mundial “Fridays for future” (Venres polo futuro) seguida nun cento de países do mundo. Tan só en España, celebraonse concentracions coma a de Porriño, en sesenta cidades ó mesmo tempo que se secundaba unha folga estudiantil.

Alumnos e alumnas dos colexios e dos institutos porriñeses deron lectura ó manifesto que acusa ós adultos de non ter feito dabondo para deter o cambio climático que os nenos de hoxe padecerán como maiores no inminente futuro.

O remate da lectura do manifesto, a alcaldesa Eva García tomou a palabra brevemente “simplemente para agradervos que coas vosas movilizacions e palabras golpeedes as nosas conciencias, as de todos cantos temos responsabilidades públicas”

15/03/2019 in Alcaldía, Benestar, Educación e tecnoloxía, Urbanismo, comercio e industria

Porriño, concello amigo da infancia, presenta a programación “Vive a cultura urbana”

“Vive a Cultura Urbana”, programa de ocio activo dirixido á mocedade que escomenzará o vindeiro venres 15 “é un xeito de darlle máis dimensión ó feito de que Porriño fose nomeada ‘Cidade Amiga da Infancia’ por UNICEF” manifestou a alcaldesa na rolda de prensa celebrada hoxe no Concello porriñés. “De xeito que queremos prestar máis atención á franxa de idade de nenos de más de 11 anos que entran na adolescencia, a fin de que dispoñan de opcións de lecer axeitadas e saudables”, sinalou Eva García.

A programación está organizada en dous bloques: Deportes Urbanos e Música e Arte Urbana. Ofrécese a oportunidade ós mozos e mozas que participen de coñecer ata 12 disciplinas diferentes coma Breakdance, Parkour, Grafitti, Beatbox, Rap e outras, a través de diversos obradoiros distribuídos en seis datas que serán os venres de marzo, abril e maio. En total se sumarán 20 horas de actividade. Todas elas se van desenrolar na pista deportiva do parque infantil sito ó carón do cemiterio.

“Vive a Cultura Urbana” rematará cun festival musical que terá lugar o 3 de maio.

Pablo Castiñeira, director de “Vella Escola”explicou que “ó fin e ó cabo tratamos de achegar unha alternativa a outros tipos de ocio ligados ó consumo do alcohol ou dun lecer nada constructino ni activo”.

“Vive a cultura urbana” pretende fixar hábitos saúdables entre a mocedade; crear oportunidades profesionais que favorezan o emprendemento xuvenil e, finalmente, permitir o libre exercicio e disfrute de ocio como experiencia humana integral, sistema de protección social e factor de desenvolvemento humano. Na presentación do programa estiveron presentes tamén Lourdes Moure, concelleira de Educación e Noelia De la Fuente Pérez, responsable da OMIX.

12/03/2019 in Alcaldía, Cultura e festas, Educación e tecnoloxía

A OMIX do Porriño organiza ‘QUEROeco’, actividade que forma parte do programa de apoio á posta en marcha do Plan Municipal de Infancia e Adolescencia

A OMIX do Concello do Porriño organiza o vindeiro 25 e 26 de febreiro do 2019 en horario ininterrompido de 11 da mañá a 8 da tarde, a actividade ‘QUEROeco’ –Cultura Urbana co Medio Ambiente- enmarcada dentro do programa de actividades de apoio, para a posta en marcha do Plan de Infancia e Adolescencia do Porriño.

Nesta actividade participarán ao redor de 80 alumnos dos centros de educación secundaria do noso concello que cursan ensinanzas de FP, Bacharelato e último curso da ESO.

Dita actividade terá lugar en diferentes puntos de Galicia (en 7 Concellos) en contornas rurais e urbanas.Para a realización de dita actividade no Porriño, utilizáranse como mural un lateral do Pavillón do CEIP Fernández López.

‘QUEROeco’, é unha experiencia innovadora que pretende achegar á xuventude, diferentes mensaxes positivas sobre o coidado do medio ambiente, propoñendo alternativas de lecer respectuosas co medio natural (Cultura Urbana), baixo unha metodoloxía que promove prácticas inclusivas e responsables para a ocupación do tempo de lecer.

Neste proxecto se levará a cabo a elaboración dun Mural Artístico Ecolóxico Colectivo (utilizando pintura foto-catalítica antipolución) de 12 m2 con temática ecolóxica. Esta actividade permite que mozas e mozos de 12 ou máis anos, dos centros de ensino do Porriño, poidan colaborar na realización dunha parte do mural.

Ademais farase a gravación dun documental do proxecto con imaxes do proceso de realización do mural, a súa preparación, entrevista ao artista e aos promotores do proxecto , aos veciños e participantes.

Por último haberá un portal web, ao que poderase acceder escaneando un código QR que estará pintado sobre o mural. Na web vaise pendurar o documental do proxecto, fotografías e información sobre a iniciativa e sobre como funciona a pintura antipolución.

Obxectivos

O primeiro deles é o de implantar actividades alternativas (Cultura Urbana) dirixidas á xuventude en novos espazos para aproveitar os recursos e infraestruturas existentes. Aplicación da metodoloxía das 3 “R” (re-utilizar, reducir e reciclar).

En segundo lugar, alimentar a capacidade artístico-experesiva innata da mocidade a través da súa participación activa nas actividades programadas.

Finalmente, crear ambientes inclusivos que faciliten a expresión creativa individual e colectiva, dando a coñecer proxectos de ocio que promovan a responsabilidade no coidado do medio natural.

22/02/2019 in Alcaldía, Educación e tecnoloxía

Nenas e nenos, integrantes do ‘Consello Municipal da Infancia’ do Porriño, interveñen no Foro de Participación Infantil do Parlamento de Galicia antes do Pleno Infantil do vindeiro día 20

Representantes do Consello Municipal de Infancia do Concello do Porriño foron convidados a participar no VI Foro de Participación Infantil no Parlamento de Galicia con motivo da conmemoración do ‘Día Universal do Neno’.

É a primeira vez desde que se celebra este foro no parlamento de Galicia da man de UNICEF que conta coa presenza de nenos e nenas de fora de Santiago de Compostela.

Tratouse dunha boa oportunidade para que os representantes no consello municipal de infancia do noso municipio, recoñecido recentemente como Cidade Amiga da Infancia por UNICEF, se achegasen ao espazo no que se toman as decisións sobre as políticas autonómicas, a para que a súa voz fose escoitada mais alá do eido local.

Para esta ocasión a representación do Porriño recaeu en Noa Vázquez Ojea e David Alonso Pérez que como voceiros do CEIP de Atios foron escollidos por sorteo entre os participantes no Pleno Infantil do pasado mes de abril, que estiveron acompañados pola concelleira de Educación e Xuventude Lourdes Moure Varela, ademais de por Noelia de la Fuente Pérez, da OMIX do Concello do Porriño, e do director do seu centro educativo, Roberto Devesa Fernández.

A participación neste foro, xunto co Pleno Infantil, previsto para o próximo día 20 de novembro, no Concello, supoñen unha nova oportunidade para dar relevancia á infancia na axenda pública, reafirmar a vixencia da Convención sobre os Dereitos da infancia e poñer a mirada nos cambios necesarios para que o seu contido sexa realidade para todos os nenos e nenas do Porriño.

15/11/2018 in Alcaldía, Educación e tecnoloxía

Inaugurada a exposición ‘Flores para As Meninas’, que estará no Centro Cultural Municipal ata o vindeiro día 31

A Concellería de Ensino e Participación Cidadá do Concello de Ponteareas, que dirixe Cristina Fernández, abre fronteiras para que as trinta ‘Meninas’ realizadas por colectivos e centros de ensino de toda a área metropolitana expoñan a súa beleza e creatividade nos diferentes concellos veciños. Organizadas por quendas, as Meninas visitarán os concellos de Mondariz, Mondariz Balneario, Salceda, Covelo, As Neves, A Cañiza e O Porriño.

A responsable do departamento de Educación do Porriño, Lourdes Moure, abriu esta exposición que estará na nosa vila dende este martes, día 16, ao 31 de outubro, no Centro Cultural municipal para que toda a cidadanía poida desfrutar destas obras de arte realizadas na súa maior parte con materiais de refugallo.

O proxecto “Flores para as Meninas” creado pola profesora Pilar Gallego e dirixido dende a concellería de Ensino de Ponteareas, contou coa colaboración de toda a comunidade educativa e distintos colectivos que agasallaron estas pezas para que logo puideran ser patrocinadas e doados os cartos conseguidos a unha entidade sen ánimo de lucro.