Educación e tecnoloxía

O pleno infantil de O Porriño aprobou por unanimidade unha recollida de alimentos para familias con menos recursos

O pleno infantil de O Porriño aprobou hoxe por unanimidade que o Concello organice unha recollida de alimentos para repartir entre as famílias da vila con menos recursos.
Realizaráse o vindeiro 3 de decembro co gallo do #GivingTuesday (martes para dar) celebrando a acción de dar. Xa sexan alimentos, carros, obxectos de segunda mán ou tempo.
A proposta aprobada polo pleno infantil determina que o 3 de decembro se faga unha recollida de alimentos en todos os centros escolares así como nos locais municipais.

Outros dos acordos da sesión foi determinar a composición da delegación que acudirá o vindeiro 22 de novembro ó Parlamento autonómico para asistir ó VII Foro Galego de Participación Infantil. A delegación porriñesa estará formada polos alumnos elixidos dos seguintes centros educativos: Santo Tomás, Aceesca, Hermanos Quiroga, CEIP da Ribeira y CEIP de Atios. Asimesmo integrarán a delegación a concelleira de Educación, Lourdes Moure e polos técnicos da OMiX e acudirá un profesor de cada centro en condición de acompañantes.

Na sesión plenaria infantil que presidiu alcaldesa Eva García coa asistencia da concelleira de Educación, en condición de secretaria, os representantes dos 10 centros escolares fixeron as súas propostas sobre os temas do concello que lles afectan máis directamente.

Construcción dun carril bici; Mellora do Paseo do Río Louro; maís pediatras no Centro de Saúde sobre toda para Urxencias; un albergue para sin techo e un comedor social; un auditorio e permiso e pinturas para poder decorar con muráis diversos espazos públicos foron as máis sobranceiras entre todas as realizadas que se recollerán na acta da sesión.

O de hoxe foi o segundo pleno infantil deste ano (o anterior celebrouse en maio). Realizouse co gallo de conmemorarse o trixésimo aniversario da Convención dos Dereitos do Neno. O Porriño foi nomeado “Cidade Amiga da Infancia” pola UNICEF, declaración vixente ata o 2022.

La sesión íntegra de hoxe pode mirarse nesta mesma páxina web na mediateca 

15/11/2019 in Alcaldía, Educación e tecnoloxía

O Concello de O Porriño acollerá un novo pleno infantil co gallo da efeméride da Convención dos Dereitos do Neno

O Concello de O Porriño celebrará mañá venres 15 un novo pleno infantil co gallo de conmemorarse o trixésimo aniversario da Convención dos Dereitos do Neno. O pleno comezará ás 10,30 horas, no salón de sesión do consistorio, con asistencia de nenos e nenas representando a todos os centros educativos do concello. A sesión estará presidida pola alcaldesa, Eva García y pola concelleira de Educación, Lourdes Moure.
Como xa é sabido, O Concello de O Porriño foi nomeado “Cidade Amiga da Infancia” pola UNICEF, declaración vixente ata o 2022.
No dito pleno participarán nenos e nenas representantes de todos os centros educativos do concello. Servirá para que a infancia propoña iniciativas coas que mellorar o cumprimento da Convención sobre os Dereitos do Neno na súa contorna. E por último para promover o seu dereito a decidir sobre os temas que lles afecten no eido local, facendo así da participación algo concreto, posible e aplicable.

14/11/2019 in Alcaldía, Benestar, Educación e tecnoloxía

A concelleira de Educación, Lourdes Moure garante que o Concello manterá a sua colaboración co “Certame Roberto Vidal Bolaño”

A concelleira de Educación, Lourdes Moure presidiu o acto de presentación da obra “A sombra das árbores” de Ana Abad de Larriva, gañadora do II Certame Roberto Vidal Bolaño para textos teatrais inéditos, escritos en galego, dotado cun premio económico de 2.000 €.
No acto celebrado no Centro Cultural Municipal de O Porriño, asistiron ademáis da concelleira e da autora asistiron Francisco Castro, director de “Editorial Galaxia” e Raquel Castro, en representación do Instituto de Ensino Secundario “Ribeira do Louro” .

O Concello de O Porriño sumouse a partir deste ano á organización do certame que convocaron o IES Ribeira do Louro e a Editorial Galaxia. Precisamente a editorial asinou coa gañadora do premio o correspondente contrato para a edición da obra galardoada que se presentou no Porriño.

Na súa intervencion, a concelleira de Educación lembrou que “a finalidade primordial deste Certame Roberto Vidal Bolaño é fomentar a escrita de textos teatrais en galego, dirixidos ó alumnado de Ensino Secundaria e Bacharelato e que poidan ser susceptibles de ser representados polos propios estudantes”.
Lourdes Moure engadiu que “o Concello de O Porriño acordou este ano reforzar o seu apoio a celebración deste Certame e imos mante-lo para o ano que ven cando celebremos a terceira edición” manifestou a concelleira de Educación.

 
14/11/2019 in Alcaldía, Educación e tecnoloxía

Presentación de “A sombra das árbores”, obra gañadora do “II Certame Roberto Vidal Bolaño”

Este mércores 13 de novembro terá lugar a presentación da obra gañadora do II Certame Roberto Vidal Bolaño para textos teatrais inéditos, escritos en galego, dotado cun premio económico de 2.000 €. A obra galardoada chamase “A sombra das árbores” e a súa autora é Ana Abad de Larriva.
A presentación celebraráse no Centro Cultural Municipal de O Porriño, a partir das 19 horas. Ademáis da autora asistirán a concelleira de Educación, Lourdes Moure; Francisco Castro, director de “Editorial Galaxia” e Raquel Castro, en representación do Instituto de Ensino Secundario “Ribeira do Louro”.
O Concello de O Porriño sumouse a partir deste ano á organización do certame que convocaron o IES Ribeira do Louro e a Editorial Galaxia. Precisamente a editorial asinou coa gañadora do premio o correspondente contrato para a edición da obra galardoada que se presenta no Porriño.
No que atinxe á autora, Ana Abad de Larriva é titulada superior en Arte Dramática e licenciada en Xornalismo pola Universidade de Santiago de Compostela. Desenvolve a súa investigación no eido da teoría teatral e publica artigos especializados en artes escénicas en diferentes medios, compaxinando o seu labor no campo da comunicación coa creación escénica e literaria, así como coa docencia.

13/11/2019 in Alcaldía, Cultura e festas, Educación e tecnoloxía

O 19 de novembro “Towanda Rebels” protagonizará unha actividade concertada contra as violencias sexuais

O vindeiro martes 19 de novembro terá lugar unha actividade concertada cos centros de ESO de O Porriño para prevención das violencias sexuais. Será a partir das 10:00 horas no Círculo Recreativo e Cultural.

Trátase dunha actividade organizada pola Concellería de Igualdade do Concello. A sesión denominase “Contra as Violencias Sexuais: Narrativas e Representación Audiovisual”. Prantexa o cine como ferramenta para a prevención e sensibilización contra a violencia de xénero nos centros educativos.

A sesión será protagonizada polo dúo “Towanda Rebels” que forman Teresa Lozano e Zua Méndez, xornalista e humanista, ambas actrices e, ante todo, amigas.

Deixamos o enlace coa páxina web do departamento de Cultura para maior información

http://ecultura.net/contra-as-violencias-sexuais-narrativa…/

12/11/2019 in Alcaldía, Educación e tecnoloxía, Servizos sociais

A maioría da corporación acorda deixar enriba da mesa a decisión sobre o terreno para o centro de formacion de “Aceesca”

A maioría da corporación municipal cos votos do PSOE, BNG, EU Son e Manuel Carrera acordou deixar enriba da mesa a decisión sobre o terreno que solicita a asociación “ACEESCA” para construir o seu centro de formación dual.
Fronte a proposta do Partido Popular que pretendía que se acordara hoxe a cesión do solar de propiedade municipal no Polígono Industrial de A Granxa, os demáis grupos consideraron máis axeitado “tratar o asunto coa serenidade necesaria e barallar todas as posibilidades”, segundo manifestou Pedro Pereira. O voceiro do BNG adiantou que “en canto asuma as miñas futuras delegacións no goberno municipal, falaremos con “ACEESCA”, cos veciños de Casal-Budiño e miraremos a posibilidade do terreno do polígono que podería valer pero tamén pode haber outras opcións máis acaídas”.
Nesa mesma liña a alcaldesa Eva García abogou por “rebaixar tensións, tender pontes e retomar o diálogo entre esta Alcaldía e Aceesca que non pasa polo seu mellor momento”.
A alcaldesa anunciou que en virtude do pacto de goberno municipal “a decisión final sobre o terreno adoptaráse pola corporación xa que delegarei no pleno as decisións sobre venda, permuta ou cesión de terrenos e patrimonio municipal”.

A sesión plenaria foi de carácter extraordinario, solicitada pola oposición para instar a execucion de diversos expedientes de licitación como piscina municipal, recollida e transporte de lixo; servizos de informática, telecomunicacións; suministro eléctrico e mediateca municipal. O goberno municipal informou do estado de tramitación dos diversos expedientes. O voceiro popular, Manuel Alejandro Lorenzo e voceira do grupo socialista, Lourdes Moure protagonizaron a meirande parte dos debates.
Precisamente outros dos acordos deste pleno, adoptado por unanimidade foi solicitar a comparecencia de Lourdes Moure, na sua condición de concelleira de Fazenda, Persoal e Seguridade que se producirá na seguinte sesión plenaria que celebre a corporación. Solicitaselle que informe da operación de renting para a renovación do parque móvil municipal e das adquisicións polo Concello do local para a futura sede da UNED e doutros catro locais máis na rúa Antonio Palacios.

06/11/2019 in Alcaldía, Deportes, Educación e tecnoloxía, Urbanismo, comercio e industria, Vías e obras

Actividades na Biblioteca Municipal: hoxe “Wiki-Maratón” e mañá Obradoiro de Ciencia para escolares

Esta tarde celebraráse o “Wiki-Maratón” a partir das 16 horas e ata as 20 horas.
Trátase dun evento de edición colectiva e simultánea en Wikipedia, aberto ó público, no que persoas con distintos niveis de experiencia reunense para crear ou mellorar artigos usado fontes previamente recopiladas.

Por outra banda, mañá día 5 comezará o Obradoiro de Ciencia para escolares que terá lugar os martes e xoves de novembro.
Trátase dunha actividade concertada cos centros escolares de O Porriño que se imparte martes e xoves de novembro en horario matinal de 11,15 a 12,45 horas.
Este Obradoiro de divulgación científica realizase con motivo da conmemoración do Mes da Ciencia en Galego nas Bibliotecas.
A Biblioteca Municipal do Porriño para difundir os seus recursos no ámbito científico, para dar a coñecer figuras galegas importantes no mundo da ciencia e para levar a cabo este curso de ciencia para escolares.
Dende o 2014 celebrase cada novembro como Mes da Ciencia en Galego nas Bibliotecas.
Cada ano pídese a un científico ou a unha científica do país a redacción dun manifesto que se edita e distribúe a través dos medios web das bibliotecas. A científica Alicia Estévez Taranzo, microbióloga, académica da RAGC e da RAFG e premio María Josefa Wonenburger Planells (2018), foi a encargada de escribir o manifiesto deste ano. A científica resalta a importancia das bibliotecas “para que moitos dos coñecementos rigorosamente contrastados sexan accesibles ao público”.

04/11/2019 in Alcaldía, Cultura e festas, Educación e tecnoloxía

O GOBERNO MUNICIPAL ACADA DESBLOQUEAR O PAGO DE FACTURAS

O goberno municipal de Porriño cos votos dos concelleiros do PSOE, BNG, EU Son e Manuel Carrera acadou desbloquear parte dos pagos pendentes de facturas que se viñan arrastrando desde hai tempo. Do total que se levaba a aprobación plenaria acadouse aprobar ós pagos de case que 1,7 millóns.
Os acordos económicos foron o aspecto máis sobranceiro do pleno municipal ordinario de outubro que se celebrou onte anoite cunha duración de tres horas e media e vinte asuntos na orde do día.
A tal fin aprobaronse dous créditos extraordinarios para ir pagando 1.738.000 euros de facturas da conta 413 e para abonar 473.000 euros de facturas que xa contan con sentencias xudiciais favorables.
Ademáis aprobouse outro crédito extraordinario por importe de 468.000 euros para satisfacer a débeda con “Eulen” pola prestación de servizos na piscina municipal.
Mediante os acordos plenarios aprobados na sesión de onte anoite, serán pagadas asimismo unha primeira remesa de facturas incluídas na conta “413”. Abonaránse 389.000 € polos traballos de descontaminación do lindano; 202.000 € a “Naturgy” por suministros eléctricos; 119.000 € a “Eulen” por traballos na piscina municipal e 10.800 € ó Consorcio de Augas do Louro.
A cantidade restante ata completar a partida de 1.738.000 euros quedou pendente de completar os informes para ser levada en breve a un pleno extraordinario que se celebrará no vindeiro mes de novembro segundo anunciou Eva García, alcaldesa de O Porriño.

No transcurso do pleno aprobouse por unanimidade, de xeito definitivo, a Relación de Postos de Traballo (RPT) do Concello do Porriño feito que agradeceron funcionarios municipais presentes no salón de plenos cun aplauso ós corporativos.

Tamén aprobaronse por unanimidade a adxudicación do servizo de axuda no fogar (SAF); os costes do servizo de recollida de lixo así como do Punto Limpo do Concello do Porriño e a partida orzamentaria para os salarios dos membros do goberno municipal (modificación da base 27 dos orzamentos do Concello). Precisamente nesta sesión tomou posesión do seu escano e estreouse a nova concelleira do BNG, Cami Moreira.

Polo contrario quedou pendente a ratificación da adxudicación do servizo de limpeza viaria á firma “Ascan” que será levada a un próximo pleno municipal.

Noutra orde de cousas acordouse nomear ós representantes do Concello de O Porriño para a Comisión Especial de deslinde co Concello de Mos. Finalmente a proposta da alcaldesa e coa conformidade dos restantes grupos municipais, o PP integrará unha concelleira, Antía Carrera á devandita comisión. Os restantes representantes serán Eva García (PSOE), Pedro Ocampo (EU Son), Pedro Pereira (BNG) e Manuel Carrera (UDDL), todos eles ratificados polo pleno corporativo.

Entre as mocións debatidas aprobouse por maioría a proposta por EU Son para revisar o contrato de renting para renovación do parque móbil municipal ainda que o asunto quedou supeditado a comparecencia da concelleira de Seguridade nun vindeiro pleno extraordinario que se vai celebraro o mércores 6 de novembro. Tamén por maioría acordouse implementar unha achega extraordinaria ó Porriño Baloncesto Base así como ós clubs de futbol de Mosende e Budiño e á asociación de enfermos de silicose.
E por unanimidade a corporación porriñesa acordou solicitar á Consellería de Educación a reforma integral ou ben a construcción dun novo edificio para o CEIP Fernández López que xa ten 40 anos de antiguidade.

31/10/2019 in Alcaldía, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Urbanismo, comercio e industria, Vías e obras

Aberta a inscrición para o “Wiki Maratón” que vai celebrar a Biblioteca Municipal

A Biblioteca Municipal informa que segue aberta ainda a inscrición para participar no “Wiki Maratón” que se vai celebrar o vindeiro luns 4 de novembro.
Celebrará de 16:00 a 20:00 horas, na Biblioteca.

Trátase dun evento de edición colectiva e simultánea en Wikipedia, aberto ó público, no que persoas con distintos niveis de experiencia reúnense para mellorar ou crear artigos, usando para iso fontes previamente recopiladas que son facilitadas, segundo explica a Biblioteca Municipal.

30/10/2019 in Alcaldía, Cultura e festas, Educación e tecnoloxía

Rematou o ciclo de teatro para adultos

O concelleiro David Alonso, en representación do goberno municipal, e Anxo Lorenzo, director xeral de Políticas Culturais da Xunta, asistiron á función final do ciclo de teatro para adultos.
Ó longo do mes de outubro foron cinco sesións, incluídas na programacion cultural do Concello de Porriño.
O grupo “Atrezo” representou “A decisión de María” no Centro Cultural Municipal.

28/10/2019 in Alcaldía, Cultura e festas, Educación e tecnoloxía