Deportes

Todos os equipos do “Balonmán Porriño” encabezados pola plantilla que xoga Liga Guerreras Iberdrola na máxima categoría feminina, participaron hoxe no acto de presentación no Concello que tivo lugar na praza do Arquitecto Antonio Palacios.

O acto contou coa asistencia de Eva García, alcaldesa de Porriño; David Alonso, concelleiro de Deportes, Lourdes Moure, tenente de alcalde e Abel Estévez, tamén concelleiro e presidente do “Balonmán Porriño”.
O club exhibiu músculo coa presentación de todos os seus equipos en categorías base e élite que contan con máis de 250 federados.

B46B10
Abel Estévez agradeceu ós patrocinadores e as familias dos xogadores e xogadoras “o seu apoio e implicación” e “de xeito moi especial hoxe toca agradecer ó noso principal soporte que é Concello do Porriño “. “Eva, David e Lourdes, moitas grazas pola vosa colaboración co deporte porriñés e particularmente co balonmán” dixo Estévez que engadiu que “dende que son presidente sempre tiven e sentí moito apoio do Concello e agardo que siga sendo así por moitísimos anos máis” e pidiu que “sigades puxando porque somos un referente deportivo en toda España posto que somos o único club que ten dous equipos na primeira e na segunda división feminina martes e sen vosa axuda non sería posible” rematou Abel Estévez.

Por su parte Eva García lembrou “o que disfrutei o pasado sábado” no primeiro partido de Liga Guerreras que Balonmán Porriño gañou. A alcaldesa destacou que “é maravilloso ver como xogades” e suliñou que “xa levades 9 anos na máxima categoría do balonmán feminino e penso que haberá pouquísimos equipos en España que poidan presumir desa xesta”.
“Coido que nunca seremos quen de agradecervos dabondo que puxerades o nome de Porriño tan alto no deporte de élite, moítisimas, moítisimas grazas”, dixou a alcaldesa.
Eva García reivindicou que o alcume de “Concello do Deporte” “non foi improvisado senón que é producto do esforzo de moitos anos e outros alcaldes e concelleiros que tamén fixeron unha aposta decidida por apoiar o deporte base e ós nosos clubs como agora estamos a facer dende o goberno municipal que presido e que así seguiremos facendo nestes catro anos”, rematou.
Este acto estivo preludiado por una unha xornada matinal de balonmán na rúa. Ambas estaban incluídas na programación do Concello con motivo das Festas do Cristo.

O concelleiro, David Alonso e Julio Bernárdez, xefe do Servizo de Deportes comprobaron esta mañán as oito novas máquinas instaladas no ximnasio do Pavillón Municipal de Porriño. A estrea realizaráse o vindeiro luns 2 de setembro. 
O Concello de Porriño ven de investir 18.000 € na adquisición destas máquinas e diverso material deportivo para os usuarios destas instalacións.
O concelleiro de Deportes indicou que as catro máquinas que se retiran serán cedidas a diversos clubs da vila.

Por outra banda durante a visita ás instalacións, o concelleiro comprobou as melloras que se están a implementar na piscina municipal cun investimento de 30.000 euros. A maiores o concelleiro agarda iniciar de inmediato as obras de impermeabilización nos voladizos da entrada á piscina que están valorados en 40.000 €.

Asimismo a partires do luns o concelleiro agarda que se poidan acometer as tarefas pendentes de lixado, pulido e barnizado que mediante tres quendas de traballo rematarían en dúas semanas. Durante eses quince días acometeriase primeiramente a pista 2 e logo a pista 1, axustando as labouras cos calendarios dos equipos de balonmán e baloncesto. O investimento para estas obras será de 48.000 €.

David Alonso, acompañado de encargados municipales de obras, revisou no campo de céspede sintético de San Campio, diversas obras de mellora ante o inminente inicio liguero.

O concelleiro de Deportes comprobou o desenrolo dos diversos traballos tanto nos vestiarios, na grada coa colocación de cadeiras, arranxos no céspede na zona das porterías así como a limpeza das canaletas.

O domingo 25, o Pontellas iniciará a súa andaina na Terceira División, categoría na que militará despois do seu flamante ascenso acadada na derradeira tempada.
A estrea ligueira será contra o Rápido de Bouzas, un derbi dos varios posibles de equipos da área metropolitana que militan na Terceira División (Pontellas, Rápido de Bouzas, Alondras e Choco).

Santos Héctor Rodríguez, deputado delegado de Cooperación cos Concellos  e as deputadas Iria Lamas e María Victoria Alonso visitaron hoxe as pistas de atletismo en construcción no polígono da Granxa. Esta obra é financíada pola Deputación cun orzamento de 1 millón de euros, a cargo do Plan Concellos 2018/2019.

Polo Concello de Porriño acudiu o concelleiro de Deportes, David Alonso en representación de Eva García cuia ausencia disculpou. A alcaldesa sufrira un accidente de tráfico e suspendeu toda a súa axenda oficial.

Unha representación de “Prace”, a empresa que fai a obra explicou os pormenores do proxecto e o estado de execución, bastante avanzado. Non obstante a previsión da empresa é que poderá entregar a obra rematada para a súa inauguración no último trimestre deste ano.

A parte máis retrasada da obra é o módulo cuberto que permitirá o adestramento de atletas de diversas especialidades como saltos de pértiga, altura, triple salto e lonxitude así como das probas de lanzamento. Tratase dun un equipamento pioneiro no sur de Galicia.

A pista de atletismo ten unha corda de 200 metros que é a regramentaria para competicións “indoor” ou pista cuberta con seis calles. E ademáis conta cunha pista central para competicións de velocidade e vallas de 60 metros con oito calles. Ambas xa están prácticamente rematadas.

Santos Héctor abogou, de entrada “no meu nome e no nome da presideta da Deputación polo pronto restablecemento da alcaldesa Eva García” e pdidiu ó concelleiro David Alonso que fixera extensiva ó Concello de Porriño a nosa felicitación por esta extraordinaria iniciativa deportiva”.

O deputado delegado de Cooperación cos Concellos ponderou que “estas instalacións dignísimas suponen tamén un equipamento social que ven a cubrir as necesidades da veciñanza de Porriño a través da practica deportiva”.

Pola súa banda o concelleiro de Deportes de Porriño agardecu no nome do Concello o esforzo económico que realiza a Deputación de Pontevedra para “dotarnos destas instalación únicas en Galicia e que van permitir a práctica incluso no inverno dentro do módulo cuberto o que agredecerán especialmente unha chea de nenos e nenas que así poderán seguir adestrando”, manifestou David Alonso.

Unha comitiva municipal encabezada por Lourdes Moure, alcaldesa accidental e David Alonso, concelleiro de Deportes visitaron hoxe o campo de futbol do Folón para comprobar in situ as melloras demandadas polo presidente e directivos de ese club. A principal reivindicación é retirar os postes metálicos que sosteñen as redes para evitar a saída dos balóns tras as respectivas porterías. A proximidade deses postes ó terreo de xogo constitue un risco. “O seu retranqueo é unha prioridade por razons de seguridade que vai ser atendida de inmediato polo Concello”, segundo manifestaron Lourdes Moure e David Alonso.
As obras do campo da SD Mosende veñen arrastrando problemas de planeamento dende que no ano 2014, co últimos gobernos do PP tanto en Porriño como en Deputación, planificouse unha mellora que incluía a colocación do céspede sintético cun orzamento aproximado de 122.000 €.

Sen embargo houbo que agardar dous anos para o remate das obras cando o proxecto foi retomado e axilizado polo primeiro goberno municipal de Eva García e con Manuel Carrera na concellería de Deportes. Pero ainda quedan flecos por resolver como o retranqueo deses postes metálicos e tamén do muro de peche por un lateral do campo, donde hoxe estaban realizándose tareas de desbroce e limpeza por personal do Concello de Porriño.

O Concello de Porriño, a través da Concellería de Deportes, colabora para albergar este fin de semana, o Open Nacional de Carreiras de Drons que se desenrolará na pista de aeromodelismo en Pontellas. A organización do evento corre a cargo do club local de aeromodelismo “Furaventos” que deste xeito revalida o seu prestixio a nivel nacional e a súa condición de pioneiros nesta disciplina deportiva.

O Concello colabora coa aportación dunha carpa e de diversos suministros para o desnerolo da proba e atención ós participantes.

A previsión do club Furaventos é que a competición reuna ós millores pilotos nacionais de drons coma Iván Merino, actual líder do ranking español e Alex Zamora quen acadou o título de campión de España ós dez anos de idade.

As probas comenzarán o sábado a partires das 10 horas e concluirán o domingo a mediodía coa ceremonia de clausura.