Cultura e festas arquivos - Páxina 37 de 77

Terceiro concerto do ciclo “A praza non se apraza”

A Concellería de Cultura e Festas anuncia o terceiro concerto musical, sen público na rúa, do ciclo “A praza non se apraza”. Será este sábado 27, ás 22 horas e, de novo, a cargo do grupo “KAF”.

A Concellería que dirixe Cami Moreira precisa que “trátase de amosar o agradecemento do Concello á veciñanza que fixo máis levadío o tempo de confinamento”.

Os concertos ” A praza non se apraza” comezaron o pasado 13 de xuño cunha primeira actuación do grupo “KAF” e continuaron o pasado sábado coa actuación da pianista Ana Belén Rodríguez.

26/06/2020 in Cultura e festas

A praza non se apraza: concerto para agradecer á veciñanza

Este sábado, ás 21 horas, haberá un concerto musical a cargo do grupo KAF. Un evento convocado baixo o lema “A praza non se apraza”. Que terá lugar sen público na rúa, segundo precisa a Concellería de Cultura e Festas, polas restricións que aínda están vixentes nesta fase do Plan de Desescalada.
A concelleira Cami Moreira explicou que “trátase de amosar o agradecemento do Concello á veciñanza que fixo máis levadío este tempo de confinamento”.

13/06/2020 in Cultura e festas

Estrea da primeira Sala de Estudo Municipal

Esta mañá tivo lugar a estrea da primeira Sala de Estudo Municipal, creada polo Concello do Porriño, nas instalacións do Centro Cívico, na rúa Domingo Bueno,. nº 13. A sala de estudo funciona inicialmente cun horario de 8,30 a 14,30 horas, de luns a venres, e coas garantías de seguridade sanitaria polo COVID-19.

A súa creación é unha iniciativa da Concellería de Cultura que dirixe Cami Moreira. Ca súa ubicación no Centro Cívico, baleirouse á Biblioteca Municipal, separando o estudo da lectura, o que permitirá gañar espazo na Biblioteca para implementar novos servizos.

Segundo explicou a concelleira, “este novo espazo vén complementar á Biblioteca Municipal, coñecida polo seu labor e sentido de pertenza tanto de porriñesas e porriñeses, como da contorna”. “Ao mesmo tempo esta separación de espazos con funcións diferenciadas, dará solucións, tanto ás persoas que buscan un lugar para estudar comodamente e en silencio, coma que a Biblioteca Municipal recupera o seu espazo para implementar os servizos bibliotecarios a todas as persoas que queiran gozar do fondo bibliográfico”, engadiu Cami Moreira.

09/06/2020 in Alcaldía, Cultura e festas, Educación e tecnoloxía

Concello e Panadeiros do Porriño valoraron realizar unha mostra en outubro e outras accións promocionais

Goberno municipal e panadeiros do Porriño valoraron hoxe a posibilidade de realizar no mes de outubro, unha Mostra do Pan que palie a suspensión da quinta Feira anual, cancelada pola pandemia do Covid-19.

A mostra tería lugar nun único día, probablemente un domingo, nun recinto pechado que podería ser o Pavillón Municipal, o que permitiría establecer controis de acceso e un circuíto de percorrido de entrada e de saída para facer cumprir a garantías sanitarias que se establezan para entón.

Esta posibilidade valorouse na reunión que Cami Moreira, concelleira de Cultura e Festas e Sergio Casal, concelleiro de Comercio mantiveron cos representantes do sector de panadeiros do Porriño. Acudiron Luís Miguel Iglesias, de “A Maquía”; José Manuel Fernández, de “O Forno de Mosende” e Claudio, de “Panaderia Argibay”, acompañados por Noelia Conde, xerente da asociación empresarial ACIPOR.

En vindeiras semanas, ambas partes madurarán esta e outras posibilidades de colaboración. Entre elas, acordouse que a Concelleira de Cultura dea un pulo ao selo “Pan do Porriño” que está actualmente en proceso de certificación. Sería con accións promocionais que inclúan “algún tipo de exposición referida por exemplo á historia dos fornos de pan na vila”, manifestou Cami Moreira, ao termo da reunión.

08/06/2020 in Cultura e festas, Turismo, Urbanismo, comercio e industria

Apertura da primera Sala de Estudo do Concello do Porriño

O vindeiro martes 9, o Concello abrirá a primeira Sala de Estudo Municipal, nas instalacións do Centro Cívico, na rúa Domingo Bueno,. nº 13. Trátase dunha iniciativa da Concellería de Cultura que dirixe Cami Moreira.

Segundo explicou a concelleira, “este novo espazo vén complementar á Biblioteca Municipal, coñecida polo seu labor e sentido de pertenza tanto de porriñesas e porriñeses, como da contorna”. “Ao mesmo tempo esta separación de espazos con funcións diferenciadas, dará solucións, tanto ás persoas que buscan un lugar para estudar comodamente e en silencio, coma que a Biblioteca Municipal recupera o seu espazo para implementar os servizos bibliotecarios a todas as persoas que queiran gozar do fondo bibliográfico, facendo deste goce un agradábel convite”, engadiu Cami Moreira.

A concelleira de Cultura sinalou que “en definitiva, pretendemos converter a Biblioteca nun lugar polivalente que non exclúa ningunha posibilidade, sendo máis atractiva, e con diversidade nos espazos”.

Esta nova experiencia abrirá as súas portas de 8:30 a 14:30 horas de luns a venres, e coas garantías de seguridade sanitaria polo COVID-19.

06/06/2020 in Alcaldía, Cultura e festas, Educación e tecnoloxía

Re-abriu a Biblioteca Municipal

Dende hoxe luns 1 de xuño, volve abrir as súas portas a Biblioteca Municipal do Porriño, despois de permanecer pechada dende que se declarou o estado de alarma.

A Biblioteca funciona de novo, só en horario matinal, de 10 a 15 horas, de luns a venres.

“Abrimos de novo e facémolo con responsabilidade, adoptando as máximas garantías de hixiene e seguridade. É dicir: uso de máscara, xel hidro-alcólico distancia de seguridade de 2 metros, acompañamento dos menores de 14 anos e só servizo de préstamo e devolución de exemplares no mostrador de atención sen que sexa necesaria cita previa”, segundo indicou Cami Moreira, concelleira de Cultura.

Engadiu que o persoal da Biblioteca recomenda que para a devolución de libros “non teñades presa, evitar aglomeracións, hai prazo ata o 11 de xuño, e ademais ata mediados de mes aplicaremos unha “amnistía” xeral”, manifestou Cami Moreira.

A concelleira agradece a comprensión e paciencia da veciñanza.

Quen desexe máis información pode consultar a páxina web da Biblioteca: https://bibliotecadoporrino.com/

01/06/2020 in Cultura e festas

Re-apertura da Biblioteca Municipal

Este luns 1 de xuño, volve abrir as súas portas a Biblioteca Municipal do Porriño, despois de permanecer pechada dende que se declarou o estado de alarma.
A Biblioteca funcionará de novo en horario matinal, de 10 a 15 horas, de luns a venres.

“Abrimos de novo e facémolo con responsabilidade, adoptando as máximas garantías de hixiene e seguridade. É dicir: uso de máscara, xel hidro-alcólico distancia de seguridade de 2 metros, acompañamento dos menores de 14 anos e só servizo de préstamo e devolución de exemplares no mostrador de atención sen que sexa necesaria cita previa”, segundo indicou Cami Moreira, concelleira de Cultura.

Engadiu que o persoal da Biblioteca recomenda que para a devolución de libros “non teñades presa, evitar aglomeracións, hai prazo ata o 11 de xuño, e ademais ata mediados de mes aplicaremos unha “amnistía” xeral”, manifestou Cami Moreira.
A concelleira agradece a comprensión e paciencia da veciñanza.

Quen desexe máis información pode consultar a páxina web da Biblioteca: https://bibliotecadoporrino.com/

31/05/2020 in Cultura e festas, Educación e tecnoloxía

O Porriño en fase 2: medidas de control no acceso ao Concello e reincorporación do persoal nos departamentos municipais

Dende hoxe luns 25, coa entrada de Galicia na fase 2 do plan de desescalada, o Concello do Porriño comeza unha progresiva normalización da súa actividade e servizos.

Unha das novidades é un pórtico de control de temperatura e medidas de hixiene para as persoas que accedan ao interior do edificio consistorial. Un conserxe encargase de controlar o acceso que debe ser perante cita previa.

Dende hoxe restablecese a atención persoal en cada un dos departamentos e negociados sempre con cita previa e cando non sexa posible resolver por teléfono ou vía telemática.

Para solicitar atención personalizada perante cita previa, compre que se teñan en conta os seguintes teléfonos:

-para Servizos Sociais, pedir cita no número 986 334621

-para a Unidade de Atención a Drogo dependentes (UAD), no 986 330861

-para a Policía Local, no 620 40 40 40

-para todos o demais servizos, a través de centraliña no número 986 33 5000

Hoxe reincorporouse a meirande parte da plantilla. Están exceptuados o persoal pertencente aos colectivos considerados vulnerables e aqueles outros, suxeitos a a algún dos supostos de conciliación.

25/05/2020 in Alcaldía, Benestar, Cultura e festas, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Turismo, Urbanismo, comercio e industria, Vías e obras

A Concellería de Cultura programou actividades diversas para celebrar O Día das Letras Galegas 2020 adicado a Carvalho Calero

A Concellería de Cultura e Normalización Lingüística do Concello do Porriño deseñou unha programación de celebración do Día das Letras Galegas, con propostas varias para públicos diversos, axeitada ás limitacións que impón o estado de alarma.

Un deles foi un concurso de debuxo infantil baixo o lema “Debuxa celebrando o Día das Letras Galegas”. Os traballos remitidos ata o pasado 10 de maio polos rapaces e rapazas participantes, xa están publicados na web do departamento de Cultura.

Debuxa celebrando o Día das Letras Galegas

Por outra banda, a Biblioteca Municipal sumouse á celebración do Día das Letras coa publicación nas súas redes sociais de sete post, un por día, que rematará o mesmo domingo 17, destacando os sete aspectos máis salientables de Carvalho Calero.

Outra das iniciativas da programación da Concellería de Cultura foi “Voces para Ricardo Carvalho Calero”, unha actividade de declamación. A través das voces de veciñas e veciños do Porriño e contorna, dáse a coñecer a obra deste autor. O resultado desta lectura plural pódese comprobar nun vídeo que tamén está colgado na web de Cultura.

Por último, a Concellería de Cultura e Normalización Lingüística proponnos un xogo de nivel de coñecemento sobre o autor homenaxeado este ano coa ocasión do Día das Letras Galegas que se celebrará o vindeiro domingo 17 de maio.
Trátase de comprobar canto se coñece de Ricardo Carvalho Calero e pódese facer en familia e cos amigos. A Concellería advirte que este xogo está optimizado para a súa execución en computadores ou tablets, mentres que en teléfonos móbiles ou smartphone poden aparecer algúns erros de visualización debido ao pequeno formato destes dispositivos.

15/05/2020 in Cultura e festas

A Concellería de Cultura propón un xogo de nivel de coñecemento sobre Ricardo Carvalho Calero coa ocasion do Día das Letras Galegas

A Concellería de Cultura e Normalizaci´pon Lingüística do Concello do Porriño ven de anunciar un xogo de nivel de coñecemento sobre Ricardo Carvalho Calero, o autor homenaxeado este ano coa ocasión do Día das Letras Galegas que se celebrará o vindeiro domingo 17 de maio.

Trátase de que demostres os teus coñecementos, de achegar información sobre esta figura das letras galegas e que poidas comentalo coa túa familia e amigos.

A Concellería advirte que este xogo está optimizado para a súa execución en computadores ou tablets,
En teléfonos móbiles ou smartphone poden aparecer algúns erros de visualización debido ao pequeno formato destes dispositivos.

Deixamos o enlace para que vois animedes a xogar.