Benestar

Concello e COGAMI traballarán da man por un Porriño máis accesible e inclusivo

O alcalde do Porriño, Alejandro Lorenzo, e o concelleiro de Servizos Sociais e Benestar Social, Abel Estévez,  reuníronse esta semana cos directivos de COGAMI, Celso Álvarez e Ángel Holguera, para definir vías de colaboración entre ambas entidades.

Os responsables municipais amosaron a súa vontade de estreitar a relación coa Confederación Galega de Persoas con Discapacidade,  plantexando varios proxectos a desenvolver en materia de accesibilidade, formación e inclusión das persoas con diversidade funcional.

“Nesta primeira toma de contacto púxose de manifesto por ambas partes a necesidade de traballar da man”, explicou o rexedor, “Quedan moitas barreiras por derribar e moito que traballar pola inclusión para que O Porriño sexa un lugar que ofreza a todas e todos as mesmas oportunidades”.

Baixo esta premisa, o novo executivo propón a elaboración dun Plan de Accesibilidade que permita acometer de maneira planificada a eliminación de barreiras arquitectónicas e garantir o cumprimento da normativa en obra pública. “Non queremos seguir poñendo parches, é necesario sentar unas bases de actuación para facer accesibles o centro urbano e as parroquias”, indicou Lorenzo.

Tamén se valoraron outras accións conxuntas dirixidas á inclusión efectiva, social e laboral, das persoas con discapacidade.

25/02/2022 in Alcaldía, Benestar

O novo goberno municipal potenciará a atención cidadá e a transparencia, e dedicará unha concellería á terceira idade

 

O alcalde Alejandro Lorenzo fixo público hoxe o reparto de responsabilidades e delegacións entre os seus concelleiros. Destaca a creación das áreas de Atención Cidadá e Transparencia que dependerán da concelleira Antía Carrera.

A subliñar tamén a creación da área de Terceira Idade que desenvolverá Ascensión Rosario Costas. Trátase dunha concellería específica para dar resposta ás necesidades dos nosos maiores e garantir que a nosa vila ofreza a calidade de vida que merecen, traballando conxuntamente co resto de departamentos.

DISTRIBUCIÓN DE ÁREAS E DELEGACIÓNS 

O propio alcalde, Manuel Alejandro Lorenzo levará tamén as áreas de Economía e Persoal.

Abel Estévez, que será o primeiro tenente de alcalde dirixirá Seguridade, Policía Local, Protección Civil, Voluntariado, Deportes e Benestar Social.

Carolina González, segunda tenente alcalde, desenvolverá as delegacións de Educación, Uned e Programas Europeos; Igualdade; Sanidade e Normalización Lingüística.

Ramón Porto será o concelleiro responsable de Vías, Obras e Servizos

Antía Carrera levará Urbanismo, Patrimonio Municipal do Solo, Contratación, Comercio, Mercado, Atención Cidadá e Transparencia, e Medio Ambiente.

José Carlos González terá as competencias de Parques e Xardíns; Limpeza; Lixo e Cemiterios.

Bienvenido Estévez colle as competencias de Traída de Augas Veciñais; Asociacións; Parroquias; Novas Tecnoloxías; Xuventude; Cultura e Festas.

Por último, Ascensión Rosario Costas asume a nova área de Terceira Idade e ademais as deegacións de Industria, Turismo, Formación e Emprego.

“EQUIPO POR E PARA PORRIÑO”

As competencias repártense entre os oito concelleiros do equipo. A idea é desenvolver un traballo transversal e coordinado que beneficie á cidadanía”, explicou o alcalde.

Trátase de “un equipo por e para Porriño”, afirmou Alejandro Lorenzo como síntese do esquema de traballo que propón.

“Xorden problemas e demandas cotiáns que non afectan só a un ámbito senón ao conxunto do Concello e tamén a diversos sectores da poboación e por iso son necesarias actuacións integrais para optimizar os recursos dos que dispoñemos, aproveitar as sinerxías, e dar unha maior eficiencia e eficacia. calidade do servizo que prestamos”, engadiu o rexedor municipal.

Alejandro Lorenzo mostrouse satisfeito de ter un equipo cohesionado que traballe xunto e témolo“. E citou como proba diso” o traballo da brigada de Deportes que se encarga de arranxar os parques infantís; ou a cooperación das concellerías de Vías e Obras, Servizos, Limpeza Viaria, Parroquias e Asociacións nas actuacións urxentes de lavado e limpeza como a que hoxe se leva a cabo no entorno da Igrexa de Santa María”, concluíu Alejandro Lorenzo.

28/12/2021 in Alcaldía, Benestar, Cemiterios, Cultura e festas, Deportes, Educación e tecnoloxía, Emprego e formación, Igualdade, Limpeza, Medio Ambiente, Mocidade, Novas Tecnoloxías, Parques e xardíns, Patrimonio Municipal, Proxectos Europeos, Seguridade, Servizos sociais, Tráfico, Turismo, Urbanismo, comercio e industria, Vías e obras

O persoal da Unidade Asistencial de Drogodependencias vacinouse hoxe

O persoal da Unidade Asistencial de Drogodependencias (U.A.D) do Concello do Porriño informa que acudiu hoxe ao Hospital Alvaro Cunqueiro para vacinarse coa primeira dose do inxectable de “Pfizer”. 
Os cinco traballadores da unidade municipal deberán recibir o 16 de de marzo, a segunda dose para a súa plena inmunización. 

Actualmente nesta unidade recíbense uns vinte pacientes por dia, xa sexa para consulta, tratamento ou control. Antes da pandemia, a media de persoas que acudían a esta unidade eran ó redor de 60 diarios pero os protocolos de seguridade anti-covid establecidos polo Servizo Galego de Saúde obrigaron a reducir.

A UAD do Porriño ten a súa dirección na rúa Domingo Bueno, 15- sótano, atende diariamente de luns a venres en horario matinal e de xeito gratuíto. Ofrece tratamento integral personalizado e multidisciplinar.

Atende a persoas con calquera tipo de adicción, xa sexa de sustancias legais (tabaco, alcohol) ou ilegais (cocaína, cannabis, opiáceos, etc) así como ludopatias e outras adiccións e que pertenzan a calquera concello da nosa área sanitaria.

 

 

23/02/2021 in Alcaldía, Benestar, Servizos sociais

O Porriño conmemora o 3 de decembro, Día das Persoas con Discapacidade

A casa consistorial do Concello do Porriño, luce desde hoxe  unha lona realizada polas persoas usuarias de ACEESCA coa ocasión de conmemorarse o 3 de decembro o Día das Persoas con Discapacidade. Con este motivo, mañá iluminaremos a fachada do concello en verde.

Neste ano, 2020, o lema do Día das Persoas con Discapacidade, é “Un día para todos” porque, segundo preconiza unha declaración institucional do Concello, “a discapacidade forma parte da condición humana, xa que todas as persoas, nalgún momento da nosa vida, podemos experimentar unha discapacidade temporal ou permanente;  e a sociedade ten que estar preparada para iso”.

“As persoas con discapacidade son a minoría máis grande do mundo e adoitan ter máis dificultades que outros grupos a todos os niveis, especialmente no acceso á educación, ao mercado laboral e ás dificultades económicas”, engade a declaración municipal.

“E isto débese á falta de recursos que lles faciliten a vida, como o acceso ao transporte ou o acceso á información, en caso de discapacidade sensorial. Todo isto, xunto coa discriminación social que ás veces existe na súa contorna e a falta dunha lexislación adecuada, dificultan a vida das persoas con discapacidade. Amais, as persoas con discapacidade son máis vulnerables á violencia.  As nenas e os nenos, con discapacidade son 4 veces máis propensas a ser vítimas de violencia, do mesmo xeito que as persoas adultas con problemas mentais”, conclúe a declaración institucional.

02/12/2020 in Alcaldía, Benestar, Cultura e festas, Igualdade, Servizos sociais

INSTRUCIÓNS PARA SOLICITAR A CITA PREVIA PARA O REXISTRO XERAL

Lembramos que pódese acadar por teléfono, chamando ao número 986 335 000 e solicitando cita.

Ou a través desta páxina web, na pestana “sede electrónica” (non é necesario ter certificado dixital, só un correo electrónico), e seguir estas instrucións do proceso:

Acceda á páxina web do concello (www.oporrino.org)
Seleccione “SEDE ELECTRÓNICA”
Seleccione “CITA PREVIA”
Seleccione “Rexistro”
Seleccione a axenda “Rexistro 1”
Seleccione a data dispoñible que desexe
Seleccione o horario dispoñible que desexe
Seleccione “CONTINUAR”

Adxunta-mos un gráfico para visibilizar as instrucións.

02/07/2020 in Alcaldía, Benestar, Cultura e festas, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Turismo, Urbanismo, comercio e industria, Vías e obras

O goberno municipal propón a adhesión do Porriño ao “Centro de Acollida e Protección de Animais Abandonados”

O goberno municipal levará á consideración do pleno da corporación local, a adhesión do Concello do Porriño ao Servizo Provincial de Acollida de Animais Abandonados, dependente da Deputación de Pontevedra.

A proposta que realiza Sergio Casal, concelleiro responsable de Medio Ambiente, “suporía un importante aforro de cartos e de esforzos considerables para o Concello do Porriño que ata de agora ten que afrontar con medios propios e pagando a terceiros, estes servizos”, manifestou Casal. 

O custe de adhesión do Concello do Porriño ao Servizo Provincial, establecido en 0,40 céntimos por habitante, sería de aproximadamente 8.000 euros anuais. A cambio o Concello tería resolta a recollida de animais abandonados e vagabundos (basicamente can e gatos) todos os días do ano, así como a localización dos propietarios e a entrega do animal, e no caso contrario, o mantemento e coidado do animal nas instalacións de “CAAN” na Armenteira (Meis), ata que sexa dado en adopción.

A empresa pública “Tragsatec” é a encargada pola Deputación da xestión do CAAN (abreviatura de Centro de Acollida e Protección de animais abandonados). Dende 2014, primeiro ano de funcionamento do centro, tramitaron 1.900 adopcións de animais abandonados.

11/06/2020 in Alcaldía, Benestar, Parques e xardíns

O Porriño en fase 2: medidas de control no acceso ao Concello e reincorporación do persoal nos departamentos municipais

Dende hoxe luns 25, coa entrada de Galicia na fase 2 do plan de desescalada, o Concello do Porriño comeza unha progresiva normalización da súa actividade e servizos.

Unha das novidades é un pórtico de control de temperatura e medidas de hixiene para as persoas que accedan ao interior do edificio consistorial. Un conserxe encargase de controlar o acceso que debe ser perante cita previa.

Dende hoxe restablecese a atención persoal en cada un dos departamentos e negociados sempre con cita previa e cando non sexa posible resolver por teléfono ou vía telemática.

Para solicitar atención personalizada perante cita previa, compre que se teñan en conta os seguintes teléfonos:

-para Servizos Sociais, pedir cita no número 986 334621

-para a Unidade de Atención a Drogo dependentes (UAD), no 986 330861

-para a Policía Local, no 620 40 40 40

-para todos o demais servizos, a través de centraliña no número 986 33 5000

 

Hoxe reincorporouse a meirande parte da plantilla. Están exceptuados o persoal pertencente aos colectivos considerados vulnerables e aqueles outros, suxeitos a a algún dos supostos de conciliación.

25/05/2020 in Alcaldía, Benestar, Cultura e festas, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Turismo, Urbanismo, comercio e industria, Vías e obras

Acordo entre goberno municipal e sindicatos para a reincorporación por departamentos dos funcionarios e persoal do Concello


Goberno municipal e os representantes sindicais da plantilla de traballadores do Concello do Porriño subscribiron hoxe un acordo para a progresiva reincorporación de funcionarios e demais persoal a partir do vindeiro luns 25 de maio. A negociación rematou hoxe coa firmado do acordo que subscribiu Lourdes Moure, concelleira de Persoal, no nome do goberno municipal, e os delegados da xunta de persoal do Concello.

O documento establece o proceso de reincorporación por etapas que xa está a realizarse dende esta semana e que a partires do vindeiro luns 25 suporá a reincorporación da meirande parte da plantilla. Estarán exceptuados o persoal pertencente aos colectivos vulnerables e aqueles suxeitos a a algún dos supostos de conciliación.

Tamén a partires do vindeiro día 25, restablecerase a atención persoal en cada un dos departamentos e negociados sempre con cita previa e cando non sexa posible resolver por teléfono ou vía telemática.

Para solicitar atención personalizada perante cita previa, compre que se teñan en conta os seguintes teléfonos:
-para Servizos Sociais, pedir cita no número 986 334621
-para a Unidade de Atención a Drogo dependentes (UAD), no 986 330861
-para a Policía Local, no 620 40 40 40
-para todos o demais servizos, a través de centraliña no número 986 33 5000

O acordo firmado hoxe tamén determina que a unidade de Persoal do Concello facilitará aos traballadores o material de protección (máscaras, luvas e mamparas) que sexan necesarios e que ademais a disposición de mesas e cadeiras de traballo estarán redistribuídas para gardar a distancia de seguridade (2 metros) entre cada posto de traballo.
A tal fin, o Concello aplica as recomendacións da auditoría realizada pola firma “Cualtys” que supervisa o cumprimento das medidas de seguridade e hixiene no traballo.

19/05/2020 in Alcaldía, Benestar, Deportes, Limpeza, Servizos sociais, Urbanismo, comercio e industria, Vías e obras

A OMIX colabora coas actividades do 17 de abril, Día Europeo da Información Xuvenil

O Concello do Porriño, a través da OMIX (Oficina Municipal de Información á Xuventude), está a colaborar coas actividades do 17 de abril, Día Europeo da Información Xuvenil. A OMIX está a colaborar na difusión da actividade proposta pola Dirección Xeral de Xuventude, Participación e Voluntariado da Consellería de Política Social.

“Aínda que nestes momentos estamos confinados polo andazo do ‘Covid-19’ que isto non nos desanime e poidamos facer unha programación física para celebrar de xeito virtual esta data”, manifestou Cami Moreira, concelleira de Xuventude.

Deste xeito a OMIX apoia a campaña “Un minuto de información xuvenil” que propón que cada mozo e moza do Porriño grave e envíe un vídeo de 60 segundos no que resuma o que significa para ti a información xuvenil e o que se está a facer nese eido durante esta situación de confinamento.

Os vídeos poderanse enviar ao enderezo electrónico: información.xuventude@xunta.gal e serán colgados na conta de Instagram da Dirección Xeral de Xuventude da Xunta @xuventudegalicia , a partir do venres 17.

14/04/2020 in Alcaldía, Benestar, Cultura e festas, Educación e tecnoloxía, Igualdade

O Concello do Porriño sumase ao Plan de Formación de Xuventude durante a emerxencia sanitaria proposto pola Xunta de Galicia

A Concellería de Xuventude do Concello do Porriño anunciou hoxe que se suma ao “Plan de formación de xuventude e voluntariado durante a emerxencia sanitaria do COVID-19″, promovido pola Xunta de Galicia.

Segundo recolle a información recibida pola Concellería que dirixe Cami Moreira, o Plan está conformado por 18 cursos “on line”. Ofertan un total de 1.250 prazas. Están orientados á formación básica en materia de voluntariado, así como á formación especializada e específica en lingua de signos, coidado ambiental (cun especial fincapé na reciclaxe na casa); novas tecnoloxías ou voluntariado en situacións de emerxencia.

No ámbito da mocedade, as accións formativas centraránse no eido dixital, na comunicación, tempo libre e técnicas de mellora emocional. Poderán inscribirse a estes cursos personas xóvenes de entre 16 e 35 anos.

Os formularios de inscrición estarán disponibles a partir do mércores 8 e o prazo rematará o 13 de abril.

Deixamos o enlace para os/as interesados/as coa páxina web de Voluntariado Galego (Consellería de Política Social) con toda a información necesaria.

en la página web de Voluntariado


06/04/2020 in Alcaldía, Benestar, Cultura e festas, Igualdade, Servizos sociais