Benestar

Programa “Tecendo Lazos”: comeza o obradoiro de manualidades e moldeado “Faíno tí”

A partir deste venres 8 de novembro desarrollase o obradoiro de manualidades e moldeado “Faino tí” que se enmarca no programa “Tecendo Lazos”.
As sesións serán todos os venres, ata o 20 de decembro, entre as 17:00 a 19:30 horas, no Centro Cívico do Porriño (Rúa Domingo Bueno, nº 13 – 2º andar).

A Oficina Municipal de Información Xuvenil do Concello do Porriño en colaboración ca Deputación Provincial de Pontevedra, leva a cabo este obradoiro interxeneracional no que participan persoas de entre 6 e 80 anos. Algunhas das mesmas familias e de diversas xeracións (netas e netos, avoas e avós, fillas e fillos, nais e pais etc.).

Neste obradoiro realizaránse actividades de expresión plástica e traballos manuais a través da reciclaxe e da reutilización de materiais, co que se promoverá o respecto polo ambiente e o desenvolvemento da creatividade e da imaxinación, e ademais se fomentará o traballo en equipo entre todos os participantes.

07/11/2019 in Alcaldía, Benestar, Cultura e festas

Convocadas tres comisións informativas para preparar o vindeiro pleno municipal

Eva García, alcaldesa de O Porriño convocou para este xoves 24, de tarde, tres comisións municipais que deberán informar diversos asuntos para o vindeiro pleno da Corporación Local.

A primeira comisión será a de Economía, Facenda e Persoal (19 horas) que leva asuntos financieros de gran trascendencia pois trátase de desatascar o pago de facturas e servizos por un importe global de preto de 2.700.000 euros.

A tal fin propónse a aprobación definitiva de dous créditos extraordinarios para aboar 1.738.000 euros de facturas da conta 413 e para pagar 473.000 euros para facturas que xa contan con sentencias xudiciais favorables.

Ademáis propónse para aprobación inicial, un crédito extraordinario por importe de 468.000 euros para satisfacer a débeda con “Eulen” pola prestación de servizos na piscina municipal.

Asimesmo levanse a esta comisión a ratificación definitiva da Relación de Postos de Traballo (RPT) do Concello do Porriño que fora aprobada en maio polo pleno municipal. E tamén vai a esta comisión a ratificación da partida orzamentaria para os salarios dos membros do goberno municipal (modificación da base 27 dos orzamentos municipais prorrogados).

Por último o grupo EU Son traslada a esta comisión informativa dúas mocións, unha delas relativa a operación de renting de renovación do parque móbil municipal cuia revisión prantexa.

Comisións de Limpeza e Servizos Sociais

A seguinte Comisión Municipal convocada para mañá xoves (19,30 horas) é a de Limpeza, Parques e Xardíns que informará sobre a aprobación dos costes do servizo de recollida de lixo así como do Punto Limpo do Concello do Porriño. Tamén vai nesta comisión a ratificación da adxudicación do servizo de limpeza viaria á firma “Ascan”.

Finalmente haberá unha terceira comisión municipal, de Servizos Sociais e Igualdade (20 horas) que tan só leva na orde do día a adxudicación do servizo de axuda no fogar (SAF).

23/10/2019 in Alcaldía, Benestar, Limpeza, Parques e xardíns

O pleno ordinario de setembro marcado polo cambio climático

A corporación local do Porriño aprobou ata tres mocións diferentes para expresar a súa preocupación pola situación de emerxencia climática que terá expresión na participación o vindeiro venres na Xornada Mundial contra o Cambio Climático. Escolares e estudantes de todos os centros de ensino do Porriño concentraránse ante o consistorio a mediodía e contarán coa adhesión do Concello.
As mocións aprobadas polo pleno municipal son coincidentes no seu corpo argumental ainda que teñen matices. Foron presentadas polo PP, BNG e EU Son.

No que atinxe a outros asuntos, a petición de realizar cambio de sentido do tráfico na rúa Salgueira, prantexada por EU Son desestimouse.
A moción presentada polo PP sobre un suposto incumprimento de contratos da empresa “Ascan Servicios Urbanos” quedou enriba da mesa, a proposta do propio voceiro popular. Alejandro Lorenzo argumentou que prefería pospoñer o debate ata disponer “dun informe que revise os contratos o seu grado de cumprimento”.


Por unanimidade aprobouse establecer como os dous festivos locais no calendario laboral de 2020, o luns 13 de xullo (porque San Bieito caerá en sábado) e o 28 de setembro, Luns do Cristo.
Nesta sesión despidiuse como concelleira Ana Belén Crespo, do grupo municipal do BNG o que se comunicará á Xunta Electoral para iniciar o proceso de sustitución por outra integrante da candidatura do partido nacionalista.

25/09/2019 in Alcaldía, Benestar, Educación e tecnoloxía, Limpeza, Parques e xardíns, Tráfico

Convocada para o venres 20 Comisión Municipal previa ó pleno ordinario de setembro

Esta mañan a alcaldesa Eva García firmou e comunicouse a convocatoria da Comisión Municipal previa ó Pleno da Corporación Local de Porriño. A comisión informativa convocada é a de Parques, Xardíns, Limpeza, Industria e Mercados. Reuniráse o venres 20, ás 19 horas.
Deberá informar sendas mocións. Unha presentada polo PP que prantexa un suposto incumprimento de contratos da empresa “Ascan Servicios Urbanos” polo que na súa dispositiva propon que “o Servizo de Contratación do Concello revise os contratos adxudicados a Ascan” e por outra banda “instar á empresa a realizar un informe sobre o cumprimento das súas ofertas nas respectivas licitacións”.

A outra moción que deberá informar a Comisión Municipal foi presentada polo BNG e atinxe á movilización mundial convocado para o vindeiro 27 de setembro polo clima. A moción do Bloque prantexa que a Corporación acorde apoiar a movilización do vindeiro día 27. Asimesmo a moción solicita que o Concello de Porriño acometa diversas iniciativas como reclamar á Xunta de Galicia que desenvolva un marco lexislativo de estratexias concertadas con todos os axentes para loitar eficazmente contar o cambio climático e crear un gabinete de acción en coordinación con outras institucións fronte á emerxencia climática”.

Ambas mocións e outras que xa foron informadas con anterioridade formarán parte da orde do día do pleno ordinario de setembro da Corporación Local que vaise celebrar o mércores 25.

18/09/2019 in Alcaldía, Benestar, Educación e tecnoloxía, Limpeza, Parques e xardíns

O CONCELLO DO PORRIÑO ENTREGA A “AFAGA” UN NOVO VEHÍCULO ADAPTADO

Este mediodía o Concello do Porriño fixo entrega á asociación “AFAGA” dun novo vehículo adaptado para persoas que padecen demencias “o que supón para nós un motivo de ledicia” manifestou Juan Carlos Rodríguez, presidente da Asociación de Familiares de Enfermos de Alzheimer de Galicia.
Na roda de prensa na que compareceron directivos de “AFAGA” e os concelleiros de Servizos Sociais, David Alonso e de Medio Ambiente e Comercio, Sergio Casal, o presidente da devandita asociación suliñou que “Porriño para AFAGA é un concello de referencia, moi especial e fundamental. Eiquí abrimos hai catorce anos o primeiro centro de día fora das grandes cidades de Galicia, constituindo un exemplo para todos os demais concellos e que derivou finalmente na unidade terapéutica que temos na rúa Pilar que funciona de mañán e tarde”, dixou Juan Carlos Rodríguez.
O presidente de “AFAGA” sinalou que nas conversas que mantemos co Concello do Porriño “albiscamos unha nova liña de cooperación co establecemento dun programa de estimulación cognitiva e funcional para persoas con demencias en fase inicial ou leve”.
Nese senso o concelleiro de Servizos Sociais “agradeceu a inmensa labor que fai AFAGA” e engadiu “qué maior honra para un concello que colaborar coas organizacións e asociacións que traballan contra esta enorme lacra das infirmidades neurodexenerativas”, manifestou David Alonso. O actual concelleiro tivo unha lembranza “de recoñecemento para a miña predecesora, Soledad Girón, pola súa laboura neste eido”.
A achega do Concello foi de 21.000 euros para a compra e adaptación do vehículo o que supón o 57% do custe total da furgoneta. Segundo o concelleiro de Servizos Sociais en breve “estableceremos con “AFAGA” novas liñas de cooperación”.

17/09/2019 in Alcaldía, Benestar, Servizos sociais

A concelleira de Educación mantivo ante a Anpa da “Galiña Azul” de Torneiros e a representante da Xunta de Galicia que o Concello “cumpriu” coas obras de reforma

Lourdes Moure, concelleira de Educación asistiu esta tarde a unha reunión coas Anpas das garderías de Porriño. Un encontro no que apareceu Carmen García Campelo, xerente adxunta do Consorcio Galego de Servizos Sociais de Igualdade e Benestar, cuia participación non estaba prevista, a raíz do contencioso xurdido coa “Galiña Azul” de Torneiros.
A concelleira mantivo que o Concello do Porriño “ten cumprido co proxecto inicial de reforma que foi aceptado polo Consorcio con data 14 de agosto, case que un mes despois de que fora remitido polo Concello á Xunta de Galicia”.
Lourdes Moure repitiu que o Concello do Porriño “fixo en en dúas semanas esas obras de mellora pero o Consorcio comezou a poñer reparos, trabas e pedir máis cousas que non estaban no proxecto nin contaban con orzamento”. “A pesar de eses atrancos, o Concello vai rematar o sábado coas obras de reforma, incluidas as ampliacións exisidas polo Consorcio, e a partir do vindeiro luns 16, despois da limpeza xeral da gardería, a Xunta deberá decidir cando abre a Galiza Azul de Torneiros”, rematou Lourdes Moure.


A concelleira evitou entrar en polémicas nin con a presidenta e directivos da Anpa da “Galiña Azul” de Torneiros nin coa xerente adxunta do Consorcio.
Antes de abandonar a reunión unha vez explicada a versión do Concello de Porriño, a concelleira avisou á representante da Xunta de que “a partir de agora será a administración autonómica que é a titular da gardería, a que deberá de contratar e executar calquera outra obra ou mellora nesa instalación”, rematou Lourdes Moure.

12/09/2019 in Alcaldía, Benestar, Educación e tecnoloxía, Servizos sociais, Vías e obras

Os concellos do Porriño e Tomiño colaboran na mellora das políticas de infancia nos seus territorios

Os Concellos de Porriño e Tomiño, ambos declarados “Cidades Amigas da Infancia” pola UNICEF, van colaborar mutuamente en políticas para os nenos e nenas nos seus territorios. Así estableceuse despois dunha primeira reunión de traballo que mantiveron na casa consistorial porriñesa.

A alcaldesa de Porriño, Eva García acompañada pola concelleira de Educación Lourdes Moure recibiron á Concelleira de Xuventude do Concello de Tomiño Fátima Rodríguez. Na reunión de traballo, na que participou tamén persoal técnicos de ambos concellos, acordouse compartir información, resolver dúbidas e por en común o traballo que se está a realizar en cada concello en materia de infancia.

A representación de Porriño explicou polo miúdo as boas prácticas que están a desenvolverse desde o Concello no ámbito da participación infantil e adolescente. A colaboración con Tomiño é unha posibilidade que pode implementarse noutras localidades para traballar de xeito coordinado con outros concellos que foron tamén recoñecidos en 2018 como “Cidades Amigas da Infancia” por parte de UNICEF, como por exemplo Redondela.

06/09/2019 in Alcaldía, Benestar, Educación e tecnoloxía

As obras de reforma e mellora da “Galiña Azul” de Torneiros realizaronse en quince días costeadas polo Concello

As obras de reforma de espazos e mellora da gardería de Torneiros, vencellada a rede “Galiña Azul” da Xunta de Galicia, están prácticamente rematadas como hoxe comprobou unha comitiva municipal encabezada pola alcaldesa, Eva García e a concelleira de Educación, Lourdes Moure.
En presenza das responsables e persoal da gardería así como de algunas nais que estaban a colaborar en tarefas de limpeza, a comitiva municipal comprobou o resultado das obras. Na zona dos nenos de 0 e 1 anos e de 1 e 2 habilitaronse novos espazos de baños, lavabos e cambiadores así como novo mobiliario. Asimesmo se habilitou outra nova dependencia, unha “aula de soño” e se renovaron instalación eléctricas e de fontanería.

Restan remates entre eles a cubrición dos dous areneros do xardin exterior onde xogan os nenos que se fará entre hoxe e mañá.
Por outra banda tamén pintaronse aulas e espazos común e se instalaron detectores de fume e outras medidas de seguridade recomendadas polo Consorcio Galego de Servizos de Igualdade e Benestar. Esta administración, dependente da Xunta de Galicia otorgou luz verde ó proxecto o pasado 14 de agosto razón pola que as obras empezaron o festivo 15 e os traballos tiveron que realizarse en dúas semanas.
O Concello de Porriño enviará a persoal para que faga a limpeza xeral das instalacións a fin que se poida abrir a Galina Azul de Torneiros para o vindeiro xoves día 5.
O custe final das obras é de 48.054 € que son aboados polo Concello de Porriño con cargo á partida de cofinanciación coa Xunta de Galicia.

02/09/2019 in Alcaldía, Benestar, Servizos sociais

O goberno municipal de Porriño lamenta a deslealdade institucional tanto do conselleiro de Sanidade como do voceiro do PP local

O goberno municipal de Porriño lamenta a deslealdade institucional e as malas formas do conselleiro de Sanidade da Xunta de Galicia e do voceiro municipal do PP local que polo afán de protagonizar unha foto, traizoaron o procedemento que rixe as relacions entre institucions. Neste caso entre o Concello do Porriño e a devandita Consellería.

A Alcaldía de Porriño ainda está agardando que o gabinete do conselleiro de Sanidade fixe a data na que o señor Vázquez Almuiña tiña pensado vir a nosa vila a escenificar coa alcaldesa Eva García a firma do convenio e realizar o anuncio oficial dos trámites para licitación das obras de ampliación do Centro de Saude. A elección desa data leva tempo “pendente da axenda do conselleiro”, segundo o seu gabinete.

Tivera sido máis lóxico que Jesús Vázquez Almuiña e Alejandro Lorenzo reuniranse nunha sede do PP para interpretar este teatrillo político motivado polo exclusivo interese deste partido de significarse como pretendida oposición activa nun concello onde ainda non asumiu que estará outros catro anos máis na oposición.

O Concello do Porriño xa fixo a súa parte: enviou a aceptación das condicións do borrador, axeitadamente suscrito pola alcaldesa polo que a administración municipal cede gratuitamente a parcela onde se planifica a ampliación do Centro de Saude e comprometese a aportar accesos, aparcamento e suministros.
Agardamos da Consellería de Sanidade e do seu titular que visite Porriño e complete a súa parte. Que firme o convenio e informe a todos os representantes elixidos polo pobo porriñes dos prazos, características e orzamento da desexada ampliación do Centro de Saúde que demandamos dende hai unha década.

14/08/2019 in Alcaldía, Benestar, Servizos sociais

A Xunta de Galicia confirma ó Concello a subvención para o obradoiro de emprego “Porriño Xove”

A Xunta de Galicia, a través da Consellería de Economía, Emprego e Industria  ven de confirmar ó Concello a concesión dunha subvención de 180.021 € para a realización do obradoiro de emprego denominado “Porriño Xove”. Dezaseis aspirantes serán seleccionados como alumnos traballadores nas seguintes especialidades formativas: a metade dos seleccionados cursarán atención sociosanitaria a persoas dependentes en institucións; e os outros oito seleccionados formaránse en operacións de gravación e tratamento de datos da Concellería de Emprego en Torneiros.

As 8 personas que se formen para atención socio-sanitaria a persoas dependentes en institucións sociais, deben ter como requisito indispensable o título da ESO.

O Concello canalizará estes cursos a través do departamento “Porremprego”. Trátase de contratos de formación e aprendizaxe que terán unha duración prevista de 6 meses. As actividades formativas impartiránse dende o vindeiro 30 de setembro ata o 29 de marzo de 2020. Pretendese formar a 16 persoas desempregadas menores de 30 anos e que estean anotados no Sistema de Garantía Xuvenil.

Todas as persoas desempregadas que cumplan cos devanditos requisitos e que estean interesadas en formar parte do alumnado deste OBRADOIRO DE EMPREGO “PORRIÑO XOVE”, deberán acudir á oficina de emprego do Porriño e anotarse en Obradoiros. As persoas que non estean inscritas no Sistema de Garantía Xuvenil poderán inscribirse no mesmo día que solicitan anotarse en Obradoiros.

13/08/2019 in Alcaldía, Benestar, Emprego e formación, Sen categoría