Alcaldía

Programa “Tecendo Lazos”: comeza o obradoiro de manualidades e moldeado “Faíno tí”

A partir deste venres 8 de novembro desarrollase o obradoiro de manualidades e moldeado “Faino tí” que se enmarca no programa “Tecendo Lazos”.
As sesións serán todos os venres, ata o 20 de decembro, entre as 17:00 a 19:30 horas, no Centro Cívico do Porriño (Rúa Domingo Bueno, nº 13 – 2º andar).

A Oficina Municipal de Información Xuvenil do Concello do Porriño en colaboración ca Deputación Provincial de Pontevedra, leva a cabo este obradoiro interxeneracional no que participan persoas de entre 6 e 80 anos. Algunhas das mesmas familias e de diversas xeracións (netas e netos, avoas e avós, fillas e fillos, nais e pais etc.).

Neste obradoiro realizaránse actividades de expresión plástica e traballos manuais a través da reciclaxe e da reutilización de materiais, co que se promoverá o respecto polo ambiente e o desenvolvemento da creatividade e da imaxinación, e ademais se fomentará o traballo en equipo entre todos os participantes.

07/11/2019 in Alcaldía, Benestar, Cultura e festas

A maioría da corporación acorda deixar enriba da mesa a decisión sobre o terreno para o centro de formacion de “Aceesca”

A maioría da corporación municipal cos votos do PSOE, BNG, EU Son e Manuel Carrera acordou deixar enriba da mesa a decisión sobre o terreno que solicita a asociación “ACEESCA” para construir o seu centro de formación dual.
Fronte a proposta do Partido Popular que pretendía que se acordara hoxe a cesión do solar de propiedade municipal no Polígono Industrial de A Granxa, os demáis grupos consideraron máis axeitado “tratar o asunto coa serenidade necesaria e barallar todas as posibilidades”, segundo manifestou Pedro Pereira. O voceiro do BNG adiantou que “en canto asuma as miñas futuras delegacións no goberno municipal, falaremos con “ACEESCA”, cos veciños de Casal-Budiño e miraremos a posibilidade do terreno do polígono que podería valer pero tamén pode haber outras opcións máis acaídas”.
Nesa mesma liña a alcaldesa Eva García abogou por “rebaixar tensións, tender pontes e retomar o diálogo entre esta Alcaldía e Aceesca que non pasa polo seu mellor momento”.
A alcaldesa anunciou que en virtude do pacto de goberno municipal “a decisión final sobre o terreno adoptaráse pola corporación xa que delegarei no pleno as decisións sobre venda, permuta ou cesión de terrenos e patrimonio municipal”.

A sesión plenaria foi de carácter extraordinario, solicitada pola oposición para instar a execucion de diversos expedientes de licitación como piscina municipal, recollida e transporte de lixo; servizos de informática, telecomunicacións; suministro eléctrico e mediateca municipal. O goberno municipal informou do estado de tramitación dos diversos expedientes. O voceiro popular, Manuel Alejandro Lorenzo e voceira do grupo socialista, Lourdes Moure protagonizaron a meirande parte dos debates.
Precisamente outros dos acordos deste pleno, adoptado por unanimidade foi solicitar a comparecencia de Lourdes Moure, na sua condición de concelleira de Fazenda, Persoal e Seguridade que se producirá na seguinte sesión plenaria que celebre a corporación. Solicitaselle que informe da operación de renting para a renovación do parque móvil municipal e das adquisicións polo Concello do local para a futura sede da UNED e doutros catro locais máis na rúa Antonio Palacios.

06/11/2019 in Alcaldía, Deportes, Educación e tecnoloxía, Urbanismo, comercio e industria, Vías e obras

O Concello recoñece a atleta e funcionaria municipal Ana Belén Gómez polo seu papel na Maratón de Chicago

Ana Belén Gómez recibiu hoxe de mans de David Alonso, concelleiro de Deportes, unha metopa que recoñece o papel que fixo a atleta porriñesa na recente maratón de Chicago. Ana Belén, que é ademáis funcionaria municipal, fixo unha marca de 3 horas, 10 minutos e 13 segundos para completar os 42 kilómetros.
Finalizou decimoquinta no seu grupo de idade e como primeira española. Hai que lembrar que nesta pasada “2019 Chicago Marathon Bank of América” compitiron 45.000 corredores, perto da metade mulleres.

“O crono que fixo é dunha marca excelente para unha atleta senior; hai que ter en conta que o record de España feminino absoluto está en 2:26:51” ponderou David Alonso.
Ana Belén Gómez ten 45 anos, leva 5 adicada ó maratón e para preparar a proba de Chicago disputada o pasado 13 de outubro, fixo unha preparación específica durante os 4 meses anteriores. Antes de adicarse ó atletismo fixo baloncesto e montañismo. No Concello de O Porriño traballa no departamento da Secretaría Xeral.

05/11/2019 in Alcaldía, Deportes

A “RPT” DO CONCELLO PASA O SEU ÚLTIMO TRÁMITE PARA ENTRAR EN VIGOR O 1 DE XANEIRO DE 2020

A administración municipal de O Porriño remitiu á Deputación o texto da Relación de Postos de Traballo (RPT) do Concello para a súa publicación en el Boletín Oficial da Provincia (BOPPO), requisito imprescindible para completar a aprobación definitiva deste documento. Non obstante a súa entrada en vigor será diferida conforme pactaron comité de persoal e goberno municipal. Será a partires do 1 de xaneiro de 2020.
A “RPT” establece que a plantilla do Concello sexa de 105 traballadores máis 20 que serían de nova creación. Determina o organigrama administrativo e establece doce departamentos.
Lourdes Moure, concelleira de Persoal e Fazenda valorou que “deste xeito resolvese unha eiva despois de 15 anos de enquistamento con gobernos e alcaldes anteriores”.
“Estamos diante da primeira Relación de Postos de Traballo (RPT) do Concello que iguala ós funcionarios de O Porriño cos concellos limítrofes tanto en tarefas coma en retribucións”, suliñou a concelleira Moure Varela, que lembrou que “tratase de un feito histórico xa que regulará tanto as tarefas coma as retribucións dos funcionarios como do persoal laboral”.
A aprobación inicial da RPT realizouse no pleno municipal do 6 de maio e a definitiva na recente sesión do 30 de outubro. En ambos casos por unanimidade. Ó respecto Lourdes Moure díxou que “boa proba de que fixemos os deberes é que o comité de persoal agradeceu a a esta concelleira o traballo feito ata acadar este acordo unánime”.
O catálogo de postos de traballo e organigrama municipal negociouse polo goberno municipal coa xunta de persoal. Os delegados de UXT, CCOO, CIG e CSIF aprobaron o documento por unanimidade.

05/11/2019 in Alcaldía, Emprego e formación

Excelentes sensacións despois do primero fin de semana do “Pinchorriño”

Hostaleiros participantes, a asociación patronal “ACIPOR” como organizadora e o concelleiro de Comercio, Sergio Casal comparten “excelentes sensacións” despois do primeiro fin de semana do “Pinchorriño”. Segundo a Asociación de Comercientes e Industriais de O Porriño os 36 locais participantes neste evento gastronómico tiveron unha grande afluencia a pesares da mala climatoloxía.

“Algún deles ó venres tarde xa fixo 500 tapas, ainda que a media foi de 300 a 400 consumicións por día e establecemento”, apuntaron desde “ACIPOR”.

Lembremos que a consumición mínima é de 1,50 € e que as tapas servense os venres e sábados entre as sete da tarde e as once da noite, ó longo de novembro. 
Os clientes que participan reciben unha papeleta. Por cada catro consumicións selladas nos establecementos participantes poden concurrir nun sorteo que este ano repartirá catro cheques compra no comercio local por importe de 100 euros cada un e, ademáis como novidade, unha cesta de productos que regala “El Ultramarino”, valorada en 150 €.

“ACIPOR” informou que encargara a impresión de 18.000 trípticos do “Pinchorriño” que conteñen o pasaporte e que se distribuen a través dos 36 establecementos  participantes. 

Pola súa banda Sergio Casal, concelleiro de Comercio expresou “a satisfaccion do Concello pola dinamizacion que supón para a vila a celebracion do Pinchorriño que permete converter un mes morto como era novembro no mellor mes para o sector de hostalaría de Porriño”. 

 

04/11/2019 in Alcaldía, Cultura e festas, Turismo

Actividades na Biblioteca Municipal: hoxe “Wiki-Maratón” e mañá Obradoiro de Ciencia para escolares

Esta tarde celebraráse o “Wiki-Maratón” a partir das 16 horas e ata as 20 horas.
Trátase dun evento de edición colectiva e simultánea en Wikipedia, aberto ó público, no que persoas con distintos niveis de experiencia reunense para crear ou mellorar artigos usado fontes previamente recopiladas.

Por outra banda, mañá día 5 comezará o Obradoiro de Ciencia para escolares que terá lugar os martes e xoves de novembro.
Trátase dunha actividade concertada cos centros escolares de O Porriño que se imparte martes e xoves de novembro en horario matinal de 11,15 a 12,45 horas.
Este Obradoiro de divulgación científica realizase con motivo da conmemoración do Mes da Ciencia en Galego nas Bibliotecas.
A Biblioteca Municipal do Porriño para difundir os seus recursos no ámbito científico, para dar a coñecer figuras galegas importantes no mundo da ciencia e para levar a cabo este curso de ciencia para escolares.
Dende o 2014 celebrase cada novembro como Mes da Ciencia en Galego nas Bibliotecas.
Cada ano pídese a un científico ou a unha científica do país a redacción dun manifesto que se edita e distribúe a través dos medios web das bibliotecas. A científica Alicia Estévez Taranzo, microbióloga, académica da RAGC e da RAFG e premio María Josefa Wonenburger Planells (2018), foi a encargada de escribir o manifiesto deste ano. A científica resalta a importancia das bibliotecas “para que moitos dos coñecementos rigorosamente contrastados sexan accesibles ao público”.

04/11/2019 in Alcaldía, Cultura e festas, Educación e tecnoloxía

O CONSORCIO DE AUGAS DO LOURO ANUNCIA O INICIO DE OBRAS DE MELLORA EN DISTINTAS INSTALACIÓNS

O Consorcio de Augas do Louro anuncia que iniciará esta semana a execución de diversas obras de mellora nas instalacións existentes que se van realizar en O Porriño e Salceda.
As actuacións no Porriño serán en As Insúas e no PPI 7. No primeiro enclave vaise instalar un sistema automático de desbaste e telesupervisión, unha gabia filtrante e melloras na urbanización da fosa séptica. de tal xeito que se garanta o cumprimento da calidade da auga depurada e vertida ao medio receptor. O importe das actuacións será de 27.457,32 euros.

No Polígono PPI 7, os traballos que van acometerse consisten na consolidación e gran reparación da estación de bombeo de auga residual situada no polígono que contempla o saneo do terreo e mellora da drenaxe e impermeabilización do pozo, a renovación de diversos equipos electromecánicos e a instalación dun sistema de comunicacións para telesupervisión da instalación. O importe dos traballos ascende a 36.893,29 euros.

No concello de Salceda, o Consorcio de Augas do Louro acometerá a renovación de 330 metros de tubería na rede de abastecemento no barrio de A Pedra para garantir a presión e continuidade do servizo e a execución dunha caseta con ventilación forzada e novos depósitos de hipoclorito e regulación de pH no depósito de auga potable de Bouzavedra, en Salceda. O importe dos traballos será de 35.713,07 euros.

Estes traballos son continuidade dunha programación que o Consorcio comezou en 2014 coas importantes reformas realizadas na potabilizadora do Concello de Tui por valor de mais de 200.000 euros, as realizadas no Concello de Mos para eliminación de verteduras e reformas de instalacións de abastecemento por importe superior aos 70.000 € e outras inversións realizadas nos catro concellos por importe superior aos 400.000 euros.

04/11/2019 in Alcaldía, Urbanismo, comercio e industria

Concello e AAVV ‘O Castelo’ firmaron o convenio para adquirir os terrenos do futuro centro social de Cans

A Alcaldesa Eva García e o concelleiro David Alonso, na súa condición de presidente da Asociación de Veciños “O Castelo” firmaron o convenio polo que o Concello de O Porriño subvencionará con algo máis de 62.000 euros a esta entidade para que adquira os terrenos para o futuro centro social de Cans.
Tratase dunha vella aspiración desta parroquia porriñesa que está vencellada ó cobro dos cartos que abonou ó Estado á administración municipal polas expropiacións de terrenos afectados pola construcción da Autovía A-52. Ese cartos ingresados polo Concello de O Porriño en 2008, ainda non se pagaran de xeito que a solución ideada consistiu na firma deste convenio.
O Concello abonará a achega en dous prazos (80% e 20%) ata totalizar a cifra final de 62.365,15 €. O diñeiro será empregado na adquisición dos terrenos para a futura casa cultural/centro social. Son cinco parcelas próximas ó torreiro de festas de Cans.

31/10/2019 in Alcaldía

Aprazada polo mal tempo a cuarta quenda do curso de conducción segura promovido polo Concello

A Xefatura da Policía Local que coordina o curso “Conduce con xeito” anunciou o aprazamento da cuarta quenda que debería celebrarse este vindeiro sábado día 2, ante a previsión de mal tempo que hai.

A quenda non se perderá senon que será trasladada a outra data, segundo indicou o inspector xefe da Policía.

Ata de agora por este curso de conducción segura, gratuito e patrocinado polo Concello  cos cartos das multas de tráfico, pasaron ó redor de 60 veciños e veciñas de O Porriño.

Catro pilotos de rally, entre eles Ivan Ares e José Pintor, campeóns de España en 2017, xunto cos locais David Gónzalez, de Porriño e o mosense Miguel Rodríguez imparten as súas ensinanzas nas partes teórica e prática deste curso. Ademaís colaboran varios axentes da Policía Local do Porriño que coordina a intendencia e loxística deste curso, baixo a dirección da concelleira de Seguridade, Lourdes Moure.

Os participantes se seleccionan por grupos de idade e de xeito paritario ó longo dos meses de outubro, novembro e decembro, sempre en sábados.

31/10/2019 in Alcaldía, Tráfico

O GOBERNO MUNICIPAL ACADA DESBLOQUEAR O PAGO DE FACTURAS

O goberno municipal de Porriño cos votos dos concelleiros do PSOE, BNG, EU Son e Manuel Carrera acadou desbloquear parte dos pagos pendentes de facturas que se viñan arrastrando desde hai tempo. Do total que se levaba a aprobación plenaria acadouse aprobar ós pagos de case que 1,7 millóns.
Os acordos económicos foron o aspecto máis sobranceiro do pleno municipal ordinario de outubro que se celebrou onte anoite cunha duración de tres horas e media e vinte asuntos na orde do día.
A tal fin aprobaronse dous créditos extraordinarios para ir pagando 1.738.000 euros de facturas da conta 413 e para abonar 473.000 euros de facturas que xa contan con sentencias xudiciais favorables.
Ademáis aprobouse outro crédito extraordinario por importe de 468.000 euros para satisfacer a débeda con “Eulen” pola prestación de servizos na piscina municipal.
Mediante os acordos plenarios aprobados na sesión de onte anoite, serán pagadas asimismo unha primeira remesa de facturas incluídas na conta “413”. Abonaránse 389.000 € polos traballos de descontaminación do lindano; 202.000 € a “Naturgy” por suministros eléctricos; 119.000 € a “Eulen” por traballos na piscina municipal e 10.800 € ó Consorcio de Augas do Louro.
A cantidade restante ata completar a partida de 1.738.000 euros quedou pendente de completar os informes para ser levada en breve a un pleno extraordinario que se celebrará no vindeiro mes de novembro segundo anunciou Eva García, alcaldesa de O Porriño.

No transcurso do pleno aprobouse por unanimidade, de xeito definitivo, a Relación de Postos de Traballo (RPT) do Concello do Porriño feito que agradeceron funcionarios municipais presentes no salón de plenos cun aplauso ós corporativos.

Tamén aprobaronse por unanimidade a adxudicación do servizo de axuda no fogar (SAF); os costes do servizo de recollida de lixo así como do Punto Limpo do Concello do Porriño e a partida orzamentaria para os salarios dos membros do goberno municipal (modificación da base 27 dos orzamentos do Concello). Precisamente nesta sesión tomou posesión do seu escano e estreouse a nova concelleira do BNG, Cami Moreira.

Polo contrario quedou pendente a ratificación da adxudicación do servizo de limpeza viaria á firma “Ascan” que será levada a un próximo pleno municipal.

Noutra orde de cousas acordouse nomear ós representantes do Concello de O Porriño para a Comisión Especial de deslinde co Concello de Mos. Finalmente a proposta da alcaldesa e coa conformidade dos restantes grupos municipais, o PP integrará unha concelleira, Antía Carrera á devandita comisión. Os restantes representantes serán Eva García (PSOE), Pedro Ocampo (EU Son), Pedro Pereira (BNG) e Manuel Carrera (UDDL), todos eles ratificados polo pleno corporativo.

Entre as mocións debatidas aprobouse por maioría a proposta por EU Son para revisar o contrato de renting para renovación do parque móbil municipal ainda que o asunto quedou supeditado a comparecencia da concelleira de Seguridade nun vindeiro pleno extraordinario que se vai celebraro o mércores 6 de novembro. Tamén por maioría acordouse implementar unha achega extraordinaria ó Porriño Baloncesto Base así como ós clubs de futbol de Mosende e Budiño e á asociación de enfermos de silicose.
E por unanimidade a corporación porriñesa acordou solicitar á Consellería de Educación a reforma integral ou ben a construcción dun novo edificio para o CEIP Fernández López que xa ten 40 anos de antiguidade.

31/10/2019 in Alcaldía, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Urbanismo, comercio e industria, Vías e obras